Ankahe Dastan (ON HOLD)

Yaadein

This diary entry is written on the behalf of Shefali when she left for Mumbai and became a successful Model.

Hey Diary,

How are you doing? Well, I'm good. Main bilkul thik hun, maje mein hun aur bahuuuttttttt khush bhi hun. Aur mood bhi ekdum chakachak hai. Haan pata hai, aaj thodi late hun...uske liye sorry. Par tum wajah jaanoge na toh tum bhi bahut khush hojaaoge, jaise main hun. Haan...toh pehli baat yeh, ki mera shoot tha, maine bataya tha na kal? Wo textile company ke catalogue ke ad ke bare mein. Haan, toh bas, aaj usi ka shoot tha. Usi mein thoda time lag gaya. Hehe! Tum toh jaante hi ho ki kyun time lag gaya hoga mujhe. Haan wahi...dresses select kar rahi thi toh zarurat se zyada time le liya maine. Kya bataun ab tumhe, kitne sundar sundar dresses the...Hayeee. Matlab choices zyada the, isiliye select karne mein thoda time lag gaya. Aur choices zyada the, ye toh thik hai. Par uske upar itne pyaare aur sundar designs ke dresses the na ki kya bataun. Aur wo saare dresses mujhe pehne ko mile.

Haan haan dream over! Wapas present mein aati hun apne dream world se. Toh wo shoot tha...aur fir Mumbai ki traffic. Waise isme itna batane jaisa kuchh nahi hai, kyunki aaj aur dinon ke badle zyada traffic nahi tha, matlab mujhe nahi fasna pada. Usse bhi zyada late nahi hui, par yahan aane mein phir bhi late hogayi...Hehe! Wo isliye hua kyunki jab main fresh hoke kamre se bahar aayi na, toh mummy shelf clean kar rahin thi. Main bhi mummy ki help karne gayi aur jab sabse upar wale shelf ka saman utaar rahi, toh pata hai mujhe wahan pe kya mila? Photo Album!!!!

Haan na!!! Photo Album. Tumhe bhi khushi hui na? Hayee pata tha mujhe...waise ye wahi photo album hai, jisme Ahmedabad ke saare photos sambhal ke rakhe hain maine. Gayi toh main mummy ko help karne hi thi, par Album ko dekha to raha nahi gaya. Fir kya! Usse uthaya uske upr ki dhul saaf ki aur album lo leke apne kamre ki oor chal di. Uske baad.... Uske baad fir main kho gayi wahan ke yaadon mein puri tarah. 6 saal...6 saal ho gaye hume Ahmedabad chhode huye. 6 saal kam time thodi hota hai. Ab yaad to aayegi na... Isiliye ek ek karke Album ke saare pages turn karne lagi. Isme Ahmedabad ke har khas insaan ki photos sambhal ke rakhi hai maine. Saare photos dekhte dekhte bahut saare questions bhi aaye mann mein.

Pata nahi Naina, Preeti kya kar rahi hongi aur kahan hongi? Aur Naina, uski to shaadi bhi ho gayi hogi na Sameer se. Uski shaadi mein bhi nahi jaa payi (pout) Aur to aur unka to koi chhotu sa baby bhi ho gaya hoga ab tak. Aur agar main wahan hoti toh wo bhi mujhe maasi kehke bulata. Hayee...kitni beautiful feeling hai. Main...main bhi kisiki maasi hoti. Ab toh Preeti ki bhi koi love story start ho gayi hogi... Ya shaadi bhi? Wo to humesha apne sapnon ke rajkumar ke duniya mein hi khoyi rehti thi...apne Shah Rukh ke sapne dekha karti thi. Kya pata mil bhi gaya ho uska wala SRK. Meri do best friends thi wo...thi kya, abhi bhi hai. Mujhe yakeen hai ki wo donon bhi yaad karte honge mujhe. Haina? Main bhi unhe bahut miss karti hu. Kitne saare kaand kare huye hain hum logon ne saath mein. Hahaha! Wo saare kisse kisi aur din free time mein sunanungi main. Abhi aage badhte hain...

Pralay...Oho! Usse kaise bhul sakti hun main. Wo bhi toh kitna bada ho gaya hoga na. 6 saal pehle ka yaad karti hun toh yaad aata hai ki itta chhota sa tha wo, ab bada toh ho hi gaya hoga aur pehle se zyada badmash bhi hogaya hoga. Itna toh predict kar hi sakti hun main. Pata hai har baar pronunciation mein galti karta tha wo. Waise ab bhi wo fail hota hoga kya? Ya padhai karna chalu kar diya hoga usne? Padhai chalu kar diya ho toh achha hai, warna second class mein 2 baar padhna pada tha use, aage bhi aisa na hua ho. Aur Taiji! Wo na ek alag hi sample thi... Par kya abhi bhi bilkul waise hi hogi? O Bai! O Bai! Karke sabko order deti hongi? Abhi bhi Chachiji ke paas elaichi wale chai ke liye jaati hongi wo toh. Aur chachiji...abhi bhi taiji se chhupke magazines padhti hongi kya? Aur...kya unhone mera ad dekha hoga magazine mein? Aur dekha hoga toh kya kaha hoga unhone mere liye? And Rakesh uncle...wo abhi bhi safari suit hi pehnte honge? Munna, Pandit aur Sameer to unka naam Safari Suit hi rakh diya tha (Hahaha).

Ek baat toh tumhe pata hi hai na...ki mera Ahemdabad ki memory tab tak pura nahi hogi jab tak usmein Arjun ka naam nahi aayega. Pehle bhi ek do baar tumhe bata chuki hun na main uske baare mein. Hmm...uss baat ko bhi toh saalon beet gaye. Waise Arjun kya kar raha hoga? State team mein select ho gaya hoga na wo? Ya koi job dhundh li hogi usne? Kya usko koi aur mil gayi hogi? Achha hi hoga mil gayi hogi toh. Nahi...mujhe kyun dukh hoga. Ulta main toh bohot khush houngi agar use koi mil gayi ho toh. Haan...mana humare story ki ending thodi si udaas thi, par, humara jo pyaar ka safar tha, jitna bhi tha wo kitna achha tha, kitna pyaara tha. It was so beautiful. Ek dum, ek fairy tale ke jaisa tha. Uska mujhe cricket sikhana, humara pehli baar cigarette pina, uska mere kisi na kisi bahane se ghar pe aana, mera chhup chhup ke uske liye uski farewell coat select karna, aur mere periods mein uska mujhe chocolate dena. Kitni cute thi na humari story? Bas happy ending nahi ho payi. Par koi baat nahi, haan...shuru shuru mein bahut royi. Par fir ehsaas hua ki kitnon ko toh ye 'pyaar' bhi naseeb nahi hota. Mujhe to Jesus ko thank you bolna chahiye jinhone mujhe iss emotion ko, iss feeling ko jeene ka mauka diya. Aur ab unn meethi si yaadon ko apne aansuon se khatta nahi karungi main...kabhi bhi nahi. Mujhe khushi hai ki itne pyaare log meri zindagi ka ek hissa the.

Umm...sorry bahut excited sound kar rahi hun main. Par excited toh houngi hi na? Aakhir Ahmedabad ki wo journey thi hi itni amazing. Wahan ki jo bhi baatein sochti hun, koi na koi yaad aa hi jaata hai. Har kisika kuchh na kuchh role tha mere daily life mein. Har koi life mein kuchh na kuchh kar hi raha hoga aaj. Sab log bahut happy rahein...bas yahi pray karungi main Jesus se.

Maine aaj ek baat notice ki... Aaj ka din hi bahut achha hai. Pehle photo album mila, uske baad Joseph ne mujhe uske saath date pe jane ko puchha. Ab uske itne cute se chehre ko kaun mana kar sakta hai. Toh! Maine haan bol diya. Ab pichhe mudke kya hoga, aakhir badhna toh sabko aage hi hai. Kal ki pyaari yaadon ke saath saath hum apne suhane aaj ko leke chalein toh zindagi kitni pyaari lagegi. So, kal main uske saath date pe jaa rahi hun...Full and final. No, I'm not blushing. Bass haan... Maine bola na main blush nahi kar rahi...... Acha baba! Thoda sa kar rahi hu bass khush. Toh ab main chalti hun, 10:30 baj gaye hain. Kal Joseph ke saath date pe jana hai 9 baje. Toh milte hain kal raat ko, aur bataungi humari date kaisi rahi.

Bye bye! Good Night!

- Shefali

Yaadein...hum sab ki zindagi mein hoti hain. Buri aur achhi, hum donon yaadon ko samet ke rakhte hain apne paas. Toh agar hum apne busy duniya mein se kuchh waqt unn suhani yaadon ke liye nikal lein, toh kya pata wo yaadein humein koi sukoon de de. Achhi yaadein dil khush kar dengi, toh buri yaadein sayad aaj ko jeene ka sikh phir se de dengi.

Aaj hi kho jaaiye unn palon mein, aur kar dijiye unn yaadon ko unhi 'doston' ke naam, jinko ek ek karke apne man ki har baat bataya karte the aap; unhi logon ke naam, jinke bina aaj aap, aap nahi hote aur usi 'waqt' ke naam, jo ek samay par aapke liye aapka sabse achha samay hua karta tha!!!

Toh hum milenge firse ek aur Ankahi Dastan ke sath.

Tab tak ke liye,

Bye-bye

-Anushka and Issabella 💕