مملكه الغموض

روايتي الجديدة عالم إفتراضي

اهلا ي كتاكتيتي وحشتوني موت...
ميمو رجعتلكم من بعد غياب وبروايه حاجه تانيه خالص
من الاخر كده الى فات حماده والي جاي حماده تاني خالص
ممكن تكون الفكره معروفه بس احنا عندنا اختلاف عن اي حد في الاحداث
فبالصلاه على النبي كده هتنبسطو على الاخر وده الفصل الاول مني والي حابب يكمل هتلاقو الروايه موجوده هنا على الوتباد

~~~~~~~~~~~~~

بداية يوم جديد هي لحظة امتلاء بالأمل والتفاؤل. مع شروق الشمس، تفتح الأبواب أمامنا لتحقيق الأحلام والطموحات. إنه يوم جديد مليء بالفرص والاحتمالات.
في بداية كل يوم، يمكننا أن نحدد أهدافنا ونعمل على تحقيقها. يمكننا أن نتعلم أشياء جديدة، ونقوي علاقاتنا، ونحقق إنجازاتنا.
الأهم من ذلك، أن بداية يوم جديد تعتبر فرصة لنا لنكون أفضل مما كنا عليه بالأمس. يمكننا أن نتعلم من أخطائنا، ونعمل على تحسين أنفسنا.

لذا، دعونا ندخل في غرفه فتاه بسيطه داخل قصر فخم اتشعر ي عزيزي بدى التناقد في حديثي..........
تسلط أشعة الشمس الدافئة على وجه الفتاة النائمة، فتضيء غرفتها برقة. تستيقظ الفتاة ببطء، وهي ترفرف بعينيها، وتتألق ابتسامة خفيفة على وجهها. تمدد جسدها وتتثاءب، ثم تنهض من سريرها لتستقبل يومًا جديدًا مليئًا بالأمل والفرص.
تفتح النافذة لتسمح لأشعة الشمس بالدخول، وتستنشق الهواء النقي.
تبصر عصفورا يقف على شجرة يغرد بصوت عذب فتبتسم له وتقول.
الفتاه: الله بجد على الجمال صوتك حلو اوي
العصفور: انتى اجمل سندريلا
الفتاه بخضه: بسم الله الرحمن الرحيم اشتاتا اشتوت هو ايه يعم عادي كده وفي عز النهار واخذت تلوح بيديها في الهواء هششششش هشششش امشي بعيد لا تأذيني ولا ءأذيك
العصور: سندريلا مالك احنا صحاب ومش ممكن ءأ ذيكي مش لعرف ءأذي حد اصلا.
سندريلا مين بس يعم الحج صلي على النبي هو انا فين
وظلت تنظر حولها باستغراب لمنظر الغرفه الغريب والذى يدخل على فقر صاحبها ونظرت لملابس نومها القديمه بقرف واستغراب شديد ثم صرخت باعلى صوتها: يماااااااا فااااار وجرت سريعا على السرير وهى تصرخ فااااااااار فاااااااار
ذهب اليها الفار وهو مندهش:مالك سندريلا انا صديقك جاد ودي صحبتي وشاور على فئران اخرى وكلنا صحابك.
الفتاه برعب: يارب اكون بحلم وميكونش الى في بالي صح.... شكله كده صح سندريلا مين بس دايما اقول عليها معفنه ومصاحبه حيوانات ابقى مكانها يااااختى غطوني وصوتو عليا.
جاد: انتي مرضيه سندريلا؟
الفتاه: لاء يقلب سندريلا من جوا انا زي الفل فوووووله واعطته قبله في الهواء
جاد وهو يزفر براحه: قلقت عليكي عاوز منك طلب.
الفتاه بقرف من كونها تتحدث الى فار: اؤمر ياقلب سندريلا.
جاد باستغراب شديد: مالك سندريلا ليه بتتعاملي كده وبتتكلمى كده ليه.
الفتاه وهى تحاول ان تتأقلم لكي تفهم مايحدث معاها: ولا حاجه قولي مالك وبعدين مالو كلامى مالفلم مدبلج وبالمصري وكله زي الفل اهو.
فار صحبي اتحجز جوا المصيده تعالى نخرجه.
الفتاه وهى مغلوبه على امرها ف هي تعلم حب الفئران والطيور لسندريلا ودائما يساعدها في القصه الكرتونيه ف قررت مجاريتهم لكي تستطيع ان تفهم مالذى حدث معاها.
ذهب معه الفتاه واخرجت الفار من مصيدته وقررت ان تغير في احداث القصه تغير بسييييط وهى تبتسم بشر فما الذي تنوى عليه ياتري....؟
الفتاه وهي تدخل مره اخرى الى غرفتها ودعنى اقول الى غرفه سندريلا لكى اكون معك اكثر منطقيه عزيزي.
ذهب الى الدرج وفتحته واخرجت ملابس صغيرة وأعطتها للفأر وهى تحاول تجنب ملامسته.
الفتاه: انا قررت اسميك سيد ايه رأيك وفي نفسها تقول احسن من جوز .
الفار جوز بسعاده: س سيد سيد اه جميل شكرا لكي.
سندريلااااااااااا
الفتاه وهى تبتسم بشر استعنى على الشقى بالله.
نزلت الفتاه الدرج المتهالك الى مطبخ القصر وذهبت الى الحظيره لكى تطعم الدجاج والحصان كما في الفلم فهما حيوان لن يستطيع التحدث وقفت بافكارها لحظه
الفتاه: اشمعنى دول مش بيتكلمو زي الفيران والعصفور غريبه دي هيييييح انا مالي المخرج عاوز كده ضحك في نفسها على خفه دمها... والله عسل ي بت ي دودو اي الحلاوة ثكر ثكر
سنديلاااااااا
ورن جرس اخر سندريلااااااااا
وايضا اخر سندريلااااااا
ثم الثلاثه سويا سندريلااااااااااااااا
الفتاه وهى تحاول التحدث مثلها طيب جايه ثواني.
صعدت الفتاه الدرج الفخم وهى تنظر حولها بانبهار وتحدث نفسها؟ اه يولاد المبقعه خدتو ورث البت الغلبانه وعايشين في الهلومة دي لوحدكم مااااشي اما وريتكم ي ولاد الحراميه.
ذهبت اولًا الي غرفه مرات الأب وهى تحاول التحدث برقه مثل سندريلا الحقيقه: صباح الخير مرات أبويا.
مرات الأب: تعالي سندريلا.
كانت تجلس على سرير في غرفه شبه معتمه وهى تمسح على ظهر قط أسود اللون به بقع بيضاء وينظر لسندريلا بستهزاء.
وضعت الفطار في مكانه وقالت: تؤمريني بحاجه تانيه مرات ابويا.
مرات الاب: اخذت تملي عليها الاوامر باعمال شقه والفتاه تنظر لها بشر وقالت نععععععععم يالدلعدى كل ده وحمام مين كمان مشاكس القط المعفن ده جرا ايييي ي وليه دانا افرشلك الملايه هنا.
دخل على الصوت فتتان اقل مايقال عنهم بشعين المظهر
مرات الاب بصرامه: سندريلا انتى اتجننتي ايه الي بتقوليه ده وايه طريقه كلامك السوقيه دي.
الفتاه برح: لاء سندريلا ايه بقا ده كان زمان وجبر انا ي حبيبتي من دلوقتي واحده تانيه خالص شغلي جوز البهايم دول في حاجه تنفعهم يمكن يجلهم عريس ولا حاجه ولا انتى قومى هزى طولك بدل مانتى مفخده من القعده كده انا من دلوقتي صاحبه القصر ده ورثي من ابويا وقسما عظما كلمه كمان ارميكم بره.
خرجت الفتاه وهى تبتسم بشر على مافعلته وحققت امنيتها في اخذ حق الفتاه المسكينه سندريلا فدائما كانت تغلي من الغيظ بسبب مايفعلوه وسندريلا تسكت وتترك حقها في منزل والدها وتعيش عندهم خدامه.
في داخل غرفه مرات الاب الذهول والصدمه سيد الموقف
قالت نفسيه: مالها سندريلا دي اتجننت على الاخر.
ردت عليها دريه: لازم تتربي انتى سكتلها يا ماما.
مرات الاب بخبث: بنات على اوضكم انا اعرف اتصرف معاها.
ف مالذى سيحدث مع الفتاه....؟
وما تنوي عليه مرات الاب....؟
كل ده هنعرفه البارت الجاي ان شاء الله
كلمه لاخواتي وحبايبي الى هيتبعو الروايه هى تبان حاجه اطفالي بس مع الاحداث هنكتشف ان الموضوع اكبر من كده بكتير وفي قضيه كبيره هنتكلم عنها.
ايه الغموض ده ي ميمو دي قصه كرتون.... لاء ي جماعه صدقوني في حاجه اكبر بكتير من كونها روايه ترفيهيه.
ثقوا فيا ونكمل البارت الجاى ان شاء الله
السلام عليكم.