رواية لقاء مصلحة "بقلم نوران جمال"

البارت الخامس

جاء اليوم التالي ليستيقظ الجميع ويجتمعون بالاسفل لتأتي دارين بمساعدة جاك white board حتي يستطيعوا العرض عليه
جاسر بهدوء: المفروض دلوقتي نفهم ايه هي الخطة..
ليان بهدوء: ميرال اللي هتتكلم..لتقف ميرال وتنظر الي
الجميع
ميرال بهدوء:ركزوا معايا كده ..ثم قامت بالضغط علي الزر ليظهر صورة ماجد
ميرال بجدية: ماجد صبري طبعاً كلنا عارفينه وده بيكون عدّونا الرئيسي اللي عايزين نخلص منه بأي طريقة..لتضغط علي الزر مرة اخري للتغير الصورة وتظهر صورة رجل اخر لتُكمل: وده لوسيفر انطوان..
جاسر بإستغراب: مين ده..
ياسين بهدوء:شكله مألوف عليا..
ادهم بهدوء:لوسيفر انطوان صاحب شركات A.L في روما ..
سيف بإستغراب: عرفته منين..
ادهم بهدوء:صديق ماجد ..
ميرال بجدية : مش صديقة بل رئيسه ، روما او ايطاليا في العموم معروفه بالمافيا وبقوة رجال الاعمال هناك بسبب انهم بيبقي ليهم ايد في المافيا مخدرات وحاجات من كده..
ليان بهدوء:تقصدي ان لوسيفر هو اللي ورا ماجد وبيأمن ليه شغله ..
ميرال بجدية:ايوه لوسيفر بيأمن ليه كل صفقاته وبيهدد اللي بيدخلوا قدامه عشان كده كسب اغلبية صفقاته ..
سيف بجدية : يبقي كدة اللي فعلا مطلوب نتخلص منه هو لوسيفر..
ميرال بجدية:مش هنعرف نمسكه وهو في روما لازم ينزل هنا عشان نقدر نمسكه متلبس ونقدمة للشرطة..
جاسر بهدوء:وبالنسبة لإبن ماجد..
ميرال بإبتسامة ماكرة: الدور جاي عليه ..لتضغط علي الذر ليظهر شاب وسيم
ميرال بجدية ومكر: شادي ابن ماجد صبري بتاع بنات وعينه زايغه سهل نمسكه بس الفكره في كمية الحرس اللي معاه ..
ادهم بتفكير:طيب ايه هي الخطة..
ميرال بمكر :لسه في مفاجأه ...
ادهم بمرح: مفاجأتك مش بتخلص..
لتضغط ميرال علي الزر لتظهر صورة شاب اكثر وسامة من السابق ولكن يظهر عليه الجدية..
ميرال بمكر : مازن ماجد صبري...
لينظر الجميع لها بصدمة
ميرال بتكملة:مازن هو ابن غير شرعي لماجد...
ياسين بصدمة:بس ده رئيس حرسه ..
ميرال بهدوء: وهنا دارين هتكمل ..لتقف دارين مكان ميرال وتتحدث بجدية: مازن ابن غير شرعي لمرأه ايطالية عاش حياته كلها في ايطاليا ورجع من خمس سنين عنده انتماء شديد لماجد وشادي ومستعد يضّحي بحياته عشانهم وده اللي انا استغربته ده غير انه ميعرفش ان ماجد يبقي والده..
جاسر:يبقي نقوله ونكسبه في صفنا..
دارين بإبتسامه: وده المطلوب بس مش بالسهولة ديه يا جاسر زي ما قولت عنده انتماء قوي ليهم وممكن يخدعنا في اي لحظة ده غير انه لو لمحنا بعينه مش بعيديطلع مسدسه ويقتلنا خاصة ان عنده اوامر انه يتخلص مننا ومنكم لو شافنا من غير حرس ..
سيف بهدوء: طيب احنا ممكن نقدمله دليل..
ليان بهدوء: انا جت في بالي فكرة بس مش دلوقتي...
لينظر الجميع لها لتقف هي وتجلس دارين بجانب ميرال لتتحدث ليان
ليان بهدوء:الاول هنمشي بالترتيب المطلوب
اولا نوصل لمازن ونخليه في صفنا .
ثانيا نتخلص من لوسيفر.
ثالثا نتخلص من ماجد .
لوسيفر وماجد بنسبة كبيرة خلاصهم هيبقي مع بعض .
وقبل كل ده لازم نضرب ضربه بسيطه كل فترة واكثر حاجة هتوجع ماجد هو شادي واللي هيوجع شادي ولو قليلا هي خطيبته..
جاسر بهدوء:طيب ايه هي الخطة اللي هنمشي عليها وكل واحد فينا مهمته ايه...
لتقف ميرال وبجدية: دارين وسيف قناصين ، ليان وجاسر المتحدثين الرسميين هما اللي هيطلعوا قدام الشاشة ، ياسين هيكون الهكَر هو اللي هيدخل علي بيانتهم من اللاب توب ، وانا هبقي العضو الخفي خاصة ان تقريبا هما مش يعرفوني بمعني ان انا اللي هتكلم مع مازن وانا اللي هحط الخطط نظرا لدراستي للموضوع اكتر ثم بتنهيدة وادهم هيكون معايا نظرا لاختفائه الكبير عن الشاشه والاعلام .
جاسر بهدوء:كده في حد ناقص ياسين مش هينفع يكون لوحده الهكر عايزين حد معاه ..
ياسين بهدوء:جاسر عنده حق عشان منتأخرش..
ادهم بتفكير: ومين بقي اللي هينضم لينا..
ليان بإبتسامه ماكره: يارا..
لينظر لها الجميع بجهل بإستثناء ميرال ودارين
ليان بمكر : يارا السكرتيرة مافيش غيرها كمان هي شاطرة جدا في الكمبيوتر ..
لتقف ميرال وبهدوء: دلوقتي كل واحد هيروح الشركة عادي عشان مش يكون في شك علي اي حاجه مطلوب منك يا جاسر تكلم يارا بما انك مديرها او علي الاقل تعرف عنوان بيتها . وانت يا ياسين تجيب كل المعلومات اللي هتنفعنا وتسجلها علي فلاشة وتجيبها هنا وسيف يتابع كاميرات المراقبة الشهر اللي فات كله ويسجل اسامي كل اللي دخلوا الشركة من موظفين وعُمال صيانه..لتنظر الي ادهم : وانت تراقب تحركات مازن كلها وتخليك وراه...
ادهم بسخرية: وده هجيب مكانه منين..
ميرال بمكر: انت وشطارتك ..ثم بهدوء : ليان روحي شركتك عشان شغلك وحاولي تخلصي الورق المهم ، وانا ودارين هنلم كل المعلومات المهمة بتاعة شركتنا والاشخاص اللي دخلوا اخر شهر ..
ليتحدث مراد اخيرا بعد صمت دام طويلا
مراد بهدوء: خدوا بالكم عشان انا لدلوقتي مش مشجعكم علي اللي هتعملوه ..
ليان بإبتسامه: هناخد بالنا بس لينا طلب..
لينظر لها
ليان بإبتسامة : ممكن حضرتك تسافر فيلا شرم..
وقبل ان يتكلم مراد
دارين بإبتسامه ومرح ومقاطعة: وافق يا مرادي عشان نعرف نسافر قريب احنا كمان..
مراد بهدوء: مش هسافر ..
ميرال بهدوء: لو سمحت يا مراد بيه وافق عشان ميحصلش تشتت حتي هنبعت مع حضرتك ستيف وبراد عشان الحراسه لازم تبعد والمفروض حضرتك تسافر بره مصر عشان تبعد خالص عن اللي هيحصل وعشان عارفين اعتراض حضرتك فهتسافر شرم الشيخ افضل..
مراد بتفكير:تمام بس متفتكروش ان انا كده مش هعرف انتوا بتعملوا ايه ..
ميرال بإبتسامة: طبعا حضرتك مراد السيوفي..
ليذهب مراد بهدوء ليجهز حقيبته بينما نظر الشباب الي بعضهم بإستغراب هل استطاعوا اقناع مراد السيوفي بالسفر حسنا فهناك امر يجب عليهم معرفته.
وقف الجميع وذهب كل واحدا منهم ليفعل ما عليه
بإستثناء ادهم الذي وقف امام ميرال
ادهم بتفكير: انتي بتفكري في ايه بالظبط..
ميرال بسخرية : تقصد ايه..
ادهم بهدوء : واضح انك فاهماهم اوي و علي معرفة بكل شئ عنهم ،عرفتي كل ده منين وايه سبب انتقامك..
ميرال بهدوء وتساؤل :ايه سبب انتقامك انت..ليصمت ادهم وهو ينظر لها يحاول الا يتذكر ما حدث
ميرال هدوء :يبقي متسألنيش عشان زي ما انت مش قادر ترد وتقول انا كمان مش هقدر اقول ..ثم بسخرية : وخد بالك من الجرح ..لتضحك بسخرية ثم تذهب بينما هو نظر الي مكانها ثم نظر الي الجرح
ادهم بإستغراب: مش معقول تكون اخدت بالها ..ليضحك بسخرية وهو ينظر الي مكانها حسنا فهو لمح نظرة حزن في عيناها يتضح ان سببها قوي مثله ومثل ابناء عمه ليتذكر ما حدث له في الماضي ليتنهد بضيق ثم يذهب ليقوم بما عليه..

في الشركة
دخل جاسر الي مكتبة فلم يجد يارا
جاسر بإستغراب: هي فين..
ليسأل احد الموظفين
جاسر بجدية:فين يارا السكرتيرة..
الموظف بإحترام: مجاتش النهاردة ..
جاسر بجدية : هاتلي السيفي بتاع يارا من الارشيف تحت..
ليومئ لو الموظف بينما دخل جاسر مكتبة وقبل ان يقوم بأي عمل اتاه اتصال من رقم غريب..
جاسر بهدوء: الو..
الشخص:جاسر السيوفي..
جاسر بتماسك : ماجد ..
ماجد بمكر : انا سيبتلك الصفقة الاخيرة بمزاجي
بس خد بالك لأنها هتكون اخر صفقة تكسبها ..
جاسر بهدوء ومكر : سمعت منك الجملة ديه كام مرة قبل كده وبردو بكسب..
ماجد بضحك: ههههه عندك حق انا لازم اعلّي مستوي اللعب شوية يا ابن السيوفي ..
جاسر بسخرية: اعلي ما في خيلك اركبه يا ماجد وصدقني اخرتك هتبقي علي ايد ولاد السيوفي..
ماجد بمكر : هنشوف ..
ليغلق ماجد بينما نظر جاسر الي الهاتف
جاسر بتفكير: يا تري ناوي علي ايه ..ليبتسم بمكر وسخرية ويكمل عمله..
بينما ياسين جمع كل المعلومات الهامة علي اللاب توب خاصته وسيف اخذ جميع اسماء من دخلوا الي الشركة واخذ الاسطوانات المُسجل عليها من خلال كاميرات المراقبة .. وادهم استطاع معرفة مكان مازن وظل يتتبعه قليلا حتي شعر بالملل فكلف احد رجاله بمراقبته ..
بينما في شركة ليان
كانت ليان تجلس علي مكتبها وهي تفكر في تلك المعركة التي سيبدأون بها قريبا وهي تشعر بالضيق قلقه من ان يحدث اي شئ لاي احد
ليان بتفكير : حتي لو رفضت ميرال هتنفذ اللي في دماغها ..ليأتي جاسر في بالها فجأه لتتنهد بهدوء ثم يتم فتح الباب لتدلف السكرتيرة
السكرتيرة بهدوء : ميعاد الاجتماع..لتخرج ليان وتذهب الي غرفة الاجتماعات وعند فتحها للباب تنظر للجالس امامها بصدمة "فيا تري من هو"
بينما في الفيلا كانت ميرال تجلس مع دارين يشاهدون ما سجلته وتُسجله كاميرات المراقبة لينظرا الي بعضهما بصدمة واستغراب عند رؤيتهم للذي في غرفة الاجتماعات
دارين بصدمة : مستحيل ..
ميرال بقلق: ليان ..
"فيا تري من هو وماذا سيحدث ..انتظروا"

اتمني التفاعل يكون افضل من كده ❤❤