غرامي منتقبة

الحلقة الثانية

"ليت المسافات تنجلي فنحظي باللقاء فقلبي قد هرم من شدة الاشتياق"💚

بينما في قصر المالكي في الصعيد.. خرج الجد من المكتب تاركا كل من باسل وصهيب في مواجهه لأول مره حرب نظرات أقيمت بينهم كل منهم ينظر للآخر بنظرة انه الضحية... باسل ينظر لصهيب على أنه ضحية غروره وبروده وتهاونه في حق والديها...

صهيب ببردو وهو يضع قدم فوق الاخر وهو يفهم نظراته اليه:اممم... اه انا الإنسان البارد المغرور الجبان اللي خاف على نفسه وساب حق ابوه.... مش هي دي نظرتك يا باسل باشا

باسل بسخرية:ومين قلك دي نظرة.. تؤ... دي حقيقة يا فهد

صهيب ولو يتخلى عن بروده وابتسامة مستفزة ارتسمت على ثغره:تصدق اكتر حاجة مزعلاني في الموضوع ده اي.. ان اخويا غبي... تؤ تؤ تخيل بقاا أن اخو الفهد غبي اووي.. تصدق عيبة في حقك

يلعب صهيب على وتر باسل الحساس.. يعلم صهيب جيدا اندفاع اخوه وعصبيته من بروده.... فأكثر ما يثير عصبية باسل هو برود صهيب في الكلام معه

باسل بعصبية مفرطة:صهيب بطل اسلوبك ده معايا... وبعدين مش دي الحقيقة فعلا انت سيبتك حق ابوك وأمك وعيشت حياتك وبدأت شغل من جديد وكبرت وكبرت نفسك وبقيت صهيب المالكي اللي، الكل يعمله حساب لا ومش بس كده ده انت ماشاء الله اتجوزت إلى بتحبها وعايش حياتك وكان شئ لم يكن... بس انا هقول لمين انت انسان أعصابك في تلاجة..ميهمكش حاجة في الحياة غير نفسك وبس.. حقيقي مشوفتش في انانيتك

صهيب وقد احمرت عيناه مش شدة غضبة.. ايتهمه أخاه بالانانية بعد كل ما يفعله من أجلهم...سنوات يحتفظ ببروده أمامهم ونيران الانتقام تشتعل بداخله تنهش به يوما بعد يوم كل هذا وهو لم يفكر سوى بسلامة أخاه واخته... بدأ من جديد إلى أن صنع نفسه بنفسه بعيدا عن أموال ابيه الفاسدة.... ليصبح صهيب المالكي التي ترتعب له الأنفس حتى رجال المافيا نفسهم أصبحوا يهابون قوته وهذا ماكان يريد صهيب الوصول اليه وهو أن يتخطى قوتهم ليكن قادر على القصاص لوالديه دون التسبب في خطر لأحد من اخوته...عمله مع الحكومة المصرية لايقاعهم واحدا تلو الآخر دون علم أخاه.. يعلم صهيب تهور باسل وحبه الأعمى لوالديه مما جعله يبعده عن هذه اللعبة خوفا عليه........حتي في سنوات غربته كانت أعينه تلازم أخاه خوفا عليه كانت اخباره كلها لديه يوما بيوم.... وبعد كل هذا يتهمه بالانانية.. لندفع صهيب من مجلسه وقد تملك منه الغضب والعصبية التي من الممكن أن تطيح بالجميع.... ليكور قبضة يديه وقد برزت عروقه بشدة....

صهيب بغضب جامح وصوت كادت جدران القصر تهتز لشدة ارتفاعه:انت ايه يا أخي أنت اي حرام عليك ارحمني بقااا ارحمني من نظرة الاتهام اللي دايما شايفها في عينك ناحيتي دايما انا السبب في موت ابويا وامي من وجهه نظرك بعترف اني السبب في بعد ابويا عن الشغل ده بس كل ده من خوفي على مين مهو كان عليكو خوفت عليكم لو كان عليا ما انت عارف كويس انا ابقاا اي وسطهم عارف ان الكل بيعمل ليا مليون حساب لكن خوفي كان متمثل فيكم وانت بالذات خوفت من تهورك.... ارجع بذاكرتك كدا شويه لورا افتكر يوم موت ابويا وامي افتكر قلتلي ايه افكرك انا قلتلي "انت السبب في موت ابويا وامي انتي السبب في حرماني منهم انت السبب في اني بقيت يتيم للمرة التانية انت مش اخويا والا عايز اعرفك انت في نظري قاتل يا صهيب قاااتل" تفتكر كل ده كان سهل عليا انت حتى ياخي مراعتش أن اللي ماتوا بردوا ابويا وامي مرعتش أني كنت لسا دافن ابويا بأيدي مراعتش كسرتي في اليوم ده وحزني بالعكس انت جيت بمنتهي البساطة وكملت عليا سبتني ومشيت يا باسل سبتني في اكتر وقت كنت محتاجك فيه كنت محتاج اخويا ضهري وسندي كنت محتاج احس ان ظهري متكسرش يا باسل لكن انت سبتني ومشيت هربت عارف لي لأنك جبان يا باسل انت انسان جبان ومتهور... كان لازم نبعد عن الطريق ده كان لازم فكرك يوم اللي اتصبت فيه وكنت بتموت قدام عيني ده سهل شايف اخويا بيموت قدام عيني عارف ساعتها حسيت بايه حسيت اني ضعيف اووي لأول مرة يومها أعرف أني كنت قوي بيك.....وفوق كل ده بعد موقفت على رجلي  من جديد بتقولي اناني.. ليتابع بسخرية...اناني وقاتل وساب حق ابوه مش كدا مش ده انا يا باسل