مرت الايام والحمدلله احمد تحسنت حالته كثير ...وصارت روحاتي قليله لبيت عمي
بعصبيه:لاريديان وبعدين؟..
رديت انا :افهمني ما اقدر اجي.
:وليه بالله ؟؟
:احمد اشفيك يعني ....شوضعي كل يوم ف بيتكم بين خالاتك وبناتهم
اسنتكر ما اقوله :شوضعك ؟؟؟
:ايوه ....حاول تفهمني ارجووووووك ...صعب ما اقدر كل يوم اجيك ....وانت الحمدلله ماتحتاجني بشي .
:طيب لاريديان خلك بعيده لين تجي وحده من البنات وتخطفني منك.
وجعت قلبي كلماته:تخطفك!!...بالف عافيه ياخذونك .
قفلت ف وجهه ...سمعت صوت بابا
:شفيك زعلانه؟؟
هزيت راسي بـ لا
:فضفضي
:احمد زعلان...يبغاني كل يوم أروح بيت عمي
:طيب ليه ماتروحي؟؟
قلت :ما ارتاح مع بنات خالته ابد ...مستحيل تجي جلسه كامله من غير ما اسمع كلمه منهم ...انا مو مجبوره استحملهم ....احمد ماقصرت معه بولا شي ولا شي...خلاص يقدر يعتمد ع نفسه ...والنهايه يقول لي انتظري لين وحده من بنات خالته تخطفه مني ...ياخذونه عليهم بالف عافيه.
بابا: ههههههههههههههههههههههههههههههههههههههههههههههههههههه
:لاتضحك بابا
سكت حس أني جد متضايقه ،مسكت جوالي وفيني العبره كذا ودي ابكي
وقف بابا:يالله البسي ولك مني اجمل عشاء
:وماما
:نتصل فيها ناخذها من بيت خالتك
تجهزت وطلعنا وبدينا نضحك واصور الاكل وانزلها سناب ...فديت بابا غير لي مودي كله رجعت البيت انصدمت أن احمد منتظر عند الباب ...نسيت اللي صار وركضت له
:من امتى وانت هنا؟؟
طالع فيني يرتجف من البرد:نص ساعه.
:بابا افتح الباب بسرعه.
سعادني بابا ومشينا لغرفتي نزعت عباتي ولحفته ادفيه ...احمد جلده بعده خفيف وبسهوله يبرد وبعدها تجيه حمى.....ظليت اليوم كله اعمل له كمادات لين نمت من التعب...صحيت ع احد يلعب بشعري
:صح النوم.
:كيفك الحين؟
:الحمدلله.
:لاتسوي كذا وتخوفني .
:ع اني مزعلك وبعده تخافين عليي.
:احبك ...صحيح زعلتني بس قلب مايقوى.
:لاريديان خلنا نقدم العرس....ما اصبر ع بعدك.
:كلم بابا.
:اليوم اكلمه.
اجتمع جدي وعماني ف المجلس يتناقشون عن العرس...وقرر العرس بعد شهر ونص وبكذا وقت لراحه احمد ووقت لي استعد...ابتعدت من ناحيه المكالمات والرسائل وبديت اخلص جهازي...مر شهر ونص
واليوم يوم العرس
صحيت متوتره وكلي خوف مشيت للصالون وبديت استعد وتجهزت لين صار وقت اتوجهه للقاعه.
:من راح ياخذني؟؟
ماما:ابوك منتظرنا.
طلعت لبابا وطوال الطريق بابا يرقص ويستهبل وانا وماما نضحك خفف عني توتري مشيت لين غرفه الانتظار للعروس وكان خالتي وبنات خالتي منتظريني ساعدوني اللبس ولبست الطرحه وماما كل شويه تمسح دموعها....رفضت احد من بنات عمي يشفوني من باب المفاجئه ...دخلت رؤى بنت خالتي
:يالله وقت زفتك
مسكت يدها واخذ نفس:متوتره .
:ما تطالعي ف اي احد تمام ...روان راح تمشي بمسافه عنك علشان توجهك.
:تمام
تقدمت لباب صاله الحريم وبدت الزفه بلحن هادي مشيت بخطوات صغيره وابتسامه ع شفايفي لين وصلت للكوشه ...بداء الكل يطلع ويبارك لي ....اقتربت ماما تساعدني اوقف لان احمد راح يدخل
وقفت وانا اطالع الباب ...بدت زفه الرجال ودخل احمد بجانب عمي وبابا ...تاملته وعيني ف عينه ...واخيرا اجا اليوم للي صرت رسميا لك ....طالعت ف بابا حسيت روحي راح ابكي... فرحه بعيون بابا مره واضحه...اقتربوا وباس جبيني عمي وبعده بابا نزلت دموعي مسحها
:اخيرا بابا صرتي لحبيب القلب...تهبلين ياقلبي...الله يسعدك حبيبه ابوك.
ضحكت وضحك معي ...ترك مجال واتقرب احمد وباس جبيني
:مدري ابارك لك ولا ابارك لنفسي
قاطعته بهدو:مبروك عليك انا ههههه
:صادقه والله صادقه هههههه
جلسنا ع الكوشه وبابا وعماني يرقصون بالسيف بهدو ويدي بيد احمد كل شويه يضغط عليها
طلع الرجال من الصاله ..اقتربت رغد منا ومسكت يد احمد ويدي
:ربي يتمم لكم بكل خير حبايب قلبي....سامحوني اذا زعلتكم او اذيتكم ...الغيره كانت معميا عيوني .
وقف احمد وضمها :مابينا زعل ياقلبي.
انتهى العرس وركبت السياره بجانب احمد وبنص الطريقه نسمع صفاره سيارات
:مجانين هههههههههههههههههه
لفيت الا مهند وعيال عمي كل واحد فيهم بسياره مسوين مسيره لين وصلنا الفندق
أنت تقرأ
من مثلك
Romanceوعندما_نحب ؛ نحمل قلوب الاطفال بين اضلعنا.نغار.نٌسامح.نبكي شوقاً.وكلمة تٌرضينا.عندما نٌحب نحلم كثيراً ونرى المستحيل هين .! #مقتبس
