حب رغم الانتقام

حب رغم الانتقام part 1

هلو ياحلوين شلونكم قبل ماابدأ حابه اعرفكم عن نفسي اني اسمي مارلين (اسم مستعار لاسباب انشالله بالمستقبل اكول اسمي الحقيقي 🙂)عمري17 بس عقلي وشكلي اكبر 🙈من العراق بس ساكنه خارج العراق هاي اول تجربه الي واول قصه الصراحه هذا الشي شجعتني عليه صديقتي الي اكتبرها جزء مني هي اول من شجعني ودعمني واول من سمع قصصي اتمنى متدققون حيل لاني جديده وانشالله مع الوقت اطور من نفسي اتمنى تدعموني اسفه اذا طولت عليكم هسه نبلش بالقصه

بالبديه نعرفكم على الابطال
فيليان :هلو اني اسمي فيليان عمري 15 من اربيل بابا كردي يشتغل عقيد بالجيش وماما روسيه دكتوره اني ولدت بروسيا وعشت طفولتي بتركيا بابا بس بالاجازه يجينه السبب ماما تريد تضل بتركيا واني الوحيد الاهلي والمدللهه ومواصفاتي شقره وعيوني زرقه فاتحه على ماما اني من النوع الهادئ بس اعاند وكلش خوافه

ننتقل للبطل
خالد :اني اسمي خالد عمري 25ملازم اول من الانبار مواصفاتي حنطي طويل عندي عضلات واني كلش عصبي وصوتي عالي وماحب اليعاندني وشخصيتي غامضه عندي امي و3اخوان اثنين اكبر مني واحد اصغر مني الكبير اسمه فيصل متزوج وعنده ولدين والثاني اسمه اسامه متزوج وعنده بنيه وولد واني مامتزوج والاصغر اسمه فهد هم ممتزوج وعمره20اني ابويه جان نقيب بالجيش وجان نادرا نشوفه بسبب شغله خارج المحافظه بس جان كلش حنون علينه ويحبنه واني جنت المدلل يمه جنت حيل متعلق بيه ودائما اكلله بس اكبر اصير مثلك وهو جان يضحك ويحضني ويكلي اريدك احسن مني وبيوم من الايام ابويه راح كعادته لغير محافظه على اربيل بس هلمره رجع جثه جان عنده صديق كردي اسمه ابراهيم زادا وجان هو وياه حيل اصدقاء وجان يضل ابويه يحمد بيه بس مع الاسف غدر بيه وموته الى حد الان منعرف السبب كل الي نعرفه جان هو وياه راجعين من واجبهم وبالطريق ابراهيم طلع مسدس وضرب ابويه وموته ومن وصلنه الخبر اني نصدمت ومن عرفت من القاتل تعهدت الا انتقم واخذ ثار ابويه صح جنت صغير بس فاهم واعي من اشتكينه عليه طلعوه براءه بالرشاوي وبهذاك اليوم تمنيت اني كبير علمود اخذ ثاري منه مرت الايام واني حقدي وغضبي يكبر ويايه دخلت كليه عسكريه وتخرجت منها وكونت نفسي علمود انتقم وجه الوقت الي انتقم بحثت وجمعت معلومات عنه وعرفت انه عنده بنيه وحيدته والمدللهه عنده فقررت انتقم من خلالها بس للاسف هي بتركيا بس هذا الشي مامنعني بالعكس زاد من اصراري قررت اني اروح على تركيا واخليها تحبني وبعدين اخذ عقلها وقلبها واعلقها بيه واتركها واخليها هي واهلها يتعذبون مثل ماعذبونه عندي اصدقاء من الطفوله وهم ويايه بكلشي بس من كلتلهم خطتي عارضوني وكالم هي مالها ذنب بس اني مسمعت وعاندت وكلت الا انتقم مرت الايام واني اخطط شلون اخليها تحبني ،

فيليان :جنت كاعده بالحديقه ومااحس اله بابا جه عليه وفاجئني بجيته وبسرعه رحت حضنته وصرت اصيح واكول اجه بابا وهويضحك ويكوللي متغيرتي مثل عادتج تستقبليني مثل الاطفال وكتله غير فرحانه بجيتك وهو يضحك وجنت ماما ووخرتني وحضنت بابا واني زعلت وكلت ليش وخرتيني كالت اني هم الي حصه بيه موبس انتي وتضحك واني الدمعه بعيوني وجان تجي عليه وتكلي يعمري لاتزعلين اتشاقه وياج وحضنتني وبابا جاه ويانه وصار حضنه ثلاثي هههه، للتوضيح احنه نحجي كردي صح ماما روسيه بس تعرف تركي وكردي وروسي وعربي  وبابا كذالك مثل ماما اما اني اعرف كردي وتركي وانكليزي وشويه عربي يعني عربيتي مكسره 🙂 ، بعد فتره اني جنت اريد اروح للمدرسه وجانت تذب ثلج واني واكفه بره استنه السايق يجيني جان يطلع ابن جيرانه الصراحه اخاف منه مع العلم هو معاملته كلش زينه بس ملامحه حاده ويخوفني هو ضابط تركي اسمه جيهانغير فاول ماطلع عرض عليه انه يوصلني رفضت بس هو
أصر وصدفه بابا طلع وشافنه وجهيانغير كال البابا انه يوصلني وبابا وافق لان بابا وابوه اصدقاء وعلاقتهم زينه مع بعض واني استسلمت للامر الواقع وركبت وياه وجان الصمت سيد الموقف وضلينه ساكتين الى ان وصلني بس طول الطريق يباوعلي من المرايه واني خايفه ومتوتره ومن وصلت بسرعه نزلت علمود محد يشوفنه ويطلع عليه اشاعه ودخلت الصف ومرت الايام وبيوم اني جنت طالعه من المدرسه اخير وحده واريد اعبر الشارع وماحس الا سياره دعمتني ووكعدت بالكاع

خالد : قررت اخلي لقاءنه الاول مميز وغريب قررت ادعمها وماكلت الاصدقائي على الخطه رحت وحجزت وودعت امي كلشي متعرف وكتلها اسافر سياحه ورحت ووصلت للفندق وجمعت معلومات عنها عمرها ومدرستها وسكنها وضبطت اموري واخذت سيارتي واستنيتها تطلع وادعمها ، وبعد انتضار طلعت وشفت ماكو احد فمشيت ودعمتها

الى هنا ينتهي البارت الاول اتمنى عجبكم ولاتنسون تصوتون اتمنى تغضون البصر عن الاخطاء الاملائيه 👈👉🙂