Part3
مرت الايام والسنوات ..ومرت احداث كثيره ف حياتي ..منها الحلوه ومنها المره ..اذكر مره من المرات كنت بعمر 14 سنه..واجتمعنا ف بيت جدي الكبير ...مشيت مع بنت عمي رغد ...الا وعيال عمي كلهم مجتمعين على البليستيشن يلعبون "كراش" تقدمت وجلست بجانب مهند ودخلت بجو الحماس
:مهند فوق فوق لف يمين ...ههههههههه
مهند بعصبيه :والله راح تنضربي لاريووووه وترتيني.
:هههههههههههههه....ودي تخسر .
خسر مهند وجر شعري بقوه صرخت انا :ااااااااه يعور
سمعنا صوت من بعيد:فك شعرها لا اجيك
فك مهند :مالت اهوو احد يقدر يقول لك شي
ضحكت من قلبي ووقفت مشيت لصاحب الصوت :ليه جالس بروحك
:ابد انتظر طارق
جلست بجانبه بصوت خفيف بس اهو يسمع ..مع ان ولا احد بالمكان اللي احنا فيه بس كذا احب اتكلم بصوت خفيف واحب ابتسامته وعيونه واهو يركز معي :ماقلت لك
رد بابتسامه مريحه:وشووو
:كلمت بابا اشارك بنادي سباحه ..تخيل بكره راح اسجل فيه.
عقد حمادي حواجبه:ومن معك مشارك ...وليه الحين هبت ف بالك نادي سباحه
رديت :بروحي ...مليت بروحي ف البيت صار نص جدولي مذاكره وكمبيوتر
:لا
استغربت:ليه لا؟؟
رد بحزم:قلت لا وخلاص
مديت بوزي شويه وابكي:وليه؟؟
لف وجهه :لا تحاولي تستعطفيني بهل الوجهه ..اتوقع سمعتي لا
نزلت دمعه:حمادي
لف عليي وسحبني من يدي قربني منه :ما تفهمين يعني ..اخاف عليك ...اصبري كم يوم وانا اعلمك السباحه
:بس انا ودي بالنادي ...انا اخترت النادي اشوف ناس جدد اغير من الروتين اللي انا فيه
ترك يدي :حبيبي افهمي ..بروحك وانتي تعرفين عمري ماتركت بروحك الا و احد معك اخواتي ولا بنات عمي ...حتى انه طلعاتك ي مع عمي او خالتي
سكت شويه وبعدها :طيب راح اكلم بابا واقول له
باس جبيني :شطوره ولاتزعلي مني
ابتسمت:مو زعلانه
مرت عميمه بابتسامه :شعندهم كناري الحب
حمادي بوجهه الجامد :نسولف
عميمه بضحكه :انت شراح تخسر لمن تعاملنا مثل لاري
حمادي:ماراح اخسر شي
:اجل ابتسم لنا
حمادي:صيروا لاري
هنا انا ضحكت بصوت عالي :ههههههههههههههههههههههه
ابتسم حمادي وهو يطالعني ...ضحكت عميمه وتركتنا ..رن جوال حمادي
:طارق برى ...انتبهي لنفسك حبيبي
ابتسمت :وانت بعد
مر الوقت وانا سوالف وضحك مع بنات عمي وعمتي ..بذاك الوقت كان اغلب البنات يقرون الروايات الرومانسيه ...وكنت انا وبنات اعمامي نتناقلهن عن طريق الفلاش ..وعاد تحديات بيننا مين تجاب او تقراء اجدد الروايات ...اذكر كنت انسخهم ف الفلاش وافتح الكبميوتر القديم واجلس اقراء واشارك بالمنتديات باسماء مستعاره
رغد:ذكريني سوسن انقل الروايات بكمبوترك قبل لا اروح جبت معي الفلاش
سوسن :يالله نروح الحين اخاف انسى
انا:رغد باخذ الفللاش معي
رغد باعتراض :لا ياقلبي انا ما افارق الفلاش بكل مكان اهو معي كل رواياتي عليه
انا:طيب والروايه الجديده كيف اخذها بالله
رغد بعدم اهتمام:اقريها من المنتدى
:والله راح انسخها واكلم حمادي ياخذها والله
رغد بشك :احلفي
:والله والله
رغد:اتصلي عليه
:حيوانه شويات اخذ جوال بابا
ركضت للمجلس الرجال ودخلت :بابا
:عيون بابا
:ممكن جوالك
بابا باتسامه :تكلمين احمد
رديت بصوت منحفض :طبعا
جدي :يارب يسلمني واحضر عرسكم
حمر وجهي من الخجل وحضنت بابا اخبي وجهي عمامي وجدي ضحكوا
رفعت راسي :تعطيني جوالك
طلع جواله من مخباته :الجوال وصاحب الجوال فدا راسك
بست عيونه وراسه :ما انحرم منك
طلعت من المجلس وكتبت رقمه حمادي
:الو هلا عمي
:انا لاريديان
:هلا حبيبي
:حمادي راح اخذ فلاش رغد ممكن تمر عليي البيت وتعطيها
:والله ما اوعدك لان راح ارجع مع سواق صديقي للبيت
مديت بوزي:بليز حمادي
:والله صعب حبيبي ...تعرفين لو سواقي لو انه الفجر جيت لك
تحطمت :خلاص مو مشكله ادور لي حل .
:اذا مالقيتي حل اتصلي عليا
:تمام راح اقفل الحين
:طيب
قفلت ورجعت الجوال لباب ومشيت للبنات :سوسن اعطيني فلاش وراح ارجعه بكره
سوسن :ما عندي والله
:اوووف شهل الحظ
رغد:اقري نص الروايه من المنتدى وبكره راح اكلم احمد يجيب الفلاش
:ماغير هل الحل اصلا..بس اكره ادور ع البارت بين الردود
أنت تقرأ
من مثلك
Romanceوعندما_نحب ؛ نحمل قلوب الاطفال بين اضلعنا.نغار.نٌسامح.نبكي شوقاً.وكلمة تٌرضينا.عندما نٌحب نحلم كثيراً ونرى المستحيل هين .! #مقتبس
