رواية لقاء مصلحة "بقلم نوران جمال"

البارت التاسع عشر

#البارت_التاسع_عشر...
#نوران_جمال....

لا تحكموا علي كل شئ من البداية فغالبا تكون البدايات كاذبة ..
" نوران جمال"

_ جاء اليوم التالي واستيقظ مازن علي صوت المنبه
وهو يفكر في رسالة الامس ليقرر الذهاب لرؤية ذلك المجهول الذي يزعم بأنه يعرف عنه الكثير فهو بالفعل يؤيد معرفة ماضيه ليضع يده علي سلسلة والدته
وبعد مرور ساعه كان هذا الوقت المناسب لخروجه من الفيلا ولكن عليه التأكد بأن الحرس غير موجودين وفعلا كما توقع كانوا نائمين ليخرج ويدلف الي سيارته وهو يضع مسدسه بجانبه ويقود السياره الي ذلك الكافيه الذي ستكون به المقابلة ..

_بينما علي الجهة كان الاخري
كان الجميع مستيقظون وجالسون علي طاولة الافطار
ليان بهدوء وتفكير : اهم حاجه تتحكموا في اعصابكم خاصتا انت يا سيف ولو مش قادر تروح قول..
سيف بهدوء : لا هروح..
ياسين بتفكير : طب وبعد ما نضم مازن لصفنا هنعمل ايه..
ليان بإبتسامة ماكرة : كل خير ..
ياسين : ايه اللي مخليكي متأكده انه هينضم لينا..
ليان بتفكير : مازن فضولي واكيد هيعوز يعرف حقيقة ماضيه وغصب عنه هيصدقنا لان هو مش غبي مازن بس محتاج يعرف اول الخيط وهيعرف لوحده الباقي...
يارا بهدوء : وبالنسبة للشركات بتاعتكم..
لينظر لها الجميع
جاسر بهدوء : الشركات عليكي يا يارا وياسين ومراد باشا ..
مراد بجدية : انا وليث متابعين الشركات بس شركة ليان هي اللي لوحدها دلوقتي...
دارين بإبتسامة : عيب عليكم الشركة تحت عيني وطقم السكرتاريه قايم بالواجب وكل حاجه بتحصل بتوصل ليا ..
لتبتسم ليان لها ..
وفي وسط انشغال الجميع بالطعام اقترب ياسين من يارا اكثر بسبب اقتراب كرسيهما
ياسين بهمس وحب : لو مش عايزه تشاركي ابعدي يا يارا ..
يارا بإبتسامة : الموضوع منتهي يا ياسين ..
ياسين بمكر : اممم بقيت ياسين بس من غير مستر ولا بيه ولا اي حاجه..
لتنظر يارا الي طعامها بخجل
ياسين بضحك : لا والله ههههه...
مرت ساعه ووقف سيف
سيف بهدوء : يالا يا ميرال ..
ميرال بهدوء : اسبقني انت علي العربيه وانا هشرب مياه واجي ..
ليذهب هو بينما هي وقفت وذهبت الي المطبخ ليدخل ادهم خلفها
ميرال بإستغراب: في ايه..
ادهم بهدوء وهو يستند علي الحائط : مش لازم تروحي..
ميرال بهدوء: ليه ..ليتنهد هو لتقترب هي قليلا منه ثم بهدوء : ادهم متخافش عليا انا ميرال ..
ادهم بضيق : ميرال انتي عارفه ان..
ميرال بمقاطعة : مازن مش هيغدر وبعدين انا وسيف هنكون مع بعض ومازن اصلا من ساعة اخر مرة وهو هيخاف مننا انت مشفتش عملنا فيه ايه بعد ما مشيت..
ادهم بهدوء: عايز اروح معاكي ..
ميرال بهدوء: صدقني لو اعرف ان انت هتتمالك اعصابك كنت امبارح قولت ان انت اللي تيجي معايا بس صدقني انا وانت عارفين انك مش هتقدر وعشان كده مش هينفع..
ادهم بغضب : اومال ليه هتضموه لينا وانتوا عارفين كده..
ميرال بهدوء فهي متفهمه لغضبه : مازن زيك وزينا بل بالعكس عاش عمره بيخدم ماجد وشايفه بطل اما احنا علي الاقل كنا عارفين الحقيقه ومخدمناش ولا ساعدنا اللي دمر حياتنا انا مش بطلب منك تسامح مازن ولا تحبه انا بس بطلب منك تتقبل وجوده ..
ادهم بهدوء منهيا النقاش : خدي بالك من نفسك ..ليخرج من المطبخ ليذهب الي غرفته وفي طريقه اليها اصتدم بليث الذي كان في طريقه الي المطبخ
ليث بإستغراب: مالك ..
ليتركه ادهم دون ان يتكلم ويذهب لينظر له ليث بإستغراب ثم يكمل طريقه الي المطبخ
فيجد ميرال واقفه وهي تحرك كوب الماء
ليث بضيق : ادهم بردو..
لتومئ ميرال له
ليث بهدوء : اتخانق معاكي ولا ايه طالع متعصب ..
ميرال بتفكير : مستغرباه ..
ليث بهدوء وهو يقف بجانبها : بصي انا الموصوع اصلا مش عاجبني ولا هو عاجبني وعنيد كده وعصبي ومكار ..
ميرال بضحك وسخريه : مش شبهك يعني ..
ليث بنظره ماكرة : حبيتيه..
ميرال بتفكير : مش عارفه ..
ليث بمكر : امممم مش عارفه طيب يالا ياختي وخدي بالك من نفسك ..ليخرج وهو يحدث نفسه : جيه اليوم اللي الاقي حد فيه خايف عليكي زيي ..ثم بضيق : بس انا اكتر علي فكرة ..
لتضحك ميرال علي حديث شقيقها حقا ادهم وليث متشابهان للغايه
ميرال بإبتسامة : شكلي حبيتك ولا ايه..ثم بصدمه : يالهوي نسيت سيف ..لتخرج بسرعه فتجد سيف واقفا بجانب السيارة وهو يتأفف بضيق
ميرال بضحك : يالا..
سيف بضيق : يالا يالا بقالي ساعه واقف ..ثم بمكر : ده كله بتكلمي ادهم بتتكلموا في ايه..
ميرال بإستغراب: عرفت منين..
ليشير لها سيف بضحك لتنظر الي ما يشير لها فتجد زجاج المطبخ الذي يكشف كل شئ بداخله فالمطبخ يطل علي الحديقة
ميرال بضحك : طب يالا يا رايق..
ليضحك هو ايضا..