ဗီလိန်မာယာ (FOD Unicode)

Arc 1 : Chapter - 10

အခန်း(၁၀)ကျိူးယွင်ရှန့်ဘဝ

ကျိူးအုပ်စုလုံးဝချိတ်ပိတ်ခံလိုက်ရပြီး နှစ်ပေါင်းတစ်ရာနီးပါးရပ်တည်ခဲ့သည့် စီးပွားရေးလုပ်ငန်းများအားလုံးနှစ်လအတွင်းပြာပုံအဖြစ်သို့ရောက်ရှိသွားသည်။ ကျိူးဝိန်းကျင့် ၏ ရှင်းလုံအုပ်စုလည်းအထိအခိုက်များပြီးရှယ်ယာများကျဆင်းကုန်သည်။ စီးပြားရေးလုပ်ငန်းအတွင်းတရားမဝင်ကူးသန်းရောင်းဝယ်ရေးနဲ့အကျင့်ပျက်ခြစားမှုတွေအကုန်အထူးတပ်ဖွဲ့တွေကမြေလှန်စုံစမ်းစစ်ဆေးနေပြီး ပြိုင်ဖက်များ၏တိုက်ခိုက်ခြင်းကိုလည်းခံရသည်။ ထိုအရာများအားလုံးက ကျိူးဝိနကျင့် ကိုချူံးချူံးကျစေဖို့လုံလောက်သည်။

ကျိူးယွင်ရှန့်သူ့လက်ကောက်ဝတ်ကAIကိုစိုက်ကြည့်နေလိုက်သည်။ Bar တန်းက ၉၉%ကိုဖော်ပြနေသည်။ ဒီလောကရဲ့ကံကြမ္မာပြောင်းလဲသွားတယ်ဆိုတဲ့အတိုင်း Lord Godရဲ့ထိန်းချူပ်မှုကလည်းလှွတ်ထွက်ပြီး ခန့်မှန်းလို့မရသည့်အခြေအနေကိုရောက်သွားသည်။ ပုံမှန်လောကကြီးကိုပြန်ရဖို့က၁ရာခိုင်နှုန်းရှိနေသေးသည်။ ဒါပေမယ့်ကျိူးယွင်ရှန့်စိတ်မဝင်စားတော့။ ဒီကမ္ဘာမှာသူဘယ်လောက်ကြာကြာနေမလဲသူရွေးချယ်လို့ရတယ်။ ဒါကြောင့် အချိန်တွေအများကြီးရှိသေးတယ်။

လွန်ခဲ့သည့်လဝက်က CBS နဲ့ Noahဥက္ကဋ္ဌတို့ရဲ့အင်တာဗျူးကိုတရုတ်နိုင်ငံတကာသတင်းချန်နယ်တွင်လွင့်ခဲ့သည်။ ဂန္တဝင်တွင်လောက်သည့်လူ၏သရုပ်မှန်ကတစ်ကမ္ဘာလုံးကိုပြန့်နှံ့သွားပြီး ဒေဝါလီခံရလုဆဲဆဲ ရန်မိသားစုက တရုတ်နိုင်ငံ၏ပထမတန်းမိသားစုဖြစ်လာသည်။

ဒီကနေ့က ကောမိသားစု၏သခင်ကြီး ကောလီချွန်ရဲ့ ဇနီး ကောလင်းတန်ဖျင် ၏ အသက်၆၀ပြည့်မွေးနေ့ဖြစ်သည်။ကောမိသားစုရဲ့ထုံးစံအရ ရန်ကျန်းဟိုင်နဲ့သူ့ဇနီး တို့နဲ့အတူရန်မိသားစုကိုလာရောက်ဖို့ဖိတ်ခေါ်ကြသည်။ ကောမိသားစု၏အဓိကရည်ရွယ်ချက်က ရန်မိသားစုကနေကျိူးယွင်ရှန့်နှင့်တွေ့ဆုံရန်သာဖြစ်တော့သည်။ ဘယ်သူကရန်ကျန်းဟိုင်ကိုကျိူးယွင်ရှန့်ဦးလေးအဖြစ်ရှိစေခဲ့ပြီး သူတို့ဆက်ဆံရေးကိုရင်းနှီးစေခဲ့သလဲ? တကယ်လို့သာဒီကမ္ဘာရဲ့မူရင်းဇာတ်ညျွန်းအတိုင်းသာဆို ကျိူးဟောက်သေပြီး ကျိူးအုပ်စုကကျိူးဝိန်းကျင့်၊ကျိူးဝိန်းအန်း တို့လက်ထဲရောက်သြားတာကြောင့် ရန်အုပ်စုကလည်းအလဲအကွဲဖြစ်ရမည်။ ထို့ကြောင့်မူလကျိူးယွင်ရှန့်ကသူ့ဦးလေး၏ကာကွယ်မှုကိုမရခဲ့ပေ။ဒါပေမယ့်အခုတော့ ရန်မိသားစုသည်အန္တရာယ်အခြေအနေ၌မရှိတော့။