استغفر الله الذي لا اله الا هو واتوب اليه
لا تنسى ذكر الله
اما في المنزل في قريه
تصاعدت الاحداث وخاصه بعد قرار خديجه الانفصال عن زوجها بسبب زواجه من اسراء صديقتها وابنة خاله
وهذا ما جعل ملك تصر علي مغادرة المنزل و السكن هي وبناتها بمكان مستقل
جليله يا لهوي
شوف يا فهد بنت اخوك اللي بنقول عليها متعلمه و متنور
شوف يا حسين اختك
بتقول ان جوزها هو اللى ما بيخلفش وهي ما فيهاش حاجه
كانت مفهم الكل ان العيب منها علشان محافظه على جوزها وبيته
ليه يا اختي
اديه اتجوز عليكى
مين هيصدق دلوقت انك ما فيكيش حاجه وان العيب منه
هو اتجوز وانتي هتقعدي زي البيت الوقف ما حدش هيبصلك
منك لله يا خديجه يا بنت بطني
خديجه بصراخ وانهيار
حرام عليكم كفايه
بس انا تعبت انتوا عايز ين مني ايه
اعيش واسكت ولا اتكلم افضح الدنيا
وان كان على الجواز انا مش عايزه اتجوز ثاني خلصوني بس من الجوازه الأولى
حسين غضب
انتى بتقولي ايه جوازة ايه اللي عايزه تخلص منها الناس كلها هتقول ان عنده حق
عايزعيل
لو اتكلمتى من الاول كان الناس جاءت معاكى
انما دلوقتي هنتكلم نقول ايه
مش انتى كنتى عايزه تستحملي
خلاص عيشى واستحملى
فهد بعصبيه
انت بتقول ايه يا حسين ده انا ها خرب بيته
بقى بعد ما صبرت عليه مداريه على عيبه يعمل فيها كده ده بني ادم واطي وانا مش هخليه يشوف ضوفرها ثاني
خديجه
ابوس ايدك يا عمى خلصنى منه انا مش قادره استحمل حاجه تانيه
فهد اهدى انتى بس يا خديجه واللى فيه الخير يقدمه ربنا
جليله ايه اللى انت بتقوله ده يا فهد انت ناوى تطلقها
انت هتخرب على البت
خراب ايه بس يا ام حسين الإنسان الواطى ميتبقاش عليه
جليله آمال انا بقيت على اخوك ليه وقعدت وسكت وحطيت بلغه فى حنكى
منهم لله خرابات البيوت اللى تتجوز واحد متجوز ربنا لا يباركلها لافى جوازها ولا عيالها
فهد خلاص يا ام حسين مينفعش اللى بتعمليه دا كمان مينفعش تحاسبى بنتك على اللى حصل زمان
جليله امال أحاسب مين انتوا كل واحد فيكم برأي وكل واحد بيقول اللى يريحه لما اخوك اتجوز قولتوا حقه واصبري علشان العيال
بس انتوا كنتوا عايزين تريحوا راسكم من هم العيال اللى هتتعلق فى رقبتكم ومعملتوش حساب ليا
إنما دلوقتى هتطلقوا البت علشان تريحوا راسكم برضوا ما انتم مش خسرانين حاجه
احنا اللى هنتلط وسمعتنا هتبقا على كل لسان
انتى بتتكلمى على اساس انك غريبه عننا او ان خديجه دى من برا البيت
خديجه بنت اخويا واللى يضرها يضرنى
واللى عيزاه انا هعمله
وده مش وقت تحاسبى جوزك الله يرحمه
اللى حصل انتهى بقاله زمن يا كنتى عشتى بالمعروف يا فرقتى بالمعروف
إنما تعيشى مع راجل وتحت سقف بيته وانتى كارهاه ومكرها عياله فيه
ده اللى ميرضيش ربنا
كنت عايزنى افارق واسيب شقى عمرى انا وعيالي تاخده العقربه دى هى وعيالها
دا بعينها
فهد بانفعال ام حسين الموضوع ده انتهى وادفن مع صاحبه مش هناكل فى لحم اخويا وهو ميت
وخديجه اللى عيزاه انا هعمله هى اللى اختارت فى الاول
وهى اللى هتختار دلوقتى
والكلام ده انتهى
كدا الفصل انتهى
انتمى يعجبكم
عايزه اعرف تعليقاتكم وأرئكم
مع تحياتى
شمس الراوى
أنت تقرأ
سلسلة حكاية حياة( روايه في ظلال العائله )
ChickLitحياة الانسان مثل القطار فى كل محطه يغادره البعض ويستقبل اخرين تختلف المشاعر التى نحملها لكل منهم سواء حب او كراهيه واحيانا تكون تلك المشاعر غير ناضجه فلا ندركها إلا بعد فوات الاوان.
