حب رغم الانتقام

حب رغم الانتقام part2

هلو شلونكم حبيت اعايدكم بمناسبه عيد الاضحى المبارك كل عام وانتو بالف خير ينعاد علينه وعليكم بالصحه والسلامه وراحه البال وتحقيق الاماني ❤

يلا نبلش بالقصه 📝🙃
خالد :مشيت ودعمتها وشفتها وكعت نزلت من سيارتي وكتلها بالانكليزي انتي بخير اخذج على المشتشفى !!طبعا اني حجيت وياها بالانكليزي علمود متشك اني اعرفها
فيليان :من وكعت حسيت اديه نكسرت ورجليه موتتني من الوجع صرت ابجي وجان يزل زلمه من السياره منتبهت الشكله راد ياخذني على المشتشفى بس رفضت وكلت لامابيه شي واني مدنكه راسي وابجي واجه جيهانغير ودفع الزلمه وصار يغلط وواحد يضرب الاخر اني انصدمت شجاب جيهانغير هنا و بس شفتهم كاعدين يتعاركون هيج صرت ابجي بالزايد واصيح واتوسل بيهم كلت ماعندي حل غير اسويي نفسي اغمى عليه لان مكدر اكوم وافاككهم ونفذت خطتي،

خالد :واني كاعد اسئلها مااحس الا واحد دفعني وجان يحجي بالتركي كلشي مفهمت بس جان واضح عليه انه معصب واني تنرفزت ودفعته وضربته وصارنه واحد يضرب الثاني وفيليان تصيح وتبجي بس مهتميت الها بس منحس الا هي سكتت واغمى عليها اني بسرعه رحت عليه وحاولت اصحيها وهذا الزلمه جاب مي وطش عليها وكعدت وردت اشيلها اوديها على المستشفى بس الزلمه ماخلاني ومدري شحجه وهي كالتلي ماكو داعي هو راح ياخذني بس الله يخليك روح ماريد مشاكل واني كلتلها لا اني الي دعمتج لازم اوديج بس هي عارضتني وكالت ماكو داعي اني بخير وجان يكومها الزلمه ويركبها بالسياره ويمشون اني كلش عصبت لان خطتي فشلت بس مستسلمت قررت ثاني يوم استناها تطلع من المدرسه وبحجه اعتذر منها اعزمها على مطعم ،

فيليان :بعد ماسويت نفسي اغمى عليه جان يجون اثنينهم ويحاولون يصحوني ورشم عليه مي واني من البرد فتحت عيني والزلمه الي دعمني راد يشيلني ويوديني على المستشفى ردت احجي بس جيهانغير وخر ايده عني وكاله
جيهاننغير:لاتلمسها
فيليان : واني علمود متصير مشكله مره ثاني كالتله هو راح ياخذني وفعلا كومني جيهانغير وركبني السياره واحنه بالطريق كاللي
جيهانغير: اله اشتكي عليهو اخلي يقضي عمره بالسجن
فيليان : لاماريد اشتكي هو موقصده يدعمني
جيهانغير : لا تدافعين عنه هو عمدتاً دعمج
فيليان: اني عصبت لان مالي خلق مشاكل وحجيت بصوت عالي انت مالك دخللل هو دعمنيي الي مو ااانتتتته كافففففي كالت ماريد اشتكيي يعني ماريدددد يالا وكففف السياره اريد انزززل
هو انصدم لان اول مره هيج احجي وياه بس هو كالي
جيهانغير :تمام اهدي ماراح اشتكي اهدي لا يصير بيج شي
فيليان : لا ميصير بيه شي وكف السياره ونزلني
جيهانغير : لا ماوكف ومتنزلين الا اخذج للمستشفى واطمن عليج
فيليان :اني سكتت لان فعلا احتاج مستشفى اديه ورجليه كلش توجعني ووصلنه المستشفى وودوني للطوارئ واخذولي اشعه وكالو عندي كسر بمعصم ايدي ورض برجليه وطلعولي روحي من هم كاعدين يجبسون ايدي واني صراخي مالي المستشفى وراد جيهانغير يفوت بس ماخلو ماصدقت علىالله يخلصون جه جيعانغير واني صوتي راح من الصراخ بس دموعي تنزل مسحلي دموعي وهو يكللي
جيهانغير : انتي بخير !!
فيليان : هزيت راسي بمعنى اي اني بخير
جيهانغير :تمام لعد استني اخلص اجراءات المستشفى ونرجع للبيت
فيليان :راح جيهانغير يخلص الاجرائات جان اشوف صديقتي جيهان هي شافتني وانصدمت
جيهان :عززا شصاير بيج منو هيج مسوي بيج والله اله اخلي بابا يعدمه موبس يسجنه (طبعا هي هم ابوها عقيد ويصير صديق بابا )
فيليان :مابيه شي بعدين احجيلج التفاصيل لان هسه مابيه حيل
جيهان :تمام حياتي انتي وحدج لو اكو وياج احد
فيليان :جيهانغير ويايه بس راح يكمل اجرائات المستشفى
جيهان :ضحكت بخبث وكالت ها والله جيهانغير خوش نسيب اكلج اذا عنده اخ احجزيليا علمود نصير سلايف 😊😂
فيليان :جيهان تنجبين احسن الج هو ماعده اخوان اذا تريديه اخذي 😒
جيهان :يمعود لاتعصبين كاعد اتشاقه 😁😅
فيليان :صح مسألتج شعندج هنا
جيهان :والله يحبيبتي جيت هنا علمود اقيس نضري من خلصت وحده عجوز كالتلي روحي صيحيلي ممرضه وجيت صحت الممرضه وشفتج 🙂
فيليان : ها لعد ماطول خلصتي استني تنرجع سوه
جيهان :لا حبيبتي خاف اخرب الجو الرومنسي عليكم 😉
فيليان :استغفر الله شلون راح ارتكب بيج جريمه
جبهان :تمام عيني اعصابج شبيج متتحملين الشقه
فيليان : احتمل الشقه الخفيف موثكيل مثلج ، هاصحيح الشله وينهم (قصدي عله صديقانته الي هم ناز صديقتي وبنت عمي وفيان هم بنت عمي وصديقتي وايلينا بنت عم جيهان وليان هم بنت عم جيهان وجيهان طبعا احنه اصدقاء من الطفوله كل ابهاتنه اصدقاء وكلهم نفس الشغله عقيد بالجيش🙂)
جيهان :اكيد هسه هم بالبيت
فيليان : اجه جيهانغير وسلم على جيهان هو يعرفها
جيهانغير: ها جيهان شلونج
جيهان :الحمدالله بخير
جيهانغير :لازم فيليان هي الي خابرتج وكالتلج تعالي
جيهان: لا ماخابرتني بس التقينه صدفه وكالتلي ضلي تنرجع سوه🙃
فيليان :خلصنه وطلعنه وخطيه جيهان ساعدتني ووصلنه البيت ودكيت الباب وماما طلعتي وشهكت
انستازيه(اسم ام فيليان ):هاي شصاير بيج من هيج مسوي بيج
فيليان :ماما ماكوشي بس رحنه اني وجيهان على مدينه الالعاب واني وكعت من لعبه ونكسرت ايدي ورض برجليه
انستازيه :وانتي ليش متنبهتي على نفسج اخ يربي راح تجيبيلي الجلطه من وره طيشج يلاه فوتي تسويلج اكل وتاكلين
فيليان :تمام ماما ،فتت جوه وماما وجيهان ساعدوني اصعد لغرفتي ابدل ملابسي رادت ماما تساعدني بلتبديل بس مقبلت استحي 🙈🙂
بدلت وصحت جيهان وجتني وكالت
جيهان :احجيلي السالفه منو هيج سوه بيه وعليش جذبتي على امج
فيليان :اسمعي راح احجيلي بس لاتجيبين طاري كدام احد اوك
جيهان :تمام ماحجي
فيليان: كلتلها على كلشي صار وامنتهامتكول الاحد لان ماريد مشاكل، وره ماكتلها نزلنه وتغدينه وراحت جيهان واني رحت على غرفتي انام نمت وماحسيت بشي الا بابا فوق راسي اول ماشافني كعدت ابتسم وكال
ابراهيم ( اسم ابو فيليان ): صح النوم حياتي شلون صرتي امج كالتلي شصار وياج خمااكوشي يوجعج