غرامي منتقبة

الجزء الثاني الحلقة الاولي

السلام عليكم ورحمة الله وبركاته
ازيكم يا بنات وحشتوني اوووي يا رب تكونوا بخير جميعا.... انا كملت الروايه على نفس اللينك علشان متهووش وفي ناس مكنتش هتعرف توصل للجزء الجديد فقولت نكمل على اللينك ده...... عايزه اتفق معاكم على اتفاق عايزين تفاعل قوي كدا من اول حلقه شجعوني على الكتابه علشان اخلص ليكم الروايه قبل الجامعة انتم أحرار😂😂😂بعدين ماشاء الله احنا ااقل بارت بيعدي الفين مشاهده...
اسيبكم مع البارت
__________________________
في الصعيد حيث المشفى التي توجد بها الجدة وفي غرفة الجدة بعد افاقتها... وبعدما فحصها الطبيب وانتقلت من العنايه المركزة إلى غرفه عاديه... وكان الجميع يلتف حولها( الجد العمة.. صهيب ايلن باسل شمس)

الطبيب:لا احنا كنا فين وبقينا فين يا حجة دلوقتي احسن بكتير ماشاء الله لو نعرف أن دخول المدام هيفرق معاكي كنا عملناها من زمان

صهيب بجدية:هي ممكن تخرج امتى يا دكتور

الطبيب:يعني يومين كمان كده اكون اطمنت عليها وبعدها هكتب على خروج بس طبعا أهم حاجة راحتها..... وحمدلله على السلامة مرة تانية.. بعد اذنكم.... وخرج الطبيب

كانت الجدة مسطحة على الفراش وقد املئت عينيها بالدموع

الجدة بدموع وهي تشير لايلن:جربي يا بتي قربي تعالى لعندي

كانت هي تقف بجانبه تشعر أنها غريبة بينهم ولكن شعور الأمان معه مازال يلازمها دائما ما تشعر معه بالأمان رغم كل ما يفعله بها منذ أن رآها ولكنها الا الان لم تشعر بالأمان الا معه بعد أهلها بالطبع.... فكانت تقف بجانبه وكأنه مصدر الأمان لها....تقف وهي تراقب الجدة ودموعها وكالعاده دموعها سبقتها واغرورقت زرقاوتيها... اقتربت من الجدة بترقب ودموعها على وجنتها... لتلتقط كف الجدة وتضع عليه قبله حانيه

ايلن بدموع ومازالت ممسكة بيد الجدة:حمدلله على سلامة حضرتك انا اسفه انا السبب بس والله انا مكنتش اعرف حاجة زي حضرتك بالظبط

ارتسمت شبه ابتسامة متعبه من بين دموع الجدة... لتكفكف ايلن دموع جدتها بكفها الصغير.... لتلتفت الجدة بنظرها ناحيه صهيب

الجدة بثبات مصتنع بائت فيه:عمتك ماتت من ميته يا ولدي

صهيب بتفاجا من معرفتها ليجيب بتعلثم فهو مازال خائف على صحتها:جدتي....

الجدة بحزم مصتنع:يا ولدي انطج مش عايزه مناهدة عايزه اعرف كل حاجة وكيف مرتك تبقاا بنت عمتك انا متأكدة انا معتوهش عن بتي واصل ودي تبقاا بت بتي لكن مش بتي يبقاا اكيد بتي جرى ليها حاجة... قولي كل حاجة

استسلم صهيب لرغبتها ليقص عليها ما عرفه من أحمد إلى المواجهه التي حدثت بين ايلن وبينهم...... ودموع الجدة تزداد ومعها ايلن أيضا التي تبكي بصمت

الجدة بحزن وبكاء:انا اللي ضيعت بتي يوم ما غصبنا عليها تتجوز ابن عمها... احنا السبب يا ولدي ف كل اللي حوصل