حب رغم الانتقام

حب رغم الانتقام Part 14

غالباً ما يكون سبب الانعزال عن البشر ، هو الخيبات المتراكمه التي نتلقاها من اشخاص نُحبهم🖤🥀

هلو شلونكم اخباركم اكيد محد اشتاقلي ولا احد بيكم معبرني بس اني احبكم 😢❤

يلا نبلش بالقصه 🚶‍♀️
اتمنى لكم قراءة ممتعه ❤

فيليان: وره ماتهزمت منه فكرت اروح باجر عليه واعاركه بس كلت لا خلي استشير الشله لان اذا سويت شي بدون ميدرون يمسحون بيه الكاع وخابرتهم مخابره جماعيه ، هلو بنات
البنات : هلا
فيان : انشالله خير لان اعرفج ماتتصلين الا اذا اكو شي
فيليان: هههه ايي والله اكو شي وكلش مهم
ليان : لعد بسرعه احجي شكو
فيليان :خالد
جيهان : خير شبيه
فيليان : طلع جذاب
ناز : شمدريج
فيليان : مو ليان سوتلي حساب بنيه علمود اختبره
ناز : ايي عد اختبرتيه ؟
فيليان: ايي اختبرته
جيهان : شقاللج !
فيليان: كال انه ماكو احد بقلبه وصار يتغزل😭
ليان : ياا الحقير
ناز : مو معقوله مكدر اصدك
فيليان: شقصدج ناز يعني اني اجذب
ناز : لا حياتي مقصدي هيج بس متوقعته هلكد رخيص
فيليان : ايي الحقير عباله اني ينضحك عليه بسهوله بس والله الا انتقم
فيان : وشلون راح تنتقمين
فيليان: راح اروح على الفندق الي كاعد بيه واروح عليه واكلله اريد احجي وياك ومن نكف نحجي اصير اصرخ والم الناس واكلهم تحرش بيه واخليه يفشل ويطردوه من الفندق
ليان : اول مره تشغلين عقلج وتعرفين تتصرفين
ناز : لا فيليان عيب مهما يكون لا تنسين وكفاته ويانه وخاصتا وياج
فيليان: لا راح انساها لانه واحد يدور يضحك عليه
ليان : ايي فيليان ماعليج بناز سويها واني بضحرج
ناز : ليان انتي ليش تدورين المشاكل يمعوده فيليان لاتسمعيلها تره والله يوديج وره الشمس
ليان : ههههه لا حبيبتي ميكدر شنو نسيتي ابوها عميد بس شكلج انتي متريدين المشاكل مو علمود فليان بس علمود احمد
ناز : ليان نجبي شهل حجي عيب عليج بس انتي مااحب المشاكل
فيليان: ليان انجبي اعرف ناز متحب المشاكل وتريد مصلحتي بس اني راح اسوي خطتي وحدي ماريد وحده بيكم تتاذه علمودي
ليان : خاف ماتشتهين والله الا اروح وياج واشوف المسرحيه الي راح تصير هههههههه
جيهان : واني هم اروح بس اضل بعيده اذا صار شي قوي وخارج نطاق الخطه عود نتدخل
فيان : ايي واني اتفق ويه جيهان
فيليان: اذا هيج لعد اتفقنه باجر بعد المدرسه نروح على الفندق بس المصيبه معرف اي فندق
فيان : اتوقع هاي سهله ناز موجوده وهي تسال احمد
ناز : لا لاتدخلوني بالموضوع
فيليان: يعني هيج بهل سرعه تخليتي عني مع الاسف انتي اخر وحده توقعت تتخله عني
ناز : فيليان حبيبتي والله اني اتخلى عن روحي ومتخله عنج هسه احجي ويه احمد واجيبلج اسم الفندق بس اهمشي لاتزعلين
فيليان: يعمرييي اروحلج فدوه شكرا لج مااراح انسه وكفاتج
البنات : واحنه شنو 😒
فيليان: ههههه اروحلكم فدوه كلكم حبيباتي الي ميتخلون عني
ناز : هههه تسلمين حياتي يلا اني عن اذنكم اروح احجي ويه احمد واخذ العنوان واكللكم
فيليان: ماشي بس اهم شي لاتخلي يشك بشي
ناز : لا لاتخافين خليها عليه
فيليان: تمام لعد باي
ناز: باي ، خلصت الاتصال من البنات واني حايره اتصل عليه وله لا بعد تفكير وصراع بين نفسي قررت اتصل لخاطر فيليان اتصلت وكلت مرحبه
احمد : مراحب شلونج خومااكو شي
ناز( بتوتر ) : لا ماكو شي بس كلت اححجي وياك واسال عنك
احمد: سألت عنج العافيه اني بخير الحمدالله
انتي شلونج
ناز : الحمدالله بخير خوما ازعجتك
احمد : لا عادي بس متعجب واحس اكو شي
ناز: لا صدكني ماكو شي ( يربي هسه اني شورطني وخابرته )
احمد : ايي شكو ماكو اخبار دراستج
ناز: الحمدالله زينه انته اخبارك ايمت راح ترجع للعراق
احمد : لازم تريديني ارجع علمود تخلصين مني
ناز: لا والله بالعكس بس كلت قبل مترجع تنودعك مو معقوله ترجع بدون متودعنه
احمد : هههههه ولو مااحب الوداع بس قلبي ميطاوعني ارجع بدون مااودعج
ناز: تسلم خجلتي ، ممكن اسالك سؤال
احمد : اسالي
ناز: لاتفهمني غلط بس شسم الفندق الي انتو بيه
احمد : ليش
ناز: هيج حابه اسويلك مفاجئه قبل مترجع للعراق
احمد : هههههه مفاجئه ! وشنو هيه
ناز: اذا اكلك ماراح تتسمه مفاجئه خلصني وكوليي اسم الفندق وقبل مترجع للعراق بيوم راح اسويلكياها
احمد : ماشي اني الاسبوع الجاي راح ارجع واسم الفندق ****
ناز: تمام شكرا لعد انتظر منا لخمس ايام
احمد : ههههههه ولو فضولي راح يموتي بس ماشي استنى
ناز: ههههههه يلا تصبح على خير
احمد : وانتي من اهل الخير
ناز: نهيت الاتصال وحسيت بانجاز لان جبت اسم الفندق خابرت فيليان بس ماردت كلت اكيد نامت قلت يلا الصبح اكوللها بالمدرسه بس مااروح وياها واشارك بالخطه

فيليان: خلصت من البنات وسوينه خطه واني جنت مستنيه ناز على احر من الجمر بس مدري اشلون ونمت كعدت الصبح ولكيت ناز متصله عليه اتصلت عليها وكلت صباح الخير ها عرفتي الاسم
ناز : صباح النور اي عرفت واسمه ****
فيليان: اي خوش شكرا حياتي عذبتج
ناز: عفوا حياتي عذابج راحه يلا نبتقي بالمدرسه باي
فيليان: تمام باي ، كلش فرحت لان عرفت الاسم بس بنفس الوقت خايفه من الي راح يصير قلبي ناغزني وافكار تجيبني وتوديني وردت ابطل الخطه بس كلت لنفس عليش اخاف اصلا مايكدر يسويلي شي بعدت الافكار من بالي نزلت واكلت شويه ورحت للمدرسه وحجيت وياه البنات واتفقنه بعد منخلص الدوام نرجع للبيت ونبدل ونكول لاهلنه انه معزومين يم صديقتنه وفعلا خلص الدوام ورجعنه للبيت بدلنه واخذنه والتقيت بالبنات بالحديقه وكلت هلا والله جاهزات
ليان : اييي جاهزه وكلش متحمسه 💃💃
فيان: ههههههه اني هم جاهزه
جيهان : والله اني اشو مو حيل جاهزه متردده وانتي فيليان جاهزه
فيليان : احم احم اي جاهزه ولو شويه خايفه بس عادي نحنو لها هههههه
ليان : لعد يلا امشو نروح بالتكسي
فيليان: ركبنه وكلنه للسايق الاسم وهو ودانه بس شنو قلبي راد يوقف من الخوف وصلنه الفندق واني رجليه نشلت مكدر انزل من التكسي الا كلت لجيهان تنزلني نزلنه واني احاول اهده بنفسي رحت على وسالت الي يشتغلون عن غرفته بش رفضم يكولون اي شي لان قانونهم مينطون اي معلومات عن زباينهم اضطريت اخابر علمود ينزل للصاله الفندق هم علمود تصير ضجه والبنات راحو كعدم بعيد خابرته وكلت هلو
خالد: اهلين
فيليان: اكلك ممكن تنزل
خالد : وين؟!
فيليان: على صاله الفندق
خالد: ليش ،وشجابج على الفندق وشلون عرفتيه !
فيليان: بعدين تعرف بس هيه انزل علمود اكوللك قراري
خالد: ماشي استني 5دقايق وانزل
فيليان: تمام ، اشرت للبنات بمعنى انه راح ينزل وماانكر كلش خايفه من رده فعله ، استنيت شويه وشفته نزل من المصعد وجه عليه وكال
خالد: ها شقررتي
فيليان: ا.........

الى هنا ينتهي البارت 14 اتمنى نال اعجابكم واتمنى متدققون على الاخطاء الاملائيه ولاتنسون تتابعوني وتصوتولي وشاركوني ارائكم بالتعليقات ❤

صرت مااحب انزل بارت الا وياها فيديو اني مدمنته 😂❤

يلا تشاااوو نراكم بالبارت القادم انشالله ❤❤💃