مولانا اليوتيوبر / سارة حسن

الفصل الاول

اذكروا الله 😍
،، ،، ،، ،، ،، ،،،،،،،،
مولانا اليوتيوبر (1)

عدل من وضعية هاتفه و قام بتثبيته جيدآ صوبه...
ضغط علي الزر الاحمر وأصبح علي الهواء في بث مباشر .
ابتسم و القي بتحيته بتهذيب و قال..
السلام عليكم
كلنا عندنا امنيات و دعوات...مش مهم انت بتطلب ايه المهم انت بتطلب من مين.. ومهم انك تعرف تطلب الحاجة دي امتي ..ربنا سبحانه وتعالي له اوقات استجابه و بيحب يسمع اصوات عباده ويتقبل منهم الدعوات و العلماء المسلمين اجمعوا ان في بعض الأوقات يستجاب بها الدعاء.
مثلا..
1_ بعد قول لا اله الا انت سبحانك اني كنت من الظالمين.. بعدها ادعي والدعاء ان شاء الله مستجاب
2_ بعد زياره المريض ..ادعي و الملائكه بتأمن وراك
3_ في الصدقات وقت خروج الصدقه مستجاب
4_ بعد الأذان
5_ في المطر ادعي الدعاء بيكون مستجاب
7_واسرع واجمل الدعاء.. دعاء الغائب للغائب..انك تطلب من حد يدعيلك او انك تدعي لحد بظهر الغيب
قال الله تعالى
( ادعوني استجب لكم)
طلب منك الدعاء و كتب علي نفسه الإجابة.. وحاشاه ان يخلف الله وعده.
علم الكلام ده لغيرك لعلك تحظي بدعوه مستجابه و ثواب بحاجه اليه.
واختتم حديثه بـ
اشوفكم المره الجايه ..في رعايه الله و أنهي ذلك الشاب صاحب السابع و العشرون عامآ البث..
وفي لحظتها استقبل اول مكالمه من والده الذي قال بفخر،، الله يفتح عليك يا مولانا
ضحك يونس و قال ،،مولانا مره واحده ياحاج.. ده احنا بنتعلم منك
اجابه والده الحاج عبد الرحمن،، ربنا يبارك فيك ياحبببي و يجعله في ميزان حسناتك
آمن من خلفه يونس و اكمل عبد الرحمن متسائلا،،جاي امتي يا يونس
استقام يونس وهو ينزع الروب الطبي الخاص به قائلا،، خلاص ياحاج هاقفل العياده و جاي علي طول انا عارف سايبكم من اول النهار في نقل العفش بس والله ماعرفتش اعتذر للمرضي خصوصا انهم جايين من مكان بعيد
احابه والده بود و قاال،، والله يهمك ياحبيبي انا واختك مش سايبن امك وايدنا بأيديها اهو
أخذ يونس المفاتيح و قال وهو يغلق عيادته،، طب هاجيب اكل جاهز وانا جاي ونتغدا مع بعض.. في رعايه الله
وضع القفل علي باب عيادته والقي نظره خاطفه علي اللافته التي تحوي اسمه و تخصصه في العلاج الطبيعي.. نزل الدرج بخطوات رشيقه اكتسبها من تناسق جسده من عمله المستمر بين الأجهزة  الرياضيه.. متوجهآ لمنزلهم الحديث.
،،،،،،،،،،،،،،،،،،،،
ضربت والدتها رأسها بالوساد فا تأففت تلك الفتاه و اعتدلت بضيق ،،في ايه ياماما حد يصحي حد كده
اجابتها والدتها ناهره اياها،، امال اصحيكي ازاي و احنا بعد العصر طبعا طول الليل قدام الزفت ده ومسهرك
استقامت مسك قائله بدفاع،،انا في أجازه اعمل اللي انا عايزاه مش كفايه الناس اللي بيخبطوا فوق دماغي من الصبح
فتحت والدتها النافذه قائله ،، دول
السكان الجداد قومي يالا نحضر الغدا

استقامت مسك بتأفف وجذبت هاتفها في جوله سريعه بين اصدقائها حتي لا يفوتها شيئآ ..وفي الحقيقة لو فاتها لن يكون شيئا هامآ بالمره..  مجموعه من الاصدقاء المهووسون بتضبيقات التواصل الاجتماعي واخري التي يظهرون بها يقومون بالرقص او الغناء او بعض التحديات الخارجه عن المألوف..
ومسك صاحبه التاسعة عشر من عمرها دخلت في ذلك العالم بأنبهار و فضول ..
رن جرس البيت فتوجهت  زينب للباب قابلتها امرأه تماثلها في العمر وجهها بشوش قائله بتهذيب،،معلش ماتأخذنيش  بنركب ستارة البلكونه فاوقعت عندك
ابتسمت  لها زينب قائله ،،انتو السكان الجداد
اومأت عزه برأسها فا رحبت بها زينب وهي تشير لها بالدخول ،،يااهلا وسهلا البيت نور اتفضلي ياحبيبتي  ماتقفيش علي الباب كده
بادلتها عزه بود و قالت ،،معلش ورانا حاجات كتير فوق لسه ماخلصتش و
صمتت قليلا و قالت وهي تضيق عينيها محاوله تذكر وجهها المألوف عليها،، انا حاسه اني شوفتك قبل كده وشك مش غريب عليا
انتبهت لها زينب و قالت محاوله عصر ذاكرتها فتسائلت،، والله وانا كمان بشبه طيب انتي اسمك ايه
اجابتها عزه ،،اسمي عزه و
قاطعتها زينب  متذكره بلهفه،،عزه ده احنا كنا جيران في بيت اهالينا افتكرتيني انا زينب وامي الله يرحمها اسمها علِيا
تذكرتها عزه و مالت تحتضنها بود و اشتياق وهتفت زينب ضاحكه،،والله ما مصدقه اني شوفتك انتي اتجوزتي وانا من بعدك علي طول واتقطعت اخبارك
إجابته عزه و قالت ،،وسبحان الله دارت الايام و بقينا جيران تاني شوفتي النصيب
،،، أحلى نصيب ياعزه ياااه و الله ماتعرفي انتي وحشاني قد ايه