مملكه الغموض

الفصل الرابع وعشرون

الفصل الرابع وعشرون
وصل سيف رساله وكانت الصدمه.
سيف :ماشى يامايا كنتى مقضياها ودينى لادنمك على اليوم الى اتولدتى فيه .

خرجت مايا من مكتب سيف وهى غاضبه جدا .
عمر :يا ستير مالك يابنتى شكل عاوزة تحرقى الارض والى عليها .
مايا :مش وقتك ياعمر بابا انا مروحه عن اذنكم يجماعه .
حسين :ليه كدا يابنتى لسه بدرى.
مايا :معلش ياعمو بجد تعبانه اوى .
صفاء : خلاص ياحبيبتى اطلعى ريحى فى اوضه سيف فوق هوا جوزك بردو .
مايا:لا لا انا مش بعرف اريح غير فى سريرى صح يابابا.
شريف :ماهو مش هاتمشى لواحدك استنى شويه وكلنا نمشى .
احمد فهم معالم وجه مايا فتحدث لشريف قائلا:سيبها على راحتها ياشريف شكلها تعبان ووجه حديثه لورد :بقولك اى ياورد روحى انتى مع اختك .
ورد :انا بقولك كدا برضو يلا شاو .
عمر :اوصلكم طيب .
ورد :لا لا مافيش داعى خليك انت مع عروستك ياعريس سلام عليكم .
الجميع :وعليكم السلام .

فى منزل شريف .
مايا :اوووف اخيرا روحت بيتنا .
ورد : هههههه مانتى طول اليوم بره ياختى.
مايا :بعد الحبسه الى كنت محبوساها حبيت البيت اوى .
ورد :قوليلى مالك .
مايا :مالى مانا فل الفل اهو .
ورد :عليا انا الكلام دا شكلك وانتى خارجه من المكتب لواحده كفايه .
مايا :اوووف هاحكيلك .
ورد :احكى .
مايا حكت لورد ماحدث بينهما .
ورد :كان عندى امل انكم تعدوا تتفاهموا .
مايا :هههه نتفاهم دا كان بيستجوبنى زى المجرمين بقولك اى فكك منه تعالى نشغل ميوزك ونشتغل على واحده ونص .

           Manal Gadالكاتبه

فى صباح يوم جديد .
حيث فى الشركه عند مايا .
مايا :ياهلا ياهلا ياشباب نورتم الشركه .
سيد :نورك يامعلمه .
مايا :هههه معلمه اى بس لا انا هنا بشمهندسه وبس ماشى معلمه دى بينا احنا علشان الهيبه مش اكتر ههههه .
اباظه :واحلى مهندسه فى المجرة .
مايا :تعالوا يلا اعرفكم على الشغل .
بعد خمس دقايق
فى مكتب ورد .
ورد :اى الى انتى عملتيه دا .
مايا :اي .
ورد :مين الاشكال دى يامايا هانم .
مايا :اولا دول بنى ادمين زينا زيهم بس الدنيا صعبه عليهم شويه وبعدين دول صحابى .
ورد :مش قصدى اقلل منهم بس انتى واحده متجوزة وتقفى تتكلمى وتهزرى مع تلت شباب والواضح على شكلهم انهم مش كويسين هايكون شكلك اى قدام الناس .
مايا :مايهمنيش حد وبعدين انا مغلطتش .
ورد :لسه مش هاتفهمى دلوقتي يامايا .
مايا :انا جبتلهم شغل وخلاص ياستى .
ورد :اما اشوف اخرتك .

فى خارج الشركه
سيف لعامل الامن : تمام يا عم حسن اى حاجه تحصل بلغنى بكل جديد .
عم حسن :تأمر ياسيف بيه.
سيف : هما هماهم الى فى الصور ماشى يامايا اما ربيتك مابقاش سيف الصياد .

فى المستشفى
فى مكتب ادم .
ادم :انا مش فاهم حاجه فى البيت وبره بتتعاملى ببرود وحاسك مش طيقانى هنا فى المستشفى بتتعاملى حلو وزى الفل انتى تعبانه ياحبيبتى وشاور بيده علامه مجنونه .
رتال :لا والله شايفنى مجنونه لا ياحبيبى انا تمام بس عادى يعنى حسب المود .
ادم :لا والله.
رتال :انت عارف يا ادم وبلاش لف ودوران .
ادم : انا عارف انى ظلمتك وحكمت من غير ماعرف اى الموضوع بس والله اخر مرة خلاص بقا .
رتال :ماشى بس عارف لو اكررت وزعقتلى قدام حد هاعمل فيك اى .
ادم بغمزة :اى .
رتال :هاترك لخيالك العنان .
ادم :مابلاش علشان انا نيتى مش سالكه .
رتال :انا ماشيه .
ادم :الله راحه فين.
رتال:هوا انا فاضيه انا ورايه مرضى ياروحى سلام .
ادم : ال يعنى انا الى فاضى .