حب رغم الانتقام

تعريف عني

هلو شلونكم طبعا حبيت اعرف عن نفسي اكثر 🙂
الصراحه اسمي الحقيقي مكدر اكوله اخاف احد من اقاربي يعرفني بس راح اكول معلومات عني وانشالله محد من اقاربنه يعرفني 🙃اقاربي اذا عرفتوني غلسو 😉🙂

اولا اني عمري 17 راح ادخل18 من العراق

بس تقريبامن سبع سنوات اني خارج العراق خرجت من العراق

ثانيا هواياتي القراءه والكتابه احب اقرء حيل واقرء كتب وروايات

ثالثا مخاوفي الظلام كلش اخاف من الظلام والاماكن الضيقه والحيوانات والحشرات

رابعا مواصفاتي شقره هسه تكولون كلهم يحمدون بنفسهم  😂 بس اني عندي عرق غير العراقي بس لاتخافون مواجنبيه  🙃❤ عيوني سود وزني 62 طبعا دااسوي رياضه علمود اضعف الي يشوفني يكول جسمج حلو يعني مو سمينه بس انس احس سمينه المهم وطول155 ناس يكولولي شكلج اكبر من عمرج وناس تكاللي لا وناس تكللي على عمرج فمعرف المهم اني احس عمري على شكلي🙂

واحب اعاند 😋واحب المشاكل 😉😂وجنه اني وصديقتي مومو نضل نعارك طلاب وطالبات الصف طبعا هي مو عراقيه واني عراقيه بس وحده تعرف تحجي بلهجه الخ وهي مو بس صديقتي اعتبرها اختي وتوئم روحي ودائما تكف ويايه ودائما تستشيرني واني استشيرها ونسوي مصايب مع بعض هههههه طبعا اني وياها تقريبا صداقتنه من 5 سنوات وانشالله تستمر الى اخر العمر

وخجوله بنفس الوقت يعني اني الناس الي ماينه وياهم مااخجل بس الي ماعندي ميانه حيل اخجل واحمر ومااحجي واضل هادئه واله اني طبيعتي اجتماعيه حيل وام لسان اني معروفه يم عائلتي واقاربنه بام لسان ويكولولي عندج لسان ودمج يلعب والكل يحبني 🙈هسه تكولون غرور بس والله كل خالاتي وخوالي وجدي واقاربنه يحبوني حيل ودائما يسالون عني ويكولولي ارجعي مشتاقيلج اني هم احبهم واريد ارجع علمودهم

حالتي الاجتماعيه اكيد وبكل فخر سنكل هههههههه
بعدني صغيره على الزواج والمسؤوليه واني معرف كلشي اسوي بس بيض وجاي واندومي ومعكرونه غيرها والله معرف هههههه
ماما تحجي عليه لان معرف اسوي شي بس اكول لحكه اتعلم بعدني صغيره 😂

الى هنا خلصت من التعريف عن نفسي اسفه لان طولت بالكلام بس هيج حبيت تعرفون عني نبذه وشكرا الكم على القراءه ❤