حب رغم الانتقام

حب رغم الانتقام part 10

هلو شلونكم طبعا اتمنى تدعولي لان نتائجي راح تطلع هذا الاسبوع والصراحه كلش خايف مع العلم اني قريت وكلش تعبت بحيث باايام الامتحانات حتى الليل ماانامه وكل فتره الامتحانات اني بس ابجي لان جنت خايفه وجنت بغير محافضه بعيده كلش عن اهلي وكاعده بقسم طالبات وحدي معرف احد وضغط الامتحانات بحيث راودتني افكار الانتحار وحتى وصلت اني اكف بالبلكونه واني مقرره انتحر لان جنت خايفه ارسب بس تعوذت الشيطان ورحت صليت وهديت نفسي وقريت والامتحان جان زين اسفه لان طولت عليكم بكلامي بس حبيت اكول نبذه عن معاناتي ومعانه هوايه طلاب مثلي وانشالله النجاح والتوفيق للجميع

ويلا نبلش بالقصه 💃
اتمنى لكم قراءه ممتعه ❤

فيليان : بس شفت الحيه وفتحت حلكها صرخت والحيه قفزت عليه وعضتني من جتفي والعضه تموت وجع واني ضليت اصرخ وجمي الي بامكتبه تيشوفون شكو وشافو الحيه بعدها عاضتني وخافو واني اصرخ جه شخص يلا وخرها وخابرو على الاسعاف واني بس ايجي جمي الاسعاف واخذوني واخذو الحيه علمود يعرفون اذا سامه او لا بس الحمدالله طلعت مو سامه واخذوني على المستشفى وعقموها وحطولي مغذي ومدري شحطو ويه المخذي طبعا كل هل شي وناز ويايه خلص المغذي وطلعوني ورجعت على المستشفى الي بيها ماما واول مرجعت صار بوجهنه احمد وشافني خاله كانونه وكال
احمد : خير شبيج
فيليان : مابيه شي بس عضتني حيه
احمد: حيه ! صدك تحجين
فيليان: ايي والله بس الحمدالله مو سامه
احمد : اي الحمدالله على سلامتج
فيليان: الله يسلمك يلا اني عن اذنك اريد اروح انام لان بس حطولي المغذي ومدري شنو وياه نعست
احمد: اخذي راحتج
فيليان: رحت وفورا نمت وماحسيت الا وعمه مريم تكعدني وتكول
مريم : فيليان كومي نمتي هوايه هسه الساعه 7 الصبح يلا كومي تنرجع للبيت
فيليان: ايي كايمه ، كمت واني احس متكسره ومتعجبه شكد نايمه رحت غسلت وكملنه اجراءات المستشفى ورجعنه على البيت وسبحت وضليت كاعده وصارت الساعه 8:30 واتصل عليه خالد بس مارديت وضل يدك وطنشته وصاحتني عمه علمود اكل نزلت واكلت تاروح للمدرسه صارلي يومين غايبه خلصت ريوك بسرعه وبدلت ورحت للمدرسه وشفت الينا ورحتلها وكلتها صباح الخير
ايلينا : نعم شتريدين
فيليان : ماريد شي بس اريد افهم اني شسويت علمود متحجين ويايه
ايلينا: لاتغشمي نفسج تعرفين كلش زين انتي شسويتي
فيليان : لا اكيد معرف لو اعرف جان ماجيت سالتج
ايلينا : بسببج نذليت
فيليان: ليش بسبي انتي الي ضربتيه وهو ضربج مو اني
ايلينا: لو ماانتي خليتيهم يضلون بالمستشفى جان ماصار كل هذا
فيليان : بس هم جانو يساعدونه ولو مو هم جان اني معرف شسوي
ايلينا: بس احنا مامحتاجين مساعدتهم
فيليان: لا ايلينا كلش زوتيها انتي مامحتاجه مساعدتهم بس اني جنت محتاجه هم ماتركونه ابدا وضلو ويانه برغم هم اصلا ميعرفون ولا عدنه وياهم صله قرابه ولعلمج انتي جبتي المذله لنفسج محد كالج اضربيه واني وكفت وياج و علمودج بس تعاركت ويه خالد بس هسه تندمت لانج متستاهلين اني اكف وياج ، عفتها ورحت لصفي وخلص الدوام ومن داطلع جتني ناز
ناز : وين رايحه مو اتفقنه كلنه نروح للعزيمه
فيليان :مالي خلق اروح روحو انتو
ناز : لا ميصير عيب من العالم العازمينه
فيليان: لا اتعتذريلي منهم وكوليلهم مريضه واني فعلا مريضه عضت الحيه توجعني
ناز : يمعوده امشي تغدي وراجعي
فيليان: لا والله مكدر واصلا مو جوعانه واريد اروح للبيت
ناز : اوف تمام روحي واني اروح ويه البنات

ناز : وره ماخلص مغذي فيليان ورجعنه على نفس المستشفى الي بيها عمه شافنه احمد وحجه ويه فيليان وراحت
احمد : يلعن هل حظ خربت خطتنه
ناز: لا لا تخاف مابيها شي وباجر اذا ماقبل اصر عليها وانشالله تجي
احمد: اي انشالله وهم لا تنسين ايلينا
ناز : لا تخاف منسى
احمد: اي ، شرائيج اعزمج على عشى اليوم
ناز : اسفه مكدر
احمد: على راحتج بس قلت علمود تغيرين جو
ناز: اسفه والله مكدر ،واحنه اصلا باجر راح نتغده سوا ☺
احمد: لا ماحاجه تعتذرين، اي هم صح 😁
ناز: يلا اني هم عن اذنك
احمد: الله وياج
ناز : رحت ومر اليوم عادي والصبح ماما كعدتني علمود نطلع من المستشفى طلعنه ورحنه لبيت عمه واكلنه ورحت اني وفيليان للمدرسه وخلص الدوام ورحت على فيليان علمود نروح رغم اصراري بس ماقبلت واخير شي استسلمت ورحت للبنات
فيان : وين فيليان
ناز : ماقبلت تجي
جيهان : اكيد متجي اذا هي متعاركه ويه ايلينا
ناز : صدك !
جيهان : ايي يمعود بس الصراحه فيليان متنلام ب ايلينا
ليان : جيهان لا تزيدين النار حطب
جيهان : مكلت شي غلط قلت الحقيقه
ناز : تمام كافي خلينه نروح تاخرنه
رحنه كلنه باستثناء فيليان واخذنه تكسي واني بالتكسي راسلت احمد وكلتله احنه بالطريق وهو كال انهم بالمطعم يستنون ، اني توترت وخايفه من ردت فعلهم وصلنه المطعم وزاد توتري نزلنه ودخلنه المطعم
جيهان : وين الي عازمينه
ليان ( بتعجب): بنات بنات شوفو مو هذولك خالد واصدقائه
جيهان : ايي والله هم بس شعدهم هنا
فيان: يركصون 😂 يعني برائيج شيسوون غير مطعم ويريدون ياكلون
جيهان : هههههههه
ايلينا : اوف ناز مالكيتو غير هذا المطعم متحمل اشوف شكل هذاك الغثه

ناز: اء الصراحه هم الي عازمينه
ايلينا : شنوو
ناز : جبتج علمود تتصالحون ، واني دااحجي جه احمد
احمد: هلا والله هسه نور المطعم بوجودكم تعالو اكعدو ليش واكفين
ايلينا : لا شكرا اني رايحه
ناز : لزمتها واخذتها وكعدنه وسلمنه وجانو اكو ثلاث اشخاص منعرفهم
احمد: خلي نعرفكم على بعضكم بنات هذوله اصدقائنه ( فرقد ورافد وانمار ) شباب هذوله البنات الي حجينالكم عنهم
فرقد: اهلا وسهلا تشرفنه
جيهان : واحنه اشرف
احمد : هههههههههههههه متتت
ناز: اني اعتذر بالنيابة عن جيهان هي متعرف عربي زين
جيهان : لا اعرف وبعدين اني ماكلت شي غلط علمود تاسفين
ناز : قرصت جيهان وشاورتها وفهمته شكالت وهي خطيه حمرت وفشلت
جيهان ( بخجل ): اءاء عن اءنكم اريد اغسل ايدي
فرقد : خطيه فشلتوها جان لا كلتو لان اني عرفت قصدها

فيان: شاورت ناز وكلتلها ولج شعندج جايبتنه اني وجيهان وليان جان جيتي بس انتي وايلينا
ناز : جبتكم علمود ايلينا متشك
فيان : اكلج اني خايفه راح اخذ جيهان واروح لان اكيد هسه هي متفشله
ناز: اكسر رجلج اذا رحتي اني خايفه اكثر منج
رافد : شعدكم تشاورون خاف كاعدين تحشون بينه 😑
فيان : لا بس جنت اكوللها جيهان طولت اخاف راحت
رافد : ها عبالي
فيان: يلا اني اروح اشوف جيهان ، رحت على الحمامات واول مدخلت لكيت جيهان تبجي ووجهاا كله دم و.......

الى هنا ينتهي البارت 10 اتمنى نال اعجابكم واتمنى متدققون على الاخطاء الاملائيه ولاتنسون التصويت وشكرا على القراءه ❤