دار الايتام

دار الايتام البارت العاشر

الشخص..تمارا احمد الوكيل عندها 20سنه بتدرس في جامعه القاهره كليه تجاره متربيه في دار ايتام تقدر تقول يعني حضرتك ان ملهاش اهل اللي عرفته انها راحت الدار كان عمرها يومين تلاته ولحد يومنا ده هي متعرفش اهلها وطبعا الاسم اتسجل كده عشان يطلعلها شهاده ميلاد مش اكتر ونفس الحال عند البنتين اللي معاها بنت فيهم اسمها زهره احمد الوكيل بردو 20 سنه وبتدرس معاها في كليه تجاره جامعه القاهره الاتنين سنه تالته وبردو وهي كمان ملهاش اهل والبنت التالته اسمها عشق احمد الوكيل..20سنه بتدرس طب بيطري في سنه تالته جامعه القاهره وصلت الدار تقريبا بعد ولادتها بحوالي 10ساعات
خرجو من الدار من حوالي شهرين او شهرين ونص مقدرتش اعرف السبب اوي في كلام كتير
ليل..طيب قدرت تعرف ايه هي صلتهم بحاج محمد
الشخص..للاسف لابس كل اللي عرفت اوصله انهم تقريبا عايشين معاه من نفس المده اللي خرجو منها من الدار تقدر تقول مقيمين معاه بس ايه السبب او عرفهم ازاي او ايه اللي خلاهم يعيشو معاه مقدرتش اوصل للاسف لاكتر من كده بس هحاول
ليل..لا كفايه كده اللي وصلتله ده بالنسبالي كفايه
الشخص..تحت امرك يا افندم اه نسيت اقول لحضرتك يعني من الكلام اللي قدرت اوصله ان المديره بتاعت الدار كانت مضطهداهم ديما وتقريبا هي السبب في انهم يخرجوا.
ليل..يعني هما هربانين
الشخص..لا خالص المديره هي اللي خرجتهم
ليل..تمام الكلام ده بمجرد ما تقفل معايا تنساه ولا كأنك اتكلمت معايا فيه واضح كلامي.
الشخص..طبعا ياليل باشاولا اعرف اي حاجه
ليل..تمام
الشخص..سلام ياباشا
ليل..سلام رجعلهم ليل
جاسر..في ايه بتكلم مين كل ده
نوح..قدرو يعرفو مين اللي خبطه
ليل..ده تليفون تاني بعدين
عدي الوقت عليهم ببطئ فظيع الكل قلقان ومتوتر
ليل..مأعدش ثانيه رايح جاي ادام اوضه العمليات
نور..مبطلتش عياط هي و زهره وتمارا
عشق..سانده عالحيطه حاسه بتعب بس مش راضيه تقلقهم
بعد وقت فتح الدكتور باب الاوضه وخرج
جريو عليه كلهم عشق قامت براحه كانت حاسه بدوخه رهيبه
نور..بابا عامل ايه يادكتور
الدكتور..انا عملت اللي اقدر عليه
ليل..بغضب تقصد ايه
الدكتور..العمليه نجحت بس هوللأسف  حالته حرجه جدا حصله ارتجاج بسيط فالمخ نتيجه صدمته بالارض عنده كسر في فقرات فالضهر وكسر فالحوض للاسف هو سنه كبير واكيد مش مستحمل
نور..بانهيار وهي بتمسك ايد ليل عشان خاطري اعمل حاجه انت عارف بابا بيحبك اد ايه ابوس ايدك انا مليش حد في حياتي غيره وبصت لنوح نوح انت عارف بابا بيحبكم اد ايه صح عشان خاطري اعملو حاجه بابا هيروح مني
نوح قلبه وجعه عليها مسك ايدها جامد اهدي يانور من فضلك
ليل..للدكتور طيب لو محتاج يسافر بره اسفره حالا بطياره خاصه وتكون مجهزه
الدكتور..للاسف الحركه غلط عليه جدا خصوصا الوقت وصدقني بره مش هيعملو اكتر من اللي ممكن نعمله احنا معاه هنا
ليل..يعني ايه
الدكتور..يعني ادعوله يعدي الكام يوم دول علي خير وان شاء الله حالته تتحسن
وخلال ال24ساعه دول لو عدو من غير اي مضاعفات فالحاله نقدر ساعتها نرتاح وطبعا هو الوقت واخد منوم قوي
وطبعا اعدتكم هنا مش هتقدم فالاحسن انكم تروحو ترتاحو وترجعوله بكره هو عموما مش هيصحي الوقت خالص
نور..انا مش همشي واسيب بابا والنبي يادكتور اشوفه طيب حتي لو من بعيد
الدكتور..تقدرو تشوفوه بس من بره ياريت محدش يدخل عشان التعقيم
ليل..لنورهنروح نشوفه بس تمسكي نفسك اتفقنا
نور..حاضر
نوح..مدلها ايده تعالي يانورخدها ودخلو ورا ليل اللي كان داخل اول واحد مشيو طرقه طويله عشان يوصلو لاوضه العنايه المركزه
وصل ليل ادام الاوضه وهما وراه كان الفاصل بينهم وبين عم محمدالازاز
صدمه لجمت الجميع من منظره اللي كان يشبه الموتي أسلاك وخراطيم طالعه من كل جسمه
ولاكن الصدمه كان ليها وقع خاص علي نور اللي اول ما شافته خانتها رجليها ولكن ايد نوح كانت الاسرع سندها بسرعه هو وتمارا
تمارا..نور انتي كويسه
نوح..امسكي نفسك يانور ان شاء الله هيبقي كويس
نور..بابا لو جراله حاجه انا مش هعيش من بعده
عشق..هيبقي كويس يانورادعيله هو مش محتاج غير دعانا الوقت
تمارا وهي بتعيط انا السبب انا السبب
نور بصتلها بزهول انتي السبب ازاي ياتمارا
جاسر..تمارا بلاش كلام خايب انتي السبب ايه
نور..ليه بتقولي كده ياتمارا
جاسر..نور العربيه كانت جايه من بعيد وكانت هتخبط تمارا علي بال ما شدتها كانت العربيه خبطت عم محمد وكل ده حصل في ثواني مقدرناش كلنا نلحقه
تمارا..ياريتك ما لحقتني كان زمانه هو عايش
عشق..ده نصيب ياتمارا واللي ليه نصيب في اي حاجه هيشوفه وان شاء الله هيبقي كويس
نور..يارب ياعشق
ليل..متابع كل ده وبيبص علي عشق كل شويه بطرف عينه
جواه اسئله عايز يعرف دول مين وايه حكايتهم من بعد ما خرجو من الدار وجواه خوف علي عم محمد اللي طول عمره معاه اسئله كتير فضل انه يسكت لحد ما حاج محمد يتحسن
ليل..يلا يابنات عشان نوصلكم اعدتنا هنا ملهاش اي لازمه زي ما انتو شايفين هو نايم ولا حاسس بينا
نور..وهي بتمسح دموعها انا مش هتحرك من هنا لحد ما بابا يفوق
ليل..اسمعي الكلام يانور اعدتك هنا ولا هتقدم ولا هتأخر
نور..وهي بتعيط مش هقدر امشي واسيبه انا هفضل معاه
عشق..انا كمان هفضل معاكي
تمارا .وانا
زهره..وانا
ليل..هو ايه اللي وانا وانا وانا قولت اعدتكم ملهاش اي لازمه هنا
نور..عشان خاطري طيب روحهم هما
ليل..نوور انا مش ناقص مناهده
نوح..اهدي ياليل من فضلك
نوح قرب منها وكلمها بحنان نور ممكن من فضلك تسمعي الكلام هو مش حاسس بحد وانتي سمعتي الدكتور قال انه واخد منوم قوي يعني اكيد مش هيصحي الوقت وانتو وقفتكم دي ملهاش اي لازمه يلا نروح والصبح ياستي انا هعدي اخدك بنفسي واجيبك عنده
نور بصتله بحب اد ايه كلامه معاها وحشهاوحنيته عليها زي ما هي من وهما اطفال
نوح..بابتسامه جميله اتفقنا
نور هزتله دماغها براحه
ليل..يلا بينا
مشيوا ورا بعض ووراهم عشق اللي ماشيه براحه وحاسه بتعب
ليل..انتي كويسه يا انسه عشق
عشق..الحمد لله دوخه بسيطه
ليل..تحبي تأعدي ترتاحي
عشق..لا مش مستاهله
ليل..طيب اقدر اساعدك
عشق..انا كويسه
ليل بغضب تمام
خرجوو وصلو عند العربيات
ليل.اركبوا
نوح تركبي معايا يانور
نور..وكأنها مصدقت هزتله دماغها
نوح..ليل انا هاخد معايا نور
ليل هزله دماغه
ليل..اتفضلواركبت معاه عشق وزهره وتمارا
ومشي وراهم ادم بعربيته وجاسر اللي كان من جواه مضايق ان تمارا مركبتش معاه..
بعد مده وصلو تحت البيت
ليل..نور انتي وتمارا اكيد تليفوني معاكم اي حاجه تحتاجوها تكلموني فورا
تمارا..تمام يامستر ليل
نوح.لنور بصوت هامس لو احتاجتي حاجه كلميني انا صاحي وبكره هعدي عليكي نروح المستشفي سوا ماشي
نور..بضعف ودموع مش بتقف حاضر
نوح..بطلي عياط شويه ممكن
نور..حاضر
ليل..يلا اطلعوا
تمارا..من بعيد بتبص علي جاسر لقته مركز معاها وباين عليه الغضب مقدرتش تفهم ماله بس حست بخوف من بصته دي فابعدت عينها بسرعه
طلعت نور ووراها زهره وتمارا
وعشق اللي كانت بتمشي بضعف وتعب واضح عليها
دخلو من باب البيت ولسه...هيرجعوا الشباب للعربيات سمعو صرخه من البنات جريو الشباب بسرعه دخلو وراهم يشوفو في ايه
لقو عشق واقعه مغم عليها والبنات بيصرخو بأسمها
جري ليل شالها بسرعه
وطلع بيها علي الشقه فتحتله بسرعه نور وكلهم دخلو وراها
نور..حطها هنا
ليل..جاسر اتصل بالدكتور بسرعه
جاسر..حالا
ليل..هي بتشتكي من حاجه
تمارا..هي كانت تعبانه اصلا
ليل..مكنش لازم تتبرع بالدم كان لازم نتصرف ونجيب من اي مكان
عدي حوالي ساعه إلا ربع الدكتور كان وصل دخله ليل الاوضه ودخلوا معاها البنات دقايق خلص وخرج
ليل.خير يادكتور
الدكتور.خير واضح انها واخده برد شديد والبنات قالو انها اتبرعت بالدم طبعا الكميه اللي اتاخدت منها كبيره ودي غلطه يتحاسب عليها الدكتور اللي وافق علي كده هي ضعيفه جدا انا ركبتلها محلول وفهمت البنات هيخلص يحوطولها واحد كمان ويستنوا ساعتين ويحطو واحد تالت وبعدها بساعتين كمان يحطو الرابع عشان تقدر تعوض الدم اللي اتسحب منهاوكتبتلها علي علاج للبرد ومقويات عامه بس طبعا محتاجه تغذيه جامده عشان العلاج ده قوي
جاسر..طيب مش محتاجه تروح المستشفي لو افضل ليها يعني
الدكتور..لو حابين مفيش مشكله بس لو البنات هيقدرو يتابعوها ويركبو المحاليل في معادها تمام مفيش خطر عليها
ليل..شكرا يادكتور تعبتك معايا
الدكتور..متقولش كده ياليل باشاتحت امر حضرتك
ليل..مع الدكتور يانوح
نوح..تمام اتفضل يادكتور
ليل..للبنات هتقدرو تتابعوهاولا ابعتلكم ممرضه
زهره..انا هقدر متقلقش
ليل..لو احتاجتو اي حاجه او حصل اي حاجه كلموني وانا هتصرف فورا
نور..شكرا يامستر ليل
ليل..بابتسامه العفو يانور
نوح...رجع ايه كله تمام
ادم..تمام
ليل..يلا عشان يرتاحو
تمارا..باصه علي جاسر وهو لسه نظرت الغضب في عينه ليها
ليل..نور اقفلو علي نفسكم كويس
نور..بضعف حاضر
ليل..يلا سلام خرج ليل
والشباب
نوح لنور كلميني لو احتاجتي حاجه
نور..شكرا يانوح
نوح..بابتسامه سلام
نور..سلام
خرج الشباب وقفلت نور الباب وراهم بالمفتاح
دخلو البنات يطمنو علي عشق اللي كانت نايمه في دنيا تانيه.
تمارا..اعده جمبها بتعيط
نور..بدموع هتبقي كويسه ياتمارا متخافيش
تمارا..يارب
نور بانهيار انا خايفه علي بابا اوي
تمارا وزهره اعدو جمبها حضنتها تمارا وفضلت زهره تطبطب عليها هيبقي كويس والله ان شاء الله بكره نروح نلاقيه كويس وفاق
نور..يارب
زهره..قومو غيرو هدومكم يلا وانا هحضرلكم العشا
نور..مليش نفس
زهره..لا لازم تاكلي عشان تقدري تقفي وبعدين الاكل ملهوش دعوه وانتي مكلتيش حاجه
تمارا..زهره معاها حق يلا قومي خدي شاور دافي كده وصلي ركعتين وادعيله وكلي ونامي شويه عشان ترتاحي وبكره نروحله
نور..بضعف حاضر
في صباح يوم جديد صحيو البنات من النوم وصحيت عشق وهي حاسه بتعب وصداع
نور..عشق عامله ايه الوقت
عشق..هو حصل ايه وايه الكانولا اللي في ايدي دي
تمارا..انتي اغم عليكي واحنا طالعين ومستر ليل جابلك دكتور مكنش ينفع يا عشق يتاخد منك كيسين الدم وانتي تعبانه كده
عشق..مين اللي طلعني هنا
نور..وهي بابتسامه حزينه الهيرو
تمارا..بابتسامه منك لله يافضيحه
عشق..يعني ايه
نور..مستر ليل شالك وجابك هنا
عشق وشهاأحمر من الاحراج والغضب انتو بتهرجو صح ازاي تخلوه يشيلني
نور..يعني كنا نسيبك مرميه فالحوش وبعدين حد يطول ليل السيوفي يشيله
عشق..علي فكره انا مش بهزر انتو بتهرجوا ازاي تسبوه يشيلني و يلمسني وبعدين اوريلو وشي ازاي
تمارا..بت انتي مش ناقصينك هو شايلك وانتي عروسه ده شالك وانتي جثه
عشق..امشي من أدامي بدل ما ارتكب فيكي جريمه
زهره..بتتخانقو ليه عالصبح يلا قومو حضرتلكم الفطار
عشق..كده يازهره تخلو ليل يشلني
زهره...وايه اللي فيها انتي كنتي تعبانه
تمارا..سيبك منها دي دماغها مريحاها يلا نفطر عشان نروح لبابا
نور..انا هقوم البس بسرعه
تمارا..هو في حد هيعدي علينا
نور..نوح قالي هيجي بس متكلمش انا مش هستني انا لازم اروح اطمن علي بابا
عشق بتحاول تقوم
زهره..راحه فين
عشق..هقوم البس عشان ننزل
نور...انتي مش هتتحركي من هنا اصلا انتي تعبانه
عشق..وهي بتقوم ومش سائله في كلامهم انا مش تعبانه انا كويسه
تمارا..عشق نور عندها حق بلاش عند
عشق..صدقوني انا كويسه يلا خلصو عشان نلحق
زهره..ريحو نفسكم ادام قالت هتيجي يبقي هتيجي
عشق...اهي قالتلكم اهي بلاش مناهده بقي وقومو البسو
قامو البنات بقله حيلهوبعد وقت مش طويلنزلو من البيت فالوقت ده رن موبايل نور
نور..ايوه يانوح
نوح..صباح الخير
نور..صباح النور
نوح..جهزي نفسك يلا انا فالطريق جاي اخدك ادامي بالظبط حوالي تلت ساعه
نور..نوح انا لسه نازله انا والبنات ادم باب البيت خلاص هروح علي بابا
نوح..هو مش انا قولتلك امبارح استنيني
نور..ايوه بس لما انت مش اتكلمت قولت انزل
نوح..باين علي صوته العصبيه شويه متصلتيش بياليه
نور..اتحرجت يانوح انتو معانا من امبارح واكيد محتاجين ترتاحو
نوح..اتحرجتي مني يانور ايه نسيتي اننا كنا صحاب
نور..لا والله بس مرضتش اتعبك
نوح..انتي فين
نور..انا ادام البيت
نوح..متتحركيش من هناك وانا هاجي بسرعه اطلعي عالشقه اول ما اقرب هكلمك تنزلي
نور..بس يانوح
نوح..سمعتي انا قولت ايه اطلعي يلا متقفوش فالشارع كده
نور..حاضر
نوح..يلا باي
نور..باي قفلت وهي قلبها من جوه طاير من السعاده
نور..يابنات تعالو معلش نطلع نوح جاي
تمارا..وانتي يا اختي ما صدقتي
نور..اتلمي ياتمارا
عشق..طب ما كناروحنا وهو جه علي هناك
نور..هو قرب خلاص يعني ادامه عشر دقايق ربع ساعه
عشق..طب خلينا هنا بدل ما نفضل طالعين نازلين
نور..ماهو قالي اطلعي متقفوش فالشارع
تمارا..ابتدينا
نور..رخمه
عشق..طب يلا يابنات هو عنده حق وقفتنا كده غلط
فات حوالي نص ساعه كلمها نوح يلا يانور انزلو انا تحت
نور..حاضر
نزلت نور والبنات واول ماشافته حست ضربات قلبها بتعلي
نوح...كان لابس تيشرت ابيض وفوقيه چاكت اسود وبنطلون اسود وكوتشي ابيض ولابس نضارت شمس كان شكله يجنن
نوح..صباح الخير يابنات اسف عالتأخير بس الدخله هنا كانت زحمه شويه
نور..تعبت نفسك يانوح
نوح..يلا اركبي بلاش عبط
تمارا..كنت قولتلنا نخرجلك بره شويه طيب
نوح..لا طبعا مينفعش عشان بس محدش يضايقكم
نوح..انسه عشق انتي ايه اللي نزلك
عشق..انا احسن متقلقش
نوح..متأكده
عشق..اه والله
نوح..طب يلا اركبو
ركبو..واتحرك بيهم نوح عالمستشفي
ووصل قبلهم ادم وليل
وبعد وقت عدي وصل نوح ومعاه البنات
نور..مسترليل بابا كويس
ليل..لسه زي ماهو يانور مافاقش بس الحمد لله مفيش خطر
نور..طيب كلمت الدكتور
ادم..الدكتور بيقول ادام محصلش مضاعفات يبقي كويس وان شاء الله هنطمن عليه كلنا
ليل..لعشق انتي ايه اللي جابك
اتوترت عشق من ليل وحاولت تبعد عنيها عنةحست بالاحراج لما افتكرت انه شالها
عشق..وهي مش بصاله جيت اشوف بابا
ليل.ايوه بس انتي تعبانه
ادم..المفروض مكنتيش جيتي يا انسه عشق الدكتور قال انك محتاجه راحه
عشق..شكرا لحضرتك بس انا احسن والله
ليل..وهو بيبص لنوح بغضب جبتها ليه يانوح
نوح..والله انا اتفاجأت بيها
عشق..انا كويسه والله
فاللحظه دي جه جاسر
جاسر..صباح الخير
الجميع..صباح النور
جاسر..ايه الاخبار
ادم..لسه مافاقش
جاسر..ان شاء الله خير
نوح..ايه اللي اخرك كده انت قايل انك سابقني من بدري
جاسر..مفيش كلمت ماما ورغيت معاها شويه
ليل..انا اطمنت عليهم الصبح
ادم..هي احسن
جاسر..الحمد لله في تحاليل هيعملوها انهرده وخير يارب
جاسر..انسه عشق عامله ايه الوقت
عشق بابتسامه بخير الحمد لله
جاسر..مش كنتي ارتحتي احسن
عشق..انا كويسه
جاسر..الف سلامه عليكي
جاسر..الله يسلمك
عشق لليل حضرتك عرفت مين اللي عمل كده
ليل..ببرود هعرف ولما هعرف مش هرحمه بس لسه الرجاله بتدور العربيه اختفت
عشق..طيب ما نبلغ البوليس احسن
ليل..انا هاخد حق عم محمد بأيدي مش هبلغ
عشق..ايوه بس احنا مش عايشين في غابه حضرتك عشان اي حد ليه حق عند التاني ياخده بأيده
ليل..يمكن بس ليل السيوفي بياخد حقه بأيده
عشق..بس ده مش حق حضرتك ده حق راجل غلبان وبعدين هتاخد حقه ازاي هتموت اللي عمل كده
ليل..ببرود هو ونصيبه
ادم...ليل انسه عشق بتتكلم صح اللي عمل كده لازم يتحاسب
ليل..مااناهحاسبه مش هجيبه العب معاه دور شطرنج
هزت..عشق راسها بقله حيله
فاللحظهةدي جه لليل تليفون
ليل..ايوه يا فتحي
فتحي ليل باشا مهره تعبانه اوي وشكلها كده بتولد
ليل..بفزع اييه بتقول ايه
فتحي..بقول لحضرتك انها تعبانه جدا وحاولت اكلم الدكتور قبل ما اكلمك تلفونه مقفول
ليل..طيب اقفل انا هتصرف
نوح..في ايه
جاسر..في ايه ياليل
ليل..حاطت ايده علي راسه وبيفكر مهره تعبانه اوي وبتولد
ادم..طيب كلم الدكتور
ليل..فتحي كلمه قبل ما يكلمني وموبايله مغلق
نوح..طب ايه هتعمل ايه
ليل..مش عارف ومش عارف اي دكتور غير الغبي اللي قافل موبايله ده
زهره..بغباء طيب اسفه اني بدخل ماتجبوها المستشفي هنا بسرعه
ليل..بغضب مستشفي ايه
زهره..سكتت وخافت من صوته
ادم..انسه زهره مهره دي مش واحده دي الفرسه بتاعت ليل
تمارا..طيب حاولو تشوفو دكتور تاني عشق ما تشوفي الدكتور اللي بتشتغلي معاه
ليل..براڤو عليكي ياتمارا اديني رقمه يا انسه عشق
عشق..حاضر طلعت عشق رقمه واتصلت بيه
موبايله مقفول هو كمان
ليل..جربي تاني
اتصلت عشق تاني بردو مقفول
جاسر..والعمل لازم نتصرف دي كانت تعبانه اوي الفتره اللي فاتت
ليل..مش عارف دماغي واقفه
عشق..انا اقدر أولدها
ليل..نعم تولدي ايه
جاسر..هتعرفي
عشق..ان شاء الله
ادم..ايوه بس انتي لسه بتدرسي
زهره..بس عشق شاطره وهتعرف
ليل..شاطره ايه وهتعرف ايه دي مش لعبه ومينفعش نضيع وقت ونجرب فيها
عشق..بس انا مش هجرب انا بعرف فعلا
تمارا..مستر ليل عشق هتقدر هي ساعدت الدكتور في حالات شبه كده شويه وكمان الكليه بتاعتها فيها عملي كتير وهي هتقدر
ليل..لعشق متأكده
عشق..يلا بسرعه
ليل..انا همشي انا بسرعه و هرجعلكم تاني
نوح..طمنا
جاسر..سوق براحه يا ليل
مشي ليل بسرعه ومردش علي اي حد من كتر ماهو قلقان وعشق ماشيه بسرعه وراه كأنها بتجري مش قادره تلاحق خطوات رجليه
ركب ليل وعشق وطار بالعربيه
نوح..بقول ايه ما تيجو نأعد في مكان..شويه بدل وقفتنا كده وشويه ونرجع تاني
جاسر..تمام
نور..طيب روحو انتو واحنا نفضل عشان لو بابا فاق
نوح..المستشفي معاها ارقامنا ولو في حاجه هيكلمونا
ادم..تعالو نأعد شويه في اي مكان يكون ليل وانسه عشق رجعو
نوح..يلا يانور وشويه ونرجعله
نور..بقله حيله حاضر
مشي نوح وجمبه نور ووراهم زهره وادم
اما تمارا فا فضلت زي ماهي واقفه ادام..عم محمد
جاسر..بغض يلا ولا هتقفي كده كتير
تمارا..حاضر نزلو وراهم
نوح.نروح فين
نور..ياريت ميكنش مكان بعيد
جاسر..في هنا مكان قريب تعالو نأعد فيه
نوح..تمام يلا يانور اركبي
جاسر...تعالي معايا ياتمارا
تمارا..قبل ما تتكلم كان فتح الباب ليها ولف ركب مكانه ركبت وهي ساكته
اتحرك نوح بالعربيه
وتمارا ركبت مع جاسر وزهره واقفه مش عارفه تعمل ايه وحاسه بالاحراج
ادم..اتفضلي معايا يلا يا انسه زهره
زهره..حاضر
بعد وقت بسيط وصلو المكان
اما عند ليل فا كان سايق بسرعه رهيبه عشان يلحق مهره وعشق راكبه جمبه منكمشه في نفسها ومبتعملش حاجه غير انها بتردد ايات قرآنيه في سرها
عشق..حضرتك ممكن تهدي السرعه شويه
ليل..مردش عليها
عشق..بعد اذنك هدي السرعه شويه
ليل..مفيش وقت لازم نلحقها
عشق..ايوه بس براحه ان شاء الله هنلحقها بس بطريقتك دي هنموت ومش هنلحقها
ليل ولا كأنها قالت حاجه وكمل وبعد مده وصل الڤيلا فتحي البواب فتح البوابه
اتنفست عشق براحه اخيرا وصلوا
ليل..يلا بسرعه
عشق..حاضر
جريت وراه عشق اول ما دخلت اتصدمت
عشق..ايه ده
ليل..ايه
عشق..دي نزلت السائل كله
ليل..يعني ايه
عشق..يعني لازم تولد بسرعه عشان كده خطر عليها
ليل..طب اعمل ايه
عشق..اخرج بره خالص وسبني معاها لوحدنا
ليل..لا مش هينفع
عشق..بقولك اطلع بره اسمع الكلام
ليل..مهره مش واخده علي حد ممكن تأذيكي
عشق..انا هعرف اتعامل متقلقش اخرج لو سمحت
خرج ليل بره وفضل يراقبها من بعيد
عشق بتحاول تطبطب عليها مهره عملت صوت جامد وبقت تروح وتيجي حوالين السلسله المربوطه بيها وفضلت تنط برجليها لفوق وتعمل صوت قوي كانت هتخبط عشق
ليل..خلي بالك
عشق..اهدي اهدي فضلت تطبطبةعليها
عشق لليل في اي جوانتي عندك
ليل..اه ثواني
جري بسرعه ليلي جابلها علبه فيها جوانتيات خدت منهم اتنين ولبستهم
وفضلت تحاول تهدي مهره وشويه وتحاول تقرب ايدها عشان تولدها
بعد محاولات كتير ليل حس انها مش هتقدر
اخيرا مهره سكتت لعشق تماما وبقت عشق تتعامل معاها كأنها صاحبتها
استغرب ليل هدوء مهره
ابتدت عشق تساعد مهره
مر حوالي ساعه واخيرا مهره ابتدت تخرج المولود سحبت رجليها شويه
وابتدي يظهر اكتر
كل ده تحت زهول ليل اول مره يشوف فرسه بتولد
عشق..تعالي بسرعه
ليل واقف متنح
عشق..بعصبيه انت هتفضل واقف كده تعالي بسرعه
ليل..حاضر حاضر دخل ليل وقرب منها
عشق البس جوانتي
ليل..نعم
عشق..عيزاك تساعدني
ليل..باعتراض لا مش هقدر انا بتوتر من الحجات دي واخاف اعمل حاجه غلط اذيها
عشق..متخفش مش هتأذيها انت هتساعدني انا مش هتساعدها هي البس يلا الجوانتي
ليل..طيب طيب اعمل ايه
عشق..هتمسك رجل البيبي بتاعها زي ما انا مسكاه كده ومتسبهوش ابدا هتحس انه كأنه بيتسحب منك اوعي تسيبيه ابدا
ليل..طيب مسك ليل رجل المهره الصغيره وسمع كلام عشق
وفضلت عشق تحاول تعمل عمليه توسيع عشان تساعدها اكتر وفضل يظهر جزء جزء.من المهره وليل بيعمل زي ما قالتله عشق
عشق..خلي بالك ثواني وهتخرج حاول متبعدش الفرش اللي تحت رجلك ده عشان تنزل عليه ومتتخبطش
ليل..حاضر
ليل..كان سامع كلام عشق وبينفذه بالحرف الواحد المنظر لوحده كان كفيل يلجمه ومينطقش
عشق..يلا واحد اتنين تلاته اسحب
ليل سحبها ووقعت المهره الصغيره اخيرا وتمت ولادت مهره بنجاح
عشق..بعد ماخلصت حست بتعب وارهاق جامد بقلها اكتر من ساعه بتولدها مع تعبها حست انها خلاص خلصت لاكن من جواها كانت مبسوطه جدا انها قدرت تساعد مهره وتشوف المهره الصغيره
عشق..هاتلي مايه بسرعه وعايزه فوطه كبيره
ليل..حاضر
قلع ليل الجوانتي وجري عمل اللي قالتله عليه
جبلها خرطوم كبير بتاع الجنينه وفوطه
عشق..الميه دي سقعه
ليل..امال عايزه ايه
عشق..الجو برد ودي لسه بيبي عايزه مايه دافيه
فتحي من بعيد لحظه ياباشا انا هجيب
جري فتحي وجاب الميه بسرعه
ابتدت عشق تنضفها وتنضف مهره ونقلوهم مكان تاني بعيد عن الميه وحاولو يوقفو المهره الصغيره شويه بشويه لحد ما اخيرا وقفت
عشق..قامت لمهره طبطبت عليها فضلت مهره ترفت راسها وتتمسح في عشق تحت نظرات زهول ليل
عشق..تعالي بقي ابعد بعيد
ليل..ليه
عشق..عشان تأكلها دي المره الاولي ليها ولازم يكون ليها خصوصيه عشان تقدر ترضعها
ليل..حاضر بعد ليل وعشق بعيد وابتدت مهره ترضع المهره الصغيره
عشق وهي مبسوطه اهي كلت خلاص
ليل..بابتسامه شكرا
عشق..العفو علي ايه
ليل..انتي عملتي حاجه كبيره بالنسبالي اوي مهره دي غاليه عندي اوي والايام اللي فاتت كانت تعبانه جدا
عشق..الحمد لله اهي قامت بالسلامه
ليل..واسف عشان شكيت للحظه انك مش هتقدري
عشق..لا مفيش حاجه وبعدين حضرتك معاك حق متصدقش لاني لسه بدرس بس يمكن انا بحب الحيوانات جدا وده ساعدني اكتر
المهم..هتسميها ايه
ليل..فضل ساكت كتير
ليل..هسميها عشق
عشق..بسعاده ايه
ليل..مش اتولدت علي ايدك يبقي تتسمي علي اسمك وصراحه ملاقتش احلي من اسمك
عشق..باحراج وابتسامه شكرا
ليل..يلا نروح لعم محمد
عشق..وهي محرجه يلا
اما عند الشباب
كان جاسر..بيتكلم هو ونوح وادم وشويه نوح يحاول يواسي نور ويطمنها ادم بيتكلم مع زهره كلام عادي
اما جاسر..كان متجاهل تمارا خالص بدون سبب
ليل كلم جاسر وعرفه انهم راجعين المستشفي
جاسر..يلا بينا نروح عالمستشفي ليل قرب خلاص
نوح..مهره ولدت
جاسر..اه ولدت
نوح..بجد عشق عرفت تولدها
تمارا..قولتلك عشق شاطره
جاسر..اه ياسيدي عرفت وليل سماها عشق
نوح..ايه ده بجد
جاسر..اه والله يلا بينا بقي
الكل..يلا
ركبو العربيات بتاعتهم وراحو عالمستشفي
مر وقت بسيط والكل وصل
واول ما وصلو حسو بحركه غرببه الدكاتره رايحين جايبين علي اوضه حاج محمد جريو كلهم
نور بخوف بابا
ليل..خير يادكتور
نور..بدموع بابا جراله حاجه
الدكتور..اطمنو هو فاق بس لسه حالته مش مستقره هو بس طلب يشوفك يا ليل باشا
نور..انا عايزه ادخله
الدكتور..مش هينفع عشان ميبقاش في تعب عليه هو بس ليل باشا يدخل ولو حالته تستحمل هدخلك اتفضل يا ليل باشا
فاللحظه دي جه سراج عم ليل ووالد جاسر. جري وقف معاهم بره يعرف حالته منهم.
دخل ليل
ابتسم حاج محمد بتعب وابتسم ليل بحزن علي حالته
ليل..راح اعد علي كرسي ادامه وكان باين ادامهم كلهم
ليل..مسك ايده ايه ياراجل ياطيب حمدالله علي سلامتك انت عايز تعرف غلاوتك عندنا ولا ايه
حاج محمد..بتعب ليل يا ابني عايزك تسمعني عشان مفيش وقت
ليل..ايه الكلام ده انت هتبقي زي الفل
حاج محمد..دخلهم يا ابني انا عايز الكلام ده يبقي ادامهم
ليل..حاضر
رفع ليل وشه ليهم وشاورلهم بايده يدخلو
جاسر سأله بأيده باستفهام يقصد مين
ليل..رد عليه بنفس الاشاره كلكم
سراج..الف سلام عليك يامحمد هتبقي زي الفل
جاسر..سلامتك ياراجل ياطيب
نور..مقدرتش تمسك نفسها بابا انت كويس مش كده
ابتسم حاج محمد بحزن
وابتدا الكلام
ليل طول عمرك غالي عندي وانت عارف كده انت ونوح وادم وجاسر بعتبركم ولادي وعمري ماحسيت منكم اني شغال عندكم طول عمري بعتبر نفسي منكم
ليل..ليه الكلام ده بس ياراجل ياطيب
حاج محمد سبني اكمل يا ابني
انا مش هطول عليك بس زي ما طول عمرك كنت راجل وجدع وحنين ليا عندك طلب يا ابني تخلي بالك من نور وعشق وتمارا وزهره حط الاربعه في عينك مش انت بس انتو كلكم هما ملهمش حد غيري بعد ربنا
نور..بابا والنبي ماتقول كده انت مش هتسبني صح
حاج محمد..جه الوقت يا ابني اللي اقولك فيه السر اللي بقالي فتره شايف في عنيك السؤال ومش عايز تسأله
بص للبنات سامحوني يابنات اني هتكلم
عشق وزهره وتمارا مش قرايبي زي ما قولتلك بس هما في مقام بناتي وغلاوتهم يعلم ربنا انها نفس غلاوت نور يوم ما نور كلمتني واحنا مع بعض فالمكتب نفس اليوم اللي ادتني في ظرف الفلوس وانا راجع بليل قابلت البنات وسمعتهم وعرفت انهم كانو في دار ايتام طول حياتهم والمديره بتاعت الدار افترت عليهم وخرجتهم
فاللحظه دي عشق وتمارا وزهره افتكرو كل حاجه حصلت افتكرو شريط ذكريات مؤلم بيحاولو ينسوه بقالهم فتره تمارا مكانتش قادره تبص لجاسر
حاج محمد..البنات دي ربنا وقعني في طريقهم مكانوش لاقين مكان يروحوه ميعرفوش حد من اهلهم ملهمش غير بعض وربنا وساعتها بس عرضت عليهم يجو معايا واقنعتهم بالعافيه بعد ما سمعتهم مكالمه من نور
ومن يومها وهما معايا واتفقت معاهم انهم من لحظه ما لقتهم انهم زيهم زي نور قدرت احميهم من الشارع قدرت الاقيلهم شغل واساعدهم يقفو علي رجليهم قدرت اوفرلهم جزء من روح العيله اللي اتحرمو منها انا خدت عهد علي نفسي بيني وبينهم ان محدش يعرف واي حد يشوفهم نقول ان احنا قرايب بس خلاص انا رايح وسايبلك حمل اتمني متتخلاش عنه اتمني تحميهم وتحافظ عليهم اتمني انك متسبهومش هما ملهمش حد فالدنيا ونور من بعدي ملهاش حد لا قريب ولا بعيد ملهاش غيركم وهما كمان ملهمش حد من بعدي اكرموهم زي ماحاولت اكرمهم بس انا خلاص رسالتي بتخلص ياريت تكملوها من بعدي اسمعو منهم حكايتهم البنات دي تعبت وقاست كتير اوي متسبهمش يا ليل يابني الاربعه امانه في رقبتكم كلكم وعلي اد حبكم ليا اكرموهم
ليل..حاسس بوجع في قلبه عمري ما حسيت لحظه انك وراك حاجه بس من وقت ظهور تمارا وانا شكيت بس مش فيك والله انا طول حياتي عارف انك ملكش قرايب بس كنت حاسس بحاجه غريبه مش تقلق لاكن تحير وقبل ما اعرف منك ياراجل ياطيب انا عرفت حكايتهم تقريبا ولو كنت بحبك الاول الوقت بحبك اضعاف حبي ليك انت ملاك في صوره بني ادم ياراجل ياطيب واوعدك انا عن نفسي هفضل عالعهد معاك وهيفضلو كلهم في رقبتي ليوم الدين
حاج محمد..ربنا يطمنك ويرضي عنك
ثواني واتشاهد حاج محمد ادامهم كلهم وابتدي الجهاز يعمل صوت والشريط يستقيم
نور..بابا بابا لا والنبي اوعي تعملها بابا انت مش هتسبني صح بابا قوم عشان خاطري قوم انا مليش غيرك اوعي تسبني انت عارف ان من غيرك هموت بابا الله يخليك قوم والنبي قووووم فضلت تهز فيه جامد وفاللحظه دي دخل الدكتور بسرعه يشوفه
الدكتور..البقاء لله
نور لا انت بتكدب بابا عايش بابا قوووووم قووووم والنبي
عشق وتمارا وزهره ماسكين في نور ومنهارينن
نور..بابا بابااااا