احمد: خير ماتقلقيش هي بس حصلها ارتجاج ف المخ بس كان عنيف شويه وكمان كان في نزيف بس الحمدلله قدرنا نوقفه وخيطنا الجرح هي بس محتاجه تفضل 48 ساعه تحت الملاحظه علشان نشوف في اي آثار جانبيه ولا هي كدا تمام
سارة: الحمدلله شكرا جدا يا دكتور مش عارفه اقول لحضرتك اي والله
احمد: العفو بس علي اي انا ماعملتش غير واجبي بعد اذنك
حمزة: مش قولتلك يبنتي هتبقي بخير ماتقلقيش
سارة: اه الحمدلله انها بقت بخير واسفه علشان صدعتك وكدا
حمزة: حمزة لنفسه صدعتيني اي ده انا نفسي اقولك ان دول كانوا احلي ساعتين عدوا عليا بجد شبه الملايكه بعيونك القمر دي ال مافيش ف جملاهم وفجأة فاق من شروده علي صوت سارة
سارة: دكتور حمزة حضرتك معايا
حمزة: هاا اه اه معاكي
سارة: طيب اسفه علشان عطلت حضرتك وكدا تقدر تروح تكمل شغلك
حمزة: لا ولا عطلتيني ولا اي حاجه وبعدين كدا كدا كنت قاعد مش بعمل حاجه بقولك روحي انتي واحنا هنفضل هنا معاها ماتقلقيش .
هنا تذكرت سارة ماحدث معها وانه ليس لديها اي مكان يأويها فبدأت تبكي مرة أخرى.
حزن حمزة لانه لم يعرف ماذا قال لكي تبكي وحدث نفسه قائلا : مش فاهم هي ليه كل شويه بتعيط طب اختها وبقت كويسه ف اي باين البنت دي حكايتها حكاية ثم بدء يسألها
حمزة: مالك ف اي هو انا قولت حاجه غلط وانتي ليه على طول بتعيطي !؟
احست سارة انها بحاجه للحديث مع احد لكي يُزاح هذا الحِمل من قلبها فأخبرته بكل ما حدث معها ولكنها لما تعرف لما حمزة بالأخص الذي حكت له ولكنها شعرت براحة معه.
حمزة: يااه انتي مريتي بكل ده طيب وكنتي ناويه تروحي فين لو ماقابلتيش البنت دي وليه اصلا استنيتي وكنتي خايفه عليها كدا كان ممكن توصيلها وتمشي وليه قولتي انها اختك !!
سارة: معرفش كنت ماشيه بدون هدف مش عارفه هروح فين وسبحان الله ربنا وقعها في طريقي وليه خوفت عليها معرفش بس يمكن لما شوفت العربيه خبطتها وجريت ع طول صعبت عليا مش عارفه بس حسيت اني خايفه عليها فعلا وليه قولت انها اختي معرفش بس هي الكلمه طلعت تلقائيا كدا.
حمزة: طيب يستي انا عندي واحد صاحبي فاتح شركة استيراد وتصدير هكلمه يشغلك معاه وبالنسبه للسكن انتي ممكن تيجي تنامي عندي وانا هنام مع احمد عادي .
سارة: بجد مش عارفه اقولك اي بس كدا كتير جدا وانا مش عايزه اتقل عليك يعني هطلعك من بيتك مايصحش .
حمزة: يستي تتقلي عليا اي بس كدا كدا انا نباطشية الاسبوع الجاي كله فبروح الصبح فكدا كدا يعني مش هبقي موجود ف البيت بليل وعادي اقضي الكام يوم دول مع احمد لحد ما اشوفلك شقه حلوة يعني .
