الشرف الجزء الخامس / بقلم قسمة الشبينى

الفصل الخامس عشر

اسعد الله صباحكم بكل خير .

أحب أنوه قبل الفصل انى هكون فى معرض القاهرة الدولي للكتاب بعد بكرة الجمعة إن شاء الله من الساعة واحدة .

متاح في المعرض رواية عندما يعشق الرجال

ولأول مرة روايتى الجديدة اندروفوبيا .. الرواية الغالية جدا على قلبى وكتابتها اخد منى سنتين ونص .

اتمنى اقابلكم فى المعرض واتمنى كل اللى يقتنى الرواية الجديدة اندروفوبيا يستفيد منها .

💖💖💖💖💖

الخامس عشر

جلس بسول فى مكتبه بمنزله الخاص الذى لا تعلم زوجته الحالية عنه شيئا والذى كان يخص نسمة فيما مضى ، قلبه يغلى حقدا لتفضيلها غيره واختيارها رؤوف دون الجميع .

ترى هل تعلم ما الذى يربطه ب رؤوف ؟؟
هل تعلم ما اقترف فى الماضى الذى تلا هروبها منه ؟؟

وهل سبب ارتباطهما الانتقام منه ؟؟

ارتفعت شفته العليا بتهكم ؛ وما الذى يمكنهما فعله ؟؟

هو لم يعد بسول الذى كان فيما مضى .. لم يعد لديه ما يخشاه .. لم يعد هناك ما يعجزه فعله .. لقد أصبح شخصا جديدا تفنن هو فى تقوية دفاعاته .

هو يأخد ما يريد .. يحصل على كل ما يراود أحلامه .. وإن وجدت صعوبة كان الأمر أكثر إثارة ..

أصبح اروع ما يحصل عليه قهر أحدهم وإعلان سطوته ..
ولا يترك خلفه اى فوضى فكل ما يحدث ينسى بمجرد أن يدير له ظهره .

تقدم قائد حرسه : تحت امرك يا فندم
نظر له دون أن يتحرك : عاوز اعرف هم فين ؟؟ ماحدش يحس بيك ولا تعمل حاجة من غير ما ترجع لى .

أومأ الرجل بإحترام وغادر ليعد بسول إلى أفكاره .

**********

خرج الأطباء من الغرفة التى ترقد بها آيات بوجه متجهم : ليه انتظرتوا تدهور بالشكل ده ؟؟
زاغت الأبصار نحو الباب الذى فتح والفراش الذى يدفع عبره ليتساءل يزيد : واخدينها على فين ؟؟

نظر له الطبيب : العناية طبعا دى لازم يتنقل لها دم أول حاجة وبعدين نشتغل على الكسور ونعمل إشاعات نشوف سبب الغيبوبة اللى رجعت لها .

غادر الأطباء ليهرول هو مغادرا أيضا
نظر سالم فى أثره بأسف لتقول زوجته : ماعاوزينش سعد يمسك فيه تانى .
تحدث سالم بهدوء : انا عكس الكل .. الولد ده صعبان عليا .. ماخابرش إيه فيه بس حاله عچب .

***************

دخل طايع إلى متجر ريان حيث ينتظره وولده تريم الذى وقف احتراما له ليربت فوق كتفه .

جلس ثلاثتهم ليتساءل ريان : كلمت نسمة لما وصلت ؟
طايع : كلمتها .. هى لسه مافهماش .

نقل تريم نظره بينهما : انا لحد دلوقتي رافض اللى بيحصل .. اللى زى بسول ده يا عمى محدش هيقدر يثبت عليه حاجة .. ده عنده جيش مهمتهم بس ينضفوا قرفه .. الموضوع ده فيه مخاطرة كبيرة على نسمة قبل اى حاجة .