Part10
وقف حمادي ....تخطاني بابا ومشى له يضمه :وحشتنا والله .
ابتسم :وانا اكثر
تاملته تغيرر ...3 سنوات ماشفته الا ف الصور ومقطع الفديو ...طول صار به عضلاات ... اللحيه المرتبه والشنب ...صار الان اقدر اقول رجل ...مشى صوبي بابتسامه خاصه فيني انا بس باس راسي وضمنيي بقوه
:اشتقت وخوفتيني عليك .
من كثر الصدمه ولا اي رده فعل ....متى طول كذا صرت سنفوره ...لا لا لا جسمي يعورني لااااا...شكلي مو حلو ...ما ابغاه يشوفني بهل المنظر .....طالعت ف ماما وفهمتني وقفت ومسكت يدي
:اتركوا الرومانسيه وتعالوا نجلس
مشيت بشويش وجلست وطوال والوقت وانا اطالع المخده ...صوته غير ع الواقع صار افخم واخشن ...طوال الوقت بابا واهو يسولفون وانا وماما اسمع ...همست لماما
:جسمي يعورني من الشراب اللي اخذته الصبح
:امشي للغرفه ارتاحي
تكلمت بضعف:مو قادره ساعديني
:انتظري الغدا واخذك لغرفتك
:ها احمد مطول
:لا اسبوع وراجع
:قليل
يطالعني بنص عيني..نزلت راسي بتوتر
:والله ضغط عليي ومفروض هل الاسبوع اذاكر للفاينل ...بس ف ناس يتغلون علينا ماعرفت كيف اوصل لها اضطريت ارجع
بابا باتسامه:يستاهلو الناس
اجت الخدامه تعلمنا ان الغدا جاهز
ماما توقف:يالله ع الغدا
تقدم حمادي وبابا لصاله الطعام وساعدتني ماما اروح للغرفه طالعت بوجهي ف المنظره مره شاحبه وهالات اسود تحت عيني
:شكلي مره يجنن بعد ثلاث سنوات اقابله بهل الطريقه
سدحتني ماما ع السرير ومسحت ع شعري:ماعليه عذرك معك ...نامي الحين
ارتفع صوت سوره البقره وطلعت ماما نزلت دموعي وبتعب نمت
دخلت لصاله الطعام
احمد يطالع خلف ماما ينتظر دخولي :لاري!!
ماما بارتباك :تعبانه من الجامعه ونامت.
سكت احمد وترك اكله سرح ...بابا طالع ف ماما وهزت باكتفها شل الحل
:مخبين عني شي؟؟؟
بابا ياكل بهدوء:بايش مثلا
:لاريديان بها شي ....3 اشهر مقطوعه عن الكل اتصل ف اخواتي مايعرفون شي..اكلمكم ماخذ اي معلومه
بابا:احمد تتوهم كمل اكلك
بصوت كله حزن:حتى شكلها شاحب ومره ضعيفه ...انا زوجها للعلم مو غريب...من حقي اوقف معها بكل شي
بابا :خلص اكلك واقول لك
ماما باعتراض:فيصل
:لازم يعرف ...ماكنت راح اخبي عليه بس بعد ماتتشافى
:يعني فيها شي ومخبين عني
:خلصت ؟؟
:انسدت نفسي
ف الصاله بعد دقائق
:اللي راح اقوله بكيفك تكمل معها او تطلقها
:خوفتني شفيها
علمه بابا بكل حاجه جلس احمد بحاله صدمه كبيره ...يحاول يستوعب كيف ومتى
:كيف ؟
بابا بصوت كله هم:الشيخ انه ماقرت اذكارها وصار اللي صار وانه مره قديم ...يبغى له وقت وصبر..وهي رفضت نعلمك ...خافت تتركها .
ماما ودموعها تنزل:الله يلوم اللي يلومك لو فكرت تطلقها...بس بعد ماتتشافى
حمادي:انا ماذكرت انه راح اطلقها....تتالم؟؟؟
ماما:الشيخ معطينا شراب مثل المر ومقري عليه باليوم مرتين ع الريق وقبل النوم ...ف اول شهر تعبت الم بجسمها كله ولا نقدر نعمل شي...بس الان تقول انها تعودت وتقدر تصبر .
ترك احمد كفوف يده ع وجهه لدقائق ...وبعدها مسح دموعهه وجهه مره احمر...لا جواب لا كلام كل واحد يفكر بـ لاريديان ...ظلمها طوال 3 اشهر مع انه اشد العلم انه تحبه وتموت عليه ...من خوفهه عليها وانقطاعها صار يتوهم اشياء ب لاريديا..لو كان يعرف كل هل الانقطاع سببها مرضها ..كان جمد فصل لها ورجع يوقف معها بكل خطوه تمر فيها ...طفلته دلوعته كانت تعاني وهو مايعرف...(تذكر وجهها الشاحب ..وكيف وزنها نقص..نزلت دمعه من عينه ومسحها وفي قلبه الف حسره ع اللي صار لطفلته)
أنت تقرأ
من مثلك
عاطفيةوعندما_نحب ؛ نحمل قلوب الاطفال بين اضلعنا.نغار.نٌسامح.نبكي شوقاً.وكلمة تٌرضينا.عندما نٌحب نحلم كثيراً ونرى المستحيل هين .! #مقتبس
