طريق الهلاك «قيد التعديل»

الفصل الثالث عشر..

نكمل روايتنا(طريق الهلاك)بقلم سلسبيل كوبك..
الفصل ال13..
آخر حاجة وقفنا عندها في الفصل ال12..
دارك بص بصدمة ناحية إيلاف اللي كانت واقفة قريبة من بوابة الجنينة و وراها مالك اللي بينهج و شاور لدارك أنه مقدرش يوقفها..
إيلاف مسكت فستانها في ايديها و قربت من دارك اللي مش مستوعب تصرفها..
إيلاف(لنفسها):معرفش ليه مستمرة إني أكمل و ليه رجعت لكن..
إيلاف(لنفسها):مقدرتش أسيبهم يواجهوا خطر بسببي متعودتش إني أكون سبب أذية لحد غير للي كانوا سبب في قتل عائلتي..
إيلاف(لنفسها):ميستحقوش إني أودي ليهم ضهري و أسيبهم يموتوا أو يتأذوا..
إيلاف(لنفسها):معرفش القرار ده صح و لا لا بس اللي متأكدة منه إني مش هسيب حد يتأذي بسببي حتى و لو كان..
إيلاف وصلت لدارك و وقفت قدامه بيفصل بينهم خطوتين، إيلاف خدت نفس عميق..
إيلاف(لنفسها):حتى و لو كان مجرم..
إيلاف رفعت ايديها و نزلت ايد ستيفان بسلاحه بعيد عن دارك..
إيلاف(بالألمانية):بعتذر عن التأخير..
إيلاف بصت للمأذون اللي كان بيرتعش من الخوف بسبب الاسلحة و الحراس..
إيلاف(بابتسامة،بالالمانية):نبدأ؟
ميسم(بالالمانية):كنتي فين؟
إيلاف(بالالمانية):أعتقد محدش ليه أنه يتدخل في حياتي أو تصرفاتي..
المأذون(بخوف):ن نب دأ..
المأذون(بالالمانية،بارتباك):نبدأ علشان نخلص..
ستيفان(بملل،بالالمانية):هكون مضطر أشوف طريقتكم في الجواز إيه الملل ده؟!!
بيثان(بالالمانية):عندك حق يا زوجي العزيز بس كله يهون لاجل امي صح يا ميسم هانم..
ميسم(بالالمانية):عايزة هدوء، ابدأ..
المأذون:أنت العريس يا ابني؟
دارك(بخفوت):أيوه..
المأذون:بطاقتك..
دارك(بتوهان):اه بطاقتي بطاقتي..
دارك بدأ يدور في جيوبه على البطاقة، إيلاف بصتله و ضحكت على ارتباكه..
رائد::اهي البطاقة.
رائد طلع بطاقته و بطاقة دارك، مالك قرب و حط بطاقته..
المأذون:بطاقة العروسة..
إيلاف بصت لدارك و لقته بيطلع صورة من البطاقة بتاعتها..
دارك:احم بطاقتها مفقودة و دي الصورة..
المأذون:تمام..
المأذون بدأ يكتب الكتاب تحت نظرات الكل، إيلاف بدأت تتوتر..
المأذون:زواج مبارك إن شاء الله..
المأذون خد دفتره و طلع بره القصر بسرعة..
جين(بالالمانية):خلص؟
ميسم(بالالمانية):مش المفروض تبوس عروستك..
مالك و رائد بصوا لدارك بصدمة، دارك شاور على نفسه بدهشة..
دان(بالالمانية):ليه شاكة أن في حاجة بينكم!!
دارك قرب من إيلاف و حاوطها بين ايديه و باس رأسها بهدوء، إيلاف غمضت عينيها..
إيلاف(لنفسها):أنا بقول اتراجع..
دارك(ببرود،بالالمانية):عن أذنكم.
دارك وطى شال إيلاف بين ايديه و إيلاف حاوطت رقبته بايديها...
دارك سابهم و طلع لأوضته و قفل الباب برجله، إيلاف بصتله بتوتر و بِعدت عينيها عنه..
دارك بصلها بغموض ورماها على السرير..
إيلاف(بوجع):يا غبي!
دارك(بحدة):ايه اللي أنتي عملتيه تحت ده!!
دارك(بحدة):ليه رجعتي؟
دارك(بحدة):ردي عليا..
دارك(بغضب):انتي متعرفيش عواقب اللي عملتيه ده ايه انتي مجنونة رجعتي ليه مسمعتيش كلام مالك ليه؟؟؟
إيلاف:مينفعش أسيبكم هنا تتأذوا علشان خاطر أنا امشي..
دارك(بغضب):و انتي ايه اللي بيربطك بينا؟!!!
دارك(بغضب):باللي انتي عملتيه ده بوظتي كل الخطط اللي كنت عاملها..
دارك(بغضب):انتي وجودك أكبر أذي بالنسبة ليا..
دارك(بغضب):ا..
إيلاف(ببرود):و أنت اللي دخلتني في حياتك مش أنا و مجبر ترجعني مهما يحصل..
إيلاف سابت دارك و خدت هدوم ليها و دخلت الحمام، إيلاف قلعت الفستان و رمته في الارض بانفعال..
إيلاف قعدت على طرف البانيو بتأنب نفسها و ضربت نفسها كذا قلم على وشها..
إيلاف(بغضب):أنا اللي غلطانة مش هو عنده حق إيه اللي رجعني اساعدهم هما مين اصلا مفيش حاجة اسمها انسانية في حياتهم اصلا..
"إيلاف لبست بنطلون باللون الأسود و فوقه تي شيرت باللون الاسود بكم صوف، رفعت شعرها على شكل ديل حصان"..
إيلاف غسلت وشها كذا مرة و خدت نفس عميق و خرجت، كان دارك غير هدومه و قعد على الكنبة بيشتغل على صفقة مهمة بالنسبة ليه..
إيلاف قعدت على السرير و بصت للساعة اللي قدامها، إيلاف فردت جسمها على السرير و فتحت النور و غمضت عينيها علشان تنام..
دارك(بحدة):شغلي النور بطلي شغل عيال..
إيلاف(ببرود):روح شوفلك مكان تاني تقعد فيه يا أستاذ دارك..
دارك(بحدة):مش بهزر يا إيلاف..
إيلاف(ببرود):و انا عايزة أنام..
إيلاف غمضت عينيها و بدأت تنام، دارك شغل النور تاني إيلاف قامت و هي متغاظة منه.
إيلاف:هنام اطفي النور..
دارك:بشتغل..
إيلاف:يا ترى بتشوف هتقتل كام واحد بكرة و لا هتهرب كام كمية من الهيروين و لا هتاجر بالبنات و لا هتعمل ايه اصل جدولك مشغول..
دارك:بفكر اقتلك و ارميكي في الصحراء..
إيلاف:ابقى انقلني في عربية نضيفة..
إيلاف حطت رأسها على المخدة و حطت البطانية على وشها...
بعد فترة بسيطة دارك قام من مكانه و قرب من إيلاف نزل لمستواها..
دارك:صاحية؟
دارك هز إيلاف بس إيلاف كانت نايمة فعلا، دارك طفى النور و خد مخدات من جمبها و راح ناحية الكنبة بدأ يظبط نومته..
دارك نام على الكنبة و غمض عيونه...
_بعد فترة..
إيلاف و دارك قامو من نومهم مفزوعين بسبب حلم كل واحد فيهم...
إيلاف شغلت النور اللي جمبها بسرعة و بدأت تهدي نفسها، قامت قربت من دارك..
إيلاف:أنت كويس!
دارك(بخفوت):هبقى كويس ابعدي انتي..
إيلاف:هنزل اجيب ماية..
إيلاف سابت دارك و نزلت لتحت كان في أضواء بسيطة، إيلاف بدأت تتمشي في القصر لغاية ما لقت المطبخ..
إيلاف لقت جين موجود في المطبخ راحت ناحية التلاجة جابت ازازة ماية و كانت هتخرج بس جين مسك ايديها..
جين(بالالمانية):نسيت أعترفلك أنك جميلة.
إيلاف(بالالمانية):أنت سكران!
جين(بالالمانية):بتفرق معاكي؟!
جين كان هيقرب على إيلاف اللي مسكت الازازة اللي في ايديها و ضربته على رأسه..
جين(بوجع،بالالمانية):انتي مجنون!!
إيلاف زقت جين و طلعت جري على أوضتها كان دارك لسة هيفتح الباب..
دارك:إيه اللي أخرك كدة و فين الماية؟
إيلاف:قابلت متحرش معرفتش اجيب حاجة..
دارك:متحرش!انتي في محطة مصر؟
إيلاف:أخوك اعترض طريقي اسكت انا يعني!
دارك فتح الباب و كان هينزل لقى قدامه ميسم و جين اللي بينزل دم و ستيفان و دان و بيثان..
ستيفان(بالالمانية):ازاي الحقيرة اللي وراك دي تضرب جين!
دارك(ببرود،بالالمانية):هي كدة عملت حاجة!
دارك هجم على جين و بدأ يضربه، ستيفان حاول يوقفه معرفش..
ميسم(بحدة،بالالمانية):جاسم وقف اللي بتعمله ده..
رائد خرج من أوضته على الصوت، إيلاف جريت ناحية دارك.
إيلاف:خلاص خلاص هيموت في ايدك..
رائد:خلاص سيبه..
دارك بِعد عن جين اللي بقى وشه كله دم، بيثان و دان مصدومين من اللي دارك عمله..
دارك:ادخل أوضتك يا رائد..
دارك(بالالمانية):اليومين اللي انا هنا فيهم لو عرفت أن حد بس اعترض طريقها بمجرد كلمة هيبقى مصيره زي ده.
دارك مسك ايد إيلاف و دخل لأوضته و كان متعصب، إيلاف قفلت الباب و بصتله..
إيلاف(بتوتر):بعتذر لو كن..
دارك(بحدة):انتي المفروض مكنتيش تضربيه بالازازة و بس المفروض كنتي تضربيه اكتر..
إيلاف(بصدمة):نعم!!!
دارك:يلا روحي نامي..
إيلاف:أنت كنت عايزني أقتله!
دارك:نامي يا إيلاف..
دارك طفى النور، إيلاف طلعت نامت على السرير، دارك طلع وقف في البلكونة شوية..
**************************
-في الصباح الباكر..
_عند كمال و جوليا..
طاهر:يلا يا كمال..
جوليا:ما تروح انت و ريان بس يا طاهر..
طاهر:طبعا معنديش مانع..ابقى كلمي دارك و قوليله..
كمال:خلي بالك من نفسك و خلي جاسمين تيجي تعيش معاكي هنا..
جوليا:حاضر..
كمال:لو حصل اي حاجة تعالي الميناء هتلاقي هناك راجل من رجالتنا..
جوليا:حاضر حاضر..
كمال:يلا يا حبيبتي باي.
كمال باس رأس جوليا و خرج مع طاهر و ريان..
كل واحد ركب عربيته و مشيوا، في نفس اللحظة جت أصلي و دخلت الڤيلا رنت الجرس.
جوليا:أصلي عاملة ايه؟
أصلي:الحمدلله جيت اطمن على البنت اللي كانت تعبانة خطيبة دارك..
جوليا:اه لا ما هي و دارك سافروا..
أصلي:هو مفيش حد غيرك؟
جوليا:اه طاهر و الكل لسة ماشيين من شوية..
أصلي:اه تمام..
جوليا:كويس أنك جيتي تعالي نتكلم شوية بدل الملل ده..
أصلي:طيب..
جوليا و أصلي قعدوا مع بعض يتكلموا، الجرس رن..
جوليا:لحظة يا أصلي..
جوليا فتحت الباب لقت مجموعة أشخاص قدام باب البيت..
جوليا بصتلهم و هما كانوا لسة هيقتحموا البيت، جوليا قفلت الباب بسرعة..
أصلي(بخضة):في إيه؟!
جوليا:قومي بسرعة..
جوليا و أصلي دخلوا الجنينة و خرجوا من الباب الخلفي، الحراس حاولوا كتير يفتحوا الباب لغاية ما كسروه..
أصلي(بخوف):هنروح فين؟
جوليا:المهم نبعد من هنا بسرعة..
اصلي وقفت تاكسي و الاتنين ركبوا..
اصلي(بالاسبانية):حي *****..
جوليا:اتصلي بكمال لو معاكي رقمه..
أصلي:معتقدش..
أصلي طلعت تليفونها و دورت على رقم كمال ملقتهوش، اتصلت بطاهر..
الخط اتفتح..
طاهر(بالاسبانية):دكتور اصلي..
جوليا(بالاسبانية):طاهر قول لكمال ان في ناس جم البيت و انا خدت اصلي و هربنا..
طاهر(بالاسبانية):فهميني براحة انتوا فين دلوقتي؟
جوليا(بالاسبانية):هنروح على بيت أصلي..
طاهر(بالاسبانية):طيب و احنا جايين عندك..
كمال:في ايه يا طاهر؟هنروح فين احنا لازم نسافر..
ريان(بقلق):استنى يا كمال ممكن تكون حصلت حاجة..
طاهر:في ناس طلعوا على جوليا و أصلي..
كمال(بقلق):جوليا فين دلوقتي؟
طاهر:في بيت اصلي يلا نروح..
ركبوا عربياتهم تاني و طلعوا على بيت أصلي..
كمال:جوليا هي اللي كلمتك؟
طاهر:ايوه من تليفون أصلي..
ريان:متقلقوش هما هيكونوا بخير..
كلهم وصلوا للعمارة اللي أصلي ساكنة فيها، كمال نزل من عربيته بسرعة و طلع جري لشقة أصلي..
طاهر:اهدى يا كمال براحة..
كلهم وصلوا لشقة أصلي و بدأوا يخبطوا الباب.
كمال:اتصل على تليفونها يا طاهر بسرعة..
طاهر اتصل بأصلي، ريان مال على الباب و سمع صوت التليفون جوا الشقة..
كمال:الحل أننا نكسر الباب..
بدأوا يكسروا الباب و دخلوا الشقة، لقوا الشقة الصالة متبهدلة و شنطة أصلي مرمية في الارض مع تليفونها..
كمال(بخوف):جوليا..
ريان بدأ يلف في الشقة كلها ملقاش حد..
************************
-في مكان تاني...
_في ألمانيا..
كان الكل قاعد على السفرة بيأكل..
ميسم(بالالمانية):قولتي أنتي اسمك ايه؟
إيلاف(بالالمانية):إيلاف..
ميسم(بالالمانية):ازاي اتعرفتي على جاسم؟
إيلاف بصت لدارك و رائد، دارك كان هيتكلم ميسم شاورت ليه بمعنى لا..
إيلاف(بالالمانية):اعتقد أن السؤال جاي متأخر بمعني إن أنا و هو اتجوزنا خلاص..
إيلاف شبكت صوابع ايديها بايد دارك..
إيلاف(بالالمانية):اتقابلنا في ظروف غامضة و اضطرينا نقابل بعض لايام لغاية ما جه و اعترف ليا و اتخطبنا..
بيثان(بالالمانية):اتقابلتوا فين؟
دان(بالالمانية):أشك أنك اتجوزتيه عن حب ممكن علشان فلوسه..
إيلاف(بالالمانية):و فيها إيه فلوسه هي فلوسي ما احنا بقينا شخص واحد دلوقتي..
إيلاف(بالالمانية):و العكس صحيح فلوسي هي فلوسه..
ستيفان(بالالمانية):و هو انتي بتملكي اي حاجة اصلا!!!!
رائد(بالالمانية):جاسم كاتب ليها نص املاكه..
كلهم بصوا لدارك بصدمة، دارك كمل أكله بهدوء.
بيثان(بالالمانية):دي أكيد نصابة و بتخونك..
دارك(ببرود،الالمانية):ليه هي زيك و لا نفس تربيتك!!!
ميسم(بالالمانية):خلاص هدوء كملوا أكل..
دارك(بالالمانية):الفلوس هتتحول النهاردة بليل و انا و رائد و إيلاف هنمشي بكرة الصبح..
دارك بص على ايده لقى إيلاف لسة ماسكة في ايده و بتتكلم مع رائد..
دارك حاول يسحب ايده إيلاف بصتله و شالت ايديها بسرعة من بين ايديه..
رائد(بهمس):خلي بالك ستيفان بيفهم عربي و ميسم هانم..
إيلاف(بهمس):طب و الحربايتين دول؟
رائد(بهمس):انتي قولتيها بنفسك حربايتين محدش يعرف بيتكلموا عربي و لا لا..
دان(بالالمانية):لابسة أسود خير الليلة امبارح كانت سودة على دماغك!!
إيلاف بتسمت بسخرية لدان..
إيلاف(بالالمانية):الايام السودة مش في قاموسي، لكن الاسود ممكن نعتبره لون قلبك مثلا..
بيثان(بالالمانية):انت متجوز واحدة قليلة الادب يا دارك ايه دي!!!!
دارك لا رد..
إيلاف(بالالمانية):بتتكلمي عن نفسك يا بيثان!!
ميسم(بحدة، بالالمانية):إيلاف اهدي..
إيلاف(بالالمانية):مش لايق عليكي دور الحماة..
ستيفان(بالالمانية):انا مش عايز أقل منك اياكي تقولي كلمة واحدة لمراتي..
إيلاف(بالالمانية):مقدرتش ترد فجابتك أنت..
دارك قرص إيلاف في رجليها، إيلاف بصتله و كانت هتزعق..
رائد(بالالمانية):تعالي يا إيلاف نتمشي شوية..
إيلاف(بالالمانية):يلا..
إيلاف و رائد خرجوا اتمشوا في الجنينة و قعدوا يتكلموا مع بعض، رائد وقف أول ما لقى قدامه دارك..
دارك:خير متعبتوش!
إيلاف:لا متعبناش مش عارفة إيه ده!! مش كنت أتجوزت رائد بما إنها محسوبة عليا جوازة و خلاص..
دارك:بجد!
دارك قرب من إيلاف و شاور لرائد أنه يمشي، إيلاف سندت على الشجرة اللي لقتها دارك حط ايده جمب رأسها..
دارك:خير يا مدام إيلاف ايه اللي مضايقك في جوازنا؟.
إيلاف(بضيق):أنت بارد..
دارك:البرود حلو مع اللي زيك..
إيلاف:ابعد كدة..
دارك:و لو مبعدتش!!
إيلاف:رخم..
إيلاف كانت لسة هتتكلم لقت دارك قرب عليها جامد، هي بصتله بصدمة مع توتر..
دارك(بهمس):متتكلميش..
دارك بص بطرف عينه على بيثان اللي كانت واقفة متغاظة من تصرفات دارك، بيثان قربت منهم تسمع بيقولوا ايه..
دارك(بهمس):انتي وحشة..
إيلاف(بحدة):ا..
دارك(بهمس):بس أجمل واحدة أنا عرفتها..
دارك(بهمس):لو رجع بيا الزمن كنت اتجوزتك تاني و تالت لحد ما اموت..
إيلاف(بصدمة):ان..
دارك قرب من إيلاف و باسها على خدها، إيلاف من صدمتها كانت هتقع بس دارك حاوطها بايده.
بيثان بصتلهم بغضب و سابتهم و رجعت القصر تاني، دارك بِعد عن إيلاف فورا..
دارك ودى ضهره لإيلاف اللي كانت واقفة ثابتة مش بتتحرك، دارك لف لما لقى إيلاف مش بتتحرك و لا عملت أي صوت..
دارك:إيلاف..
دارك:انتي مش بتتنفسي!!
إيلاف بصتله و غصب عنها نفسها اتكتم، إيلاف بدأت تتنفس بحرية شوية..
دارك:انتي كويسة؟
إيلاف:أنت عملت اللي عملته من شوية ليه؟
دارك:مراتي مش حقي!
إيلاف:حد يجي يقول لحد كلام حلو يقوله انتي وحشة بس جميلة..
إيلاف سابت دارك و دخلت القصر، دارك قعد في الارض و سند ضهره للشجرة..
تليفون دارك رن...الخط اتفتح..
دارك:وصلتوا؟
كمال(بدموع):جوليا مختفية يا دارك..
دارك(بصدمة):ازاي!
طاهر خد التليفون من كمال و كلم دارك هو..
طاهر:جوليا و أصلي..
دارك:ازاي حصل ازاي؟
طاهر:احنا كنا لسة هنسافر لقينا اتصال من تليفون أصلي و جوليا هي اللي ردت..
طاهر:قالت أن في ناس هجموا على البيت هي خدت أصلي و هربوا لشقة أصلي جينا ملقناش حد..
دارك:طب اقفل هحاول اتصرف..
دارك قام من مكانه و طلع لاوضته جاب اللاب بتاعه و بدأ يشوف لو في رسايل جاتله..
إيلاف دخلت أوضتها و دخلت البلكونة بدأت تستنشق هواء و قعدت على الكرسي اللي موجود..
إيلاف لقت دارك بيجهز هدومه و اشيائة في شنطة ضهر صغيرة فـ خرجتله بسرعة، دارك كان بيكلم رائد..
دارك:النهاردة الساعة 2 تكون جاهز..
رائد:حاضر..
إيلاف:هنمشي؟!!
دارك:ايوه..
إيلاف:طيب..اجهز شنطتي انا كمان؟
دارك:مش هتحتاجيها..
إيلاف(باستغراب):ماشي..
_بعد فترة كبيرة، جه الميعاد اللي هيمشوا فيه..
دارك:إيلاف إيلاف..
إيلاف(بخضة):ايه!
دارك:قومي هنتحرك..
إيلاف:طيب..
إيلاف قامت من على السرير مسكت الجاكت بتاعها و لبست شنطتها و خرجت مع دارك بره اوضتهم..
دارك(بهمس):متعمليش صوت..
إيلاف هزت رأسها بمعنى ماشي و نزلت مع دارك، دارك كان بيبص في كل مكان و خرج مع إيلاف بره القصر..
دارك وقف قدام عربية و حط شنطته في العربية و فتح الباب لإيلاف و لف ركب و بدأ يسوق..
إيلاف:في حاجة حصلت جديد؟
دارك:النهاردة هنفذ رغبتك..
إيلاف(بحذر):اللي هي!
دارك:هترجعي مصر..
إيلاف بصت لدارك بصدمة و التزمت الصمت طول الطريق و هي بتفكر ازاي هتقابلهم في مصر و ازاي هتتكلم معاهم و يا ترى ايه اللي حصل طول فترة غيابها..
بعد فترة لقت دارك وقف قدام المطار..
دارك:هتقابلي حد اسمه تشارلي هيعرف يسفرك..
إيلاف:هو المفروض انزل دلوقتي!
دارك:انتي شايفة ايه؟!
إيلاف فتحت الباب و نزلت بصت على المطار خدت نفس عميق و كانت لسة هتتحرك لقت دارك ساق بسرعة كبيرة و مشي..
إيلاف دخلت المطار و بدأت تبص حواليها لقت شخص رافع ورقة مكتوب عليها تشارلي راحت ناحيته..
إيلاف(بالانجليزية):تشارلي أنا إيلاف..
تشارلي(بالانجليزية):اهلا و سهلا بيكي اتفضلي معايا..
تشارلي خد إيلاف و خرج بره المطار..
إيلاف(بالانجليزية):مش المفروض نسافر!
تشارلي(بالانجليزية):أيوه هنسافر اتفضلي اركبي..
إيلاف ركبت العربية مع تشارلي، تشارلي ساق بالعربية تحت استغراب إيلاف منه..
**************************
-في مكان تاني...
_عند جوليا و أصلي..
أصلي بدأت تفوق و فتحت عينيها ببطء لقت نفسها في بيت مهجور..
أصلي حاولت تتحرك لقت نفسها مربوطة بـ حبل بصت جمبها لقت جوليا مغمي عليها جمبها و برضو مربوطة زيها..
أصلي حاولت تتحرك كتير و تفك الحبل معرفتش، أصلي حاولت تصحي جوليا معرفتش...
أصلي(بالاسبانية):حد هنا!!
أصلي(بصوت عالي،بالاسبانية):الحقونا..
جوليا بعد فترة فاقت بصت حواليها لقت أصلي بتعيط بدأت تستوعب الموضوع..
جوليا:احنا هنفضل كدة كتير!!
أصلي(بعياط):معرفش معرفش..
جوليا:انا آسفة انا السبب في اللي حصلك..
أصلي:تفتكري هيعرفوا يوصلوا لينا!!
جوليا:انا واثقة أن كمال هيلاقيني..
_
جوليا و أصلي وصلوا لبيت أصلي و قعدوا يأخدوا نفسهم، فجأة لقوا حد بيكسر الباب..
أصلي(بخوف،بالاسبانية):انتوا عايزين ايه؟
جوليا(بالاسبانية):ا..
كل الاشخاص طلعوا اسلحتهم و حطوها في وش جوليا و أصلي..
سحبوا جوليا اللي حاولت تقاومهم، أصلي مسكت موبايها لسه هتتصل بطاهر لقت حد ضربها على رأسها، الحراس خدوا جوليا و أصلي قبل ما الشباب توصل..
_
فجأة اتخضوا لما لقوا الباب بيتكسر، الشباب دخلت...
كمال(بلهفة):جوليا..
كمال جري على جوليا خدها في حضنه، طاهر قرب من أصلي اللي قعدت تعيط و بدأ يفك الحبل اللي هي مربوطة بيه..
جوليا(بدموع):كنت واثقة أنك هتيجي..
كمال بعد ما فك الحبل بعيد عن جوليا خدها في حضنه و شدد عليها و هي في حضنه و باس رأسها و خدها..
كمال:انا آسف إني اتأخرت..
ريان:لازم نمشي منعرفش ايه اللي هيحصل..
كمال وطي شال جوليا بين ايديه، طاهر سند أصلي و خرجوا بره البيت..
أصلي كانت هتقع طاهر حاوط خصرها بايده..
طاهر:اسندي عليا..
أصلي(بدموع):شكرا..
كلهم ركبوا عربياتهم و بدأوا يسوقوا، طاهر بص لأصلي لقاها بتعيط بصمت..
طاهر:في حاجة حصلت؟
أصلي:لا.
طاهر:اومال بتعيطي ليه؟
أصلي:مفيش حاجة..
_في عربية كمال و جوليا..
كمال خد جوليا في حضنه و باس رأسها..
كمال:حصلك حاجة؟
جوليا:لا..
كمال:طيب يا حبيبتي..
*************************
-في مكان تاني....
_عند دارك..
مالك:خلاص وصلوا ليهم مفيش داعي تروح..
دارك:تمام...
مالك:فين إيلاف؟
دارك:سافرت..
مالك:مع مين؟
دارك:تشارلي من طرف رائد..
مالك:واثق فيه؟
دارك:اه..
مالك:طيب المهم ترجع لبيتها بسلام كفاية هي اكتر واحدة اتمرمطت معاك الصراحة..
مالك:كفاية اللي عملته امبارح..
دارك:اه نسيت اسألك حصل ايه امبارح؟
مالك:كنا لسة هنركب العربية فجأة لقيتها وقفت و بصت وراها و بدأت تجري ناحيتك..
مالك:الحارسين منعوها بس هي زقتهم و انا مسكتها و لسة بحاول افهمها..
مالك:سابتني و مشيت و بس..
دارك(بتنهيدة):عنيدة..
مالك:هجهز لمقابلة ماركوس اشوفك في روسيا..
دارك:يومين و اجي..
مالك:طيب المهم ابقى طمني على جوليا و الانسة اصلي..
دارك:طيب..
دارك ساب مالك و ركب عربيته و بدأ يسوق ناحية المطار، دارك وقف قدام المطار و نزل من عربيته..
دارك(لنفسه):معرفش أنا هنا ليه بس اللي متأكد منه أنه حصلت حاجة..
دارك دخل المطار و بدأ يبص حواليه..
دارك(بالانجليزية):لو سمحت الكابتن تشارلي طلع بطيارته..
موظف(بالانجليزية):الكابتن تشارلي واخد اجازة بقاله أسبوع..
دارك(بالانجليزية):متأكد!
موظف(بالانجليزية):جه النهاردة استضاف حد و خده و مشي..
دارك(بالانجليزية):كانت بنت صح؟
موظف(بالانجليزية):اه..
دارك(بالانجليزية):كانت لابسة اسود في اسود و..
موظف(بالانجليزية):ايوه و كانت لابسة شنطة و في ايديها جاكت باللون الاسود برضو..
دارك(بالانجليزية):تمام شكرا شكرا..
دارك خرج جري بره المطار و ركب عربيته و بدأ يسوق بسرعة كبيرة و طلع تليفونه اتصل برائد..
دارك(بزعيق):شوفلي الزفت اللي قولت عليه ده فين دلوقتي.
رائد:مين بالظبط؟
دارك(بزعيق):الزفت اللي اسمه تشارلي بسرعة..
رائد:عمل ايه طيب؟
دارك:معرفش خد إيلاف و راح بيها لفين..
رائد(بقلق):طيب هشوف هشوف..
**************************
_عدى 3 أيام من يوم اختفاء إيلاف..
-عند شغف..
شغف كانت قاعدة في الشقة يعتبر محبوسة مبتعرفش تنزل و لا تخرج و لا تكلم حد..
الباب خبط..
شغف قامت بسرعة فتحت الباب لقت حازم..
شغف:اخيرا جيت اتصرف بقى عايزة أخرج عايزة اشوف شغل اشوف بيت تاني اقعد فيه..
حازم زق شغف و دخل الشقة و قعد على الكنبة و خد راحته، شغف جت وقفت قدامه....
حازم:اقعدي..
شغف:خير؟
حازم:جبتلك شغل..
شغف(بحماس):فين؟
حازم:هتشتغلي في مول كبير..
حازم:بس لازم هطلعلك بطاقة جديدة و حوارات كتير..
شغف:هردلك الجميل ده..
حازم:قومي البسي..
شغف:هنروح فين؟
حازم:هنبدأ في الاجراءات و انجزي علشان ورايا شغل..
شغف:تمام..
شغف دخلت بسرعة غيرت هدومها و خرجت لحازم و نزلوا الاتنين بدأوا يخلصوا شوية ورق و اجراءات..
الاتنين كانوا خارجين من المكتب.
موظف:شغف..
شغف بصت لحازم بخوف و توتر و الاتنين لفوا ببطء ناحية الشخص اللي نادى على شغف..
****************************
-في مكان تاني...
_عند دارك..
دارك(بغضب):متنساش أنها من الاول غلطتك انت..
طاهر:اهدى يا دارك..
رائد:مكنتش اعرف أنه خاين..
ريان:متنسوش أنكم مدفعتوش فلوس ستيفان و متنسوش أنكم سايبين جاسمين في اسبانيا و جيتم هنا لالمانيا..
كمال:متقلقيش يا جوليا بعت حد يجيبها بس هنأخد وقت..
جوليا:طيب..
دارك(بحدة):هتكون راحت فين يعني!!
ريان:ممكن تكون ماتت..
رائد:هنلاقيها انا متأكد..
دارك سابهم و خرج ركب عربيته و بدأ يسوق في شوارع ألمانيا، دارك وصل للكوبري اللي وقف عليه اول ما جه المانيا، كان المكان هادئ جدا صوت البحر جميل..
دارك وقف مكانه لفترة و كان هيتحرك وقف مكانه لما لقى إيلاف ماشية في اتجاهه..
دارك(بخفوت):إيلاف..
إيلاف رفعت رأسها بذهول لما سمعت صوت دارك و قربت منه كذا خطوة كمان..
دارك بص عليها نظرة شاملة... بنطلونها مقطوع و في جروح في رجليها، شعرها اللي باين عليه أنه مش مترتب، وشها الشاحب و التراب اللي مغطي على ملامحها، ايديها اللي مكانها دم..
دارك لمح نظرة الضعف اللي في عينيها و لأول مرة يشوفها في حياته..
دارك قرب من إيلاف و حاوط وشها بين ايديه.
دارك:كنتي فين؟.
إيلاف(بدموع):انا بقيت مجرمة..
إيلاف رفعت ايديها اللي عليها دم شخص غيرها قدام عيون دارك، دارك قبل ما يستوعب كانت إيلاف وقعت بين ايديه على الارض..
.
.
.
_يتبع::::::::::
************************