مملكه الغموض

الفصل التاسع وعشرون

اولا انا بقدم اعتذار لكل الى متابعنى على التأخير بس النت كان فاصل بقا ومش محتاجه اقول الحكايات الى بتحصل لما النت يفصل والى بيرمى التهمه على غيرو لما لمك تمسك الشبشب وتقول مين الى خلص الباقه طبعا بيحصل فى كل بيت .
دا الفصل الاقبل الاخير وانشاء الله بكرا الفصل الاخير قولوا رايكم فى البارت .
بحبكم .

نبدأ بسم الله .
شدت ورد يدها من يده وتحدثت بغضب :انت مالك ومالى عاوز منى ايييه يتدخل فى حياتى ليبيه.
هلال بغضب :علشاااان بحببببببك .
ورد :انت بتقول اى .
هلال ببسمه مريرة :بقول انى بحبك .
ورد :ازاى انت ماشوفتنيش غير كام مرة بس وتقريبا مافيش مرة متشكلناش فيها .
هلال:انا بحبك من زمان زمان اوى مش هاقدر اقولك حاجه دلوقتي كل الى اقدر اقوهولك انى بحبك وبتمنى تكونى مراتى .
ورد :واضمن منين انك مش بتضحك عليا علشان تنتقم منى لانى اتحديتك .
هلال : اى عالم القصص والروايات الى انتى عايشه فيه دا لا طبعا انا بحبك واظن واضح فى عينى .
نظرت ورد فى عيونه ولاول مره كانت تنظر له وزادت ضربات قلبها وكانها طبول ولم يكن الحال مختلفا عند هلال كان ينظر بداخل عيون ورد كانه يدور بداخلهما على شئ وقلبه يعلن عصيان الصمود ولا يريد ان يسكن ابدا .
اخذ هلال نفس عميق لكى يهدئ من روعه ويبعد تلك الافكار العاطفيه بعيدا .
هلال :بكرا انا جاى واتمنى توافقى وبعد ماسمى يتكتب جمب اسمك وتكونى مراتى وقتها هاعرفك كل حاجة.
ورد بدون شعور وكانها مخدرة من سحر اعينه  :ماشى .
ابتسم هلال واخذها لكى يوصلها للمنزل .
ورد :انت بتعمل اى.
هلال :اركبى علشان اوصلك وهاخلى واحد من الحراس يجى بالعربيه ورانا.
ورد :لا متشكرين مش بركب مع حد غريب .
زفر هلال واخذ يعد من واحد الى ثلاثه لكى يهدأ من روعه :اركبى ياورد وبلاش عند يلا .
ورد :هلال لوسمحت بابا يقول عليا اى لما يلاقينى جايه فى نص الليل بعربيه واحد غريب .
هلال :اولا انا مش غريب
ثانيا :انا من راى الست ليها بيتها تعد فيه علشان ماترجعش نص الليل لواحدها
ثالثا :قسما بالله لو ماركتبى وخلصتينا لركبك غصب ياورد اخلصى .
ورد :اووووف دانت سيادى ومتأمر .
هلال :دلع بنات .
ورد :كوريا وهيما وام سوكه وطولت فى نطق الميم.
هلال : تصدقى اول مرة الاحظ انك دمك خفيف.
ورد :اقل ماعندى يباشا .
هلال :ممكن تتفضلى ورد هانم علشان انا عاوز اروح .
ورد بتكبر مصطنع :افتحلى باب العربيه .
هلال :وررررد .
جرت ورد وفتحت لنفسها الباب وركلت السيارة وتحدثت ببسمه رسميه .
ورد:اتفضل يافندم .
هلال :ناس مش بتيجى غير بالعين الحمرا .
ووصلها هلال
شريف  :مالسا بدرى يا استاذة .
ورد :احم هوا اصل .
هلال :حصلت مشاكل ياشريف بيه وانا ماحبتش ورد هانم تيجى لواحدها فانا وصلتها .
شريف :متشكر يابنى بس احنا فينا عرق صعيدى.
احمد :هلال كمان من الصعيد من قنا والده بن عمى.
شريف :اتشرفت بيك يابنى وشكرا على توصيلك لبنتى .
هلال :الشرف ليا انا ياشريف بيه اروح بقا السلام عليكم .
احمد :خد هنا يلا تعالى .
هلال :احم ايوة ياعمى .
احمد :مفكر هاتكبر عليا ياض ياهلال دانا الى كنت بغسلك يامعفن فاكر ياض ياضد الميه زى تلفونات سامسونج .
لم تستطيع ورد كتم ضحتها .
ورد : هههههههههه ضد الميه ههههههه مش قادره هاموووت هههههههه .
هلال وهوا ينظر بغيظ لاحمد ولورد :اللهى يسترك دنيا واخره بلاش تفضحنى اكتر من كدا قدام الكراش .
احمد بهمس :مانا عارف وانت طولت اوى ماتخلص خلى فرحك مع العيال .
هلال :جاى بكرا ياعمى.
احمد :يلا اطلع ياهلال .
هلال :اطلع فين .
احمد :اطلع نام مع اولاد عمك فوق مافيش اكتر من الاوض هنا .
هلال :لا لا انا هاروح الفيلا .
احمد :فيلا مين ياعنيا مش علشان سكتلك انك تضفى شغلك فى استراليا وتقيم هنا فانت تعد لواحدك لا يلا قصر الصياد بيتجهز اصلا وكل واحد ليه اوضه هوا ومراته يلا يالا من غير كتر كلام بدل مافضحك واقولهم كنت بتعمل اى وانت صغير .
هلال :خلاص طالع .
ورد :هههه كان بيعمل اى.
احمد بخبث :وانتى يهمك فى اى .
ورد :احم لا عادى مجرد فضول .
شريف : انا طالع انام .
احمد :ههههههه ابوكى حاسس بحاجه .
ورد :حاجه! حاجه اى.
احمد :يابت عليا انا شغل من بنها دا يلا يماما اطلعى نامى علشان تكونى الصبح وشك حلو كدا وصافى .
ورد :احم طب س سلام .