من مثلك

Part6

Part6

" ف الليل"
صحيت من النوم والم مو طبيعي جسمي يعرق والم بظهري..مشيت لغرفه ماما وبابا ..دقيت الباب
:ماما ...بابا اصحوا
ثواني وبابا فتح الباب
:لاري شفيك
بكيت :بابا تعبانه
حضني :بسم الله عليك
حملني بين يديه لداخل الغرفه وصحى ماما وانا دموعي تنزل من الالم لبسوني العبايه ع البيجامه وحملوني للمستشفى...وطبعا لازم ابره مسكنه للالم....جلست ابكي بصوت عالي
انا:خلاص صرت بخير
بابا:لاري كله شكه دبوس
:بابا خايفه مابغى
بابا انفجر وتعب من بكائي مسكني بقوه وضربوني الابره ..طلعت من المستشفى زعلانه من بابا وماما ..دخلت البيت رميت العبايه ونمت .
انتهت هذه الذكرى واتت ذكرى جديده تذكرني بموقف اخر جميل ..اذكر عند بلغت ال17 اصريت انه يصير معي جوال خاص فيني انا ..لي بروحي وخصوصيتي ...خاصتا ان سوسن ورغد معهم جوال واهم بنفس سني ...وصار كل الروايات عليه ..للحين ما انسي لمن مشيت لبابا واطلب الجوال
"اكتب الموقف والابتسامه على شفايفي"
:بابا
:عيونه .
:بابا ابغى جوال .
ماما باعتراض:لا تسمع لها حياتي ...بعدك صغيره .
تكلمت باعتراض: لا والله صرت 17
ماما :ان شاء الله 20 ممنوع
:اقنعيني بالله ...ليش؟
ماما تعد باصابعها :واحد منتي بحاجه لانه انتي طوال وقتك على الكمبيوتر...ثانيا اذا احد يبغاك يتصل ع تلفون البيت كله انا وانتي وابوك...بعدين من كثر طلعاتك اما معنا انا وابوك او بنات اعمامك .
قلت بنفاذ صبر:خلصتي
طالعتني بحاجب مرفوع ..اعطيت بابا نظره سريعه وكان يده ع خده يطالع اللي يصير
سويت بيدي رقم واحد :واحد الكل معاه لاب توب وانا ماطلبت ... اسكت ع الكمبيوتر التعبان ذا ولا تكلمت ..ثانيا كل البنات بسني صاروا بالجوالات وانا يتصلون ع البيت وين اخذ راحتي انا ..حتى حمادي كل مايتصل انتي او جوزفين "الخدامه" او بابا يرد عليه صار يستحي يتصل "سمعت ضحكه بابا واهو يحاول يكتمها"لا تضحك لو سمحت انا ف موضوع جدي ..اعرف مو من كثر طلعاتي كل ماقلت ودي اطلع وقررت وين اروح اما انتم ترفضون او حمادي يعني شسوي ...وانا الجوال ابغاه مو للاتصالات فيه اشياء ثانيه احتاجها فيه.
ماما:لازلت مصره ع رائيي
لفيت لبابا:بابا شوف ماما
بابا مكتف يده:امممم راح اتكلم ولا احد يقاطعني .
طالعنا فيه ننتظر قراره الحازم والنهائي
بابا:انا من وجهه نظري فعلا تستاهلي الجوال
صرخت بحماااااس وطالع الصقف:هيييييييييياااااااااااااااااااااااااا
بابا:بعدني ماخصلت.
تركت يدي ع فمي بمعنى ماراح اتكلم .
بابا:الجوال لان مستواك الدراسي ممتاز ...ولانه منتي اقل من اي حد ويحق لك يكون مع خصوصيتك ...بعدين صدقيني احمد مو مهتم بولا اي احد ولا انه مستحي منا هههههههههه ...بس اقنعتيني بوجهه نظرك
:يحيا العدل يحيا العدل
ماما بزعل:اصلا ليه اتكلم ؟؟؟ المفروض اعرف من كلمتين من بنتك راح تغير مخك كله ...اصلا ماصار لي رائي.
وقف بابا وجلس بجانب ماما وخذها بحضنه :افا حياتي زعلانه ...كله منك لاريوه
وجعت قلبي ما احب اشوف ماما زعلانه :اسفه ماما ماقصدي ازعلك ..بس ودي اصير مثل البنات بسني.
مشيت لغرفتي احس راح ابكي ...حياتي صار اغلبها طفش..روتين ولا شي جديد ..صحيح ماما وبابا وحمادي معي بس معرف....ثواني الا باب غرفتي ينفتح
ماما :يالله البسي نروح المول نشتري اغراض البيت ومنه جوال لك
ركضت لماما وحضنتها:احبك احبك.
تجهزت ولبست عباتي زينت وجهي بشي خفيف وجلوس ....انطلقنا لاحد المولات طلبت جوال بابا وارسلت لحمادي اني طلعت مع اهلي ...دخلنا المول نتسوق وانا كلي شوق متى اختار الجوال...طلبنا العشاء انا لبابا
:بابا يالله
بابا:خلنا ناكل ونشتري لك
ابتسمت ابتسامه عبيطه:خلاص مابيه صبر
ماما :روح معاها لا تموت علينا ..انتظركم هنا .
بابا:يعني ما اكل ؟؟
قلت بحماس:طيب راح اروح انا اختار الجوال واجي لك
بابا:لااااااا ..اجلسي كلها دقايق واخلص
سكتت مو لشي لخوفي لا يكنسل بابا الجوال ...اول ماسمعت الحمدلله
:نروح .
:ههههههههههه...نروح
اخذيت يد بابا بيدي واليد الثانيه بيد ماما ودخلنا محل الجوالات
بابا :اختاري الجوال اللي تبغيه ولا عليك بالسعر .
جلست اطالع الجوالات لفتني جوال
"نوكيا    E71x   "
انا اشرت :هذا الجوال
اخذت الجوال وخذيت شريحه ورجعت البيت ركض لغرفتي اركب الشريحه بالجوال ..وبديت استكشف الجوال واول رقم سجلته وطبعا حفظته عن ظهر غيب ...ابتسمت بخبث واتصلت
:الو
حاولت اغير صوتي وزيد جرعه دلع :الو
صوت كله خشن :نعم
:معي احمد
:ايه من انتي؟!
:معجبه .
طوووووووووووط طوووووووووووووط
طالعت الشاشه قفل بوجهي ضحكت ...رجعت اتصل يعطيني مشغول اتصل لين رد بصوت كله عصبيه
:اقسم بالله لو تتصلي مره ثانيه يابنت ال***** ياويلك انتي ماتستحين وين اهلك ...قله ادب
انا انصدمت من السبه هذا يطلع من حمادي وشهقت :اهئئئ حمادي
صمت سمعت صوت نفسه يزيد :لاري
ضحكت:ماعرفتني ..توقعت تكشفني من اقول الو
:هذا رقم مين ؟
قلت بفرحه :سبرايس صار معي جوال واخيرا
:متى اخذتيه وكيف ؟
:اليوم كلمت بابا ياخذ لي واحد .
:وطبعا ما استشرتيني؟؟
قلت بدلع:حبيبي انت تعرف سبب الجوال علشان اقدر اخذ راحتي معك...بعدين اخواتك كلهم بالجوالات اجت عليي انا
:واخيرا ...مليت من صوت عمي ...احس بهم كل ما اتصل فيه نص ساعه رفع ضغط
:ههههههههههههههه
حسيت بابتسامته:مبروك حبيبي
:ربي يبارك فيك حياتي...اجل بنت ال*****.
رد بصوت حازم :كرري الكلمه مره ثانيه واقص لسانك
قلت بصوت كله مرح:وربي صدمتني يطلع منك هل الكلمه كنت اشوفك مختلف عن شباب
:انا مختلف معاك انتي بس ...ولا احب تسمعين هل الكلمات او تنطقيها .
:اذوب ع المختلفين ههههههههههههههه
سمعت ضحكته الخفيفه :يالله قلبي تاخر الوقت ...وقت النوم .
قلت بتحطيم:وانا فرحانه انه راح اسولفك
صحيح معك جوال بس ما انه تسهري أنتي تعرفين تتعبي من السهر.... اوعديني ما تسهري
أوعدك:
"انتهت المكالمة وسجلته بـ "حمادي

لايك و كومنت خفيف لطيف يحمسني أواصل