စောအေ အပေါ်တက်ကာ အိမ်ခန်းတခုထဲ
ဝင်လိုက်တယ်။
ကြီးလွန်းလှတဲ့အခန်းကို သူသိပ်ပြီးသဘောမကျဘူး။
မွန်းကြပ်သလို ခံစားနေရတယ်။
”ငါ့ ပုခက်နဲ့ ခြံထဲ ဆင်းအိပ်တာပဲကောင်းတယ် ”
ပြောပြီး စောအေ တစ်ယောက် သူ့လွယ်အိတ်ထဲက
ပုခက်ကိုယူကာ ခြံထဲ ဆင်းတော့တယ်။
ခြံထဲရောက်တော့ အုတ်တံတိုင်းနဲ့ သစ်ပင်မှာ
ပုခက်ချည်ဖို့ လုပ်နေတဲ့အချိန် အနောက်ကနေ
တစ်ယောကိယောက် ချဥ်းကပ်လာသလို
ခံစားရတာကြောင့် ခါးကြားထဲက Pistol ကို
ထုတ်ကာ လှည့်ပြီး ချိန်လိုက်တော့ ခုနက
သူ့ကို ပြုံးပြတဲ့ တစ်ယောက်...........။
”Wow Bro အေးဆေးလုပ်ပါဟ ”
ရဲထက် အော်လိုက်တော့မှ စောအေလည်း
သေနတ်ကို ခါးကြားထဲ ပြန်ထိုးထည့်ပြီး
ပုခက်ပြန်ချည်ဖို့လုပ်တော့တယ်။
”မင်းက ပုခက်နဲ့ အိပ်မလို့လား ”
ရဲထက် သူငယ်ချင်းအသစ်ရချင်တာကြောင့်
စောအေကို လိုက်ရောနေတော့တယ်။
”ဟုတ်တယ် ”
”မင်းက ဘယ်ရွာကနေ တက်လာတာလဲ ”
”တနေရာရာကပေါ့ ”
ရဲထက် သူ့ကို ချေနေတဲ့ တောသားကိုလုံးဝ ကြည့်မရ။
”မင်း အသက်ဘယ်လောက်လဲ ”
စောအေ ရဲထက် အမေးကို မကြားချင်ယောင်ဆောင်ကာ ပုခက်ထဲ ဝင်အိပ်နေလိုက်တော့တယ်။
စောအေ လူတွေနဲ့ စကားပြောရတာ မကြိုက်ဘူး။
အထူးသဖြင့် ဗမာတွေဆိုရင် ပိုတောင်မပြောချင်ဘူး။
”မင်းမပြောချင်လည်း နေ
ငါကမင်းရောက်ခါစ အခက်အခဲ ဖြစ်မှာဆိုးလို့
ပြောပေးမလို့ကို ”
”ကျေးဇူး ”
စောအေ ဘက်က ကျေးဇူးတစ်လုံးတည်းသာ
ပြန်ပြောတာကြောင့် ရဲထက် ဆောင့်အောင့်ကာ
ထွက်သွားတော့တယ်။
ရဲထက်ထွက်သွားတော့မှ စောအေ သူ့ငယ်ဘဝကို
စဥ်းစားမိတယ်။
လွန်ခဲ့တဲ့ ၁၉ နှစ်.......။
”အမိုး သားလေး က ချစ်ဖို့ကောင်းလိုက်တာ ”
CZYTASZ
K.T.L (Noel's Husband 2)
Akcja"လူသတ်ရဲပင်မဲ့ မင်းကိုတော့ လက်ဖျားနဲ့ တောင်မထိရက်ဘူးငယ် " မို "ငယ်ငယ်ကတည်းက ကိုကို့ ကိုပဲ ချစ်ခဲ့ရတာမို့လို့ ကိုကို ကပဲ ဟန်လေးရဲ့ ရူးသွပ်ရာပါ " ဟန်းလေး "လူသတ္ရဲပင္မ...
