Part2
الاستاذه بعصبيه :تعال هنا
تقدم احمد ومسك يدي يمسح عليها:تعورك
عاد انا ام دميعه وابكي :اهئ اهئ
احمد يمسكني من كتفي:امشي نروح نعلم عميمه تجي تضربها
سحبني وتقدمنا للباب الا والاستاذه تسحبه من ياقه التيشرت وتضربه بالمسطره ع ظهره لين انكسرت أستفزها أحمد بحركته ليه يطلع ولا يهتم لها
بكيت انا من خوف وصار التوتر بين الطلاب الكل خايف
:ياشريره لاتضربيه لاتضربيه
بكيت اكثر اشوف وجهه حمادي احمر ودموعه تنزل وهو يحاول يبعدها
:لاري روحي لعميمه
ركضت ادور عميمه ..توجهت لمكتب المديره ودخلت
:وين عميمه
تقدمت المديره :لاريديان حبيبتي شفيك
مسكت يدها :الاستاذه تضرب أحمد تعالي معي
بديت اسحبها من يدها لين الصف
المديره مصدومه وبصرامه:استاذه فوزيه توقفي
ركضت لحمادي وعضيت يدها بقوه وسحبته للمديره وحاضنته بخوف وعيوني ع الاستاذه
:استاذه يحتاج له تاديب كان لازم
قاطعتها المديره :ممنوع الضرب بالمدرسه ممنوع ..استاذه فوزيه على مكتبي حالا
طالعت حمادي :يعورك
هز راسه بلا:الحيوانه يدها ثقيله
حضنته بكيت :نروح ندور عميمه مالقيتها ..خلها تشوف ظهرك
مشيت ماسكه يده لين مكتب المديره بعد المحاولات الفاشله انه القى عميمه ...سمعنا الصوت العالي من مكتب ..وقفت عند الباب واسمع صوت المديره تهزاء بالاستاذه
:لاري احمد
لفينا الا وعميمه تطالع فينا ...انا انفجرت بالبكاء وكانه لقيت احد يساعد حمادي
:عميمه حمادي ظهره يعوره
تقدمت عميمه وجلست على ركبها تطالع فيه :اشفيك ماما
عقدت حواجبها من صوت العالي بداخل المكتب:ايش صاير
:اهئ اهئ استاذه فوزيه ضربت حمادي بالمسطره على ظهره ...اهئ اهئ كسرتها
عصبت عميمه ودخلت المكتب ونحن خلفها ومشت لها : من انتي ؟؟وكيف تسمحين لنفسك تمدين يدك عليهم عساها الكسر.
ردت بكل بروك :والله ولد اخوك قليل الادب تدخل بشي مايخصه مسوي فيها الفزعه .
ضربت ع الطاوله بكل عصبيه :ولو ...مايحق تمدي يدك عليه وين نحن عايشين ...وش فايده خصائيه المدرسه ..او المديره ...اهم اللي يتعاملوا مع الطالب مو انتي ....عمر الضرب ما فاد
:اعيد واكرر تدخل بشي مايخصه
رد حمادي بعصبيه :عميمه كانت تضرب لاري بالمسطره لانها نست ترسم اهي وطلاب بالصف.
عميمه :والله ماراح امررها لك وراح اتصل ف اولياء امورهم يتعاملون معك
المديره تهدي الوضع : استاذه هدى خلينا نحلها بيننا
:والله ماتنحل بينا وهذا انا حلفت والحين راح اتصل ف اخواني والياء الامور طلاب اللي مدت يدها عليهم
طبعا اتصلت عميمه بتلفون المكتب وعلمت اولياء الامور ونص ساعه الا وبابا وعمي وغيرهم بالمكتب
وبداء من الصوت يعلي ولا همني بس اطالع حمادي ..مشيت له ومسكت يده
:حمادي خلني اشوف ظهرك
:مو هنا
:امانه والله خايفه عليك
مسك يدي وقلب كفي يطالع فيه كيف احمر:يدك مره احمر و منفوخه
:مايخصك بيدي اشوف ظهرك
:بعدين ارويك اشششش خلنا نسمع ابوي وعمي
انتهت المشكله بتوقيع تعهد من الاستاذه وغيره مشيت لبابا احاول فيه يطلعني انا وحمادي
:بابا نودي حمادي للمستشفى
بابا :حبيبي احمد تعال
تقدم لبابا ولف حمادي بحيث ظهره لبابا وعمي ورفع التيشرت الا خطوط حمره ع ظهره وابكي واحضنه بخوف
:نروح المستشفى حمادي يوجعه ظهره
ربت حمادي ع راسي:لا تخافي انا قوي
عميمه بعصبيه: كسر بيدها ..يالله نروح للمستشفى
توجهنا للمستشفى والحمدلله ولا شي خطير بحمادي وكل شخص ع بيته
أنت تقرأ
من مثلك
Romanceوعندما_نحب ؛ نحمل قلوب الاطفال بين اضلعنا.نغار.نٌسامح.نبكي شوقاً.وكلمة تٌرضينا.عندما نٌحب نحلم كثيراً ونرى المستحيل هين .! #مقتبس
