#عشقت #نقابها (١٠)
ذاك المكان الذى يبدو عليه أنه حجرة معيشه ؛
يجلس علي أريكة تتميزُ بالبساطة؛
رجلٌ ذو لحية بيضاء ؛يظهر علي چَبينة أثار السجود واضحا كوضوح الشمس ؛
علامات من الرضا والقَبول تظهر من خلال ابتسامته وطِيب كلماته ؛ أراه غارقا بين صفحات من إحدى كُتب السيرة النبويه ؛ فكل العُلوم لها شأن وقدر عظيم ترفع من مكانةِ طالبُها إلي أعلي الدرجات في الجنه ..
أحقا ذاك ؟!!!
أجل ... فقد أخبرنا الله بذلك في كتابه
(يَرْفَعِ اللَّهُ الَّذِينَ آمَنُوا مِنْكُمْ وَالَّذِينَ أُوتُوا الْعِلْمَ دَرَجَاتٍ)
تدخل عليه إمرأة لاتقل جمالا عن متيمة النقاب ؛ تمسك بيدها كوبا من الحليب ؛ تُقدمه بإبتسامة لذلك الرجل ..
ثم تخطو خُطوتين للجانب الأيمن لتجلس نحوه مُحدثة إياه .
: قولي يامحمد ايه موضوع الدكتور دا؟
مُحمد : والله يافاطمه أحسبه علي خير ولا أذكيه علي الله ؛ أنا قعدت معاه ساعه واحده ؛ قلبي ارتاحله جدا ؛ حسيت انى اعرفه من زمان وانه زى عمار بالظبط ؛ كلامه وأسلوبه شبهنا ؛
فاطمه : طيب يعنى ظروفه ايه يامحمد
محمد : لو بتسالي عن ظروفه الماديه فميهمنيش فيها غير المتوسط اللي يعيش بنتى حياه كريمه ..
_كل اللي يهمنى إنه يتقي ربنا فيها ويرفع من شأنها في دينها ؛ ويكمل اللي بنيته ؛ علشان هى حصادى من الدنيا .
مش هدِيها غير للي يستاهلها ويستحق تعبك وتعبي في تربيتها ....
فاطمه : طيب انت رديت عليه قلتله ايه .
محمد : قلتله سيبنى أسبوع هفكر وهرد عليك واللي فيه الخير يقدمه ربنا لينا وليك ..
فاطمه : انا من رأيي يامحمد تأجل كلام في الموضوع دا لبعد امتحانات مريم ؛ السنه دى شهادة والمفروض تركز في المذاكرة عشان تعرف تجيب مجموع كويس .ولا انت ايه رأيك ؟
محمد: عندك حق والله يافاطمه رأيك في محله جدا هى مريم امتحاناتها امتى ؟
فاطمه : بعد أسبوعين أن شاء الله..
محمد : طيب كويس جدا أكون سألت عليه كويس وقعدت معاه مره تانيه احاول أفهمه اكتر ..ماهو مش ياخد اى حد يعنى ؛ دى مريومه اللي قاعدة جوا القلب ومتربعه.
فاطمة بنظرة غيرة : احم احم نحن هنا ياحاج محمد .
محمد مبتسما : كل ما بنكبر يافاطمه بتحبنى اكتر ولسه برضو بتغيرى عليا .
فاطمه : طبعا بحبك وبغير عليك مش انت رفيق دربي وزوجى في الدنيا وفي الفردوس أن.شاء الله ..
قطع هذا الحديث الغرامى دخول مريم المفاجىء قائله :
ايه ياعم قيس الحب دا كله يابختك يافطوم انا مش بحسد ولا حاجه دى غِبطة بس .
فاطمه بغيظ يظهر علي عينيها : ياستير يارب علي مفرقة الجماعات والاحباب انتى ايه اللي جايبك هنا مش عندك مذاكره .
