غرامي منتقبة

البارت الحادي العشر👀

في المستشفى وفي غرفة نادين وبعد ما عين صهيب وقعت على ايلن وهو حس انه فرح جداا لما شافها بس بيسأل نفسه هو لي فرح كده هو أول مره بنت تشده اوي كده وسأل نفسه معقول يكون حبها بس ازاي ده ماشفهاش غير مرتين ويعرفش حاجة عنها كمان ميعرفش شكلها عامل ازاي هو مكنش بيصدق أن في حاجة اسمها حب من اول نظرة ودارت في دماغه اسأله كتيره اوي بس اقنع نفسه انه ده مش حب وأنه ممكن يكون أعجب بيها لأنها مختلفة شوية عن البنات ال بيشوفها بسبب لبسها وتدينها وان ده مش حب ابدا وباسل لاحظ نظرة صهيب لايلن وعرف أن صهيب بيحبها لأن باسل اكتر واحد عارف صهيب وبيفهموا وباسل فرح اوي لأن ده ممكن يساعده في انتقام بس هو عايز يتأكد انه بيحبها فعلا

وبعد ما صهيب خرج هو وباسل

نادين:اي المفاجأة الحلوة دي والله انتو وحشتوني اووي

البنات:وانتي كمان والله

ايلن:قوليلي اي ال حصلك انتي كنتي معانا كويسة من يومين

نادين بحزن:الحمدلله انا كويسة بس قولولي انتو عرفتوا منين اني في المستشفي

ايلن:محمود هو ال قالي وانا جبت إيمان وجينا ليكي و احنا داخلين المستشفى كان انكل اكمل والد اروي خارج لأنه كان تعبان بردو واحنا كنا هنطمئنا عليه بس ولقينا اروي ولما عرفت انك تعبانة رفضت تروح مع عائلتها قالت لما تطمن عليكي الاول

نادين:حبيبتي يا اروي ربنا يديمكم ليا دائما

اروي:ويديمك لينا يا ندووش انتي خلاص بقيتي اختنا

وايلن فعلا لاحظت أن نادين فيها حاجة زي ما محمود قال بس لما نادين متكلمتش ايلن محبتش تضغط عليها

وفي الخارج في الاستراحة

صهيب:رجعت لي يا باسل

باسل:رجعت علشان حقي والا فاكرني نسيت زيك ياا فهد(وقال آخر كلمة بسخرية)

صهيب اكتفي بأنه ابتسم بتهكم

وجه عليهم عدي

عدي بدهشة:اي ده باسل وصهيب مع بعض!!! لا كده يبقاا في كارثة

باسل قام وسلَم على عدي وحضنه بعض

باسل:عامل اي يا عدي وحشني

عدي:لو فعلا وحشتك مكنتش مشيت ونستنا كلنا يا باسل

باسل:عدي بلاش نقلب في ال فات وبعدين المفروض انت اكتر واحد تبقاا عاذرني لأنك عارف ال حصل

عدي:وانت مستنتش تفهم والا تسمع ومين قالك ان صهيب سكت صهيب......

صهيب بحزم:عدي

عدي:باسل لازم يفهم يا صهيب وكفاية بعد لحد كده بقاا انتو متعبتوش موحشتكوش لمتنا مع بعض يا شيخ اتنازل ولو مرة عن غرورك ده وفهم اخوك ده اخوك يا أخي وانت عارف كان متعلق بيهم ازاي