طريق الهلاك «قيد التعديل»

الفصل السابع عشر..

نكمل روايتنا(طريق الهلاك)بقلم سلسبيل كوبك..
الفصل ال17..
آخر حاجة وقفنا عندها في الفصل ال16..
دارك مكنش عارف يوقف العربية حاول كتير، إيلاف بصتله بقلق شديد..
فجأة طاهر ساق بسرعة كبيرة و وقف قدام عربية النقل و عربية دارك..
إيلاف اتصدمت من تصرف طاهر..
دارك(بصوت عالي):لا يا طاهر..
طاهر غمض عيونه و استسلم للأمر الواقع..
العربية النقل خبطت في عربية طاهر و كذلك عربية دارك اللي اتقلبت على جمبها..
رائد نزل من عربيته بسرعة و جري على عربية دارك فتح بابه..
رائد(بقلق):دارك دارك سامعني..
دارك شال الحزام اللي كان رابطه و حاول يخرج من العربية بمساعدة رائد..
دارك(بتعب):شوف إيلاف..
دارك قرب من عربية طاهر حاول يفتح باب العربية بس كان من الصعب أنه يتفتح..
رائد(بقلق):إيلاف سمعاني..
إيلاف(بوجع):آآآه..
رائد(بقلق):امسكي في ايدي..
إيلاف حاولت تتحرك بس حست بوجع شديد..
إيلاف(بوجع):مش عارفة..
رائد:حاولي بس حاولي..
إيلاف حاولت تتحرك و مدت ايديها ناحية ايد رائد الممدودة ليها، رائد شدها ناحيته إيلاف مسكت فيه لغاية ما خرجت بره العربية..
إيلاف بصت على دارك و هو بيحاول يفتح باب العربية لطاهر و كان خايف و قلقان و مش قادر يتصرف..
إيلاف:ساعده..
رائد راح ناحية دارك و هما الاتنين بعد محاولات عرفوا يفتحوا باب طاهر، إيلاف قربت منهم و بصت على حالة طاهر..
إيلاف:لازم عناية و احنا بنشيله ممكن يكون حصل كسر في الرقبة أو في الجمجمة..
إيلاف ثبتت رأس طاهر بايديها، دارك شال قصادها باقي جسم طاهر..
ركبوا طاهر عربية رائد في الكرسي الخلفي، رائد ركب مكان السواق..دارك ركب جمبه..
إيلاف وقفت مش عارفة تركب فيه..
دارك(بحدة):مش وقت تفكير..
دارك شد إيلاف على رجله و قفل الباب، إيلاف بصتله بصدمة و كانت محرجة من رائد حطت ايدها على وشها..
دارك(بحدة):سرع شوية يا رائد..
إيلاف:لا يا رائد غلط ممكن و أنت بتتحرك يحصله ضرر لازم عناية..
إيلاف:المفروض أصلا كنا نتصل بالاسعاف..
دارك بص لـِ طاهر بقلق و رفع عينه لإيلاف كانت ماسكة ايديها بوجع لأنه حصلها التواء..
دارك:أنتي كويسة؟
إيلاف:أه أنا بخير..
دارك:وريني ايدك..
إيلاف:متعملش فيها دكتور أنا بقولك أنا كويسة.
بعد فترة، رائد وقف قدام المستشفى و دارك فتح باب العربية إيلاف نزلت و فتحت باب طاهر و شافت النبض..
إيلاف:نقالة بسرعة..
رائد جري طلب نقالة و جت معاه ممرضين و بدأوا ينقلوا طاهر على النقالة و دخلوه اوضة الطوارئ بدأوا يشوفوا ضغط دمه و قيمه الحيوية و جهزوا أوضة العمليات لـ طاهر..
رائد و دارك و إيلاف وقفوا قدام أوضة العمليات، إيلاف استأذنت من رائد علشان تروح الحمام..
إيلاف(بالالمانية):لو سمحت معصمي فيه التواء ممكن رباط..
ممرضة(بالالمانية):هقول للدكتور يشوف حالتك..
إيلاف(بالالمانية):مفيش داعي انا دكتورة..
ممرضة(بالالمانية):تمام اتفضلي معايا..
الممرضة خدت إيلاف معاها و بدأت تشوف معصمها كان مجرد التواء بسيط، إيلاف رفعت كم التي شيرت بتاعها و الممرضة بدأت تلف رباط حوالين المعصم..
إيلاف(بابتسامة،بالالمانية):شكرا ليكي..
ممرضة(بالالمانية):ده واجبي..
إيلاف رجعت لقت دارك راح ناحيتها..
دارك(بحدة):ربع ساعة في الحمام!
إيلاف:و فيها ايه؟
إيلاف:و كمان المفروض تكون قلقان على صاحبك مش عليا..
دارك(بحدة):و مين قالك إني قلقان عليكي؟ كنتي فين؟
إيلاف:أعتقد مش موضوعنا..
إيلاف كانت هتمشي دارك مسك ايديها، إيلاف حست بآلم و بصتله...دارك شدها ناحيته بهدوء..
دارك رفع كم التي شيرت بتاعها و بصلها..
دارك:ايه ده!
دارك:مش سألتك في العربية في حاجة قولتي لا؟
إيلاف:مش مضطرة أشاركك آلامي و كمان ده وجع بسيط..
دارك:ا..
رائد:خلاص يا جماعة الحمدلله جرح إيلاف بسيط نركز على طاهر..
إيلاف شدت ايديها من بين ايدين دارك و قعدت على الكرسي الموجود، دارك وقف قدامها ساند بضهره على الحيطة، رائد واقف في زاوية الحيطة منتظر خروج الدكتور من أوضة العمليات..
إيلاف بصت لدارك و بعدها وقفت قربت منه..
إيلاف:لازم تقعد و ترتاح أنت تعبان و ممكن يغمي عليك دلوقتي..
دارك:ملكيش دعوة..
إيلاف(بحدة):علفكرة عنادك ده مش هيعمل حاجة غير أن حالتك ممكن تسوء..
دارك:اي..
إيلاف(بقلق):دارك..
إيلاف لحقت دارك قبل ما يقع على الارض، رائد جه سنده مع إيلاف..
رائد(بضيق):اعمل ايه بس في دماغه العنيدة دي..
دارك(بخفوت):أنا..
إيلاف:متتكلمش.
إيلاف قعدت دارك على كرسي من الموجودين..
إيلاف:ممكن تشتري عصير و اكل يا رائد..
رائد:تمام حاضر..
إيلاف(بضيق):بتعاند كمان في صحتك؟
دارك(بخفوت):طب ما أنتي كمان عاندتي من شوية..
إيلاف(بضيق):أنا غيرك اتعودت على كدة..
دارك(بخفوت):متحكميش على حد من منظور قصتك انتي..
إيلاف(بتنهيدة):ليه عمل كدة؟
دارك(بخفوت):معرفش..
رائد:جبت أكل بسيط علشان ملقتش محلات كتير هنا..
إيلاف:مش مهم المهم أنه يأكل علشان الهبوط اللي حصله من شوية..
بعد فترة بسيطة الدكتور خرج من اوضة العمليات، رائد و إيلاف راحوا ناحيته..
إيلا(بالالمانية):في أي ضرر حصله؟؟
الدكتور(بالالمانية):الحادثة أدت لكسر في ايده الشمال و هيضطر يستخدم عكاز لفترة..
الدكتور(بالالمانية):و الباقي مجرد خدوش بسيطة..
إيلاف(بالالمانية):و  هيقدر يمشي على رجله تاني صح و مش هيكون محتاج لعكازات؟
الدكتور(بالالمانية):اه بعد فترة..
إيلاف(بالالمانية):تمام شكرا لحضرتك..
إيلاف(بالالمانية):هيفوق امتى؟
الدكتور(بالالمانية):بعد ما مفعول البينج يروح..
إيلاف(بالالمانية):تمام..
رائد:مش حاجة خطيرة صح؟
إيلاف:جت سليمة..
دارك:احنا لازم نسافر النهاردة..
إيلاف:هتسيبوه لوحده؟!!
دارك:لا طبعا..
رائد:أومال يا دارك هنعمل ايه؟
دارك:هنسافر بالقطر بدل الطيارة أول ما طاهر يفوق..
إيلاف:اللي أنت بتقوله خطر عليه هو جسمه مش هيستحمل السفر و خصوصا أنه لسة طالع من العمليات..
دارك(بملل):مش عارف إيه اللي خلاني أتعرف على دكتورة!
إيلاف:انا غلطانة إني خايفة على مصلحة المريض ده..
دارك(بملل):متخافيش على مصلحته احنا اكتر ناس هنخاف عليه...
إيلاف:أنت اللي قولت..
إيلاف قعدت على الكرسي و حطت رجل علي رجل و بصتلهم ببرود..
دارك شاور لرائد انه يقرب منه، رائد قرب من دارك و مال عليه..
دارك(بهمس):لغاية ما طاهر يصحى عايزك تعرف كل المعلومات اللي تخص السواق اللي هرب..
رائد:حاضر..
دارك:على تليفون..
رائد:تمام..
رائد سابهم و خرج بره المستشفى، إيلاف فضلت الصمت و دارك كان حاسس بملل..
دارك رفع رأسه لما حس بوجود بيثان قدامه..
بيثان(بالالمانية):أنا أقدر دلوقتي أتصل بستيفان و المرة دي مش هتقدر تفلت منها..
بيثان(بالالمانية):و خصوصا أن صاحبك جوا...
دارك(بالالمانية):عايزة ايه؟.
بيثان(بالالمانية):عايزاك تيجي تعيش معانا..
دارك(بالالمانية):و انا من امتى عايش معاكوا!
بيثان(بالالمانية):هتعملها علشاني..
دارك(بالالمانية):و أنتي مين علشان يبقى ليكي عندي خاطر...
بيثان(بالالمانية):بيثان يا جاسم..
بيثان(بالالمانية):أنا مش عايز حاجة من الدنيا غير ا...
إيلاف(بالالمانية):غير فلوسه..
بيثان(بحدة،بالالمانية):حد قالك تدخلي؟
إيلاف قامت وقفت و مسكت في ايد دارك..
إيلاف(بالالمانية):من غير ما حد ما يقولي تدخلي الأمر يخص جوزي يعني يخصني..
إيلاف(بالالمانية):و انتي مش هتهددينا عايزة تبلغي اللي اسمه ستيفان بلغيه أحنا مش بنخاف من حد و مفيش حاجة نخاف منها او عليها..
إيلاف(بالالمانية):مفهوم..
بيثان(بالالمانية):جاسم ا...
إيلاف وقفت قدام دارك قبل ما بيثان تقرب عليه أكتر، بيثان بصتلها برفعة حاجب..
إيلاف(بالالمانية):بخاف عليه من الجراثيم ابعدي ايدك عنه...
بيثان(بغيظ،بالالمانية):جاسم حابة أبلغك أنك اتجوزت إنسانة قليلة الذوق و مش محترمة..
إيلاف(بالالمانية):طبعا طبعا اومال زيك كدة بالظبط..
دارك(بحدة،بالالمانية):بيثان امشي..
بيثان(بالالمانية):أنا همشي بس مش قبل ما يتحولي 5 مليون في البنك باسمي..
إيلاف(بالالمانية،بسخرية):طب ما كنتي جيتي من الاول من غير لف و دوران و تقولي أنك عايزة فلوس أغلى من تمنك..
بيثان(بحدة،بالالمانية):مش هرد عليكي زي ما قولتلك يا جاسم معاك لغاية الليل لاما هتلاقي ستيفان هنا و مش هيطلع عليك و لا على الغندورة بتاعتك نهار جديد..
بيثان سابتهم و مشيت، دارك بص لإيلاف اللي قعدت على الكرسي بتعب..
إيلاف:انت ازاي عايش مع الناس دي اوف..
دارك(بتنهيدة):مش عايز أتكلم..
إيلاف(بلامبالاة):مش مهم أصلا..
*************************
-في مكان تاني...
_عند حازم و أدهم..
الاتنين كانوا بيشتغلوا على قضية دارك مع بعض، كل واحد قاعد على مكتب ادهم لفت انتباهه شرود حازم..
ادهم:عملت إيه مع شغف؟
حازم لا رد..
ادهم:حازم يا حازم..
حازم:ها!! عايز ايه يا رخم؟
ادهم:عملت ايه مع شغف في اليوم اللي خدتها من الكافيه..
حازم(بضيق):هيفرق معاك؟
ادهم:يبقى هي السبب..
حازم:في ايه؟
ادهم:في اللي انت فيه يا استاذ..
حازم:اللي هو؟ وضح يا ادهم..
أدهم:انت في حالة الشرود دي علشان بتفكر في اللي حصل بينك و بين شغف.
حازم:و أنت تعرف اللي حصل بيني و بينها منين؟
ادهم:لسة هعرف منك دلوقتي اهو..
حازم اتنهد و بص لادهم و بدا يحكي اللي حصل في اليوم ده..
ادهم:طب و أنت ليه كبرت الموضوع كدة؟
حازم:اومال كنت اعمل ايه؟
ادهم:البنت مغلطتش دي نزلت تشوف شغل بدل ما تبقى تقيلة عليك..
حازم:انا اللي احدد هي تقيلة عليا و لا لا..
ادهم:غريب يا حازم اشمعنا و من امتى؟.
حازم:معرفش بس لاول مرة احس إني مسؤول عن حد..
أدهم:احساس غريب..
حازم:عندك حق ما أنا كنت هجيبلها شغل اشمعنا يعني تشوف شغل تاني انا كنت هساعدها لا و قال تقولي أستاذ كريم مسؤول عن توظيف الشباب اللي مش لاقية شغل..
أدهم:اقول حاجة بس متضربنيش..
حازم:خير قول..
ادهم:شكلك كدة معجب بيها..
حازم:ايه الهبل اللي بتقوله ده لا طبعا...
ادهم:اسمع مني انت معجب و داخل كدة في مرحلة حب لاما تلحق نفسك..
حازم:الحق نفسي ازاي!!
ادهم:تحاول متحبهاش..
حازم:أنت اهبل و بتقول أي كلام..
ادهم:متشكر أنا آسف حقك عليا..
حازم:اكيد لا يعني قال حب قال..
ادهم:فكر كدة مع نفسك..
حازم:انا قاعد معاك ليه اصلا؟!!
حازم وقف و بدا يلم حاجته و خرج بره المكتب ادهم ضحك عليه و كمل شغله...
حازم ركب عربيته و ساق ناحية بيته..
بهيرة(بحدة):حازم تعالى هنا..
حازم:نعم يا أمي..
بهيرة(بحدة):شيفاك ناسي أنك عندك أب و أم و بقيت تيجي البيت ده بمزاجك للدرجة دي ناسينا..
حازم:شغل يا امي شغل..
بهيرة:من إمتى و أنت بتحب الشغل!
حازم:بقيت احبه عن أذنك تعبان و عايز أنام..
حازم طلع لأوضته و خد دوش و غير هدومه، حازم كان لسة هينام تليفونه رن..
الخط اتفتح..
حازم:الو يا سمير في حاجة؟
سمير:أستاذ حازم أنا طلعت أودي للهانم الحاجات اللي هي طلبتها خبطت كتير مردتش فكسرت الباب انا و الرجالة لقينا الست هانم واقعة على الارض قاطعة النفس..
حازم(بصدمة):انت بتقول ايه؟؟
حازم قفل مع سمير و نزل جري لتحت..
إسماعيل:حازم تعالى عاي..
حازم سابه و جري لبره و ركب عربيته و ساق بسرعة كبيرة ناحية العمارة و نزل من عربيته بعد ما وصل و طلع جري على فوق و هو بيتنفس بصعوبة بسبب سرعته و خوفه..
حازم وصل لباب الشقة لقى البواب و الحراس واقفين قدام باب البيت زقهم و دخل لجوا الشقة..
حازم لقى شغف مرمية في الأرض و حواليها دم، حازم جري بسرعة على شغف و نزل لمستواها و قربها منه..
حازم(بقلق):شغف شغف فتحي عينك..
سمير:البقاء لله يا بيه..
حازم مد ايده ببطء و بدأ يتفحص النبض لقاه ضعيف بص لسمير بغضب..
حازم(بصوت عالي):اتصل بالاسعاف يا غبي..
حازم(بغضب):يلا منك ليه..
حازم حاوط وش شغف بين ايده و بصله بخوف و قلق..
حازم:مش هستني الاسعاف..
حازم شال شغف بين ايديه و نزل لتحت ركبها العربية و لف ركب و بدأ يسوق ناحية المستشفى...
حازم نزل و دخل و هو شايل شغف بين ايده..
حازم(بصوت عالي):دكتور مؤنس..
مؤنس و بص باستغراب لحازم و قرب منه.
مؤنس:مين دي؟
حازم:مش مهم المهم تنقذها..
مؤنس:صابرين جيبي نقالة بسرعة..
مؤنس:سيدة جهزي أوضة الاشعة..
حطوا شغف على نقالة و دخلوها اوضة الطوارئ و بدأوا يعملوا اللازم معاها..
حازم كان بيتحرك في الممر بقلق و في الأخر قعد و حط وشه بين ايديه..
*************************
-في مكان تاني...
_عند دارك و إيلاف..
إيلاف(بحدة،همس):انا مش هقبل بكدة ابدا..
دارك(بحدة،همس):و رأيك مش مهم ساعديني و بس..
إيلاف(بحدة):و لو حد عرف؟
دارك(بحدة):هتصرف ساعتها..
إيلاف لبست بالطو الطب و كذلك دارك و دخلوا لأوضة طاهر، إيلاف بتبص لدارك بغيظ..
نقلوا طاهر لكرسي متحرك و خرجوا بره أوضته و هما بيبصوا حواليهم بحذر...
دارك(بهمس،بحدة):ازاي متلبسيش كمامة! أنتي ناسية ان في كاميرات و هيعرفوكي..
إيلاف(بهمس):مش معايا..
دارك طلع من جيبه كمامة و وداها لإيلاف اللي لبستها و الاتنين بداوا يمشوا في الممرات..
دكتورة(بالالمانية):هتأخدوا المريض لفين؟
دارك قرب من الدكتورة و شاور لإيلاف أنها تمشي..
دارك(بالالمانية):أنا الدكتور الجديد و المريض ده محتاج يتنقل لغرفة الاشعة..
دارك(بالالمانية):و أه بالمناسبة تسريحتك جميلة..
دارك ساب الدكتورة و جري ناحية إيلاف اللي اتخضت و بصتله و هي خايفة..
إيلاف:متأكد أننا هنقدر نخرجه؟!!
دارك:لو بطلتي كلام اكيد..
إيلاف(بغيظ):اصبر عليا لما نخرج..
دكتور(بالالمانية):أنتوا..
دارك كان هيقف إيلاف مسكت ايده..
إيلاف(بهمس):اتحرك..
إيلاف(بالالمانية،بابتسامة):هاي دكتور ا..
إيلاف(بالالمانية):دكتور ديف..
ديف(بالالمانية):أنتي تعرفيني؟ مين انتي؟
إيلاف(بالالمانية):انا لسة متعينة جديد و بدأت استلم الحالات من النهاردة و الحالة دي محتاجة أشعة على المخ..
إيلاف(بالالمانية):و عرفتك لأن كل المستشفى بتتكلم عن إنجازاتك و هيكون ليا الشرف لو اتجمعنا في وقت الراحة عن اذنك...
إيلاف سابت الدكتور و جريت ناحية ما دارك مشي، فجأة لقت اللي بيشدها ناحيته..
إيلاف(بخضة):في إيه!!ليه متحركتش؟
دارك شاور بعينه على رجال الأمن، سحب إيلاف في ايده و مشي من طريق تاني..
إيلاف و دارك كانوا ماسكين الكرسي مع بعض و خرجوا من الباب الخلفي للمستشفى..
دارك:رائد يلا بسرعة..
رائد نزل من العربية ساعد دارك و ركبوا طاهر في الكرسي الامامي، دارك شد إيلاف و ركبوا في الكرسي الخلفي، رائد ساق بسرعة كبيرة ناحية فندق كبير..
إيلاف قلعت الكمامة و رمتها في وش دارك و قلعت البالطو و بدأت تضرب دارك..
إيلاف:عارف اللي عملناه ده ايه يعتبر سرقة مريض من مستشفى و انتهاك حقوق مريض..
إيلاف:انا شاركتك جريمة دلوقتي..
دارك مسك ايد إيلاف و شدها ناحيته..
دارك(بحدة):ايدك أحسنلك..
دارك(بحدة):و كمان محدش ضربك على ايدك..
إيلاف(بحدة):أنت بارد..
إيلاف بِعدت عن دارك، رائد كان مصدوم من اللي حصل و كمل سواقة..
رائد:دارك جاهزين..
دارك:يلا بينا..
دارك لبس كمامة باللون الأسود و فتح الباب و نزل و كذلك رائد، إيلاف فتحت الباب باستغراب و لقت عدد كبير من الأشخاص اللي لابسين بدل سودة و باين عليهم أنهم حراس..
رائد(بالالمانية):انقلوه..
الحراس بدأت تنقل طاهر على كرسي متحرك، رائد دخل للفندق، دارك حط ايده على ضهر إيلاف و شاور ليها بأنها تمشي، إيلاف كانت ماشية بريبة من الناس اللي حواليها..
إيلاف:هما ليه هنا و عاملين كدة؟
دارك(ببرود):لأنهم تبعي..
إيلاف(بضيق):بكره طريقتك.
إيلاف و دارك ركبوا اسانسير لوحدهم، إيلاف بصت لدارك و كان البرود طاغي على ملامحه..
الاسانسير اتفتح، إيلاف لقتهم وصلوا للدور الأخير و دارك مسك ايد إيلاف و طلع لسطح الفندق كان في طيارة تابعة لدارك منتظراهم..
دارك:اركبي..
إيلاف(بتنهيدة):طيب..
إيلاف ركبت الطيارة بعد ما مسكت في ايد رائد اللي ابتسم ليها، دارك ركب جمبهم..
بعد عدة ساعات وصلوا لروسيا..
رائد:واضح أنها نامت..
دارك:تصحى..
خرجوا طاهر من الطيارة، رائد نزل من الطيارة..
رائد:هتيجي لقصر ألبرتو و لا هتروح على بيتك؟
دارك:هروح البيت..
رائد:طيب..
رائد:هنتظرك هناك متتأخرش..
رائد ساب دارك اللي إيلاف نايمة على كتفه و مشي، دارك نزل من الطيارة و شال إيلاف على كتفه..
بعد فترة بسيطة كان دارك دخل بيت في قمة الجمال حواليه تلج و منظر جميل، و أثاثه جميل و بسيط..
دارك دخل لأوضته و نيم إيلاف على سريره و غطاها و دخل خد دوش و خرج غير هدومه..
دارك ساب البيت و مشي و ساب إيلاف نايمة بعمق شديد..
بعد فترة، إيلاف بدأت تفوق و هي بتتمطع في السرير و فتحت عينيها بصت حواليها و قامت بفزع..
إيلاف:هو انا فين؟
إيلاف قامت من على السرير بصت من الشباك الازاز لقت في تلج انبسطت من المكان و بدأت تتجول في البيت البسيط اللي كان بيتكون من أوضة واحدة و صالة و مطبخ و شكله جميل جدا..
إيلاف لمحت ورقة موجودة مسكتها كان مضمونها:-" عندك لبس في الدولاب تقدري تغيري هدومك، متخرجيش بره البيت أيا كان السبب"..
إيلاف فتحت الدولاب لقت فيه هدوم كتيرة لإيلاف بدأت تشوف هتلبس إيه و اختارت و لقت الحمام دخلته و خدت دوش ريحت بيه اعصابها..
إيلاف:لو أرجع مصر بقى!
إيلاف خرجت و بدأت تغير هدومها..
"إيلاف لبست جيبة جينز باللون الكحلي قصيرة لغاية الركبة ضيقة و فوقها تي شيرت بكم واسع من عند المعصم باللون الأبيض، لبست كوتشي أبيض بكعب عالي و سيبت شعرها علي ضهرها"..
إيلاف(بتنهيدة):أنا مش هفضل محبوسة و تحت أمر دارك لازم أطلع على السفارة الموجودة هنا..
إيلاف:مهما كان التمن..
إيلاف خرجت بره البيت اللي كانت فيه و بدأت تتمشي و هي مش مستوعبة هي في اي منطقة بالظبط اتنهدت و كملت مشي..
حارس1(بالروسية،بحدة):اقفي مكانك..
حارس2(بالروسية):متتحركيش و لا خطوة تانية..
حارس3(بالروسية):ارفعي ايدك لفوق..
إيلاف بلعت ريقها بتوتر لما لقت حواليها اكتر من عشر حراس و كلهم موجهين اسلحتهم ناحيتها و في ليزر أحمر على جسمها..
في نفس اللحظة كان دارك واقف مع ألبرتو في البلكونة المقابلة لمكان إيلاف..
إيلاف(بالروسية):انا مش مجرمة ا..
حارس(بالروسية):اقعدي في الارض..
إيلاف(بالروسية):صدقوني ا..
حارس3(بالروسية):صوب..
الحراس كلهم نزلوا أسلحتهم ما عدا حارس واحد اللي وجه سلاحه على رأس إيلاف..
إيلاف غمضت عينيها و دموعها نزلت على خدها...
ألبرتو(بالروسية):اجتماع بليل مهم جدا يا دارك إياك تخلف بوعدك معايا..
دارك(بالروسية):اكيد..
ألبرتو(بالروسية):مبارك الزواج، أكيد سعيد سمعت أن البنت جميلة...
دارك(بالروسية):زواج مصلحة متخافش..
دارك لف برأسه ناحية مكان إيلاف اتصدم من المشهد و حط ايده على قلبه بتلقائية..
ألبرتو(بالروسية):طالما جواز مصلحة فانا عايزك ل..
دارك(بصوت عالي):إيلاف..
إيلاف فتحت عينيها أول ما سمعت صوت دارك و ابتسمت لكن فجأة رصاصة خرجت من السلاح اللي كان مصوب ناحيتها..
.
.
.
يتبع::::::::::::::::::::
*************************