حب رغم الانتقام

حب رغم الأنتقام part18

هلو شلونكم رمضان كريم الله يتقبل صيامكم وقيامكم وصالح اعمالكم اعرف متأخره بس عادي المهم اعايدكم 😂

اتمنى لكم قراءة ممتعه
يلا نبلش بالقصه

احمد:  شنو انتي؟ 
ناز:  اني صديقتك لو خاف انت مو معتبرني صديقتك؟ وبعد متريد تجي وتشوفني
احمد: لا شلون انتي احلا صديقه وعد مني اذا صارت فرصه راح اجي مره ثانيه بس ها من هسه مو توكعينه بمشاكل مره ثانيه ههههههه
ناز: ههههههه لاوعد مني بعد مابعد مانسوي مشاكل
احمد:  يلا ناز بعدين احجي وياج راح اروح اكمل لم غراضي
ناز:  ايمت طيارتكم
احمد:  ماراح اگول اخاف اكو شي من وراها هههه
ناز:  احمد امانه والله انت داتئنب ضميري
احمد. موقصدي بس گاعد اتشاقه وياج طيارتنه بعد 4ساعات
ناز.: ها عبالي اجي اودعك بس شكلك متريد تشوفني
احمد: لا والله بالعكس اريد اشوفج بس ماراح الحگ خليها على غير مره
ناز(بزعل ): تمام على راحتك وتوصل بالسلامه
احمد:  الله يسلمج، مع السلامه
خلصت اتصال واني تعمدت مااخليها تجي تشوفني علمود اني اسويلها مفاجأة واروح اشوفها بسرعه كملت غراضي وتحججت على الاساس ناسيه شي اهلي وصوني عليه وكلت للشباب
اكلكم شباب اني ناسي شغله اهلي وصوني عليها راح انزل اشتريها بسرعه واجي
انمار:  ماشي بس لاتتاخر
احمد: لا لاتخاف دقيقتين واجي،  نزلت واخذت تكسي ورحت على بيت ناز اتصلت عليها وكلتلها اطلعي برا اني مستنيج
ناز:  وين اطلع؟ 
احمد:  هههه ول اطلعي من بيتكم اني هسه يم بابكم بسرعه تعالي ماعندي وقت
ناز:  شنو ايي جايه استناني 💃🏻بسرعه نزلت تكرمون حتى  بدون نعال فتحت الباب ولگيته واگف ماصدقت وكتله شعندك هنا
احمد:  شنو لازم متريدين تودعيني 😐
ناز:  لا طبعا اريد
احمد: ناز
ناز:  نعم
احمد:  راح اشتاقلج
نار (العبره خانكتها ):  واني هم راح اشتاقلك، متحملت ونزلت دموعي
احمد:  ليش تبجين تره والله ماراح اگطع علاقتي بيج وراح نضل على تواصل
ناز: خايفه ماراح ترجع
احمد:  موگلتلج اذا صارت فرصه راح اجي لاتخافي والله الا اجي مره ثانيه بس لاتبجين
ناز:  مسحت دموعي وجان تجي بنت جيرانه
نازلي (تركيه ):  مرحبا ناز شلونج ومنو هذا الحلو ليمج 😉
ناز:  مدري ليش تنرفزت منها وكلتلها هذا صديقي
نازلي:  اوف يجنن خلي ينطيني رقمه
ناز: بمدي اخنگها بس كلتلها هو ميعرف تركي شلون راح تحجين وياه
احمد:  اگلج ناز شكلج مشغوله يلا اني راح اروح راح اتأخر
ناز: ردت اقهر نازلي وجان احضنه وكلتله الله يسهللك وتوصل بالسلامه Sevgilim.(معناها حبيبي بس تعمدت اگولها بالتركي علمود نازلي تفهمني واحمد مايفهمني )
احمد: انصدمت بالحضن بس بنفس الوقت كيفت
ناز:  وخرت من حضن احمد وكتله يلا روح خاف تفوتك الطياره
احمد:  ماشي يلا راح اروح بس ديري بالج على نفسج
ناز:  تمام لاتاكل هم،  يلا مع السلامة
راح احمد واني دخلت جوه  واني هنا يلا انتبهت مالابسه نعال(تكرمون ) 😂