يا ليالي روحيلوا عن شوقي وناري احكيلوا يا يجيلي ياما اجيلوا مش قادرة في بعده اعيش وقوليلوا كفايه ويخلي لبعده نهايه مش عايزه انا غيره معايا والباقي مايلزمنيش .
كانت وعد مستمعة لتلك الاغنية وبتغني معاها ودموعها خانتها عندما تذكرته هو نعم ابتعد عنها ولكن مازلت تعشقه ولم تستطع نسيانه.
وعد: ليه ليه بعدت عني وانت عارف اني اكتر حد حبك ليه تسيبني وانت عارف انك نقطه ضعفي ليه توجعني وانا عمري ما حتي زعلتك ليه تقسي علي اكتر حد كان حنين معاك طب انا ليه مش عارفه انساك ليه مش عارفه اكمل حياتي واعيشها عادي ليه ليه!!!!!؟
"واستمرت في بكائها ثم خلدت في النوم دون أن تشعر"
ثاني يوم قامت وعد وجهزت لكي تذهب إلي جامعتها وبعد ان جهزت انتظرت صديقتها الاء وبعد دقائق رنت الاء عليها.
الاء: انزلي انا تحت البيت
وعد: حاضر دقيقه وهتلاقيني عندك وبعدين قفلت معاها ونزلت
الاء اول لما شافتها حضنتها
الاء: عامله اي يا وعد
وعد: زي مانا مافيش تحسن
الاء: هتفضلي كدا كتيير يبنتي عسي ان تكرهوا شيئا وهو خيرا لكم ماتعرفيش الخير فين اكيد ربنا بعده عنك علشان ماكنش فيه خير ليكي
وعد: تمام بس لو ماكنش فيه خير زي ما بتقولي ليه انا مش بكرهه ليه وهو بعيد عني مازلت بحبه برضوا مش لاقيه حاجه وحشه عملها معايا علشان انساه بيها او استحقره واشيله من دماغي ده حتي لما بعد عني كان علشاني كان علشان ماتعلقش بيه لانه مش عارف يحبني انا قلبي واجعني اووي
الاء: والله انتي بتعلقي نفسك علي الفاضي اديكي حتي قولتيها مش عارف يحبك خلاص تعلقي نفسك ليه بواحد مش عارف يحبك وليه تهلكي نفسك وطاقتك بالشكل ده انسيه بقي وعيشي حياتك
وعد: ياريت كان ينفع اكيد كنت نسيته يعني انا حابه وجع القلب ده انا بتمني انساه لو فعلا مش هيكون ليا
الاء: طب يلا نوقف اي تاكسي علشان اخرنا علي الجامعه وفي البريك يبقي نكمل كلامنا.
وفعلا ركبوا تاكسي وكل واحده حضرت محاضراتها وكان يوجد ساعة فاصلة بين المحاضرات فجلسوا مع بعض مرة أخرى .
وعد: انا زهقت من المحاضرات الممله دي انا عايزه اروح
الاء: وانا كمان والله بس للاسف مش هينفع علشان المحاضرات الجايه هيتحط عليها اعمال السنه
وعد: يووه بقي يبقي هنضطر نحضرهم
الاء: للاسف ايوا
"ولمحت الاء زياد الذي تحبه وعد سايرًا مع فتاة اخري فلم تعرف هل تخبر صديقتها بما رأت ولا تفضل الصمت حتي لا ينجرح قلبها ولكنها فضلت ان تخبرها حتي تعرف ذلك الشخص علي حقيقته وقالت لنفسها: انا هقولها علشان ماتعلقش نفسها بحبال دايبه ووجع ساعه ولا وجع طول العمر "
