طريق الهلاك «قيد التعديل»

الفصل الرابع..

نكمل روايتنا(طريق الهلاك)بقلم سلسبيل كوبك..
الفصل ال4..
نبدأ فصلنا الجديد ب..
إيلاف بدأت تفوق من نومها و هي حاسة بصداع شديد في رأسها و فتحت عينيها ببطء بصت للسقف و بدأت تبص حواليها قامت مفزوعة من نومها..
إيلاف(بخفوت):انا فين؟!
إيلاف حطت ايديها على رأسها بصداع و بتحاول تفتكر اللي حصل و افتكرت..
إيلاف جريت على الباب اللي لقته و فتحته خرجت بره أوضتها، إيلاف بدأت تبص حواليها لقت ڤيلا واسعة و فيها أثاث راقي..
إيلاف بدأت تمشي بحذر في الممر اللي لقيته قدامها و كانت بتبص يمين و شمال..
إيلاف وقفت مصدومة لما لقت قدامها شخص خارج من أوضته ببنطلونه بس و بيأكل تفاحة كانت في إيديه..
إيلاف(بصريخ):أنت مجنون!!
رائد(بالانجليزية):آسف آسف..
رائد حاول يقرب من إيلاف، إيلاف زقته بعنف و طلعت تجري و بدأت تنزل على السلالم بسرعة كبيرة و هي بتبص وراها اتكعبلت و كانت هتقع لقت حد بيمسكها من خصرها و يقربها منه..
كمال(بالانجليزية،بتوهان):إيه الجمال ده!!
كمال خلي إيلاف تقف و كان لسة هيتكلم لقى إيلاف بتضربه قلم على وشه و سابته و طلعت تجري بعيد عنه..
إيلاف بدأت تجري في الڤيلا و هي متعرفش تمشي ازاى، و هي بتجري لقت في شخص قدامها بدأت ترجع لورا بحذر..
طاهر(بالانجليزية):صحيتي أخيرا!
إيلاف بدأت ترجع لورا فخبطت في شخص، غمضت عينيها و بدأت تلف ببطء شديد..
ريان(بالانجليزية):هاي.
إيلاف سابتهم و جريت بعيد عنهم و هما مستغربينها و راحوا وراها، إيلاف لقت قدامها رائد و كمال لفت علشان تمشي لقت ريان و طاهر..
إيلاف:أنتوا مين؟!
طاهر قعد على الكنبة اللي ورا إيلاف و حط رجل على رجل و بصلها ببرود..
طاهر(ببرود،الانجليزية):احنا اللي انقذاكي من هلاكك..
رائد(بالانجليزية):احنا رجالة دارك اللي انقذكك..
إيلاف:مش فاهمة كلامكم..
كمال(بالانجليزية):و لا احنا..
ريان(بالانجليزية،بسرعة):دارك قوموا اقفوا..
طاهر و رائد قاموا وقفوا بسرعة و كلهم وقفوا صف واحد جمب بعض، إيلاف لفت ببطء و بصت وراها..
إيلاف:دارك!!
دارك كان واقف ببرود و حاطط إيده في جيبه و لابس ماسك على وشه مبين عينيه بس..
إيلاف قربت من دارك ببطء لغاية ما وقفت قدامه و فجأة و بدون مقدمات إيلاف بدأت تضرب دارك على كتفه و صدره بغضب..
إيلاف(بغضب):أنت ازاي تعمل كدة..
إيلاف(بغضب):أنت مجنون..
الأربع شباب بصوا لبعض و بصدمة و بعدها بصوا لدارك اللي مسك ايد إيلاف و حطها ورا ضهرها..
إيلاف(بغضب):سيبني أنت ازاي تعمل كدة فهمني..أنت مين علشان تعمل فيا كدة و تأخدني..
دارك(بحدة،بالانجليزية):عارف أنك بتتكلمي إنجليزي مفيش داعي أنك تتكلمي عربي، انا انقذتك من اللي كانوا هيعملوه فيكي ده بدل ما تشكريني؟!!
دارك(بحدة،بالانجليزية):هحاول اتغاضي عن اللي أنتي عملتيه من شوية..
دارك زق إيلاف و كانت هتقع بس رائد جري عليها سندها قبل ما تقع..
دارك(بالانجليزية):جهزوا الغداء..
دارك سابهم و مشي، إيلاف بصت للي موجودين..
إيلاف(بالانجليزية):انا عايزة أفهم انا هنا ليه!
_الحوار بينهم هيبقي بالانجليزية لكني هترجمه.
ريان(بالانجليزية):المفروض تشكري دارك لأنه أنقذك..
إيلاف(بعصبية،بالانجليزية):فين الإنقاذ في اللي هو عمله؟!!
إيلاف(بالانجليزية):ازاي أصلا تنكر في شخصية اللي اسمه جمال ده!
طاهر(ببرود،بالانجليزية):رائد أنت اللي عليك الدور في المطبخ النهاردة..
رائد(بالانجيزية):طيب عن أذنك يا جميلة هروح أحضر الأكل.
إيلاف حطت إيديها على وشها مش مستوعبة اللي هي فيه بدأت تأخد شهيق و زفير و تهدئ نفسها..
ريان(بالانجليزية):في هدوم في الأوضة فوق تقدري تغيري هدومك..
إيلاف(بعصبية،بالانجليزية):انا مش عايزة هدوم مش عايزة  حاجة غير إني أمشي..
إيلاف(بعصبية،بالانجليزية):فاهمين؟
إيلاف(بعصبية،بالانجليزية):فين اللي اسمه دارك ده؟ازاي يتجرأ و يجبني لهنا هو مجنون؟!!
إيلاف بصت حواليها كان الڤيلا معظمها إزاز لقت مناظر غريبة حواليها فَ استغربت..
إيلاف(بالانجليزية):انا فين!!
طاهر(بالانجليزية):مش مضطرين نجاوب عليكي طول ما انتي بجحة كدة..يلا يا شباب..
كلهم سابوا إيلاف و مشيوا اللي بصتلهم بصدمة شديدة و بعدها بدأت تتجول في الڤيلا و خرجت بره الڤيلا لقت أنها على جزيرة حواليها ماية..
إيلاف قعدت على الرملة بتعب و كانت هتعيط بس لحقت نفسها قبل ما تعيط و بصت قدامها و هي حتى مش قادرة تفكر..
في نفس اللحظة كان دارك واقف في بلكونة أوضته بيبص عليها و خد نفس عميق و مسك تليفونه اللي كان بيرن..
الخط اتفتح..
ريان(بالانجليزية):في هجوم...
دارك(بهدوء،بالانجليزية):بعد قد إيه؟
ريان(بالانجليزية):بعد 15 دقيقة من دلوقتي..
دارك(بالانجليزية):خليكم مستعدين..
ريان(بالانجليزية):تمام..
دارك ألقي نظرة سريعة على إيلاف و خرج بره أوضته دخل المطبخ كان رائد بيغني و هو بيحضر الأكل...
دارك(بهدوء،بالانجليزية):قدامك 3 دقايق تجهز فيهم نفسك..
رائد اتنفض من مكانه بسبب دارك و بصله..
رائد(بالانجليزية):هو في إيه؟!
دارك(بالانجليزية):جه الوقت علشان تجرب مهاراتك..روح لطاهر هيفهمك.
دارك ساب رائد و خرج بره الڤيلا...
رائد:طب و ربنا ابن مجنون..
دارك(ببرود،بالانجليزية):أعتقد أن الموضوع خد معاكي وقت كبير على ما تستوعبيه..
إيلاف بصت لدارك بطرف عينيها و مردتش و ده ضايق دارك اللي شدها من دراعها بحدة..
دارك(بالانجليزية):مش خايفة أنك هنا في بيت واحد مع المجرم العالمي؟!
إيلاف(بالانجليزية):شايف في عيوني خوف!
دارك بص لإيلاف اللي بصتله بتحدي كبير بان من نظراتها لدراك اللي استغربها...
إيلاف(بالانجليزية):خطفتني ليه؟
دارك(بالانجليزية):مخطفتكيش انا انقذتك بدلا من مصيرك المهلك اللي كان بانتظارك..
دارك(بالانجليزية):و اللي كان هيبقي حبل المشنقة..
إيلاف(بالانجليزية):أنت كدة انقذتني؟
إيلاف(بالانجليزية):أنت مجنون؟! أنت كدة أثبت التهمة عليا أكتر..
إيلاف(بالانجليزية):إيه اللي حصل انا آخر حاجة فاكراها صوت ضرب النار و بعدها مش فاكرة حاجة تانية..
دارك(بالانجليزية):مش مهم..اجهزي علشان نتحرك.
دارك كان هيدخل لجوا بس إيلاف مسكت ايده.
إيلاف(بالانجليزية):هنروح فين أنت مجنون؟!أنت ترجعني حالا البيت او من مكان ما خطفتني..
دارك(بالانجليزية):محدش هنا بيودي أوامر غيري..
إيلاف(بالانجليزية):و انا محدش بيوديني أوامر مش على هوايا..
دارك(بالانجليزية):التحدي معايا شئ مش سهل..
إيلاف(بالانجليزية):لو الدنيا كلها خافت منك انا مش هخاف..
دارك ابتسم و قرب من إيلاف اللي رجعت خطوة لورا بس هو شدها لحضنه و مال على ودنها..
دارك(بهمس):ليه بتحسي بالأمان؟
دارك بِعد عن إيلاف و مشي، إيلاف شهقت بصدمة و بدأت تستوعب أنه بيتكلم عربي..
إيلاف:أن..
إيلاف(بصريخ):عااااا..
إيلاف صرخت أول ما سمعت ضرب النار، دارك جري عليها و شدها على الأرض..
دارك(بحدة):لو كنتي مشيتي من سكات مكنش ده حصل..
دارك قام وقف و شد إيلاف معاه و بدأ يجري ناحية الڤيلا، كان في طيارات و فيهم أشخاص بيضربوا نار على دارك بس فجأة حصل ضرب نار متبادل من طرف رجالة دارك..
دارك طلع ب إيلاف ناحية سطح الڤيلا..
دارك خلي إيلاف تركب و كلهم بدأوا يركبوا و لسة كمال و دارك هيركبوا في رصاصة صابت كمال..
دارك(بصوت عالي):كمال..
طاهر:كمال!!!
دارك مسك ايد كمال قبل ما يقع و سنده و ركبه الطائره الهيليكوبتر، رائد كان قاعد مكان السواق و هو اللي بدأ يسوق..
إيلاف كانت قاعدة مصدومة من اللي حصل و حطت ايديها على بوقها مش مستوعبة اللي حصل قدام عينيها دلوقتي..
إيلاف(بصدمة):ده ده اتصاب!
دارك(بعصبية):أول مرة تشوفي حد متصاب مش انتي دكتورة حاولي أنقذيه..
إيلاف(بصدمة):هنا!!
ريان(بتوتر):حاولي تتصرفي ارجوكي..
إيلاف:فين شنطتي اللي كانت معايا؟!
دارك:طاهر..
طاهر رمى لدارك شنطة إيلاف و إيلاف خدتها منه و فتحتها و بدأت تشوف معاها معدات إيه..
إيلاف طلعت من شنطتها وشاح للرقبة و حطته على مكان الجرح بتكتم بيه الدم..
إيلاف:اضغط هنا..
ريان ضغط على جرح كمال، إيلاف طلعت علبة الاسعافات الصغيرة اللي معاها دايما و بدأت تنقذ كمال على قد ما تقدر و تعمله اسعافات أولية..
دارك(بحدة):إيه الأخبار؟!
إيلاف(بهدوء):لو بطلت تهز رجلك بتوتر شوية ممكن أقدر اركز..
فجأة حصل نزيف غير متوقع و إيلاف اتخضت و جه عليها و على هدومها دم..
طاهر مسك مسدسه و حطه في وش إيلاف اللي رفعت عينيها ليه و هي مصدومة..
طاهر(بغضب):لو حصله حاجة هتحصليه..
دارك(بحدة):طاهر نزل سلاحك..
إيلاف مبصتش لطاهر و حاولت تلاقي حل سريع علشان تنقذ الحالة..
إيلاف بدأت تعمل إنعاش يدوي لكمال لمحت ريان و هو بيحاول يمنع دموعه و كان خايف على كمال، إيلاف بصت لكمال اللي بدأ يستجيب للانعاش اليدوي..
إيلاف:لازم نوصل لأي مستشفي في غضون 10 دقايق مفيش وقت..
دارك(بحدة):ريان شوف رائد و قوله امتي هنوصل..
طاهر(بغضب):و انتي انقذيه فاهمة..
إيلاف(بحدة):انا دكتورة مش ساحرة..
ريان قام و دخل لرائد يسأله و خرج لدراك..
ريان:هنهبط..
دارك:طيب..
إيلاف كانت لسة هتقعد بس رائد بدأ يهبط و إيلاف كانت هتقع على الأرض بس دارك مسكها من دراعها جامد..
إيلاف(بوجع):انت ماسك حرامي..
_بعد دقايق كانوا وصلوا لمكانهم و بدأوا يخرجوا من الطيارة كان في انتظارهم عربية إسعاف و عربيات بحراس..
دارك(بالايطالية):روحوا معاه المستشفى و بلغوني بالأخبار أول بأول..
دارك شد إيلاف وراه و ركبها عربية من العربيات اللي كانت موجودة..
دارك(بالايطالية):الأحوال؟
حارس(بالايطالية):متأمنة زي ما حضرتك طلبت..
دارك(بالايطالية):ابعت حراس ورا عربية الاسعاف فورا..
إيلاف(بصريخ):الحقوني..
إيلاف(بصوت عالي):يا مجنون نزلني..
دارك فتح باب العربية و إيلاف نزلت من العربية كانت هتضرب دارك على كتفه بس تفادي ضربتها و لفها بمعني يكون ضهرها مواجه لوشه..
إيلاف(بغضب):وسع كدة انا عايزة أفهم انا جيت هنا ازاي و ليه و انا فين؟!!!
دارك(بهمس):وطي صوتك و بالذات و انتي بتتكلمي معايا..
دارك(بهمس):و اركبي العربية بكل هدوء علشان متعاملش بالسلاح..
دارك شاور بعينه لإيلاف على السلاح اللي مع حراسه، دارك بِعد عن إيلاف و راح للعربية بدأ يركب مكان السواق، إيلاف وقفت للحظة بصت حواليها لقت المكان مليان حراس بأسلحة..
إيلاف فتحت باب العربية الخلفي و ركبت فيه.
دارك بدأ يسوق بسرعة كبيرة ناحية بيته في إيطاليا و كل شوية يبص على إيلاف اللي ساندة رأسها على الشباك بهدوء و مغمضة عينيها..
_بعد فترة إيلاف فتحت عينيها أول ما حست أن العربية وقفت اتعدلت في قعدتها و بصت لدارك اللي بصلها بعينيه و شاور ليها على الباب بمعني أنها تنزل..
إيلاف لا رد..
دارك(ببرود،تريقة):منتظرة أنزل افتح ليكي الباب يا حبيبتي!
إيلاف(ببرود):ليه فاكر نفسك ري جيونغ هيوك!
إيلاف فتحت باب العربية و نزلت منه، دارك بص لإيلاف باستغراب من اللي هي قالته..
دارك نزل من عربيته بسرعة و راح ناحية إيلاف..
دارك:قصدك إيه!و مين الشخص ده؟!
إيلاف(برفعة حاجب):شايفاك مهتم أوي.
إيلاف قربت من دارك خطوتين..
إيلاف(باستفزاز):معقول المجرم العالمي دارك مش واثق في نفسه للدرجة دي..
دارك(بحدة):ا..
دارك اتصدم من جراءة إيلاف اللي نزلت الماسك من على وشه، الاتنين فضلوا باصين لبعض إيلاف مصدومة من شكل دارك و دارك مصدوم من جراءة إيلاف..
كان في بينهم تواصل بصري، فجأة حصل ضرب نار و إيلاف اتخضت و فقدت توازنها..
دارك شد إيلاف ناحيته أكتر و طلع مسدسه من ورا ضهره و صوبه ناحية صوت الطلقة و كذلك حراسه اللي كانوا واقفين قدام بوابة بيت دارك.
دارك(بحدة،بالايطالية):اعرفوا ليا مصدر الصوت و مين اللي ورا الطلق الناري ده..
دارك شد إيلاف وراح ناحية البيت و إيلاف مخضوضة من ضرب النار..
دارك كان لسة هيدخل الڤيلا بتاعته بس وقف على أثر صوت مالك..
مالك(بالايطالية):أنت!
مالك(بالايطالية):كنت بجرب الأسلحة الجديدة.
دارك(بغضب، بالايطالية):مش قولت شهر كامل مشوفكش..
مالك(بالايطالية):وحشتني..
دارك وجه مسدسه ناحية مالك و كذلك مالك، مالك ضرب رصاصة في الهواء و إيلاف حطت ايديها على ودانها..
مالك(بالايطالية):جربته؟
دارك(بحدة، بالايطالية):اسبقني على أوضة المكتب..
دارك:و انتي تعالي ورايا..
مالك مال برأسه و بدأ يبص على إيلاف من فوق لتحت و قرب منها و على وشه ابتسامة سخيفة، فجأة وقف نتيجة لايد دارك اللي اتحطت على صدره..
دارك(بحدة،بالايطالية):قولت كلمة يا مالك..
مالك(بالايطالية):نتعرف طيب يا دارك.
دارك(بالايطالية):كمال في المستشفى اتصل بيهم شوف إيه الأخبار..
دارك مشي و إيلاف فضلت واقفة مكانها مش عارفة تتصرف ازاي..
دارك(بحدة):قولت ورايا..
إيلاف قربت من دارك و هي ماشية مالت على ودنه و همست بهدوء لا يناسب الوضع اللي هي فيه..
إيلاف(بهمس):القولون كدة يتعب..
دارك مسك ايد إيلاف و دخل لجوا الڤيلا..
دارك(بصوت عالي، بالايطالية):ماريا..
ماريا(بالايطالية):دارك بيه اؤمرني..
دارك(بالايطالية):خديها و جيبيلها هدوم لغاية ما أبقي أتصرف فيها..
ماريا قربت من إيلاف و انحنت ليها و شاورت ليها بمعني أنها تيجي معاها، إيلاف بصت لماريا باستغراب و بصت لدارك..
إيلاف:أنت قولت ليها إيه؟!
دارك:روحي معاها تغيري هدومك دي...
إيلاف:ا.
دارك:أي كلام أجليه لبليل مش فاضي..
دارك كان هيمشي بس إيلاف مسكته من جاكت البدلة بتاعه و دارك رفع عينيه ليها من جراءتها معاه للمرة التانية..
إيلاف:أنت ازاي هتسبني كدة مش فاهمة أي حاجة!!
إيلاف:أنت ليه جايبني لهنا؟!
إيلاف:و..
إيلاف سكتت لما لقت فجأة دارك قدامها و يفصل بينهم مسافة صغيرة..
إيلاف(بخفوت):ا..
دارك(ببرود):اسمعي الكلام اللي هقوله ده كويس علشان مبحبش أعيد كلامي كتير..
دارك(ببرود):بليل تقدري تتكلمي معايا لكن حاليا مش فاضيلك و بليل هجاوبك على كل أسئلتك لكن منصحكيش تتكلمي معايا كتير لأن مسدسي مبيستحملش يفضل مكانه كتير..
دارك(ببرود):دلوقتي هتروحي مع ماريا تغيري هدومك و ترتاحي لحد العشاء و بعدها هناديكي..
دارك:شنطتك هتجيلك كمان شوية..
دارك ساب إيلاف اللي وقفت لأول مرة مش عارفة ترد على حد، و مشيت مع ماريا..
ماريا(بالايطالية):اساعدك في إيه؟!دي هدومك..
إيلاف(بالانجليزية):تعرفي تتكلمي إنجليزي؟!
ماريا(بالانجليزية):اعرف و لكن قليل..
ماريا(بالانجليزية):اهي هدومك و الحمام جاهز منتظرك..
ماريا(بالانجليزية):عايزة حاجة تاني؟!
إيلاف(بالانجليزية):لا شكرا تقدري تروحي دلوقتي..
ماريا سابت إيلاف بعد ما أستأذنت من إيلاف، إيلاف بصت حواليها كان عبارة عن أوضة باين من كل حاجة فيها على الرقي...
إيلاف وقفت قدام المراية اللي لقيتها في الاوضة و قرفت من منظر الدم اللي على التي شيرت الأبيض بتاعها و ايديها...
إيلاف مسكت الهدوم و دخلت للحمام، إيلاف خدت نفس عميق و بدأت تريح أعصابها و هي بتستمع بالماية الدافية و رايحة الياسمين المنتشرة في الحمام..
_بعد فترة إيلاف خرجت من الحمام و هي حاسة بوجع في جسمها بسيط..
"إيلاف لبست بنطلون باللون الأبيض و فوقه تي شيرت بكم صوف باللون الرمادي، رفعت شعرها على شكل ديل حصان"..
إيلاف لقت في كوتشي أسود جمب الهدوم سابته و قعدت على السرير ضمت رجليها لنفسها و بدأت تفكر تتصرف ازاي و تعمل إيه..
إيلاف من كتر الصداع بدأت تنام غصب عنها و نامت بعمق...
******************
-في مكان تاني...
_في مصر..
جمال(بغضب):ازاي ده يحصل و انتوا موجودين؟!
جاسر:جمال بيه هما ملهمش ذنب هما سمحوا ليه يدخل علشان كان متنكر في شخصيتك..
سراج:كدة اتأكدنا أنها تبعه..
أدهم:لا يا فندم..
كلهم بصوا لأدهم اللي وقف بثقة قدامهم..
أدهم:انا واثق أنه خطفها..
أدهم:هي مشيت معاه على أساس أنه جمال بيه و لما كشف عن هويته هي رفضت أنها تروح معاه لكنه أجبرها..
حازم:أنت متأكد من كلامك صح؟!
أدهم:انا شهدت على الكلام ده بس للأسف ملحقتهاش..
جاسر:بس إيه اللي هيخلي دارك يأخدها؟!
سراج:ده الموضوع الأهم..
حازم:زمانها مستنياني..
سراج(بعدم فهم):ازاي؟!
إسماعيل:المتهمة تبقي بنت أخويا و خطيبة حازم..
جاسر:أعتقد ده مش موضوعنا..
سراج:لازم نتصرف في أقرب وقت لو هنعتبرها برئية فهي لازم ترجع لوطنها في أسرع وقت..
سراج:حازم أدهم و جاسر دي مهمتكوا أنتوا التلاتة..
سراج:لو وصلتوا لأي معلومة بلغوني..
التلاتة وقفوا جمب بعض و قدموا التحية للواء سراج، حازم بص لأدهم بغيظ و سابهم و خرج..
كلهم خرجوا و سراج نادي على أدهم..
أدهم:نعم يا فندم..
سراج:انا دايما واثق فيك يا أدهم و لما قولت أنها مظلومة صدقتك علشان كدة مهمة رجوعها عليك..
أدهم:شكرا على ثقتك يا فندم..
سراج:ربنا معاكوا يلا..
أدهم استأذن من سراج و خرج راح مكتبه و بدأ يشتغل على القضية، كان بيفكر في إيلاف..
****************
-في مكان تاني...
_في المستشفى..
كان المعظم متوتر و مش عارف يتصرف ازاي بعد ما عرفوا اختفاء إيلاف لمدة يومين..
يوسف:مش عادتها ازاي ده!
مؤنس:خطفوها..
هنا(بعصبية):مين هيخطفها هي معروفة يعني بطل هبل..
أروى:طب ممكن تكون راحت فين؟!
صابرين(بخوف):دارك..
مبارك(بعصبية):يا جاهلة دارك مين اللي هيبص لإيلاف دي..
يوسف(بعصبية):مش عايز أسمع كلمة من حد.
يوسف(بعصبية):كل واحد على شغله..
جلال:في إيه يا يوسف؟!
يوسف:إيلاف مختفية بقالها يومين..
جلال:ازاي ده؟!
يوسف:مش عارف..انا قلقان عليها أوي..
جلال:إن شاء الله خير هنلاقيها..
جلال:بلغتوا طيب؟!
تليفون يوسف رن، يوسف استأذن منهم و مشي..
الخط اتفتح..
أدهم:أستاذ يوسف..
يوسف:الو مين معايا؟!
أدهم:انا أدهم فاكرني؟!
أدهم:اللي كان بيحقق في قضية دارك..
يوسف:اه اهلا و سهلا بحضرتك..في حاجة؟!
أدهم:انت أقرب حد للدكتورة إيلاف صح؟!
يوسف:إيوه بس إيه جاب سيرة إيلاف..في أي اخبار عنها؟!.
أدهم:احم هي هتضطر تبعد لفترة..
يوسف:تبعد فين؟!و انت ازاي عارف و انا مش عارف؟ انا مش فاهم حاجة..
أدهم:هي بلغتني انها هتغيب لفترة أتمني حضرتك متقلقش عليه..
يوسف:طب طب هي ليه مبتردش على اتصالاتي؟!
أدهم:لما ترجع تقدر حضرتك تسألها انا قولت اقول لحضرتك علشان متبقاش خايف عليها..
أدهم:عن أذنك..
يوسف:تمام شكرا شكرا..
يوسف قفل مع أدهم و هو حاسس أن إيلاف فيها حاجة و قلق عليها أكتر من الأول..
**********************
-في مكان تاني...
_في إيطاليا..
دارك:كويس أنه عدى مرحلة الخطر..
ريان:الدكتورة دي طلعت شاطرة..
طاهر(ببرود):ده مش مهم المهم دلوقتي هنخلص منها إمتي؟!
مالك:ممكن أفهم البنت دي إيه دورها في حياتنا؟!دخلتها ليه بينا يا دارك؟!
دارك(ببرود):مش مهم تفهموا....
دارك:سيبتوا مين مع كمال؟!
ريان:في حراس كتير محاوطين المستشفى و أوضته..
رائد:يعني أنت تتصاب برصاصة امبارح و هو النهاردة...
دارك بص لرائد بهدوء و رجع بذكرياته ليوم خطفه لإيلاف..
_
إيلاف بدأت ترجع لورا لكن دارك راح ناحيتها و شدها ناحيته و أجبرها أنها تركب على الموتسيكل، دارك موداش فرصة لإيلاف أنها تتصرف لأنه بدأ يتحرك..
كان أدهم وصل و بدأ يضرب نار من مسدسه على موتسيكل دارك..
إيلاف(بصريخ):آآآه..
إيلاف افتكرت أن الرصاصة صابتها و أغمي عليها من رهبة الوضع اللي هي فيه، إيلاف سندت بجسمها على دارك..
دارك كانت الرصاصة صابت كتفه و هو حاول يتحمل و بدأ يسوق بسرعة كبيرة، إيلاف كانت هتقع بس هو لحقها بأيده السليمة و مقدرش يسوق فعمل حادثة بالموتسيكل..
دارك و إيلاف وقعوا في الأرض، دارك كان حاسس بوجع في كتفه شديد قرب من إيلاف..
كانت الناس بدأت تتلم على أثر الحادثة..
شاب:أنت كويس محتاج مساعدة؟!
بنت:شكله أغمي عليها..
بنت:هتصل بالاسعاف..
دارك(بحدة):لا محدش يتصل بالاسعاف مش عايز مساعدة من حد..
دارك طلع تليفونه و اتصل بكمال..الخط اتفتح.
دارك:الاقيك في غضون دقايق عند ****..
دارك قفل مع كمال و قرب من إيلاف حط ايده تحت رأسها و ركبتها و شالها..
الكل بصله بأستغراب و دارك بدأ يمشي ناحية المكان القريب اللي بلغه لكمال..
كمال بعد فترة بسيطة كان وصل هو و رائد و نزلوا جري على دارك اللي كانت إيلاف هتقع من إيده بس هما لحقوها..
رائد:دارك..
دارك(بخفوت):اتحركوا..
كمال سند إيلاف و ركبها العربية، رائد سند دارك و ركبه و بدأ يسوق ناحية بيتهم اللي في مصر..
كمال:لازم نأمن دكتور ليهم هما الاتنين..
رائد:بس مينفعش حد يعرف أن احنا هنا..
كمال:انا هتصرف..
الاتنين وصلوا ناحية البحر بعد فترة كان رائد كاتم دم دارك جامد، بعد ما وصلوا كان في مركب بانتظارهم و في دكتور بمعداته بدأ يعالج  دارك و بعد فترة وصلوا للجزيرة..
طاهر:في إيه؟!
ريان(بخضة):دارك..
طاهر:ماله؟!و مين دي؟!
كمال:مش مهم دلوقتي..
كمال:ساعدوني اشيلها على ضهري..
كمال شال إيلاف على ضهره و طلعها أوضة في الڤيلا، دخلوا دارك أوضته لغاية ما فاق..
_
ريان:انت كويس؟!
دارك:اه متقلقش..
دارك:ورانا اجتماع النهاردة..
طاهر:مش هقدر أحضره..
دارك:ليه؟!
طاهر:مش طايق أشوف ماركوس..
ريان:و هو حد بيطيقه..
فجأة لقوا باب المكتب بيتفتح فجأة..
جوليا(بقلق):كمال كمال فين يا دارك كمال؟!
رائد:جوليا اهدي مش كدة..
جوليا(بقلق):قالوا أنه اتصاب هو فين في مستشفى إيه؟!
دارك(بهدوء):متخافيش يا جوليا عدى مرحلة الخطر و أول ما يفوق هأخدك و نروحله..
جوليا(بدموع):بس انا عايزة أشوفه دلوقتي..
دارك(بحدة):خلاص قولت كلمة..
جاسمين(بضيق،بالايطالية):هي مش من حقها تشوف جوزها و لا إيه؟!
رائد:يالهوي شيلوا البت دي من وشي مش عايز أشوفها..
جاسمين(بالايطالية):أنت نسيت أنت بتكلم مين؟!
دارك(بحدة،بالايطالية):جاسمين التزمي حدودك و شوفي انتي بتتكلمي مع مين و قدام مين..
دارك(بحدة،بالايطالية):مجيتك ملهاش لزوم اطلعي بره..
جاسمين بصت لدارك بغضب و دارك بصلها بهدوء تام خوفها منه و خرجت بسرعة..
في نفس اللحظة كانت إيلاف واقفة جمب المكتب بتحاول تسمع أي حاجة بس مفهمتش كتير و موصلتش لمعلومات تهمها...
إيلاف:خدي قرارك يا إيلاف شخص زي ده متثقيش فيه..
إيلاف بدأت تمشي و خرجت بره الڤيلا لقت السور متحاوط بحراس مسلحة..
إيلاف قربت من البوابة و كانت هتخرج..
حارس(بالايطالية):معنديش أذن بخروجك..
إيلاف(بالانجليزية):انا مش بتكلم ايطالي...
حارس(بالايطالية):مستر دراك مأمرش بخروجك..
إيلاف بصت وراها و بعدها بصت للحارس و ضربته بشنطتها و فتحت البوابة و طلعت تجري...
الحارس بلغ كل زمايله و طلعوا يجروا وراها، إيلاف قعدت تجري لغاية ما وقفت من كتر التعب و هي متعرفش وقفت فين...
الحراس ملقوهاش و رجعوا لدراك و بلغوه..
دارك(بغضب،بالايطالية):انتوا مجانين؟!
دارك(بغضب،بالايطالية):هتدفعوا التمن غالي لو ملقتهاش..
دارك مسك مسدسه و ضرب كبير الحراس في رجله و خرج بره الڤيلا و وراه رجالته و حراسه..
_عند إيلاف..
إيلاف كملت جري فجأة لقت نفسها داخلة في أماكن مليانة شجر و ضوء الشمس بسيط..
إيلاف(و هي بتنهج):اوعوا تقولوا إني دخلت غابة..
إيلاف قعدت تبص حواليها كويس و اتوترت و خافت من المنظر اللي حواليها..
إيلاف(و هي بتنهج):لازم اتصرف.
إيلاف لفت علشان تحاول ترجع من نفس المكان اللي جت منه فجأة وقفت مصدومة لما شافت المسدس المصوب ناحية رأسها..
.
.
.
.
******************
يتبع::::::::::::