حب رغم الانتقام

حب رغم الانتقام Part 17

هلووو شلونكم اخباركم طبعا كلششش مشتاقتلكم واعرف قطعت فتره طويله بس شسوي لان ماكو تفاعل بس حبيت اكتب هذا البارت واهنيكم بالسنه الجديده ولو متأخره بس مو مشلكه كل عام وانتو بالف خير ان شاء لله سنه زينه علينه ونشالله تتحقق امنياتكم❤❤

يلا نبلش بالقصه 💃
اتمنى لكم قراءة ممتعه ❤

فيليان: واني دا احجي ويه ايلينا جتي ناز تركض وتكول
ناز : فيليان الحكي خالد اليوم بليل راح يرجع للعراق
فيليان: شنو شدتكولين يعني راح يسويها صدك ويتركني 😢
ايلينا: حياتي لاتبجين روحي وحاولي تمنعيه من الرجعه
فيليان: مالي وجه احجي وياه من وره السويته
ناز : يمعوده روحي وحاولي تمنعيه احسن من يروح وبعد ميرجع وتخسريه وتتندمين
ايلينا : اي روحي قبل فوات الوان
فيليان: تمام راح اروح بس خاف ميتراجع عن قراره
ناز : روحي وتركي الباقي على الله
فيليان: تمام بس تعالي امشو ويايه
ناز : تمام اني راح اروح وياج وايلينا انتي تجين لو لا
ايلينا : والله مااعرف متردده
فيليان: امشي امانه علمودي
ايلينا : تمام اروح وياج بس اضل بره الفندق
ناز : لعد يلا امشي خلي نروح بسرعه
فيليان: رحنه وصلنه الفندق واني خجلانه من نفسي  رحت على الغرفه البيها خالد ودقيت البابا وكال
خالد : ادخل
فيليان: دخلت واول ماشافني كبل وقف
خالد: شعندج هنا
فيليان: سمعت بيك راح ترجع يعني صح راح تعوفني وتروح وفجأة تنهي كل البينه  😭💔
خالد: اصلا مابينه شي حتى ينتهي
فيليان: وحبك الي راح
خالد: فيليان رجاءا روحي اريد اكمل لم غراضي مالي خلكج ياريت تروحي وبعد ماشوفيلي وجهج
فيليان: اني اسفه والله لعد مااعيدها بس لاتروح وتتركني
خالد: بعد مايفيد اسفج وهسه يلا اطلعي بره مشغول
فيليان: تمام راح اروح بس قبل متروح حابه اقللك اني اكرهكككك 💔😭، طلعت واني ابجي شافوني شاهين وايلينا
ايلينا: ها شصار وليش تبجين
فيليان: ايلينا خالد بعد مايريدني 😭
ايلينا  : يروحي لاتبجين هو الخسران مايستاهل دمعه من عيونج
شاهين : يمعوده استهدي بالرحمن تره خالد جذاب والله يحبج ويريدج بس هو زعلان فتره وينسى
فيليان : لو يحبني مايتركني ويروح
شاهين : لازم نرجع لان اجازتنه خلصت وعدنه شغل مو لان مايريدج ونشالله فتره ويرجع هنا لاتخافين
فيليان : يعني اكيد راح يرجع
شاهين : ايي والله يرجع ، وهسه انتو روحو وطنشي خالد هو يجيج صدقيني
ايلينا: مبين غدرت  صديقك وقلبت عليه
شاهين : اغدر العالم كله ومااغدر اخويه وصديقي ولا اقلب عليه واني هيج كاعد احجي علمود اطمن فيليان 
فيليان: شكرا الك والله طمنتني انه راح يرجع
شاهين : عفوا يلا اني رايح اكمل غراضي مع السلامه
ايلينا: شاهين لحضه ممكن احجي وياك
شاهين : ايي تفضلي
فيليان: يلا اني راح اروح اشوف ناز وين بين ماتخلصون كلامكم
ايلينا : تمام ،راحت فيليان واني كلت شاهين اني اسفه على الي صار هذاك اليوم
شاهين : ههههههه صدك تحجين
ايلينا: ايي وليش تضحك
شاهين : انتي هيج بس ممصدك بس خاف ناويتلي شي وجايه تعذرين
ايلينا : ايي ناويه اموتك على هذا العقل بله اكللك انسى انه اني اعتذرتلك واعتبرني ماشفتك
يلا باي
شاهين : هيي وين رايحه
ايلينا : رايحه لجهنم الحمر تروح ويايه
شاهين : لا روحي وحدج جنت ناوي اروح لجهنم بس من شفتج رايحتلها بطلت ههههههه
ايلينا : عابت 😒😬
شاهين: شكلتي
ايلينا:  كلت عااابتتت ياحقيررر
شاهين : رحت يمها ولويت ايدها وكلتلها بعد اذا عدتيها الا اكسر سنونجج فهمتييي
ايلينا : اءءيي فهمتت بس اتركلي ايدي امانه 😭
شاهين : تركتها يلا نكلعي انتي مو مال احد يتطيج وجه
ايلينا : تفوو عليك ياكلببب كلت هيج وفورا ركضت وهو ركض ورايه بس ماكدر يلزمني لاني دخلت على حمامات النسائيه ضليت اهناك الى ان كلت لوحده ياريت تشوفين اذا اكو احد بره وفعلا راحت وكالت ماكو احد طلعت وكفت تكسي ورحت على البيت وخابرت فيليان وكلتاعا تره رجعت على البيت لان
تعاركت ويه شاهين هي ماحجت شي وماسألتني ليش بالها كله يم خالد ، اني جانت نيتي من اعتذاري انه يسامحني لان اني افكر اذا راح ومات بالطريق وهو مامسامحني راح احس بذنب بس طلع  مايستاهل

نرجع بالزمن
خالد : وره ما فيليان سوت المشاكله قررت اطنشها واخليها تعذب ببعدي وقلت للشباب راح ارجع وياكم واخلي فيليان تتندم على السوته
انمار: يمعود عوفها وخلي نرجع وانسى الثار
خالد: انسى روحي ولا انسى ثار ابويه ولك اسنين استنى الوقت الي انتقم بيه وهسه تكللي انسى
فرقد : سوي الي تريده احنه بعد ماندخل
خالد: ايي والله تسون فضل عليه ،مرت ايام واني اجهز هدايه لاهلي واجيبلهم الوصوني عليه وجى اليوم الي نرجع بيه جنتي فيليان وجنت متوقها تجي بس قلت خلي احرك دمها واخليها تعذب بفراكي وبعدين ارجع اكمل انتقامي ، وره ماحجيت ويه فيليان جاني شاهين معصب
خالد: شبيك وجهك مقلوب خير شبيك
شاهين: هاي الكلبه ايلينا غلطت عليه ونهزمت والله لو الزمها الا اموتها باديه هاي
خالد: ههههههههه يمعود لاتخلي عقلك بعقلها تره جاهله
شاهين : يكون بعلمك فيليان وايلينا جيل يعني هم فيليان جاهله  المفروض متحط عينك عليها
خالد: ومن كاللك حاطط عيني عليها تره مجرد انتقام ليش محسسيني اني قيس بالعشق تره متهمني هي
شاهين : ايي واضح متهمك هسه ماعلينه كملت غراضك لو بعد
خالد:  اي كملت يلا نادي الشباب وخلي نروح للمطار تره مضل غير 4 ساعات على موعد الطياره يلا نلحك الطريق طويل على المطار
شاهين : ماشي رايح اصيحهم

ناز : التصرف الي سوته فيليان ماعجبني حسيتها متطفله يعني مولازم تكبر الموضوع بس شسوي هي عنيده ومااكدرلها بقراراتها سوت البراسها ومهتمت لرئيي ،وره المشلكه هاي خابرني احمد وكال
احمد : هلا بام المصايب
ناز : اهلين شدخلني
احمد : ههههه لاحيل شدخلج لعد منو انطاهم اسم الفندق غيرج
ناز : والله اسفه بس فيليان اصرت عليه وكالتلي اجيبه واني مكدرت ارفضلها طلب لان هي بنت عمي ومثل اختي
احمد: ههههههه طبعا اني شكيت من طلبتي اسم الفندق بس عادي متفهم موقفج ولايهمج بس حبيت اتشاقه وياج
ناز : شكرا الك على تفهمك
احمد : ولو عفوا اي اميت مفاجئتج اليه
ناز : اي مفاجئه؟
احمد: مو قلتي قبل متروح اسويلك مفاجئه
ناز:  ها ايي صح نسيت
احمد :بس اني منسيت ومتحمس الها
ناز : هههههه لعد تحمسك راح على الفاضي لان ماكو اي مفاجئه 😅😂
احمد : ههههههههه لا هاي ماحبيتها منج 😂😂
ناز: انشالله بس تجي مره ثانيههنا اسويلك مفاجئه 😊
احمد : والله ماضنيتي ارجع
ناز : ليش 😣
احمد : شعندي هنا لاحبيبه ولا شي 
ناز : واني 💔😢
احمد : شنو انتي
ناز : اني.......

الى هنا ينتهي البارت 17اتمنى نال اعجابكم واتمنى متدققون على الاخطاء الاملائيه ولاتنسون تصوتون وشكرا لكم على القراءه❤❤

هذه الكم تره اسويها صدق وازعل وبعد ماانزل اذا يضل الوضع هيج ماكو تفاعل 😢