رواية لقاء مصلحة "بقلم نوران جمال"

البارت السادس

ليان بحدة منه فكم تكرهه :بتعمل ايه هنا يا سليم..
سليم بسخرية: اهدي بس كده واقعدي نتكلم ..
ليان بغضب نتكلم في ايه اخرج بره..
سليم بحدة:احترمي نفسك ..
ليان بحدة: احترم نفسي ليه يابن عمي المحترم كتر خيرك جاي هنا ليه ..
سليم بهدوء: ليان انتي خطيبتي وانا..
ليان بغضب وهي تفقد اعصابها : اخرج بره مش عايزه اشوف وشك خطيب ايه وزفت ايه ده احنا دفنينه سوا ده انا شايفاك بعيني وانت بتخني وجاي تقولي خطيبتي ..
سليم بحدة : ليان حتي لو كدة ديه وصية ابوكي قبل ما يموت ولا نسيتي وصيته..
ليان بحدة:وصيته انك تحميني انا واختي وصيته انك تتقي ربنا فينا مش تشغلونا خدامين عندكم ..
سليم بغضب :اومال الشركة ديه بفلوس مين يا روح امك اوعي تكوني ناسية ان احنا سايبينك غصب عنا لا فوقي انا لو عايز اجيبك تحت رجلي هعرف ولا نسيتي يا ليان انتي واختك..
ليان بسخرية وحدة : لا سايبني غصب عنكم عشان عارفين ان انا في لحظة واحدة هنسفكم وادفنكم مكانكم بس انا واقفة بسبب صلة الرحم والدم لكن والله لو مااحترمتوا نفسكم وبعدتوا اني انا واختي لتشوفوا وش عمركم ما شوفتوه وبالنسبة للشركة فهي بمجهودي وتعبي..
سليم بغضب : لا بفلوسنا يا ليان اللي انتي سرقتيها..
ليان بحدة : لا بحق ابويا اللي انتوا كلتوه وانا اخدت حقه وحقي انا واختي ودلوقتي اخرج بره مش عايزه اشوف وشك ولا وش حد من اهلك وكفاية اوي اوي اللي انتوا عملتوه ...
سليم يحدة :ماشي يا ليان ماشي بس صدقيني لهندمك علي الكلام ده وهندمك علي يوم هروبك من فرحنا ولو انا ماشوفتش وشك التاني فصدقيني مش زيي وانتي عارفة كده كويس ..ليتركها ويذهب بينما هي وضعت يدها علي قلبها لتجلس وهي تحاول الوصول الي كوب المياه ولكن لا تستطيع فقلبها يكاد يقف ليدخل جاك بسرعة ويناولها كوب المياه لتشرب وجسدها يهتز بحدة..
جاك بقلق: ليان انتي كويسه نروح للدكتور..
ليان وهي تحاول ان تهدأ : لا انا كويسه قوم يالا نمشي ..
لتخرج ليان معه وتدخل سيارتها ليقود جاك السيارة بينما ليان تحاول ان لا تتذكر معاناتها هي واختها مع عمها وزوجته وابنه ...

بينما في الفيلا
كانت دارين تظر الي الجهة الاخري بينما ميرال تنظر الي شاشة اللاب توب
ميرال بهدوء : كويس انه معملش حاجه لليان ..
دارين بهدوء : مش هيقدر جاك معاها وبقيت الحرس بس انا عارفه سليم كويس وهو مش هيسكت ..
ميرال بإبتسامة مطمئنة : متقلقيش انا ومراد السيوفي كمان معاكم وربنا معانا فمتقلقيش يا دارين انتي واختك اقوياء جداً..
دارين بإبتسامة : كنتي دايماً معانا وانتي اللي ساعدتينا في الهروب اليوم ده ودايماً بتقوينا..
لتبتسم لها ميرال بحب ..

بينما في مكان مختلف تماماً
في فيلا ماجد صبري
كان ماجد جالس بغضب شديد من عائلة السيوفي وشادي ابنه يجلس امامه
ماجد بغضب مش ههدي غير لما اخلص منهم وكمان ليان اللي طالعالي في البخت هي واللي معاها ..
شادي بهدوء :متقلقش يا بابا نسلط عليهم مازن والرجالة يخلصوا عليهم..
ماجد بتفكير :مش بالسهولة ديه كل حاجه وليها اوان ومع دول بالذات لازم نخطط كويس جاسر مش ناوي علي خير وكفاية موضوع اخر صفقة ..
شادي بهدوء : طيب انا هروح الnight club اتسلي شوية واجي ..
ليشاور له ماجد بلا مبالاه وهو يفكر في اي طريقة يتخلص بها من ابناء السيوفي وليان ولا احد سيساعده غير مازن فلا يجب عليه الاعتماد علي شادي لأنه لا يفلح بشئ اما مازن فهو قوي وماكر ليتذكر فجأه بأنه لا يجب علي مازن معرفة ابداً بأنه يكون ابنه لانه ان علم ما فعله بوالدته وبه سينقلب السحر علي الساحر لذا عليه الحذر ..