طريق الهلاك «قيد التعديل»

الفصل التاسع عشر..

نكمل روايتنا(طريق الهلاك)بقلم سلسبيل كوبك..
الفصل ال19..
آخر حاجة وقفنا عندها في الفصل ال18..
ألبرتو حط صورة قدام دارك، دارك مسك الصورة بايده اللي بدأت ترتعش من صدمة الموقف..
ألبرتو(بالروسية):أنت قولت أنه جواز مصلحة..
دارك رفع عينيه لإيلاف اللي كانت بتضحك مع جوليا و بصتله و ابتسمت ليه...
دارك(بصدمة):إيلاف!!!!
ألبرتو(بالروسية):دارك أنت معترض!!
دارك(ببرود،بالروسية):لا طبعا، ده واجبي و شغلي..
دارك(ببرود،بالروسية):هتكون جثتها عندكم..
دارك بص لإيلاف و قرب منها و مسك ايديها..
دارك:تعالي معايا..
إيلاف(بوجع):طيب براحة..
دارك ركب إيلاف العربية و لف ركب و ساق لمكان هادئ، الكل استغرب من دارك..
إيلاف:هنروح فين؟
دارك لا رد..
إيلاف:دارك..
دارك(بحدة):اسكتي لغاية ما نوصل..
إيلاف(بضيق):طيب..
إيلاف سندت برأسها على شباك العربية و استغربت من الطرق اللي دارك ماشي فيها و اتنهدت..
دارك وقف العربية في مكان أضوائه بسيطة جدا و يعتبر مش موجود أي شخص فيه..
دارك نزل ببرود و فتح باب عربية إيلاف و شدها من دارعها و زقها لبره العربية..
إيلاف:براحة مش كدة..
إيلاف رجعت شعرها لورا و بصت لدارك باستغراب و لسة هتتكلم لقت دارك طلع مسدسه من ورا ضهره..
إيلاف بلعت ريقها بتوتر و بصت لدارك و شاورت على مسدسه..
إيلاف:في إيه؟
دارك:مش كنتي دايما بتطلبي أنك تموتي!
إيلاف:جت اللحظة اللي هتنفذ فيها مش هيبقى مجرد تهديد؟!
دارك:جت..
إيلاف رجعت بعيد عن دارك كذا خطوة..
إيلاف(بهدوء):تمام أضرب..
إيلاف فتحت السلسلة اللي كانت لابساه و بصت على صورة والدها و والدتها و ابتسمت و غصب عنها دموعها نزلت على خدها..
إيلاف غمضت عينيها و دارك ركز بنظره على إيلاف و شد الزناد و ضرب رصاصة..
إيلاف ارتجفت و محستش بوجع فـ فتحت عينيها ببطء لقت دارك ضرب رصاصة جمب رجليها..
إيلاف:مضربتش ليه؟
دارك:فعلا عايزة تموتي؟
إيلاف هزت رأسها بمعنى أه، دارك قرب منها و مسك دقنها و ضغط عليه جامد...
دارك(بحدة):ليه؟
إيلاف:علشان المفروض كنت أموت من 9 سنين مع أهلي..
إيلاف:بس مموتش..
إيلاف:فقولت أجيب حقهم و معرفتش علشان كدة مش باقية على حاجة..
إيلاف:لو رجعت مصر مش هلاقي حد منتظرني حتى لو لقيت فهما مش مني مش أهلي..
إيلاف:حتى عمي و مراته زمانهم مبسوطين علشان يعرفوا يستمتعوا بالفلوس كويس..
إيلاف:حتى هنا مليش حد فمش باقية على حاجة..
إيلاف:عايز تضرب أضرب مش همنعك..
دارك:مش أنتي اللي منعاني..
إيلاف شدت من دارك سلاحه و صوبته ناحية رأسها..
إيلاف:لو أنت معندكش الجراءة أنا هعمل كدة..
دارك(بحدة):نزلي السلاح مش لعبة في ايدك..
إيلاف:طلبوا منك تقتلني مش كدة!
دارك:محدش طلب مني حاجة نزلي السلاح يا إيلاف..
إيلاف غمضت عينيها و خدت نفس عميق، دارك بص لدموع إيلاف اللي نازلة على خدها و بص لملامحها و لحركة ايديها..
دارك قرب من إيلاف و حاوط وشها بين ايديه، إيلاف فتحت عينيها و بصت لدارك..
دارك مال عليها (و لخيالكوا)..
إيلاف وقفت عن الحركة أو التفكير السلاح وقع من ايديها على الأرض..
دارك بِعد عنها و سند برأسه على رأسها..
دارك(بحدة):حياتك مش لعبة علشان تنهيها وقت ما تكوني عايزة..
إيلاف(بخفوت):إيه اللي منعك تقتلني!
دارك(بحدة):لأنك مراتي و شايلة اسمي حتى لو على ورق..
إيلاف(بخفوت):يا ريتني ما كنت مراتك و يا ريتك كنت قتلتني..
دارك:أنتي ضعيفة يا إيلاف..
إيلاف:بس مش بضعفك..
إيلاف رفعت عينيها لدارك و حاوطت رقبته بايديها و بصتله..
إيلاف:أنت بتخفي ضعفك في اللي أنت بتعمله..
دارك(بحدة):و لو أنا ضعيف أنتي تبقي إيه!
إيلاف لا رد..
دارك:مش هينفع ترجعي البيت تاني..
إيلاف:سيبني و أمشي..
إيلاف بِعدت عن دارك و رجعت كذا خطوة لورا..
إيلاف:انت سبتني مرة و اتنين قبل كدة مش جديد..
إيلاف:بس الجديد المرة دي أن انا اللي همشي و بإرادتي..
إيلاف لفت ضهرها لدارك و بدأت تمشي على طول الشارع اللي جابها فيه دارك..
إيلاف مسحت دموعها اللي بدأت تنزل على خدها تاني، دارك كان واقف بص حواليه و بعدها رفع عينه مكان إيلاف ما هي ماشية..
دارك(بصوت عالي):إيلاف..
إيلاف وقفت مكانها من غير ما تلف ليه، دارك بدأ يمشي ناحية إيلاف و وقف وراها..
دارك:مش مسموحلك تمشي..
إيلاف(بسخرية):زي ما كان قرار وجودي معاك إجباري مش كدة..
دارك:افهميها زي ما انتي عايزة..
إيلاف:فهمتها مش لسة هفهمها..
إيلاف كانت هتكمل مشي، دارك شدها ناحيته و سندها على السور اللي جمبه..
إيلاف حطت ايديها على كتفه و بصتله بحدة..
إيلاف:أنت عايز إيه مني؟.
إيلاف:مش كفاية اللي حصلي بسببك...
إيلاف:معرفش أنت ليه جبتني لهنا ليه خلتني أبقى معاك كنت تسبني هناك كنت هرضى..
إيلاف:ليه عيشتني في المعاناة دي!!
إيلاف:اللي زيك ميعرفش يعني إيه إنسانية اللي زيك أناني و مبيفكرش غير في نفسه...
إيلاف:حقيقة أنك قاتل عمرها ما هتتنسي يا دارك..
دارك:حتى في نظرك!
إيلاف لا رد..
دارك:ردي..
إيلاف:حتى في نظري يا دارك..
الدنيا بدأت تمطر عليهم هما الاتنين، كانت في حرب بين عيونهم و لحظة صمت..
إيلاف بِعدت عن دارك و كانت هتمشي بس هو مسك ايديها، إيلاف دموعها نزلت على خدها و مبصتلهوش..
دارك قرب من إيلاف و شدها لحضنه، إيلاف حاوطت خصره بايديها و مسكت فيه جامد..
دارك(بهمس):هتبقي بخير صدقيني..
دارك(بهمس):هتبقي بخير..
دارك:تعالي معايا..
دارك ركب إيلاف العربية و لف ركب و بدأ يسوق و في نص الطريق العربية عطلت..
دارك(بضيق):مش وقته..
دارك نزل من العربية و حاول يشوف العطل فين، إيلاف طلعت رأسها من الشباك..
إيلاف:هتفضل واقف كدة!
دارك:بحاول أشوف حل..
إيلاف:فاضل مسافة كبيرة؟
دارك:يعني..
إيلاف فتحت باب العربية و قربت من دارك..
إيلاف:نمشي..
دارك:لا هتتعبي و..
إيلاف:مش مهم يلا بينا.
إيلاف سبقت دارك، دارك بصلها بسخرية و راح ناحيتها..
دارك:من هنا..
إيلاف(بضيق):حد قالك إني مولودة في روسيا..
إيلاف و دارك مشيوا و بدأ المطر يخف، إيلاف بصت لدارك و كانت هتتزحلق دارك مسك ايديها..
دارك:قربنا نوصل..
إيلاف:جايبنا غابة تاني!!
دارك:مش غابة دي جنينة..
إيلاف:أه بس جميلة جدا و فيها أشجار كتيرة.
دارك وقف قدام بيت خشبي قديم و بدأ يخبط.
ست(بالروسية):مين؟
دارك(بالروسية):أنا دارك افتحي..
إيلاف:و هي كدة هتفتح دي مش بعيد تتصل بالبوليس..
دارك قرب من إيلاف اللي رجعت لورا و سندت على السور الخشبي المتهالك..
دارك:طالما بتفهمي روسي أوي كدة ما تروحي تبلغي عني أحسن..
إيلاف:أتمني..
الباب اتفتح، إيلاف لقت الست بتجري ناحية دارك بس وقف لما لقت هدومه كلها مبلولة..
دارك(بالروسية):من المطر..
ست(بالروسية):طب ادخل بسرعة اتدفئ جوا..
دارك(بالروسية):مش جاي لوحدي..
دارك شبك صوابعه بايد إيلاف و وقف قدام الست و ابتسم..
دارك(بالروسية):مراتي معايا..
ست(بابتسامة،بالروسية):يا ألف مرحب اتفضلوا..
ست(بالروسية):ادخلوا بسرعة يلا..
إيلاف و دارك دخلوا البيت، إيلاف كانت هتقعد لقت الست بتمنعها..
ست(بالروسية):غيري هدومك الاول..
ست(بالروسية):هشوفلك هدوم بنتي هتيجي على مقاسك و لا لا..
ست(بالروسية):هجيبلك هدومك يا دارك..
دارك(بابتسامة،بالروسية):تمام..
إيلاف(بهمس):مين دي؟
دارك:مش مهم تعرفي هي مين..
دارك:اسمها جورا..
إيلاف(بضيق):طيب..
جورا(بالروسية):اتفضلوا هدومكم..
إيلاف(بالروسية):أغير فين؟
جورا(بالروسية):في الاوضة جوا..
دارك(بالروسية):هغير أنا في الحمام..
دارك دخل الحمام غير هدومه لهدوم بيتي مريحة و خرج قعد مع جورا..
إيلاف بدأت تغير هدومها..
"إيلاف لبست بنطلون أبيض و فوقه تي شيرت ب¾ كم باللون الأبيض، رفعت شعرها لفوق".
إيلاف حاولت تجفف شعرها معرفتش..
إيلاف خرجت وقفت جمب باب الأوضة..
جورا(بالروسية):قربي اقعدي..
إيلاف قربت من جورا و كانت هتقعد على الكنبة بس جورا منعتها..
جورا(بالروسية):اقعدي قدامي هنا..
إيلاف قعدت قدام جورا لقت جورا بتجفف ليها شعرها، عادت بذكرياتها لزمان..
_
إيلاف:ماما..
صبا:خدتي الدوش بتاعك يلا اقعدي ذاكري..
إيلاف:مذاكرة مذاكرة اوف.
صبا:بنت عيب..
إيلاف:طب بصي هذاكر بس بشرط..
صبا:قولي يا آخرة صبري..
إيلاف:شعري أنتي اللي تسرحيه..
صبا:تعالي اقعدي قدامي يلا..
إيلاف:تمام..
إيلاف جريت بسرعة و قعدت قدام صبا اللي بدأت تجفف ليها شعرها و تسرحه ليها..
إيلاف:بقولك إيه..
صبا:ايه؟
إيلاف لفت لصبا و مسكت ايديها باستها و حطت راسها على رجليها..
إيلاف:عايزة أقولك أنك أحسن أم بحبك..
صبا:و أنتي أحلى بنت شوفتها في حياتي و هتفضلي دايما مهما تكبري بنتي الصغيرة..
إيلاف:ربنا يخليكي ليا..
إيلاف:مش عارفة من غيرك كنت..
إيلاف(بضحك):كنت هجيب مين يسرح شعري..
صبا(بضيق):و الله طب ابعدي كدة من وشي..
إيلاف:خلاص خلاص بضحك معاكي..
إيلاف باست خد صبا و حضنتها، صبا باست رأسها..
_
جورا(بالروسية):هي مبتردش ليه يا دارك؟
دارك قرب و قعد قدام إيلاف لمح الدموع في عينيها، إيلاف رفعت عينيها لدارك و دمعة نزلت على خدها دارك مسحها..
دارك(بالروسية):هي كدة..
دارك حضن إيلاف و بص لـِ جورا اللي بصتله بفرحة، إيلاف رفعت عينيها لدارك..
إيلاف(بغيظ،بهمس):شيفاك بتحضني وقت ما تكون عايز وسع كدة مسمحلكش..
دارك(بهمس):أحضن وقت ما أعوز يا حبيبتي..
دارك(بهمس):و إياكي تحسسيها بحاجة..
إيلاف بصت لجورا وابتسمت ليها..
إيلاف(بالروسية):شكرا ليكي..
إيلاف ضربت دارك بكوعها في جمبه، دارك بِعد عنها و بصلها بغيظ..
إيلاف(بالروسية):الجو سقعة أوي النهاردة..
دارك:على أساس أنتي من روسيا و متعودة على الاجواء يعني..
جورا(بالروسية):للأسف الحطب خلص و معرفتش أقطع من الخشب اللي بره..
دارك(بالروسية):هطلع اجيب حطب و اجي..
جورا(بابتسامة،بالروسية):شكرا..
دارك خرج لبره البيت و بدأ يقطع الخشب اللي قدامه، إيلاف بصت عليه من الشباك الصغير الموجود..
جورا(بالروسية):احييكي على اللي عملتيه...
إيلاف(بالروسية):عملت ايه؟
جورا(بالروسية):أنك خطفتي قلب دارك..
إيلاف(بالروسية):مش زي ما أنتي فاهمة علاقتي بدارك ا..
جورا(بالروسية):مهما تقولي مش هتقدري تقنعيني بغير أن دارك ظهرت لمعة جديدة في عينه..
إيلاف(بضحك،بالروسية):و هو ده بيثبت على عين حاسة أصلا أن دي عين هو مركبها..
جورا(بالروسية،بابتسامة):اضحكي لكن صدقيني شعري مش شايب كدة على الفاضي انا شوفت كتير و دارك هو السبب إني لسة عايشة لحد الآن..
جورا(بالروسية):هطلب منك طلب..
إيلاف(بالروسية):اطلبي..
جورا(بالروسية):زي ما هو بينقذ الناس اللي زيي أرجوكي انقذي قلبه من الهلاك اللي هو فيه..
جورا(بالروسية):دارك ميستحقش اللي هو بيمر بيه و لا قلبه قادر يستحمل هو بيقاوم..
جورا(بالروسية):موت قلبه علشان يقدر يعيش..
جورا(بالروسية):انقذي قلبه من الهلاك يا إيلاف.
إيلاف لفت بنظرها لدارك اللي كان بيشتغل بكل جد علشان يجمع الحطب ليهم..
دارك لمح إيلاف و هي بتبص عليه، إيلاف بصت ناحية جورا بتوتر من نظرات دارك ليها..
إيلاف(بالروسية):حاضر.
جورا(بالروسية):متبعديش عنه قبل ما تنقذيه..
إيلاف ابتسمت لجورا، جورا قامت وقفت و حطت شال على إيلاف..
جورا(بالروسية):هدخل أنام أنا آسفة لأن المكان مش قد مقامك..
إيلاف(بالروسية):لا لا أنا بشكرك على اللي عملتيه معايا أنا و دارك..
إيلاف(بالروسية):و لا يهمك المكان ده هيكفيني أنا و دارك..
جورا فرحت بإيلاف و دخلت أوضتها علشان ترتاح، إيلاف بصت على دارك و شردت و هي بتبصله لغاية ما نامت مكانها..
*************************
-في مكان تاني...
_في المستشفى في مصر..
لميس:دكتور مؤنس..
مؤنس:خير يا لميس؟
لميس:دكتور يوسف شكله كدة بيفوق..
مؤنس طلع بسرعة من مكتبه و دخل لأوضة يوسف و بدأ يفحصه.
يوسف بدأ يحرك صوابعه ببطء..
مؤنس(بابتسامة):دكتور يوسف سامعني؟
مؤنس:لميس اتصلي بسرعة بالآنسة رشا..
لميس:حاضر..
يوسف حرك رأسه ببطء و فتح عينه بص ناحية مؤنس، شال جهاز الاوكسجين و خد نفسه بشكل طبيعي..
يوسف(بخفوت):إيلاف..
مؤنس(بابتسامة):حمدلله على سلامتك..
مؤنس بدأ يفحص قيمه الحيوية و أمر بنقله لأوضة عادية، رشا دخلت المستشفى و هي بتجري و كانت هتقع لحقها دكتور مؤنس..
مؤنس:اهدي اهدي..
رشا(بفرحة):بابا صحي صح صح يا دكتور مؤنس؟؟
مؤنس(بابتسامة):اه الحمدلله..
رشا(بدموع):عايزة اشوفه..
مؤنس:حاضر..
رشا دخلت لأوضة يوسف جريت عليه حضنته جامد و يوسف باس رأسها، رشا بدأت تعيط في حضن يوسف..
يوسف:خلاص بقى يا رشا..
يوسف:محسساني إني كنت مسافر خلاص الحمدلله جت سليمة..
رشا(بعياط):وحشتني اوي يا بابا وحشتني..
رشا(بعياط):في غيابك محدش وقف جمبي حتى إيلاف لسة مرجعتش..
يوسف:خلاص الحمدلله انا بخير..
يوسف:مؤنس..
مؤنس:نعم يا دكتور..
يوسف:في اي جديد بخصوص موضوع إيلاف؟
مؤنس:لا للأسف..
مؤنس:لسة مفيش اي أخبار بس البحث لسة مستمر..
يوسف(بتنهيدة):يا رب..
يوسف:اقف معاها و وجهها للطريق السليم..
رشا:و اه دكتور مؤنس الوحيد اللي وقف جمبي في غيابك..
يوسف:شكرا يا مؤنس..
مؤنس:ده واجبي ده أقل حاجة اقدمها لحضرتك يا استاذي..
يوسف ابتسم لمؤنس و مؤنس استأذن منهم و خرج بره الاوضة، رشا فضلت قاعدة مع يوسف تحكي ليه كل اللي حصل في غيابه..
يوسف كان قلقان على إيلاف و مبسوط لأن رشا مبسوطة و كانت بتتكلم و هي فرحانة برجوع والدها...
************************
-في مكان تاني...
_عند شغف..
شغف كانت قاعدة في بلكونة الشقة لمحت حازم و هو بيدخل من بوابه العمارة..
حازم بص ناحية شغف و طلع للشقة، شغف اتنهدت و خدت نفس عميق..
الباب خبط، شغف فتحت لحازم و الاتنين فضلوا واقفين قصاد بعض محدش بيتكلم..
حازم(بضيق):ممكن ادخل؟
شغف:اتفضل ده بيتك..
حازم دخل و شغف مشيت و قعدت قدامه.
حازم:الجرح تمام؟
شغف:الحمدلله..
حازم:من ساعة آخر مرة في المستشفى مشوفناش بعض..
شغف:فعلا..
حازم:قولت أسيبك ترتاحي..
شغف:شكرا ليك بعت أستاذ أدهم معايا و وصيت عليا عم سمير البواب و خليت في حراسة قدام البيت...
شغف:مكنش في داعي لده كله..
حازم:لا ليه داعي..أنتي اتصابتي في بيتي يبقى انا المسؤول..
حازم:ممكن اعرف حصل ايه؟
شغف:معرفش زي ما قولت قبل كدة فجاة لقيت حد ورايا و بيضرب رأسي..
حازم:تمام..
حازم:بالنسبة..
شغف:بالنسبة لايه؟
حازم:اللي قولته ليكي في المستشفى..
شغف:اي واحد؟
حازم:سبب رفضك ايه يا شغف؟
شغف لا رد..
حازم:مش هكرر سؤالي تاني..
شغف:بص حواليك و أنت تعرف..
حازم بص حواليه باستغراب لكنه لمح صور إيلاف كلها على الحيطان و حتى على الترابيزات..
شغف:عايزني اقبل بيك ازاي و انت في قلبك واحدة تانية؟!!!
شغف:حتى لو حبتني انا بس الحب الاول عمره ما بيتنسي..
حازم(بضيق):إيلاف تبقى بنت عمي..
شغف:ايا كانت هي مين ده ميهمنيش..
شغف:بس أنت كنت ناقص تحط في الحمام صورها حتى الاوضة اللي بنام فيها ليها صورة..
حازم:مش هكدب و اقولك مش بحب إيلاف انا لحد الان بحب إيلاف بس حبي لإيلاف مستحيل و انتي الوحيدة اللي قدرتي بعد إيلاف تشديني ناحيتك و قدرتي تخليني متعلق بيكي رغم تصرفاتك البسيطة..
حازم:انتي الزوجة المناسبة ليا..
شغف:و اهلي و بيتي و اخويا؟
حازم:مالهم؟
شغف:هتقدر تحاربهم هتقدر تحميني من اخويا هتقدر ترجعلي حقي..
حازم:انتي هنا بقالك فترة كبيرة و أخوكي معرفش مكانك..
شغف:عمرك ما هتفهم..
حازم:فهميني..
شغف:حياتنا مستحيلة..
حازم:لو وديتي نفسك فرصة هتبقى ممكنة..
شغف:هتقبلني بكل عيوبي..
حازم:اللي بيحب بيحب الشخص بعيوبه..
شغف:صدقني مش هتقدر..
حازم:صدقيني انتي و اديني فرصة..
شغف:تمام..
حازم قرب من شغف و قعد قدامها و مسك ايديها، حازم رفع عينيه لشغف..
حازم:بجد!
شغف:أه..
حازم:في أقرب وقت هجيب المأذون و نتجوز و طظ في اي شخص سواء اخوكي او اي حد هيعارض جوازنا..
حازم:احم الحق امشي مينفعش افضل اكتر من كدة يلا باي..
شغف هزت رأسها بمعني ماشي، حازم ساب شغف و خرج بره البيت و هو مبسوط و شغف كانت محتارة في قرارها..
************************
-في الصباح الباكر...
_عند دارك و إيلاف..
إيلاف كانت نايمة بعمق شديد لأول مرة في حياتها و بدأت تفوق من نومها ببطء..
إيلاف فتحت عينيها و رفعت نفسها شوية، إيلاف لقت جمبها دارك و هي حضناه جامد كانت هتصرخ بس حطت ايديها على بوقها بصدمة..
إيلاف بِعدت عن دارك و كانت لسة هتقوم دارك فتح عينه، إيلاف فتحت عينيها على آخرها..
إيلاف(بتوتر):إياك تفهم غلط..
دارك غمض عينه و شد إيلاف لحضنه و دفن رأسه فيها، إيلاف بصت لدارك و بصت حواليها مسمعتش صوت لجورا..
إيلاف(باستغراب):انا محلمتش!.
إيلاف حطت ايديها على وشها باستغراب و غمضت عينيها غصب عنها نامت تاني..
إيلاف و دارك صحيوا بعد فترة على صوت تليفون دارك، إيلاف بِعدت بسرعة عن دارك و دارك مد ايده مسك التليفون حطه على ودنه..
ألبرتو(بالروسية):انت فين؟
دارك قام بسرعة من مكانه و بص للتليفون..
إيلاف:د..
إيلاف لقت دارك حاطط ايده على بوقها جامد..
دارك(بالروسية):مكان ما انا عايز في حاجة ضروري؟!!
ألبرتو(بالروسية):هنسلم البضاعة للحدود النهاردة المفروض أنت تكون موجود و لا شكلك نسيت..
دارك(بالروسية):منستش و أنا مجهز الخطة من إمبارح مع رجالتي..
ألبرتو(بالروسية):طيب انا هسافر النهاردة أمريكا هنتظرك أنت و رجالتك..
دارك(بالروسية):تمام هنهي الموضوع..
ألبرتو قفل مع دارك، دارك بِعد عن إيلاف اللي خدت نفسها بصعوبة...
دارك:انتي كويسة؟
إيلاف:الحمدلله..
دارك:انا لازم امشي..
إيلاف:تمشي تروح فين؟!
دارك:لما اغير هدومي هقولك..
دارك دخل بسرعة غير هدومه و خرج و هو بيلبس الكوتشي بتاعه..
إيلاف:هتسبني هنا لوحدي؟
دارك:رائد و طاهر هيجوا لما امشي متخافيش..
إيلاف:طب و فين طنط جورا؟
دارك:هتلاقيها بتجيب طلب أو حبت تسيبنا على راحتنا..
دارك:متخافيش..
إيلاف قربت من دارك و مكست في ايده..
إيلاف(بدموع):متسبنيش.
دارك حط ايده على خد إيلاف و قربها منه باس رأسها، دارك مسك سلاح و حطه في ايد إيلاف اللي بصتله باستغراب لتصرفه..
دارك:خليه معاكي لحد ما طاهر و رائد يجيوا..
إيلاف:طب ما تخليك لحد ما طاهر و رائد يجوا.
دارك:مينفعش..
إيلاف:أنا مش عايزة أبقى لوحدي..
دارك:انتي مش لوحدك خلي بالك من نفسك..
دارك باس خد إيلاف و سابها و خرج، إيلاف قعدت مكانها و هي خايفة..
بعد فترة، إيلاف حست بصوت عربية قدام البيت غمضت عينيها و بعدها افتكرت المسدس مسكته و قامت وقفت ورا الباب..
الباب خبط كذا مرة..
رائد:إيلاف..
طاهر:انتي يا بت افتحي الباب انجزي..
إيلاف فتحت بسرعة الباب و أول ما شافت طاهر و رائد ضحكت بس عيطت في نفس الوقت..
طاهر(بهمس):هي شاربة ايه؟
رائد(بهمس):الله اعلم هي مالها كدة!
إيلاف:فين رئيسكم؟
طاهر:ملكيش دخل..
طاهر:و كمان باعتنا نحرس السنيورة..
رائد:هاي إيلاف..
إيلاف:هاي رائد..
التلاتة قعدوا في البيت، طاهر متضايق و إيلاف هي كمان متضايقة من وجوده..
إيلاف:بقولك يا رائد قول لصاحبك يلم نفسه..
طاهر:قولها يا رائد إني ماسك نفسي بالعافية أصلا..
إيلاف:قوله محدش قالك تعمل فيها بطل و تقف قدام العربيتين..
طاهر:قولها معملتش كدة علشان خاطر عينيها ده علشان خاطر دارك كان موجود في نفس العربية..
إيلاف:قوله ان الرجولة مش أنك تنقذ صاحبك بس..
طاهر:قولها و مش من الصح أنها توقع بين اتنين صحاب من 17 سنة..
إيلاف:موقعتش اللي قولته هو ده فعلا اللي حصل..
طاهر:ا..
رائد(بصوت عالي):بس بس منك ليها..
رائد:اخرسوا..
رائد:ايه الرغي الكتير ده اخرسوا شوية لاما تقولوا كلام حلو في حق بعض لاما تسكتوا و متبقوش ناقر و نقير كدة حرام عليكي زهقتوني و جبتولي صداع..
تليفون طاهر رن..الخط اتفتح..
ريان(بالروسية):وصلتلي أخبار يا طاهر أنه حصل هجوم على دارك و هو على الحدود و انا مع جوليا و أصلي و كمال مع ألبرتو..
طاهر(بقلق،بالروسية):خليك مع اصلي و جوليا و متتحركش من مكانك هتصرف انا..
رائد:في ايه يا طاهر؟
طاهر قفل مع رائد و قام وقف فورا..
طاهر:حصل هجوم على دارك لازم اروح..
رائد:هاجي معاك..
طاهر:خليك هنا..
إيلاف:لا روحوا أنتوا الاتنين و طمنوني على دارك..
إيلاف(بتوتر):احم يعني خلوا بالكوا من نفسكوا..
طاهر:جهز العربية يا رائد..
رائد:تمام..
طاهر:التعليمات اللي دارك وداها ليكي قبل ما يمشي لغاية ما احنا نيجي تنفذيها بالحرف..
طاهر:مش ناقص وجع دماغ..
طاهر:اعتبريني قولتها..
إيلاف:دارك قالي خلي بالك من نفسك اعتبرك قولتها يا أستاذ طاهر؟!
طاهر:لا دي لا انا لو أطول اقتلك بايدي دي كنت عملتها..
طاهر:خلي بالك من نفسك..
طاهر ساب إيلاف و خرج بره البيت، إيلاف ضحكت على تصرف طاهر و قعدت منتظرة اي أخبار عنهم و قلقت على دارك..
***********************
-في مكان تاني...
_عند دارك..
دارك كان راكب في العربية بيبص في ساعته و بص وراه كان وراه اكتر من خمس عربيات نقل و عربيات خاصة بالحراسة...
دارك(بالروسية):سرع شوية عايزين نوصل..
السواق(بالروسية):أوامرك..
دارك كان على بُعد بسيط من الحدود في عربية وقفت قدامهم دارك طلع مسدسه و نزل و وراه باقي الحراس..
طاهر:دارك!!
رائد:ازاي؟!
دارك:في ايه؟
دارك(بحدة):و ازاي تسيبوا إيلاف لوحدها..
رائد:وصلنا خبر انه حصلك هجوم..
دارك:محصلش حاجة..
دارك:ا..
دارك(بقلق):إيلاف..
دارك(بغضب):صدقوني لو حصلها حاجة هشيلكم انتوا الذنب..
دارك زق السواق بره العربية و ركب مكانه و رجع تاني يسوق ناحية البيت الخشبي..
طاهر:وصل الشحنة للحدود..
طاهر:متتأخرش..
رائد:هتعرف تسوق؟
طاهر:عيب عليك..
طاهر ركب العربية و ساق ورا دارك اللي كان بيسوق بسرعة كبيرة..
دارك حاول كتير يتصل بجورا معرفش..
_عند إيلاف..
إيلاف كانت بتتجول في البيت..
إيلاف:أخرج اتمشي شوية..
إيلاف لقت كوتشي موجود بدأت تلبسه كانت هتخرج سمعت صوت خبط على الباب رجعت لورا..
إيلاف:مستحيل طاهر و رائد رجعوا و لا حتى دارك..
إيلاف(بخوف):هيبقى مين!
فجأة إيلاف لقت الباب اتكسر و ظهر قدامها حراس كتير، إيلاف رجعت لورا لغاية ما وقعت في الارض..
كل الحراس وجهت أسلحتها ناحية إيلاف، إيلاف غمضت عينيها جامد و حست بظلام حواليها..
إيلاف(لنفسها):واضح أن دي نهايتك يا إيلاف.
.
.
.
_يتبع::::::::::::::::
**************************