" ဂျဲနို .. ငါရေခဲမုန့် စားချင်တယ် "
အတူတူ ဈေး၀ယ်ထွက်နေရင်း ယှက်ထားတဲ့ လက်တစ်စုံကို ဖြုတ်ပြီး သူက အဲ့ဒီလို ပြောတော့ ဂျဲနို က ပြုံးတယ် ။
ပြီးတော့ သူ့ဆံပင်တွေကို သဘောတကျ ဖွတယ် ။" မင်းက ကလေးလေးလား .. မုန့်စားချင်တာနဲ့ တွဲထားတဲ့ လက်ကို ဖြုတ်ရအောင် "
" ဒါပေမယ့် ငါ့မှာ ဆိုးစရာက မင်းပဲရှိတာကို "
မျက်လုံးလေးတွေက လခြမ်းသဏ္ဍာန်ပေါ်တဲ့အထိ ကွေးညွတ်ကျအောင် ပြုံးပြီး ရယ်သံလေးပါ ထွက်လာတဲ့ ဂျဲနိုရဲ့လက်တွေက ဂျယ်မင်းရဲ့ဆံပင်တွေပေါ်မှာ ရှိနေတုန်းပဲ ။
" ဆံပင်တွေ ပွကုန်တော့မယ် "
" ခဏလေးနေဦး .. ငါ သွား၀ယ်ပြီး ပြန်လာခဲ့မယ် "
" အွန်း ! "
သူ့ကို ထိုင်ခုံတစ်နေရာမှာ ထိုင်ခိုင်းပြီး ထွက်သွားတဲ့ ဂျဲနိုရဲ့ နောက်ကျောပြင်ကို ဂျယ်မင်းက ငေးကြည့်နေမိတယ် ။
ခုနက ရယ်သံလေး ၊ ပြီးတော့ ပြုံးရယ်မှုတွေ ..
အဲ့တာတွေကို ဂျယ်မင်း ပြန်ကြားရတာ ဘယ်လောက်မှ မရှိသေးဘူး ။
ဒီငါးလလောက် အတွင်းမှာ လွန်ခဲ့တဲ့ ငါးနှစ်အတွင်းက ဂျဲနိုရဲ့ ပုံစံကို မနည်းပဲ ပြောင်းလဲပေးပစ်ခဲ့ရတာ ။အဲ့ဒီနောက်ကျောပြင်ကိုကလည်း အရင်တုန်းက သူအမြဲတမ်း ငေးကြည့်နေခဲ့ရဖူးတယ် ။
သူ့အနားကနေ ဂျဲနိုက ထွက်သွားတိုင်း ၊ သူ့ကို ကျောခိုင်းသွားတိုင်းမှာ သူက ပြုံးပြီး နှုတ်ဆက်ခဲ့ရတဲ့ အချိန်တွေကို အမှတ်ရတယ် ။လောကကြီးထဲမှာ ဘာကို အကြောက်ဆုံးလဲလို့ မေးလာရင် ဂျယ်မင်းက ပြန်ဖြေဖြစ်မှာ .. ဂျဲနို သူ့ကို ထားသွားမှာကို ဆိုပြီး ။ ဒါပေမယ့် အဲ့ဒီအဖြေရဲ့ နောက်မှာ အဖြေကွဲတွေ အများကြီးရှိတယ် ။
အထူးသဖြင့် အဲ့ဒီကိစ္စကို သူတွေးပြီး အကြောက်နေမိဆုံးပဲ ။
ဂျဲနိုကို သူက ပိုင်ဆိုင်နေရတာဆိုပြီး တွေးမိချိန်တိုင်းမှာ တစ်စုံတစ်ယောက်က သူ့အတွေးတွေထဲ ၀င်ပြီး ခြောက်လှန့်နေလေ့ရှိတယ် .. အခုထိ ။ဒီဈေး၀ယ်စင်တာထဲမှာ လူတိုင်းနီးပါး လှုပ်ရှားနေကြတယ် ။
သူကတော့ အတွေးတွေနဲ့ ငြိမ်သက်နေမိတာပဲ ။
ဂျဲနိုရဲ့ ကျောခိုင်းသွားတဲ့ ပုံရိပ်လေးကအစ သူ့ကို အတွေးတွေ ဒီလောက် များစေနိုင်တယ် ။
![](https://img.wattpad.com/cover/277237787-288-k973431.jpg)
YOU ARE READING
비밀 , 약속 , 거짓말 || NoMin
Fanfictionလျှို့ဝှက်ချက် ၊ ကတိ ၊ အလိမ်အညာ ။ - I don't ask for happiness , just a little less pain -