دار الايتام

دار الايتام البارت السادس والعشرون

نزلو البنات راحو عالشركه مع السواق ..ونزلت نور راحت عالجامعه...
واول ما وصلت كانت الكارثه الكبيره..
دخلت نور.. من الجامعه.. ومن اول ما دخلت.حاسه ان الكل نظراته مريبه...
لبست نضارتها...ومحبتش تديهم اهتمام...كملت مشي لجوه..حست ان الموضوع بيزيد. واعدين يتوشوشو ويبصو عليها فضلت تهدي نفسها وحست انها متوتره من اللي حصل مش اكتر...وشافت من بعيد اتنين من زمايلها البنات...راحت ناحيتها اول ما شافوها قربو منها...
نور...صباح الخير..
البنات. صباح النور.
نور...هو في ايه مالكم واقفين كده ليه...
اسماء..زميلتها...نور...في حاجه لازم تعرفيها..
نور...بقلق في ايه.
اسماء...تعالي معانا..
مشيت وراهم شاورولها علي حيطه...متعلق عليها ورقه بفصلها من الجامعه.
نور...بزهول... نعم فصلي انا لا اكيد في حاجه غلط او تشابهه اسامي. او همة غلطو وحطو اسمي اصلا انا لا م اطلع اقابل عميد ال...قاطعتها اسماء.
لا يا نور.. متطلعيش والقرار صح... هما يقصدوكي انتي.
نور...انتي بتقولي ايه يقصدوني انا...ليه يمكن. يعني عشان مش بحضر كتير..
اسماء...لا يانور...عشان. ده...ومدتلها ايدها بظرف ابيض كبير
نور...ايه ده... في ايه الظرف ده...
اسماء...افتحيه. يا نور..
مسكت نور... الظرف. وابتدت تتوتر وقلبها يدق بسرعه فتحت الظرف وابدها بتترعش..
طلعت اللي فيه...صدمه..ضباب غطي عيونها من تجمع الدموع حجبت عنها الرؤيا...وابتدت توضح الرؤيا من تاني مع نزول دموعها بغزاره...صورها وهي نايمه عالسرير. في اوضاع مش حلوه في حضن نوح..ملابسها الداخليه. مكشوفه...واللي مصورهم مش ظاهرهم انهم نايمين او تحت تأثير مخدر. لاعبين فالصور عن طريق الفوتوشوب. جايبهم بيضحكو ...
نور...بصدمه. مستحيل مستحيل..مش انا مش انا..
اسماء...بشفقه علي حالها اهدي نور انتي لازم تمشي قبل ما الجامعه تتزحم اكتر من كده
نور...مستحيل مستحيل..
هبه...الصور دي وصلت الصبح اتوزعت علي كل الطلبه ودخلت لعميد الجامعه...
نور... مسكت الصور وفضلت ماشيه ومش بتقول حاجه غير مستحيل...
هبه...نور...استني.
اسماء...سبيها ياهبه تمشي.احسن...
هبه...استحاله نور تعمل كده
اسماء...انا كمان شاكه ان دي لعبه... بس دي صورها.
هبه...ربنا يسترها عليها...
........
خرجت نور.. من الجامعه وهي بتحاول تسد ودنها من اللي هي بتسمعه....
وعامله نفسها شريفه
لا وايه بيقولو ضربت سامر..عشان قالها اوصلك
بس ايه طلعت جامده
خرجت نور...وهي مش شايفه ادامها...وحاسه انها بتنهار وتتهد.. حاسه انها في كابوس وحش اوس مش عارفه تصحي منه..
ركبت..تاكسي وهي محدده وجهتها...
.............
اما في الشركه....
جاسر......هتفضلي زعلانه كده
تمارا....مين قالك اني زعلانه
جاسر...انتي مش شايفه شكلك
تمارا...يعني افضل مستنياك تكلمني وفالاخر متسألش فيا وتقولي زعلانه ليه
جاسر...والله يا حبيبي الوقت اتأخر وقولت اكيد نمتب مرضتش اقلقك.
تمارا...بجد والله كتر خيرك.
جاسر...تمارا عشان خاطري متحسسنيش اني مبسوط باللي بيحصل ده
تمارا...طب ما انت مبسوط فعلا ياجاسر.
جاسر...انتي شايفه كده
تمارا...انا مش شايفه غير كده ياجاسر...عادي يعني شيفاك جاي رايق ومبسوط اهو يعني مفيش حاجه مضيقاك غير شكلي اللي زعلان
جاسر...تمارا افهمي بقي والله العظيم. انا لازم اعمل كده الفتره دي تمارا بيكي من غيرك انا مش هكمل مع هايدي بس مش هينفع اسيبها غير لما نتأكد من حجات كتير مش هقدر اشرحهالك الوقت
تمارا...بعصبيه... هو سر حربي كل شويه مش هقدر افهمك الوقت مش هقدر افهمك الوقت خايف عليكي بنعمل كده عشان احميكي انتي والبنات...تحمينا من ايه
ايه هايدي ...وحش وانا معرفش
جاسر....تمارا منو فضلك وطي صوتك
تمارا...مش هوطي صوتي ياجاسر. انا ااوقت بقي عايزه اعرف في ايه... ومش هسكت غير لما اعرف او تعتبر اني من اللحظه دي مش اكتر من سكرتيرتك وبس
جاسر...بلاش الطريقه دي ياتمارا...
تمارا...انت كمان مضايق... مين فينا اللي المفروض يضايق.. انا ولا انت... بتلعب بمشاعري طول الوقت
جاسر...انا بلعب بمشاعرك يا تمارا.
تمارا...امال تسمي اللي احنا فيه ده ايه...انت فاكر انك كده بتحميني وبتطمني... لا يا جاسر.. انت موترني وقالقني مخليني خايفه ودي مش طبيعتي انا رغم كل حاجه وحشه حصلت في حياتي... بس طول عمري قويه جامده جريئه مش بخاف... واللي كان ديكا موديني في ستين داهيه لساني لاني مبخافش ولا بسكت. علي اي حاجه تضايقني...لاكن انت مخليني ساكته مش قادره اتكلم مش قادره اعبر عن اللي جوايا خايفه بمشي اتلفت ورايا من اول ما بطلع من الشركه لحد ما نوصل البيت ونقفل ورانا الشقه..وكأن حد هيطلع يموتني...مش فاهمه ايه حجم اللي انت مخبيه بس احساسك واصلني ومخوفني مش مطمني ياجاسر.
جاسر...وانا مش عايز اقول عشان متخافيش ياتمارا عايزك تتعاملي بطبيعتك..انا مقصدش اوترك ولا اخوفك
وتمارا...وانا مش عارفه اتعامل بطبيعتي ياجاسر. وخايفه ومتوتره. ومش حاسه بالامان...يعني هي هي. ادام كده خايفه وكده خايفه يبقي عرفني المفروض اخاف من ايه ومن مين. متسبنيش كده...متخليش دماغي تروح لحجات انا مش عايزاها تروحلها..
جاسر...وحياتك عندي هتعرفي كل حاجه والله ياتمارا هعرفك بس مش الوقت
تمارا...تمام يا جاسر ومن هنا لحد ما اعرف انا بالنسبالك مش اكتر من مجرد سكرتيره...لما تحس انك هتقدر تتكلم عرفني وهتلاقيني موجوده. وبسمعك ومن اللحظه دي بلاش توترني اكتر ما انا متوتره...سبني اتعامل بطبيعتي انا مش بخاف من حاجه ياجاسر ولا لسه اتخلق حد يقدر يخوفني ولو خوفك عليا من هايدي فا متقلقش مش هايدي اللي تخوفني يا جاسر.
وخرجت... وسابته.وراحت علي مكتبها...
اول ماخرجت...اعد جاسر. علي الكرسي وهو بيمرر ايده في شعره بعصبيه...مش عارف يقولها ايه. خايف تضيع منه مش قادر يتكلم عشان خايف عليها...وعشان ليل مأكد عليهم كلهم محدش يتكلم في اي حاجه....
.........
عشق....عامل ايه الوقت.
ليل...احسن كتير
عشق...جبت العلاج اللي كتبتهولك
ليل...ايوه جبته...
ليل...عجبك الكورنر بتاع القهوه
عشق...جميل اوي... بس انت ليه عملته
ليل... عشان تعملي اللي انتي عيزاه اي وقت تحبي. وبعدين انتي مش بتحبي تعملي حاجتك بنفسك ومعرفتيش تعملي فالكفيتريا عشان الشباب اللي تحت عملتك ركن صغير كده تعملي فيه اللي انتي عيزاه
عشق..عملته امته ده
ليل...امبارح بعد ما مشيتي
عشق...يعني انت كنت اعد عشان كده..
ليل...اه استنين لما خلصوه وجهز ومشيت .
عشق...بابتسامه شكرا
ليل..تحت امرك يا افندم
ابتسمت..عشق...
ليل... بقول ايه احنا تندنا اجتماع بعد نص ساعه
عشق...تمام انا جاهزه..
ليل...طيب حضري ورق الصفقه اللي المفروض همضيها انهرده وياريت تجيبي الورق بتاع المنتجع السياحي بتاع هادي الشامي...
عشق...مش ده اللي جاسر.. وتمارا كانو مسافرين يشوفو المكان عنده
ليل...اه هو
عشق...مش المفروض ان الصفقه دي اتمضت
ليل... ايوه كله تمام بس الاسبوع الجاي الشغل هيبتدي فيها...ولازم اشوف الدنيا تمام وجاسر مستعد ولا في حاجه هتعطل الشغل
عشق...تمام. هروح اجهز كل حاجه. ولحد معاد الاجتماع
ليل... تمام
........
نوح...اعد سرحان... وباين عليه التعب وشكله مش نايم
ادم...في اجتماع كمان شويه
نوح...اه عارف..
ادم...عينك حمرا كده لبه انت تعبان
نوخ . لا بس منمتش
ادم...مش هتقولي مالك
نوح...مفيش يا ادم والله مش مظبوط بس اليومين دول
ادم...من ايه طيب...انا اول مره اشوفك كده يانوح. انا غمري ما شوفتك غير بتضحك حتي لو حصل حاجه ضايقتك مبتاخدتش معاك وقت وساعه بالكتير الاقيك تمام وبتضحك
نوح...اوقات يا ادم بيحصل حجات في حياتك عمرك ماتتوقعها وحتي لو اتوقعتها بردو مبتحسش اوي غير لو التوقع ده بقي حقيقه...وعشت الموقف بجد
ادم...ايه ياعم الالغاز دي عالصبح.
نوح...مش الغاز يا ادم... بس مبتقدرش تحس بالموقف او تقيمه غير لو اتحطيت فيه.
ادم...اكيد يانوح...مبيحسش بالموقف غير اللي مر بيه...بس انا قلقان عليك وعايز اعرف مالك وايه الموقف اللي حصلك عمل فيك كده..يمكن اقدر اساعدك او ياسيدي حتي لو مش هقدر كفايه اني اسمعك وانت ترتاح..
نوح...مش كل حاجه ينفع تتقال يا ادم...
ادم...انت ليه مصمم تقلقني. من امته وانت بتخبي عني يا اخويا
نوح...مش بخبي والله يا ادم بس يمكن مش قادر اتكلم الوقت هقولك اكيد هقولك والله بس. مش الوقت .
ادم...عموما لو حسيت انها ضاقت بيك.. ولقيت نفسك محتاج تتكلم...انا موجود ديما...
زهره...اسفه لو هقاطعكم... بس السكرتيره بتاعت مستر ليل بتبلغنا ان الاجتماع فاضله خمس دقايق.
ادم...تمام...هاتي يلا الورق يازهره ويلا قوم يانوح.
نوح...يلا...
ثواني كان الكل موجود علي تربيزه الاجتماعات.......
ليل...فين نور بأستفسار ؟؟؟
عشق...اسرعت...نور... استأذنت انهرده كمان..عشان يعني الجامعه وبعدين عشان الامتحانات قربت.
حس...ليل.. من ارتباك عشق.. ونظرات نوح...ان في حاجه اكبر من كده... بس قرر يبين تجاهله...اه طيب تمام..جاهزين نبدأ..وقبل ما يردو. خبطت شاهي... علي الباب...
ليل...ادخل..
دخلت..شاهي...
ليل...خير يا شاهي... مش عارفه ان في اجتماع.
شاهي...اسفه يامستر ليل... بس الامن بعت الاظرف دي و اللي بعتها قال توصل لحضراتكم.
ليل... فيها ايه الاظرف دي ...ومين اللي بعتها...
شاهي.....معرفش حضرتك دي مقفوله... والامن مقالش مين باعتها...وقربت شاهي... وهي بتحط ادامهم الاظرف...
ليل... تمام تقدري تخرجي .
شاهي...بعد اذن حضرتك...
فاللحظه...دي وصلت. نور.. الشركه...وكان شكلها يشبه الاموات..الحزن مغطي علي ملامحها الجميله..دموعها مبتقفش دخلت الشركه وفي اديها الظرف..
طلعت علي. المكتب...ملاقتش حد...خرجت بسرعه. تدور علي نوح زي المجنونه...مش لقياه وصلت لمكتب ليل.. سألت شاهي عنهم...استغربت شاهي...شكلها
شاهي...دول في اوضه الاجتماعات انتي كويسه..
سابتها نور...من غير ولا كلمه. وراحت عالمكتب... وهي معميه مش شايفه ادامها...
وصلت ادام الاوضه فاللحظه اللي حطت اديها عالاوكره...كان الكل فتح الظرف اللي في ايدهم
صدمه.. لجمت الجميع...غضب.. وجع..توتر..خوف... قلق
شعور...اصاب كل واحد فيهم بعد ما شافو الصور...
غضب..ظهر علي ملامح ليل...وجع..اصاب قلب نوح...
زهول..اصاب جاسر وعشق...صدمه وخوف وتوتر اصاب الجميع.....
رفع...ليل راسه..بغضب...اتجاه نوح...اللي كان اعد مبينطقش عينه عالصور...احساس بالظلم واجعه اوي. احساس بالخوف علي نور.. اكبر بكتير من اي شعور جواه...
ليل....بصوت. جهوري مرعب. نوووووووووح...
بص الكل علي ليل. برعب من صوته...وكانت لحظه الهدوء الذي يسبق العاصفه...ولكن...فاللحظه.. دي اقتحمت نور...المكتب. من غير استأذان...شكلها لوحده كان كفيل يرعب الجميع...
اول. ما نوح... شافها. قام. بتوتر. من شكلها. ونطق...نوور.
نور....قفلت الباب... وفضلت تقرب براحه...ومكنتش تقريبا شايفه غيره ادامها...قربت نور منه ووقفت ادامه... ووقف الجميع. بصدمه يراقب اللي بيحصل...
نور....عملت معاك ايه عشان تدمرني كده..
قولي علي سبب واحد يخليك تعمل فيا كده..
عمري ما أذيتك...طول عمري بحبك...وبتمني بس اكون جمبك..عمري ما دعيت من ربنا انك تكون ليا علي اد ما دعيت اني بس اكون جمبك...بس لو كنت اعرف ان قربي منك هيبقي تمنه...شرفي..مكمتش عمري اتمنيتك قريب او حتي بعيد...لو اعرف ان قربي منك هيبقي تمنه اني ادبح بسكينه بارده علي ايدك مكنتش عمري اتمنيت قربك..
لو اعرف ان قربي منك هيجي عليا يوم ويخليني اكرهك اوي كده مكنتش اتمنيت قربك...
انا عمري ما عرفت يعني ايه كره. بس علي ايدك. عرفته وقدرت تكرهني فيك يا نوح. علي اد كل ذره حب ليك كانت في قلبي علي اد ما اتبدل الحب ده بكره...انا طول عمري براقب كل حاجه تخصك من بعيد. اخبارك صورك حتي شكلك. طول الوقت كنت بفضل اتكلم مع بابا عن شغله عشان يجيب سيرتك واقدر اعرف اي حاجه عنك..
طول حياتي مفيش اي ذكري. في حياتي غير ذكري طفولتي معاك..ولما كبرت شويه وانت بعدت بقيت كل ما اشوفك اجري اكتب التاريخ اللي شوفتك فيه...
عمري في حياتي ما اتمنيتلك الاكل حاجه حلوه عارف لدرجه ايه... لدرجه اني عشان عارفه اني ابعد من اني اكون ليك...كنت بتمني حتي في فرحك بابا يحضر وانا اروح معاه عشان اشوفك وانت لابس بدله فرحك...ضيعت حياتي في حبي ليك....ويوم ما اعرف ان انت كمان كنت بتحبني...والمفروض انه يكون اجمل يوم في عمري...خلتني كرهت اليوم ده خلتني كرهت لحظه نطقك بحبك ليا...كنت بدعي انه يكون كابوس...
نوح....نور...انا معملتش حاجه صدقيني دي لعبه اتلعبت علينا
نور....بصريخ...كفايه بقي كدب... من يوم ما بابا مات وانت مفيش عندك غير لعبه غير. في حد عايز يأذيكو. في حد بينتقم...طب لو حد بينتقم منكم انتو انا مالي..
بابا... مات. عشان قولتو مقصوده...رضيت بقضاء الله وقولت عمره...طب...اللي حصل منك. لعبه ازاي. هاا انطططططق رد عليا قولي اني بحلم قولي ان انا لسه بنت قولي ان ده كابوس هصحي منه الوقت...
اللي بينتقم بينتقم. منكم ولا مني...
ابويا راح وبقيت لوحدي شرفي راح...دمرت حياتي من يوم ما بقيت معايا...انا بقيت ميته يانوح...وياريتها جت علي كده...ولمحت نور فالاحظه دي صورها عالتربيزه..
نور..ياريتها جت علي كده...انت فضحتني يانوح...انا اكتفيت باللي حصل. وكنت هبعد لاكن انهرده يانوح انا اتفصلت من الجامعه...عارف ليه عشان صوري معاك مغرقه الجامعه مع كل الناس. يانوح...
وصلت للعميد...والطلبه... انا بقيت في نظرهم عارف ايه يانوح ولا مش عارف عارا ايه اللقب اللي بقي يتقال عليا..
طب عارف...وانا خارجه من الجامعه سمعت ايه بيتقال عليا في وشي...بعد ما كنت بخرج وانا راسي مرفوعه انهرده يانوح انا وطيت راسي...قولي بقي انت عملت. ايه في حياتي عدل من يوم ما دخلتها...انا كنت بحس معاك بالامان...انت عرتني يانوح. ادامك وادام الناس كلها...
انا بكرهك بكرهك وبتمني. تختفي من حياتي وانهارت...وفضلت تضرب غيه وتصرخ..
نوح...كان واقف مش بيتحرك وسايبها تعمل كل اللي هي عيزاه...
جريو.. عليها البنات...
عشق...نور.. اهدي نور... اسمعيه اديله فرصه.
نور...انتي بتدافعي عنه ليه انتي مش شايفه اللي عمله..
فاللحظه... دي قرب ليل من نوح...
ليل... طول عمري بعتبرك ابني مش بس اخويا... طول عمري حنين عليك. عمري ما رفضتلك طلب... بس اظاهر اني كنت غلطان
نوح...ليل...اسمعني انت انا. وقبل ما ينطق...
كان... ليل.. ضربه قلم. من شدته...رجع نوح بجسمه خطوات...
شهق..البنات وحطو ايدهم علي بوئهم بخوف
جاسر...لييييل...لا ياليل...استني اسمعه
ليل..بصوت يرعب... اسمع مين اسمع الوسخ ده...اسمعه واصدقه ولا اكدب عيني من اللي شيفاه فالصور ده..
هي دي الوصيه اللي وصهالنا عم محمد يازباااله...هو ده العرض اللي صونته...انا لو مكانها اطلع قلبك بايدي اقطعه حتت..اسممعععععع انهرده...هتكتب علي نور...
نور...بصريخ...اوعي تقول كده انا لايمكن اتجوزه. لايمكن اسمي يقترن باسمه. ابدا حتي لو هعيش كده استحاله اكون معاه انا بكرهه.
ليل...بحزم...اللي قولته هيتعمل هيتجوزك...ويرد اعتبارك ادام الكل عشان راسك تترفع وسط الناس... وانا بنفسي يعدي كام شهر...وهطلقك منه. انا مش هآمن عليكي مع واحد زباله زيه... مش راااااجل...
عشق...ليل...في حاجه غلط. نوح برئ انا واثقه.
ليل...اسكتيييي اياكي تدافعي عنه ده وسخ..
عشق...ليل...اسمعني من فضلك..مينفعش تحكم عليه من غير ما تديله فرصه انه يدافع عن نفسه.نوح حكالي عاللي حصل
ليل...يدافع عن نفسه يقول ايه..ها...
جاسر...ليل عشق عندها حق...نوح حكالي انا كمان
ليل...والله حكالكم وصدقتوه...طب والصور دي ورهالكم...ماطبيعي يجري زي الفار. اللي خايف. يحاول يبرأ نفسه ويحكي اي حاجه عشان لما يتكشف امره يقول انا قولت وحكيت ويلاقي اللي يقف معاه زيك ضحك عليكم صح.
فاللحظه دي اتكلم نوح بعد فتره صمت طويله..
نوح...انا مش هدافع عن نفسي لاني ميهمنيش شكلي ولا صورتي...انا يهمني شكل نور انا بس هقول كلمتين...
مش عشان يحسنو صورتي ادامك ولا ادام نور ولا حتي ادامكم وابتسم بوجع لان واضح ان صورتي عندكم اتشوهت...وواضح ان مفيش حد فيكم يعرفني كويس...انا يمكن اكون ياليل بسهر بخرج مع بنات بشرب... لاكن انا عمري ماكنت وسخ وانت عارف ياليل اني تربيتك يعني عمري ما هعمل غير اللي ربتني عليه...وعمري ما ههز صورتك ادام اي حد...اللي هقوله ده حصل عايزين تصدقوه صدقوه مش عايزين زي ما تحبو..بس بعد ما تسمعو اللي عندي ياريت تسمعو اللي عند نور. عشان تعرفو وتتأكدو اني معملتش حاجه
امبارح نور راحت الجامعه زي ما انتو عارفين تجيب ورق وترجع عالشغل وانا قولتلها اني هاجي اخدها اناكلمت نور.. وقولتلها اني قربت عالجامعه قالتلي انها بتجيب ورق ليها وللبنات..قولتلها تمام ادامي ربع ساعه واكون عندك....الطريق كان زحمه بعد نص ساعه بالظبط من وقت ما قفلت معاها وصلت...ولما وصلت ملاقتش نور واقفه كلمتها...مره. اتنين تلاته لحد ما فصل. المره الرابعه لاقيت الموبايل اتفتح قولتلها انتي فين... سمعت صوت بنت بتقولي انت مين... فاللحظه دي فكرت ان موبايل نور وقع والبنت دي لاقته... سألتها انتي اللي مين. وفين نور... قالتلي ان البنت صاحبه الموبايل دي معاها تعبت فجأه وخدتها البنت بعربيتها... وراحت بتها...
طلبت.. منها انها تديهالي عشان اتأكد.. قالتلي انها فاقده الوعي. وهي ومامتها بيحاولو يفوقوها مش بتفوق... فاللحظه دي انا خفت جدا علي نور ومفكرتش في اي حاجه غير اني اروحلها بسرعه وفعلا خدت العنوان وجريت علي هناك.اولةما طلعت رنيت الجرس كذا مره محدش فتح رفعت ايدي عشان اخبط...لقيت الباب اتفتح فالاول شكيت ان في حاجه فضلت انادي محدش رد مسكت موبايل واتصلت برقم نور... سمعت صوت الموبايل جاي من بعيد فاللحظه دي دخلت بسرعه ورا الصوت من غير ما آمن نفسي ولا اشوف في حد ولا مفيش.. وصلت ادام باب الاوضه.. اللي جاي منها الصوت. ولسه هفتح لقيت خد جه من ورا ضهري حط علي وشي منديل واتخدرت...ثواني وكنت واقع معرفش ايه اللي حصل. ولا انا اعدت اد ابه اصلا متخدر صحيت لاقيت صوت عياط بعد ما ركزت شويه لاقيت نفسي نايم علي سرير السويت شيرت مش لابسه جزمتي مش لابسها وركزت مع الصوت لقيت نور...وكانت.... سكت شويه وخد نفس. لقيت هدومها عالارض وحاطه ملايه عليها..وفي عالسرير ............ دم..
كانت منهاره وانا معرفش في ايه ولا ابه اللب حصل بس اللي متأكد منه اني معملتش حاجه واللي جابني هنا البنت اللي قالت ان نور معاها ....
بعدها جيت حكيت لجاسر... وبليل رحنا مع بعض. لمكان البيت.. وتقدر تسأله...مكنش في بواب طلعنا خبطنا كتير مكنش في اي حد بيرد واخيرا اتفتح الباب اللي ادام الشقه.. وظهرت ست كبيره سألناها قالت ان صاحب الشقه اسمه هاني ومبيجيش كتير وسعات بيأعد بالكام شهر بس قالت انها سمعت صوت امبارح وانهرده تقصد اليوم اللي حصل فيه كده وقبله بيوم...جاسر اداها الكارت وطلب منها انها لو حست باي حد فالشقه تكلمه فورا....وده كل اللي حصل...واظن لو انا ياليل اللي عامل كده... مش هصور نفسي..
لو انا اللي عامل كده يانور...مش هوزع صوري وصورك...عالجامعه وعلينا هنا... يعني لو انتي شيفاني حيوان وشهوتي اللي بتحركني اكيد مش مش هفضح نفسي.. وانتي عارفه اني معروف مش هقولك بقي استحاله افضحك لانك اكبد شيفاني كداب وزباله ووسخ ومش هتصدقي. مهما قولت اي حاجه بس ياستي عالاقل مش هفضح نفسي.....
ليل... بص لنور... ايه اللي حصل معاكي يانور..
نور...بدموع زي الشلال... مبقاش يهم خلاص.
ليل... بصوت مرعب... لاااااا يهمني انا عالاقل..
نور...انا...كنت واقفه مستنيه نوح... وفجأه لمحت بنت واقفه شكلها تعبان. ومره واحده كانت هتقع...سندتها بسرعه وسألتها اذا كانت تعبانه قالتلي انها عندها الغي سكر ولازم تاخد حقنه فورا...قولتلها تقولي اسمها واجبهالها قالتلي انها معاها فالعربيه. وطلبت مني اوصلها للعربيه اللي شاورت عليها...ودتها العربيه. ركبت فضلت تدور وفجأه لقتها سندت بتعب ومكنتش قادره تدور. لفيت بسرعه وركبت جمبها وسألتها ادور فين شاورتلي عالدرج اللي فالتابلوه..مكنتش لاقيه حاجه ولسه برفع راسي قالتلي...نوح مستنيكي فالشقه
نوح......😡😡😡انا مقولتش لحد اني مستنيكي ولا اعرف مين دي. وانتي ازاي تركبي مع حد متعرفهوش..
ليل....اسكت خالص. كملي يانور..
نور...قولتلها تعرفي نوح منين.ومستنيني فين... ساعتها... رشت حاجه علي وشي... ومدرتش باي حاجه غير لما صحيت ولاقيت نوح ولاقتني...وسكت وانفجرت من العياط.
جاسر....بس يبقي كده لعبه.
عشق...واضح ان في حد قاصد يعمل كده..
ليل... وانا مش هصدق غير لما يجبلي اثبات... بس قبل كلل ده... هتكتب علي نور انهرده... مفهووووووم.. لازم تصلح اللي عملته...لازم اللي حصل فالجامعه يتصلح.
نوح....انا اكيد هصلح كل ده بس بعد كل اللي سمعته ده ولسه شايف ان انا لازم اصلح اللي حصل لسه شايف او شاكك فيا ياليل طب نور ومعزوره. يمكن تكون متعرفنيش حتي لو زي ما بتقول بتحبني بس متعرفش مين نوح... لاكن انت عارفني ياخويا ..
عموما...انهرده..انا جاهز اكتب علي نور... ويومين بالظبط كل حاجه حصلت هصلحها يانور وهترجعي راسك مرفوعه..ومحدش هيقدر يقولك كلمه متعجبكيش ..
وفأقرب وقت الكلب اللي عمل كده هجيب جثته تحت رجليكم كلكم...وهبرأ نفسي وارجع حقك وانتقم من اللي عمل فيكي كده ادام عينك...بس من بعد اللحظه اللي هجبلك حقك فيها يانور. واردلك كرامتك ادام الكل وطلع قلب اللي عمل كده بايدي..... هنسحب من حياتكم خالص .وكلامه كان موجهه لنور.. وليل...
عشان......محدش فيكم اداني فرصه ادافع بيها عن نفسي محدش فيكم صدقني. ظلمتوني...انا مسامحكم بس مش هقدر اتعامل معاكم تاني...
وبص علي ليل...من اللحظه دي يا ليل.. اعتبرني بره الشركه...
ادم...نوح...اهدي ايه الهبل اللي بتقوله ده
نوح...خلصت يا ادم...
ليل... بيحاول يأعده بس بطريقته...مش لما تبقي تثبت برائتك الاول تبقي تعمل اللي انت بتقول عليه ده..ولا انت بتهرب بالعقل يا نوح...وعايز تسيب الشركه...
نوح...ماشي ياليل.. حقك.. عندك حق... اول ما اظهر برائتي واجيب حق نور...تقدر تعتبرني مش فالشركه...وانا معاك لحد ما اقدر اعمل كده...
وبص عليهم كلهم انا. جاهز انهرده لكتب كتابي علي نور...ومتقلقيش يانور... فتره وهسيبك تخلصي من الكابوس ده استحمليني الفتره دي عشانك مش عشاني وبعدها هترتاحي مني....
ومشي... نوح...فتح الباب... وخرج..بعد ما رزعه وراه...
وجواه...حزن العالم...نزل وخرج من الشركه..كلها.خد عربيته وطار....
اعد الجميع. في صمت تام...بعد خروجه....
نور اعدت....تعيط عاللي وصلتله البنات حواليها...
ليل. مركز بغموض...جاسر وادم...حاطين ايدهم علي دماغهم
.....
ليل....نور....
نور...بتعيط وموطيه راسها...ايوه
ليل...ارفعي راسك...يانور...مش نور بنت الحاج محمد اللي توطي راسها...راسك تفضل مرفوعه انتي معملتيش حاجه توطي راسك عشانها...من بكره كل حاجه حصلت اليومين دول هتتصلح....وكل حد غلط في حقك حسابه هيكون معايا وقسما بالله حتي لو نوح نفسه...
مش هسمي عليه...
جاسر...ليل...اهدي شويه احنا لسه معرفناش كل حاجه. بلاش..تبوظ كل حاجه بينك انت ونوح...
ليل...الكلام ده تقوله لما يثبتلي عكس اللي حصل.وبعدين انت ليك حساب معايا انت وعشق ازاي تعرفو حاجه زي دي ومتعرفونيش
جاسر.....طب ليه تسبق الاحداث وتبوظ كل حاجه..قبل ما تعرف فين الحقيقه..وبخصوص بقي اني كنت عارف انا وعشق ومقولناش. لان نوح طلب مني محدش يعرف عشان خاطر خاف علي شعور نور و عارف انك مش هتسكت وهتقلب الدنيا وهو محبش يضايقك هو عرفني عشان اساعده ونحاول نعرف مين اللي وراها وقالي انه هيقول لعشق.عشان كان خايف علي نور تعمل في نفسها حاجه وكان عايز عشق تحاول تخلي نور..ترضي تسمعه..
وانتي يانور..انا عارف ان اللي حصل ده صعب.. ومفيش كلام يقدر يخفف اللي انتي حاسه بيه...
بس اللي فهمته يانور... انك بتحبي نوح لازم تديله فرصه عالاقل يظهر برأته ادامك وادامنا كلنا...خصوصا ان نوح حكالي انه بيحبك يانور...وقالي انه بيحبك من زمان.وانتي متعرفيش زي ما هو كمان مكنش يعرف انك بتحبيه...
ادم...جاسر عندو حق. نوح ميعملش كده. ادوله فرصه يثبت انه معملهاش
عشق...انا في حاجه عايزه اقولها...
ليل. بيبصلها بغضب...كملت عشق كلام من غير ما تديله اهتمام...انا اسفه ياجاسر بس في حاجه هقولها يمكن تضايقك..
جاسر...بانتباه حاجه ايه..
عشق...نور...حصل معاها موقف الاسبوع اللي فات فالجامعه...ومرضتش تقول لنوح...
نوح...قال لنور اي وقت سامر.
يحاول يقرب منها تقوله الاسبوع اللي فات نور كان عندها محاضرات مهمه راحت الجامعه قابلها سامر وطلب انه بوصلها نور رفضت فضل يلح علبها..وابتدا يخرف بالكلام. معاها ويتكلم بطريقه وحشه...ومصمم انه يوصلها وقالها اعتبريني زي نور يمكن اعجبك...وحاول يمنعها انها تمشي وسكها من ايدها نور... ضربته بالقلم وسط زمايلها واصحابه..والكل اتدخل فاللحظه دي قبل ما يقربلها...واستحلف انه مش هيسبها...وركبت بسرعه تاكسي ومشيت...الكلام ده حصل كنا لسه مسبناش الشقه طبعا نور....جت حكتلنا وكانت مرعوبه ومرضيتش ابدا اننا نقول ولا هي تقول لنوح خافت يحصل مشكله كبيره بسببها..وخافت عشان هي عارفه ان في علاقه بين جاسر وسامر....
ليل. بغضب... وانتي ازاي متقوليش حاجه زي دي
جاسر....سامر... لا انا كده واثق ان في حاجه غلط...حسابهم تقل اوي وخبط علي المكتب بايده واقف وقف. وديني ما هسيببه..
ليل...اعددددد.. مش وقته متبوظش كل حاجه.
جاسر...بعصبيه....ما هي باظت ياجاسر انت مش سامع بتقول ايه احنا بيتلعب علينا لعبه وسخه من شويه زباله حوالينا لو سكتنا اكتر من كده...هيفكرونا بيتعلم علينا وانا مش هسمح لاي كلب فينا انه يفكر انه ممكن يعلم علي عيله السيوفي ده انا افعصهم..
ادم...كده كتير بجد...ليل مينفعش نفضل ساكتين اكتر من كده.
ليل...مين قال اننا هنفضل ساكتين...انا بس مستني اعرف اللي وراهم عشان انا واثق ان هما اضعف كتير من انهم يلعبو علينا ..وفي وراهم حد اكبر بيحركهم..
جاسر....يا ليل. احنا مش هنفضل واقفين في مكانا واعدين نفكر مين اللي وراهم وبما انك عارف انهم اضعف كتير من انهم يلعبو بينا يبقي اول ما هيقفشو هيعترفو عاللي وراهم.
عشق...هو في ايه... انا ليه حاسه ان الموضوع اكبر مننا بكتير وليه حاسه انكم بتتكلمو عن عصابه...احنا من حقنا نعرف في ايه...
ليل...مش وقته ياعشق... دي لعبه بتتلعب علينا احنا احنا اللي مقصودين بيها...
عشق...بعصبيه. واحنا دخلنا جوه اللعبه دي ياليل...واحنا اللي بنتأذي وبندفع تمن حاجه احنا منعرفهاش اصلا...
فالاول موت بابا محمد واللي كان مقصود بيه تمارا.....وبعد كده اللي حصل لنور...وادام دخلنا جوه اللعبه دي ياليل يبقي لازم عالاقل نعرف مين اللي بيلعب معانا...ولا ايه...
تمارا....عشق.. معاها حق...احنا لازم نعرف ايه اللي بيحصل ادام بقت حاجه تمسنا يمكن مكنش لينا اي حق نعرف حاجه تخصكم ومتخصناش بس احنا اتحطينا معاكم في في اللي يخصكم ولو في حد بينتقم. منكم عشان شغل عشان اسباب شخصيه فا احب اقولكم ان الانتقام ده فينا احنا..ووصلنا احنا وآذانا احنا يبقي اقل حاجه اننا نعرف عالاقل عشان لو الحد ده قرب مننا نكون واخدين حذرنا
ليل...هتعرفو كل حاجه في وقتها ...بس من هنا لحد ما تعرفو ممنوع الخروج من غير ما يكون اي حد فينا معاكم...اي حاجه. تحصل غريبه تعرفوهالنا مينفعش يانور يحصل معاكي موقف زي بتاع سامر ده وتخافي تقولي...
ياريت تحاولو تلتزمو بكلامنا من فضلكم..
ليل...عشق...
عشق...نعم.
هتاخدي البنات الوقت وتروحو عشان نور ترتاح وتكونو جاهزيين بليل الساعه 9هنكون عندكم..
عشق...طيب... ممكن زهره وتمارا يروحو لو معندهمش شغل وانا اعد معاك نخلص الشغل..
ليل...لا ياعشق... روحي مع البنات..وبكره نكمل شغل
عشق...حاضر...
ليل...انا هكلم السواق يجهز...وانتو يلا اجهزو...
الكل تمام...
عشق..تعالي..معايا لحظه..
خرج ليل وعشق وراه علي المكتب وراح كل واحد فيهم علي مكتبه..وزهره وادم خدو نور معاهم...
دخل ليل المكتب.
عشق...في حاجه..
ليل...عشق...مش عايزك تسيبي نور خالص..حاولي يكون عينك عليها انا قلقان تعمل حاجه في نفسها.
عشق...اطمن مش هسيبها...
ليل... تمام...انا الساعه 9هكون عندكم ومعايا المأذون..
عشق...ليل..ياريت متضايقش اني مقولتش حاجه.
ليل...وهو بيبصلها...مش مضايق ياعشق.. بس مكنش ينفع تسكتي
عشق...كنت عايزني اعمل ايه طيب هو طلب كده وبعدين ده موضوع حساس وكنت مصدومه بجد مكنتش عارفه اعمل ايه..
ليل...حصل خير...ان شاء الله كل حاجه هتتصلح...
عشق...والدموع بتلمع في عنيها يارب..
ليل..قرب منها... متقلقيش انا وعدتكم ان مفيش حاجه هتمسكم ابدا وطول مانا معاكم عايزكم تطمنو يمكن اللي بيحصل الوقت تاعبكم جدا واكبر من استيعابكم بس صدقيني انا هحل كل حاجه..
عشق...بدموع...ليل انا خايفه اوي. واول مره احس اني خايفه كده.
ليل...ششششش بلاش دموعك دي قولتلك مفيش حاجه هتحصل ابدا...وطول مانا عايش ياعشق...مش عايزك تقولي خايفه دي ابدا وقرب. ايده من وشها...ومسح دموعها...اول ما ايده لمست وڜها حست بجسمها بيتنفض وغمضت عنيها...وبدون مقدمات قرب منها بدر...ومسك...وشها بأيده وباسها في راسها.
حست عشق. برعشه جسمها زادت ضربات قلبها زادت...حست ببروده فالجو مش طبيعيه..بعد ليل عنها..
عشق...بعدت باحراج...وتوتر... حطت وشها فالارض واتلون وشها باللون الاحمر..
عشق...اااا انا انا همشي هشوف البنات
ابتسم ليل.. بحنيه...ماشي عشق
عشق...وهي مش بصاله....نعم
ليل... خلي بالك من نفسك ومن البنات واول ماتروحي تعرفيني
عشق... ااا طيب طيب حاضر.سلام
ليل...بابتسامه علي حالها سلام..
............
تمارا....كده دي المواعيد كلها... معاك
جاسر.. تمام يا تمارا..
تمارا... لو محتاجني فالميتنج انا ممكن استني وتعرف ليل. ان هكون معاك.
جاسر...لا روحي انتي ياتمارا الميتنج اصلا مش هيطول كل الحكايه نص ساعه...
تمارا... حاضر...
جاسر..تمارا..
تمارا...ايوه
جاسر...قرب منها. ومسك ايدها...مش عايزك تزعلي مني عشان خاطري...وعايزك تعرفي اني خايف عليكي والله العظيم..وانا مش زي ما قولتي فرحان بعلاقتي مع هايدي..اديكي شايفه اللي بيحصل حوالينا اليومين دول... انا مش وحش ياتمارا ولا بلعب بيكي..كل الحكايه اني طالب منك تستحمليني اليومين دول وكل حاجه هتنتهي وهبقي معاكي انتي وبس. بس ارجوكي متضغطيش عليا عشان انا تعبان اوي...
تمارا...حيت بصدق كلامه شددت من مسكت ايده...انا مقصدش اضغك عليك ياجاسر بس انا قلقانه جدا ومتوتره الفتره دي وخايفه اوي
جاسر...وانا معاكي ومش هسمح لاي حاجه تقلقك او تخوفك او حتي تمسك بس ساعديني واسمعي كلامي..وبلاش تسمعيني كلامك ده تاني عشان اللي بيحصل ده غصب عني مش بمزاجي...انا اقدر انهي كل حاجه في لحظه بس مش هينفع الوقت غير لما احس انك في امان.
تمارا....جاسر... هو انا ليه حاسه من كلامك وكلامكم كله عموما ان هايدي ورا الحجات اللي بتحصل دي... انا مش عايزه اعرف تفاصيل بس ريحني وقول اه او لا عالاقل مبقاش بضغط عليك زي ما بتقول..
جاسر...انا مش عايز افتح كلام الوقت ياتمارا...هحكيلك كل حاجه في وقتها
تمارا... وانا مش عايزاك تحكي الوقت بس عالاقل ريحني.
جاسر...ايوه ياتمارا... بس مش هي بس في حد تاني وراها مش عايزين نعرفكم غير لما نتأكد مين هو عشان كده مش قادرين نتكلم الوقت...عرفتي ليه مش عايز اسيبها الوقت.
تمارا...عرفت...ومتزعلش مني ياجاسر... صدقني غصب عني ....يمكن هي خطيبتك وانا مليش الحق اني ازعل بوحوك وقربك منها بس. انا اكتشفت اني بغير عليك ياجاسر...جاسر. انا بحبك..
جاسر...😳😳😳😳انتي ايه.
تمارا...وهي منزله راسها ضربات قلبها سريعه اديها تلجت بين ايده....
جاسر...لا مش وقت كسوف. ورفع وشها بايده انتي قولتي ايه الوقت😉
تمارا...انا عايزه امشي البنات مستنيني.
جاسر...وانا مش هسيبك غير لما تقوليها ده انا مصدقت سمعتها .
تمارا....بابتسامه.بحبك ياجاسر..
جاسر...وهو بيرفع وشه...ااااه اخيرا وبدون مقدمات. شدها لحضنه...وانا بحبك يا قلب جاسر...
تمارا...حست انها هتنهار بين ايده. لاكن كانت مبسوطه من قربها منه ريحته. اللي بتعشقها. وبترد فيها روحها. الامان اللي حساه في حضنه غمضت عينها واتمنت من ربنا يكون اللي هي حساه مش حلم...
اخيرا خرجها من حضنه...تمارا. متبعديش عني ارجوكي.
تمارا...انامعاك ياجاسر..
جاسر...طيب بقول ايه انا رأيي بقي الوقت انك تمشي بسرعه من ادامي... قبل ما افقد السيطره تن نفسي..
تمارا...😳😳😳😳انا انا ماشيه خلاص
جاسر...بضحكه تجنن..يلا بسرعه..اجري🤨🤨
خرجت تمارا من ادامه بسرعه وهي طايره...وجاسر حاله لا يقل عن حالها...ابدا.....
خرجو...البنات.. راحو عند زهره ونور...
تمارا...ايه جاهزين انا. خلصت
عشق...اه يلا السواق زمانه واقف تحت..
تمارا...يلا يانور.
نور...قامت بحزن ومشيت مع تمارا وعشق من غير ولا كلمه..
ادم...زهره.
زهره...نعم
ادم...لما تروحو طمنيني انكم وصلتو.
زهره...حاضر...واسفه يا ادم اني همسي واسيبك وسط الشغل ده كله ولا انا ولا نور حتي نوح مش موجود.
ادم...بابتسامه حنونه...متقلقيش لنا هخلص كل حاجه ولا انتي مش واثقه فيا🤨
زهره...بابتسامه لا طبعا..واثقه جدا كمان
ادم...ايه ده بجد..
زهره...طبعا امال مين اللي علمني الشغل وبسرعه كمان.
ادم...لا يا ستي انتي اللي ذكيه وقدرتي تستوعبي الشغل كويس.
زهره...شكرا....متأكد انك مش محتاجني اساعدك.
ادم...لا والله وبعدين بكره نكمل مع بعض... وبعدين مستعجله علي ايه شكلها كده اليومين اللي جايين انا وانتي هنشيل الشغل علي دماغنا.
زهره...خير ان شاء الله.واكيد انا معاك
ادم...ان شاء الله يلا روحي للبنات وطمنيني بس اول ما تروحي.
زهره...حاضر...يلا سلام.
ادم...سلام.
.......مشيو البنات من الشركه...مع السواق....
........
جاسر....ادم فين نوح
ادم..نوح مش هنا
جاسر...مشي يعني
ادم...انا خرجت من الاجتماع مكنش موجود في مكتبه.
جاسر...وهو بياخد نفسه بقله حيله...
ادم...جاسر...كده المشكله كبرت وبتتعقد اكتر..
جاسر..والىه يا ادم انا بقيت مش فاهم اي حاجه وكل يوم الدنيا بتضيق اكتر مش عارف اخرتها ايه...
ادم...بقولك ايه تعالي نشوف ليل.
جاسر...يلا انا اصلا كنت هعدي علي نوح وادخله...
........................
في مكان اخر.....
ضحكه. شيطانيه...هزت المكان..هههههههههههه
نفسي... اشوف الوقت ليل لما الصور وصلتله...واخوه اتفضح...ولسه انا هدمره وادمر كل اللي حواليه قريب.حقيقي شابوه بجد... مكنتش اعرف انكم جامدين كده وسهلتو عليا حجات كتير
صحيح....مين بقي صاحب الضربه دي انتي ياهايدي ولا انت يا سامر.
سامر...لا الفكره لهايدي طبعا...بس انا كده او كده كنت مرقد لنوح من زمان بس مكنتش عارف هتيجي ازاي...
ونور...كانت عجباني من اول ما شوفتها بس مكنتش اعرف انها تبع نوح...ولما عرفت الفكره كبرت في دماغي ساعتها اكتر...بس بنت الكلب دي بعد اللي عملته فالجامعه كان لازم انتقم منها واكسرها عشان تعرف مين هو سامر الحديدي كويس..وتفكر الف مره قبل ما ترفع عينها فيا بعد كده...وصراحه. عشان مكنتش لاقي داخله اكسر بيها نور وافضحه... مكنش في غير الطريقه دي وادبسه... بس طبعا هايدي ظبطت الفكره...
الشخص....براڤو حقيقي الضربه عجيتني اوي....صحيح ياهايدي... ايه سبب الكره ده.
هايدي... اناومبكرهش نوح ولا بحبه بس اللي يجي علي اخويا يتحمل بقي ومش حتت بت بنت موظف ملوش لازمه تعمل كده في اخويا وبما انه مش طايق نوح فقولت افرحه.واصلا العيله دي كلها بتكرهني مكنش في غير جاسر بس والفتره الاخيره دي جاسر اتغير من ساعت ما شاف البت الزباله دي وكل يوم كنت بتأكد اكتر...اصلا جاسر ميفرقش معايا هو بالنسبالي مان مجرد خزنه وطول عمره خاتم في صباعي بس تيجي بت بنت حرام تربيت ملاجئ علي اخر الزمن تاخد حاجه تخص هايدي الحديدي... تبقي بتحلم....ولما انها حبت تعلم يبقي اهلا بيها في ملعبي..وانا هخلبها تحب اللعب معايا اوي..
هههههههههههههههه...مكنتش اعرف ان قلبتك وحشه كده..
هايدي...مش انا اللي اتساب انا اسيب اه لاكن اتساب مش حلوه وعشان مين بت متسواش. ملهاش اصل.
متقلقيش اللي جاي خراب.... عالكل...ده لسه ضربتي اللي هتيجي لليل في مقتل...قريب..انا مش هخليه يلاحق عالضربات اللي جايه..اللي جاي جحيم... هخليه يجي راكع ويطلب الرحمه..لما يشوف كل اللي حواليه... واقعين جثث ادامه...
هههههههههه هههههههههه ههههههههههه ههههههههههه😡🙄
..............
جاسر...... انا نزلت للامن... قالو ميعرفوش مين اللي وصل الصور دي هنا..وراجعت الكاميرات... لقيته شاب مشفتوش قبل كده بس واضح انه مندوب. او تبع شركه توصيل راكب.. عربيه... ونمرها مش واضحه للاسف الشمس كانت ضاربه عاللوحه الصوره كانت مشوشه من النور...
ليل....اكيد اللي بعت مش هيبعت...حد معروف
جاسر...ايوه بس لو كنا وصلنا لرقم العربيه وقدرنا نعرف مين اللي بعته كانت هتفرق كتير..
ليل... وهو ماسك راسه....مش هتفرق كتير احنا تقريبا عارفين كل حاجه. مفاضلش غير...اننا نضرب ضربتنا..
ادم...يعني انت عارف ان نوح معملهاش يا ليل...
ليل...انا مش بس عارف انا متأكد...
ملامح الدهشه والاستغراب ظهرت علي ادم وجاسر
ادم...باستغراب...ولما انت متأكد انه مش نوح كان لزومه ايه اللي انت عملته ده من الاول...وليه عايزه يتجوزها...
ليل...هقولكم...منكرش اني اتصدت اول ما شوفت الصور فالاول خصوصا ان قبلها بيوم توتر نوح وخناقتي معاه.. كنت حاسه مش طبيعي وكأنه عامل عامله نور مجتش الشركه وتاني يوم مجتش شكيت ان في حاجه.. ولما شوفت الصور اتصدمت...للحظه حسيت انه عملها....
انهيار نور..واللي حصل كان كفيل يعميني بجد..
جاسر...طيب واتأكدت ازاي ان مش هو اللي عملها...
ليل...بابتسامه...شر...وخبث..اصل اللي عملها. وركب الصور غبي اوي.
ادم...ازاي....
ليل... طلع الصور...الصور اللي ادامكم دي اللي عاملها فوتوشوب صايع مفيش كلام... بس اللي خلاه يعمل فوتوشوب غبي....ليه بقي... من كلام نور ونوح... انهم كانو نايمين...بس فالصوره هما مفتحين...الغبي اللي دبر كل ده... ظاهر عين نوح بني... ونوح عينه خضرا..وعين نور... بني... وهي عينها عسلي...ولو هنقول ان الفلاش غير لون عينهم يبقي اقل واجب ان الفلاش يفتح عينهم مش يغمقها او يظهر زي ما بيعمل فالصور ويعمل نور في العين وده مش موجود الصور ظاهره طبيعيه وصافيه ولون العين طالع مفيهوش غلطه...بس دي مش عنيهم..
جاسر....يا ابن اللعيبه...
ادم...تصدق صح. ازاي مخدناش بالنا....
ليل...متقلقش انا خدت بالي عشان عارف الزباله اللي بلعب معاهم كويس...
ادم..طب ليه مصمم انه يتجوزها..
ليل...لكذا سبب...اولهم اللي بعت الصور فالجامعه وبعتها هنا... قاصد فضيحه واكيد الصور مش هتتبعت هنا وفالجامعه وبس...اكيد هتتسرب للصحافه عشان الفضيحه مش المقصود بيها نور. ولا نوح بعينه... المقصود بيها عيله السيوفي وليل السيوفي تحديدا...فا لما يحصل كده...الكل لازم يعرف ساعتها مين الوشخ اللي عمل كده...وعشان نور يتردلها حقها... اقل رد... يبرأها ان ده جوزها... وطبعا الصور خير دليل انها مش بتاعتهم...والدليل زي ما قولتلكم العين باينه ...
جاسر...تقصد يعني ان الموضوع انك تبرأهم بس...وبعد كده هيطلقو..
ليل...لا اولا اكيد اقصد اني ابرأهم واكيد عايز نور عينها تترفع...ده شرف ياجاسر...ودي بنت عم محمد ياجاسر اللي وصاني عليها قبل ما يموت... وانا بحفظ عرضه وبصونه...اما بقي موضوع الطلاق... ده مش بتاعي هما حرين...من كلامهم عرفت انهم بيحبو بعض...وعلي فكره...انا عارف من زمان ان نوح بيحب نور...واللي قاللي.. حاج محمد....
الراجل ده...مكنش مجرد موظف بالنسبالي الراجل ده كان في مقام ابويا بجد وكان اللي بيني وبينه اقوي بكتير مكنتش برتاح غير فالكلام معاه وهو كمان كان بيحكيلي كل حاجه...وفاكر....في يوم جه حكالي انه شاف نوح ادام مدرسه نور....
فلاش باااااك.
حاج...محمد...انا عايز اقولك حاجه ياليل.. ياابني
ليل...قول ياراجل ياطيب...
حاج...محمد...نوح...كان عند نور ادام مدرستها لمحته من بعيد بس هو مشافنيش
ليل...نوح...طب ليه...
حاج...محمد...دي تاني مره..مش مره وبس...
اول مره شوفته قولت يمكن جه صدفه كنت هروحله بس ملحقتوش ركب العربيه ومشي...
تاني...مره...شوفته... وروحتله. كان الموضوع بالنسبالي غريب ومحستهاش صدفه...والمرادي لحقته...بس اول ما شافني ارتبك....ومن ارتباكه...مقدرش يخبي...قاللي انه بيحب نور....
ليل بيحب نور؟؟؟!!!!
حاج...محمد...ايوه ياليل يا ابني ومش دي المشكله...
ليل...امال ايه المشكله..
حاج...محمد ان نور كمان شكلها بتحبه.
ليل...ايه...بس دول لسه صغيرين... وبعدين يحبو بعض ازاي هما بيشوفو بعض. انا افتكر انهم بقالهم كتير مشافوش بعض...من وهما لسه صغيرين.
حاج.محمد...ماهو اللي اكتشفته يا ليل يا ابني ان كل واحد فيهم بيحب التاني من غير ما يقول. لانوح عارف ان نور بتحبه ولا نور عارفه ان نوح بيحبها...بص انا عارف. ان بنتي لسه في سن مراهقه وانا من ناحيتي هقدر ابعد نور خالص بتفكيرها عن نوح...ولما نوح قاللي كده قولتله يسيبها عشان دراستها ولما تبقي تخلص نبقي نشوف. كان غرضي والله يا ابني اني ابعده لاكن انا عارف طبعا ان العين متعلاش. عن..قاطعه ليل..
ليل...بس بس بس ايه اللي بتقوله ده بس ياراجل ياطيب..احنا نطول اصلا ننول شرف نسبك بس كل الحكايه زي ما بتقول انهم صغيرين مش اكتر.وبالاخص نور...
حاج..محمد ربنا يكرمك يا ابني المهم مش عايزك تعرفه عشان ميزعلش مني بس انت عارف انا مبخبيش عنك حاجه انت ابني اللي مخلفتوش ياليل..
ليل...عارف يا راجل ياطيب...عموما اطمن...
........بااااااااك
ليل...بس انا عمري ما قولت لنوح لحد يومنا ده عشان كنت عارف انه شويه وهيش ف غيرها وهي هتكبر وتحب مكنتش اعرف انهم هيفضلو متمسكين ببعض عشان كده بتمني انهم يكملو ...
جاسر....ان شاء الله مله هيعدي..
ادم...طيب انت هتقول ايه لماما.
جاسر...اه صحيح انا مفكرتش في الحوار ده
ليل...سيبوها عليا...هي لازم تعرف الحقيقه مينفعش تعرف حاجه تانيه خصوصا اني واثق ان ممكن الصور توصلها او تعرف الفتره الجايه..
جاسر...يعني اقول انا كمان..
ليل...طبعا عمي لازم يعرف. وطنط مني كمان ..وخليهم يفضو نفسهم عشان يجو معانا انهرده..
ادم...بلاش عشان نور متبقاش محرجه.
ليل...بالعكس لازم يجو من البدايه عشان نكسر الحته دي من اولها خالص. وتقدر تتعامل نور معاهم. متبقاش حاسه انها مخبيه حاجه...
جاسر...تمام...عموما انا هخلص شويه شغل واطلع عالميتنج بسرعه واروح عالڤيلا اعرفهم واكلمك نتقابل ونروح سوا..
ليل...تمام...
............... خلص اليوم بسرعه
طول اليوم نور حابسه نفسها فالاوضه...مبطلتش عياط...مش عارفه تصدق ان نوح عمل كده او لا لاكن كل اللي كان مسيطر عليها. ان هو دمرها...
حاولو البنات يكلموها بس هي كانت رافضه...فا فضلو يسيبوها براحتها....
نوح...مكنش ظهر كل ده من ساعت ما مشي من الشركه.....
...........ليل... روح و حكي كل حاجه لوالدته اللي اتصدمت بس كانت من غير ما ليل يأكدلها من الصور انه مش نوح اللي عمل كده...هي كانت مصدقه ان ابنها لا يمكن يعمل كده...كان صعبان عليها نور والحال اللي وصلتله بعد موت ابوها...والصدمات مش رحماها...ورحبت بفكرت جوازها وارتاح ليل ان محصلش منها اي اعتراض....
اما جاسر...فا عرف والده ووالدته باللي حصل. وكانت الصدمه اثرها عليهم هما كمان متقلش. عن صدمه الجميع.....

وجه الوقت اللي الكل مستعد فيه. انه يروح.....ولسه نوح
مظهرش...
وقرر ليل... يكلمه اخيرا.....
ليل.....الووووووو..
........الووووووو..