غرامي منتقبة

البارت الثاني عشر

السلام عليكم ورحمة الله وبركاته

اولا كل سنة وانتم طيبين ❤️❤️قلوبي وحشتوني كتير والله بالله عليكم محدش يزعل مني لأنه بجد غصب عني التأخير وبإذن الله مفيش تأخير تاني والرواية هتنزل بانتظام يوم ويوم لا الساعة١٢ بليل معادنا علطول
***************************

في قصر المالكي

دخل باسل القصر تفاجأت شمس بشدة من وجوده وأول من وقعت عينيه عليها هي شمسه فالتقت الأعين لأول مرة من سنوات رأي في عينيها نظرة شوق ووجع وعتاب كأن عينيها هي التي تحكي له عما بداخلها هبطت دموعها تلقائيا دون وعي منها سرعان ما ازايتها بقوة وكأنها تعاتب عينيها على هذه الدموع  رأي دموعها التي تكاد تقطع قلبه أشلاء... دقات قلبهما تتسارع اقسم بأن دقات قلبه تكاد تسمع شعر بأن روحه اعيدت له من جديد عند رؤيتها تمنى لو أن ياخذها بين أحضانه يدخلها بين ضلوعه يعتذر لها يقول لها بأني عدت من أجلك فأنتي الشمس التي تنير حياتي أعلم بأني أخطأت في حقك ولكن ها أنا يا شمسي عدت من جديد ولكن كان لسانه عقد عن الحديث عند رؤيتها شعرت شمس بأن قلبها يكاد يقفز من صدرها من شدة فرحته اغمضت عينيها بألم كأنها في صراع بين شوقها إليه وبين وجعها منه لعنت قلبها هذا الذي مازال ينبض له وكأنه عاد لينبض من أجله ظل كلاهما في صراع مع نفسه لم يفق إلى على صوت سلمي

سلمي:حمدلله على سلامتك يا بشمهندس

باسل:الله يسلمك يا سلمى

نادين:اي يا جماعة انتو هتفضلوا واقفين كدا

سلمي:لا يا نادين تعالى وريني اوضتي لاني تعبانة من السفر وعايزة انام

نادين:اشطا تعالى... ونظرت لشمس... هوصل سلمي وارجعلك

وصعدت كل من سلمي ونادين

باسل بعشق:عاملة اي يا شمسي

شمس بجمود:حمدلله على سلامتك يا بشمهندس

باسل:الله يسلمك وأكمل بشوق..... وحشتيني يا شمسي

شمس بهدوء عكس ما بداخلها:اسمي الدكتورة شمس يا بشمهندس باسل وميصحش ال حضرتك بتقوله ده

تنهد باسل بألم

باسل:شمس انا رجعت علشانك

شمس بسخرية:لا كتر خيرك بصراحة يا بشمهندس بس احب اطمنك أن رجوعك معدش يفرق خلاص

باسل بامل:انا عارف اني مهما اقول بردو غلطان يا شمس بس خلينا ننسى الماضي يا شمس ونبدأ من جديد

شمس ببرود:الماضي ده انا نسيته من زمان يا بشمهندس زي بالظبط ما نسيتك والفضل يرجع ليك وأكملت بألم ووجع...... بصراحة خت  بنصيحتك ليا وعيشت حياتي ونسيتك

باسل بالم: شمس ارجوكي انسى شمس انا لسا بحبك

شمس بأنفعال وعصبية:بس متقولش بحبك متجيبش سيرة الحب على لسانك انت مش بتحب غير نفسك وبس اكتر انسان اناني شوفته في حياتي هو انت يا بشمهندس مبتفكرش غير في نفسك وبس