من مثلك

Part 14

Part14
امممم مرت الايام وتحدد عرسي بعد ثلاث اشهر بعد اصراري انه اخلص الدراسه ..ابتعدت عن احمد صرت فقط اني اكلمه جوال ...وبديت اهتم اكثر ف نفسي واشتري اغراضي ...واحاول ما اطلع لاحمد لانه يعمل ف جناحي انا و اهو ....مره اتصل فيني ورديت عليه
:هلا حبيبي
:اهلين ...شتسوين
:ابد اضبط المناكير خالتي راح تجي البيت اهي وبناتها...وانت؟
:واحد من الشباب اتصل فيني يبغاني اروح معه لان معه قروب سياحي  ع يخت ومايعرف يتكلم انجليزي
:اها انت المترجم هههههههههه
:ايوه انا المترجم ههههههههههه
:خلاص حبيبي انتبه لنفسك ولا تنسى الاذكار
:وانتي بعد
مر الوقت واجت خالتي وبناتها وبدت السوالف والضحك ...صرت قريبه من بنات خالتي بشكل مو طبيعي ...كل شي معهم وحتى انهم يساعدوني ف اغراضي ...اذن العشاء ودخلت اصلي خلصت صلاه طلعت للصاله الا و امي وخالتي وجهم مقلوب
:بسم الله ...شفيكم؟
ماما:ولاشي
مشيت للطاوله اخذ فطاير وتلفوني بيدي
ماما:لاري ماما اعطيني جوالك
استغربت:ليه ؟
ماما :ابغى اتصل ف ابوك
:وين جوالك انا اجيبه لك
رن جوال ماما ردت:بشرني....ايوه ايوه ...(طالعت فيني)ايوه ...لا اله الا الله ...معرف تعال انت ...خلاص طمني بعد ...طيب ..ربي يحفظك
بين ماما تتكلم كنت اقول لبنت خالتي :شفيها امي؟؟ احد صاير له شي؟
:ما اعرف
:ماما شفيك احد صاير له شي؟؟
اقتربت ماما مني :اممممم معرف شقول لك
خفت:خير
ماما تحاول تتماسك :ابوك اتصل عليي وعلمني بانه احمد احترق
طالعت فيها احاول استوعب اللي تقوله كيف احترق وهو من شوي يصور لي سناب...لحظه احاول استوعب احمد احترق
:كيف احترق؟
ماما تحاول تقوي نفسها:بعد ماطلع الاجانب من اليخت فضل اهو وصديقه يرتبون اليخت معرف اللي صار كانه به شوط بالاسلاك وجاء عليه مويه بالغلط انفجر بهم واهم داخل القارب قدر احمد يهرب ويسحب صاحبه لين برى اليخت
:فيه شي؟
ماما:طلع من اليخت والنار تاكل فيه اهو صديقه ولحق عليه الاجانب اللي معم وطفوا النار اللي عليهم ...بس ما اعرف وضعهم.
:كيف ما تعرفي؟
وقفت بسرعه وركضت لبست عباتي وحجابي وكضت للسواق مسكتني ماما
:لوين ؟؟
:بشوف احمد
:وين تروحين المستشفى كله رجال
:مايخصين مايخصني....اي مستشفى
:............................
صرخت :اي مستشفى
ماما:اصبري اللبس واجي معك
اتصلت ع بابا :بابا
:هلا حبيبتي
:انتم ف اي مستشفى
: (**************)
ركبت مع السواق ومشيت للمستشفى دخلت الطوارء الا الكل مجتمع بابا عماني جدي ...عيال عمي رجال وشباب اول مره اشوفهم ...مشيت لبابا ومسكت يده ...طالع فيني وضمني لصدره ...احسني بعدني مصدومه من اللي يصير ...طالعت ف مهند وجهه احمر كانه بكاء ...رجعت لصدر ابوي وبكيت بكيت وهو يشد من حضنه وانا بس ابكي ...ماعندي شي اقوله احس مو قادره اوصف لكم شعوري بذاك اليوم.
:ما تخافي باذن الله راح يصير بخير
:بابا لو مات احمد والله راح اموت وراح والله
ضمني:ااشششششششش عمرك وعمره طويل
:شصار ؟؟؟ حالته صعبه؟
بابا:حروق قويه فيه اهو وصاحبه ...للحين الدكتور ابد ما طمنا
نزلت دموع ابوي
:شلون يعني
:ادعي له بابا
سبحان ربي اللي انزل ف قلبي صبر مو طبيعي جلست انتظر الدكتور يطلع يطمنا وانا بس اطالع ف باب الغرفه ...طلع الدكتور
:ماودي اعشمكم واعطيكم امل وبعدها تنصدموا ...يزيد نسبه الحروق فيه30% اما احمد اهو اللي طلع اخر شي من اليخت علشان كذا حروقه كبيره توصل ل55% ادعو له ... الحروق اللي تتعدا 50% نادرا مايسلم او حياته تتاثر بسبب هل الحروق لانها مره خطيره
عمي:نقدر نسفره للخارج؟؟
الدكتور:تقدر بس ماراح يفرق بين علاجنا وعلاج الخارج نفس الشي ....تقدرون تدخلون عليه ..من الاول يسال عنكم ...بس لا تنصدموا من شكله
دخل عماني وجدي وانا بعدني متركزه ف حضن بابا ..شويه وطلع عمي وتلثم وجلس يبكي ...مشيت ودخلت الغرفه انصدمت من المنظر اللي اشوفه ...الحين هذا احمد ...مستحيل ....هذا شخص ثاني...جسمه كله لفاف ابيض ...ومنفوووخ اقرب للون الاسود من الحروق ووجهه منفوووخ لدرجه ان اعيونه مسكره مو قادر يشوف احد ف الغرفه
بصوت خفيف متالم متقطه: انـ ـا بخيـ ـر... انـــ ـا بخيــ ر ...طمنـ ـوا امي اني بخير.
طلعت من الغرفه ويدي ع فمي جلست مسانده ع الجدار ابكي ابكي بكل وجع قلب ...مايستاهل احمد ...مستحيل يعيش..مستحيل...احمد مره تعبانه ...ااااااااااااه ياقلبي اااااااااااه..
اغمى عليي ونقلوني لغرفه قريبه واعطوني مغذيه ....صحيت الا وامي وخالتي عندي بالسرير...وجهه ماما يبين كل حاجه انه بكت
:ماما حمادي راح يموت
قربت مني ومسحت ع شعري:اششششششش لاتقولي كذا
دموعي تنزل:ماما انا شفته مستحيل يعيش ...ماما حمادي تعبااان ...ماما حتى انه مايشوفني
ماما وموعها تنزل:خلي املك برب العباد كبير.
بكيت :انا راح اموت وراه لو صار له شي....ماقوى ع حياتي من غيره...ماتخيل اعيش وهو مو معي..
:انتي اقوى من كذا...وانتي راح توقفين معه وتساعدينه يطلع من هل الشي صح...انتي ماراح تتركينه ابد
هزيت راسي بايوه:ماراح اتركه ابد ابد .

خرجنا من المستشفى للبيت ماقدرت اشوفه من جديد مع اني اعرف ان خالتي وعماتي عنده بالغرفه ...بس ودي استقوى وارجع له ...دخلت البيت بابا يساعدني للغرفه
:انام معك
هزيت راسي بلا:لا ودي اجلس بروحي
جلست بروحي ابكي واطالع صور احمد نمت ودموعي ع خدي ...صحيت الساعه 8 الصبح لبست ومشيت للسواق اروح للمستشفى....جلست اقرى ف قوقل عن الحروق وطريقه العلاج ..ارسلت لماما وبابا واتس انه رحت لاحمد ...دخلت سالت عنه وعلموني انهم حطوه بغرفه عزل علشان الحروق والخوف من يصيبه جراثيم....مشيت للغرفه...سميت بالله ودخلت لقيت خالتي نايمه ع الارض لحفتها وبست راسها...انتبهت لي
:لاري
ابتسمت بحزن وجهها كان مبين عليه البكا:هلا خالتي
نزلت دموعها:شفتي اللي صار لاحمد ؟؟؟
حضنت يدها:لن يصيبنا الا ماكتبه الله لنا.
:ونعم بالله .
:نامي خالتي وانا راح ادخل له
فتحت الباب غرفه ثانيه ودخلت...بعده للحين منفوخ ...اقتربت منه وجلست ع الكرسي بجانبه ...مسكت المصحف وبديت اقراءه سوره البقره
:صدق الله العظيم
:صدق الله العظيم