دار الايتام

دار الايتام البارت السابع والعشرون

ليل... روح و حكي كل حاجه لوالدته اللي اتصدمت بس كانت من غير ما ليل يأكدلها من الصور انه مش نوح اللي عمل كده...هي كانت مصدقه ان ابنها لا يمكن يعمل كده...كان صعبان عليها نور والحال اللي وصلتله بعد موت ابوها...والصدمات مش رحماها...ورحبت بفكرت جوازها وارتاح ليل ان محصلش منها اي اعتراض....
اما جاسر...فا عرف والده ووالدته باللي حصل. وكانت الصدمه اثرها عليهم هما كمان متقلش. عن صدمه الجميع.....

وجه الوقت اللي الكل مستعد فيه.  انه يروح.....ولسه نوح
مظهرش...
وقرر ليل... يكلمه اخيرا.....
ليل.....الووووووو..
نوح.....ايوه ياليل.
ليل...انت فين كل ده احنا المفروض طالعين علي نور.ولا مش ناوي تيجي.
نوح...انا واقف تحت البيت عندها...
ليل....تمام...احنا خارجين..الوقت هعدي اجيب المأذون وهنيجي علي طول.
نوح...تمام...
ليل...سلام
نوح..سلام
سهام والدته...ايه ياليل فين نوح.
ليل...تحت البيت هناك
سهام...يعني هو كويس
ليل...ايوه يا امي متقلقيش
ادم...ليل.  خف علي نوح شويه عشان خاطري
سهام...اه ياليل من فضلك الموقف ياحبيبي اللي هو فيه مش محتاج ضغط اكتر من كده.خصوصا اننا كلنا عارفين ان هو مظلوم يبقي ليه ندمره نفسيا اكتر مش كفايه اللي هو فيه.
ليل...حاضر يا امي..يلا بينا بقي عشان منتأخرش...
خرجو من الڤيلا ركب ادم عربيته. وركب ليل ومعاه والدته..
.......
سراج.والد جاسر....يلا يا جاسر هنتأخر..
جاسر...وهو بيخرج من اوضته...حاضر انا جاهز خلاص فين ماما.
مني ...وهي بتخرج من اوضتها...انا اهو ياحبيبي...مش كنتو رحتو انتو
جاسر...ليه يا امي مينفعش طبعا.
مني...مش عايزه البنت تكون محرجه او حاسه ان في كذا عين عليها وتتوتر وتضايق اكتر..
جاسر...مينفعش يا امي لازم نكون معاهم ولازم تكوني انتي كمان مع طنط سهام. انا معرفش لحد الوقت ايه موقفها من بعد ماليل قالها..
مني...سهام طيبه واكيد مش هتقبل باي حاجه غير الجواز اكيد هتتصدم بس عمرها ما هترفض مبدأ الجواز دي بنت يا ابني.
سراج...مش عارف ايه اللي بيحصلنا الفتره دي بس.
جاسر...خير ان شاء الله ياحبيبي كل حاجه هترجع زي الاول واحسن...وعيله السيوفي هتفضل زي ماهي
سراج....يارب ياجاسر..
مني...يارب خير ان شاء الله
جاسر...طب يلا بقي بينا ادم كلمني قاللي انهم خرجو من الڤيلا هيعدو يجيبو المأذون.ويطلعو علي هناك
سراج...طب يلا بينا عشان نوصل مع بعض.
........
عشق....يلا يا نور عشان خاطري قومي اجهزي الناس زمانهم جايين باحبيبتي..
نور...بانهيار...مش هقوم ياعشق...مش هتجوزه لو ايه حصل
تمارا...ايه اللي جرالك يانور... مش ده نوح اللي بتحبيه اللي بتتمني تكوني معاه.
نور....كان زمان ياتمارا قبل ما اعرفه علي حقيقته. قبل ما يموتني بالحيا..
زهره...نور ياحبيبتي مينفعش اللي بتعمليه ده الناس جايين خلاص وده احسن ليكي عشان اللي حصل فالجامعه ياستي لو مش عايزه تكملي بعد كده زي ماليل قالك ابقي سبيه بس الجواز الوقت في مصلحتك.
عشق...نور..انتي بتثقي فيا صح...وانتي عارفه اني اكيد عمري ماهتمنالك حاجه وحشه..والله يانور...نوح برئ. انتي مشوفتيهوش وهو بيتكلم والله يانور هو مظلوم زيك
نور...بدموع.  الكلام مفيش اسهل منه ياعشق...ومش كلمتين اللي يخلوني اصدقه...انتي مش حاسه باللي فيا ياعشق...انا حاسه انوفي حد مخرج قلبي وبيقطع فيه.  انا قلبي واجعني اوي ياعشق..
خدتها عشق في حضنها وهي بتعيط معاها..
تمارا...طب عشان خاطري بس يانور قومي البسي اي حاجه هما هيخلصو ويمشو وبس حقك يرجع اعملي اللي يريحك بعد كده بس يبقي حقك رجع وتقدري ترفعي راسك وتحطي صباعك في عين اي حد يكلمك...
نور...ارفع راسي ازاي..وحق ايه اللي هيرجع...طب اللي نوح خده هيرجع ازاي...
عشق...طب عشان خاطري بس.. قومي البسي يلا... واهدي كده شويه. انتي هيجرالك حاجه من العياط ده انتي مبطلتيش عياط حبيبتي بقالك يومين..
نور...ياريت يجرالي حاجه واموت وارتاح...
عشق...بعد الشر متقوليش كده تاني..
نور...الموت مش شر ياعشق...النوت راحه للي زيي. اوي.  عالاقل تبقي جت رحمه من عند ربنا انا فكرت اموت نفسي واخلص بس حتي دي انا اضعف كتير من اني اعملها...
تمارا...وتموتي كافره يانور.
عشق...متقوليش كده يانور.  ربنا ليه حكمه فاللي حصل ده احنا لسه منعرفهاش..ربنا مش ظالم يانور...ربنا بيعمل لكل واحد فينا اللي في مصلحته يمكن اللي انتي فيه ده صعب اوي...ومفيش حد يستحمله...بس اكيد مع الوقت هتعرفي ان ربنا كان ليه حكمه تانيه..
زهره...يلا يابنات نسبها تجهز علي بال مايجو......
عشق...يلا يانور.. احنا هنخرج وانتي حبيبتي يلا اجهزي..
خرجو البنات وسابوها فالاوضه تجهز....
..............
اما عند نوح... فا كان اعد فالعربيه... حزن الدنيا علي ملامحه...قافل شبابيك العربيه..مرجع راسه لورا...بيشرب سجاير لدرجه العربيه مش باينه من الدخان...من كتر السجاير اللي شربها...من ساعت ما خرج من الشركه وهو بيلف فالشوارع كلها...راح بيت نور في خان الخليلي راح المدرسه وقف فالمكان اللي كان بيقفلها فيه...راح تحت البيت اللي نور. كانت فيه وفضل واقف تحت يبص عالشقه فيها نور او حركه ولا لا.وفالاخر لما ملاقاش اي حد قرر يطلع يخبط. طلع ادام الشقه والغضب كان عاميه..فضل يخبط بغضب..لحد ما باب الشقه اللي فيها الست فتحت..
الست...مين  في ايه ليه بتخبط كده...لف نوح وعلب وشه معالم التعب والحزن....
الست...ابه ده مش انت الشاب اللي جيت امبارح  مع اللي اداني الكارت.....
نوح...بحزن ايوه انا.
الست...انتو شألتو علي هاني وقولتلكم انه مش بيجي كتير..ولو جه هبلغكم..
نوح...سند دماغه عالحيطه وغمض عينه بقله حيله وتعب
الست...انت كويس يا ابني...قوللي او ممكن اساعدك في حاجه.
نوح.....انا كويس يا امي..
الست...طيب تعالي يا ابني اتفضل جوه شويه ارتاح شكلك تعبان...وقوللي في ايه وعايز هاني ليه يمكن اقدر اساعدك.
دخل معاها نوح. من غير اي اعتراض وكأن الست دي كانت طوق نجاه ليه. ومصدق لقاها عشان يتكلم لانه كان محتاج يتكلم جدا ويرتاح من الوجع اللي حاسس بيه...
الست...تعالي يا ابني اتفضل. اعد
نوح...اعد.عالكنبه.  شكرا.
الست...تشرب ايه
نوح...لا شكرا ولا حاجه.
الست...لا طبعا لازم تشرب...
نوح...ممكن طيب كوبايه مايه.
الست...حالا...وغابت خمس دقايق ورجعت لقت نوح ساند ايده الاتنين علي وشه..
الست.....انا عملتلك بقي كبايه لمون تهديك شويه
نوح.....شكرا يا امي ملهوش لزوم تعبتك
الست...تعبك راحه يا ابني...قوللي بقي ايه حكايتك وعايز هاني ليه... او مش عايز براحتك بس انا حاسه ان في حاجه كبيره بخصوص هاني ده اصله ميجيش وراه خير وصراحه انت شكلك ابن ناس ومش شبهه.
نوح...اشمعني..
الست...يعني اصل بيأعد بالمده مبيجيش ويوم مايجي يكون معاه بنات وشباب ولحد الصبح صوت ضحكهم بيبقي طالع... وازايز خمره مرميه بشوفها لما يخرج الباسكت قبل ما يمشي...وللاسف مفيش فالبيت كله غيري انا اغلب سكان العماره. مش هنا اللي مسافر واللي واخد شقه بره...مفيش غيري ساكن هنا وهو يعني حتي لو حابه ابلغ مينفعش لاني لوحدي.  انا جوزي متوفي ومعنديش غير ولد واحد متجوز ومسافر بره ...المهم هتقولي ايه حكايتك ولا مش عايز تحكي
نوح....بالعكس... انا محتاج احكي جدا حاسس اني لو متكلمتش هيجرالي حاجه.
الست...بحنان...بعد الشر عنك با ابني متقولش كده ربنا بحميك لشبابك. طب انت عارف انا حبيتك زي ما تكون ابني وقلبي اتفتحلك انا فالعادي عمري ما بدخل اي حد عندي لان زي ما انت شايف كده انا لوحدي. بس الشهاده لله انا ارتحتلك..
نوح...ربنا يخليكي يا امي...انا هحميلك حكايتي عشان حقيقي محتاج حد يسمعني لان كل اللي حواليا مدونيش الحق اني ادافع حتي عن نفسي...
الست...بطيبه...قول يا ابني. انا سمعاك.
نوح..... مبدأيا كده يا امي انا معرفش مين هاني ده ولا عمري شوفته..
الست...ازاي امال انت بتيجي تخرط علي شقته دي ليه..
نوح...لاني عايز اعرف هو يعرفني منين او مين اللي وراه...انا هحكيلك...وابتدا نوح يحكي كل حاجه للست دي بالتفصيل...من البدايه لحد اللحظه اللي هو اعد معاها فيها...
نوح....بس يا امي دي كل حكايتي.  ودي كل مشكلتي مع اللي اسمه هاني ده اللي انا ولا اعرفه ولا عمري شوفته.  واللي لحد الوقت معرفش ليه عمل كده...
الست...بصدمه..لا إله إلا الله هو في حد بالشر ده...ايه اللي احنا فيه ده ياربي...معقول في ناس كده...قلبي معاك يا ابني اللي انت فيه ده محدش يستحمله  والبنت الغلانه دي ايه ذنبها بس...انا من اول ما شوفتك انت والشاب اللي معاك وانا حاسه ان في حاجه بس عمري ما تخيلت يكون الموضوع كده...بص انا هقولك حاجه لنا جيتو امبارح..واديتوني الكارت صراحه مكنتش هتصل غشان ميحصليش مشكله وانت شايف انا ست كبيره قولت يمكن تعرفوه وفي بينكم مشكله نصب عليكم عمل اي حاجه ولو اني كنت شاكه ان انتو تعرفوه لاأنتو شكله ولا هو شكلكم... وخفت قولت بلاش اتدخل في حاجه بس بعد اللي قولتهولي ده انا مش هتخلي عنك يا ابني وهساعدك وطول الوقت هفضل اراقب شقته واي وقت هحس بحركه فالشقه هبلغك متقلثش... خصوصا ان شباك المطبخ بتاعي ادام مطبخه وبشوف النور بتاعه لما يتفتح...
نوح....ياريت ياأمي تبقي عملتي فيا جميل عمري ما هنسهولك ابدا.
الست...اطمن...هساعدك...ومش عشانك انت بس عشان البنت اللي دمرها دي... ياريت يا ابني مسبهاش ومتزعلش من الكلمتين اللي قالتهم وقت غضب... اللي هي فيه ده مفيش حد يقدر عليه دي مصيبه. كبيره وحملها تقيل... الواحده مننا لما بتحب يا ابني عمرها ما بتكره بسهوله.  يمكن علي اد ما هي الوقت تعبانه وكرهاك زي ما بتقول بينها وبين نفسها مبتتمناش حد يطبطب عليها غيرك الوقت.واكيد مع الوقت هتعرف انك برئ....
نوح...انا مش زعلان منها يا امي انا بعمل كل ده عشانها يمكن مش هاممني ان صورتي تكون احسن عندها اكتر مانا عايز ارجعلها حقها..من اللي عمل فيها كده...
الست...هترجعلها حقها وتثبت برائتك. والدنيا هتتحسن بينكم ان شاء الله.  واوعي تزعل من الابتلاء اللي انت فيه ده...يمكن تكون مأثر في حق ربنا يا ابني ومحتاجك تفوق وترجعله فا حطك فالابتلاء ده عشان تلجأله...صلي وادعيله كتير...ربنا مفيش احن منه علينا..
نوح...ونعم بالله عندك حق...انا اسف طولت عليكي بس كنت محتاج اتكلم اوي...وحقيقي ارتحت جدا لما اتكلمت معاكي.
الست....ربنا يريح قلبك يارب.. وينور بصيرتك وينصرك علي اي ظلم اتعرضتله الفتره دي.
نوح....يااااه اهو انا مش محتاج غير الدعوتين دول.
الست...متقلقش انا هفضل مراقبه الشقه بس اديني رقمك بقي.
نوح...حاضر... اتفضلي ده الكارت بتاعب
الست...طب ينفع تسجلهولي عالموبايل عشان لو جه مفضلش ادور عالكارت  واتصل بيك علي طول..
نوح..حاضر يا امي...مسك نوح الموبايل وكتب اسمه.  ورن عليي نفسه انا سجلتهولك يا امي وكتبتلك اسمي انا اسمي نوح...ورنيت عليا اسجل اسم حضرتك بايه...
الست...عاشت الاسامي يا ابني... سجله... باسم حاجه فاطمه
نوح...ماشي يا امي تؤمريني بحاجه
الست...سلامتك يا ابني نورت..واي وقت تكون محتاج تتكلم تعلالي علي طول انا زي مانت شايف لوحدي عالاقل يكون حد بيسأل عليا
نوح...انا عيني ليكي يا امي...بعد اذنك
الست...اتفضل با ابني..
نزل نوح من عند الحاجه فاطمه
فضل يلف كتير وفالاخر راح وقف تحت البيت عند نور لحد المعاد اللي ليل حدده..كان حاسس بوجع.  اول مره يحسه كان صعبان عليه نور والحال اللي وصلتله...كان زعلان انها شكت ان هو اللي عمل فيها كده... كلمتها ليه وهي بتقوله انا بكرهك كأنها سكينه بتضرب في قلبه...بس كان فالنفس الوقت مديها عذرها...وعارف ان اللي مرت بيه اصعب من ان حد يتحمله...كان صعبان عليه من ليل... مش عشان مد ايده عليه ولا اتعصب وغضب منه. كان صعبان عليه انه شك فيه ومدالوش فرصه حتي يدافع عن نفسه.. ولا فكر انه يسأله الاول بهدوء...
................
عدي الوقت بسرعه....واخيرا وصل ليل ومعاه المأذون... ووصل جاسر بعد ما قابل ليل في وسط الطريق.
....ادم...عربيت نوح هناك اهي... شكله نايم ده ولا ايه.
ليل... روح ناديله يلا خلينا نطلع
راح..ادم علي عربيت نوح..خبط عالازاز...
انتبه نوح...فتح باب العربيه...
ادم...ايه ده يا ابني الدخان ده كله وقافل علي نفسك انت كده يجرالك حاجه..
نوح...بحزن...يلا
ادم....يلا هما هناك واقفين مستنينك...
خرج نوح من العربيه. وقفلها. وعدي الشارع مع ادم..
سهام...اول ما شافته...نوح..حبيبي انت كويس
نوح...بخير يا امي.
سراج...ازبك يا نوح
نوح...بخير يا عمي.
ليل....بحزم يلا عشان منتأخرش..
مسكت سهام في ايد نوح...نوح ليل حكالي علي اللي حصل انا مصدقاك ياحبيبي.
نوح......بحزن وبصوت مسموع وصل لسمع الكل شكرا يا امي.. كويس ان في حد مصدقني...
بصتله سهام بحزن علي حال ابنها اللي كان مبيبطلش ضحك وهزار...
بص جاسر وادم لليل اللي كان مش مدي اي اهتمام لكلامه.
ركبو الاسانسير...وطلعو....ثواني وكان الكل واقف ادام باب الشقه...
رن...ليل جرس الباب.
........
زهره....ايه ده شكلهم جم...
عشق...روحي افتحي يازهره بسرعه
تمارا...طب ونور اللي جوه دي ورافضه تطلع هنعمل فيها ايه...
عشق...افتحو بس الاول وربنا يحلها ويعديها علي خير...
راحت.....زهره...بسرعه ادام الباب. كان قلبها بيدق بتوتر. وكأنها هي اللي فالموقف مش نور..
فتحت زهره الباب...وكان ادامها ليل سادد الباب بجسمه وطوله شكله لوحده يرعب...
ليل...ازيك يازهره..
زهره...بارتباك...انا انا تمام الحمد لله
ليل... ايه ندخل
زهره...وهي بتخبط علي اورتها...ااه اه طبعا اتفضلو اسفه
دخل ليل... وادم..
ادم...ازيك يازهره...
زهره.....الحمد لله اتفضل...
دخل جاسر...ووراه المأذون ووالدت جاسر ووالده... وكلهم بيسلمو علي زهره...وهي واقفه متنحه مش متخيله ان كلهم جم واشفقت علي نور...
ودخل اخر واحد.  نوح اللي شكله مان يحزن...
نوح...ازيك يازهره.
زهره....ازيك انت يانوح اتفضل..
دخلو كلهم وكان في استقبالهم عشق..وتمارا...
سلمو عليهم كلهم... وعرفهم جاسر بوالدته اللي كانو كلهم اول مره يشوفوها...
عشق...اهلا بحضرتك نورتو..
اعدو كلهم....كان الجو العام ملئ بالتوترعالجميع...
ثواني وجت تمارا وزهره بالعصير والميه. وحطوها عالتربيزه.
حاول سراج... يفك التوتر اللي البنات فيه...
سراج...ازيكم يابنات عامليين ايه
عشق...بخير حضرتك.
سراج...مشوفتكمش من مده
عشق...احنا موجودين بس عشان الشغل بقي
سراج...ربنا معاكم... الشباب بيقولو انكم شاطرين في شغلكم جدا.
عشق...شكرا لذوق حضرتك هما مش مأثريين بصراحه ده بفضلهم...وبصت علي ليل اللي كان عينه عليها بابتسامه بسيطه... لغبطتها وهي بتتكلم وافتكرت بوسته ليها فالمكتب حست بالاحراج اول ما عينها جت في عنيه. وحس ليل هي فكرت في ايه...فبعد عينه عنها عشان متتلغبطش اكتر من كده...
تمارا... اتفضلو العصير...
سراج...هو يعني لو مفيهاش تعب... ممكن قهوه. انا مليش فالعصير.
تمارا...طبعا قهوه حضرتك ايه.
سراج...مظبوط...
تمارا... طيب في حد عايز قهوه
جاسر... انا كمان قهوه ياتمارا..
تمارا...حاضر.. ومبصتش في عينه عشان ميبنش عليها الارتباك...هي كمان من اللي حصل بينهم الصبح...
وطلب الشباب قهوه ماعادا نوح..اللي كان اعد ساكت وكأنه في دنيا تانيه
تمارا...لسهام.. طيب وحضرتك ياطنط..
سهام...لا ياحبيبتي انا مش عايزه هشرب العصير.
تمارا...وحضرتك ياطنط.
مني...شكرا ياحبيبتي انا كمان هشرب العصير.
تمارا... ماشي ثواني والقهوه تكون جاهزه...
وراحت تعملهم القهوه...
المأذون...ايه ابتدي الاجراءات.
ليل... ابتدي ياشيخنا يلا...
المأذون... عايز بطاقه العريس والعروسه..
قام نوح من غير ولا كلمه طلع محفظته من جيبه.  وطلع البطاقه ومد ايده للشيخ في سكوت مميت...
ليل... عشق.. هاتي بطاقه نور... وخليها تيجي.
عشق... بتوتر وهي بتبصلها وترفع كتفها بقله حيله...
حاضر...
زهره.. راحت ورا عشق...
عشق...خليكي يازهره مع الناس
زهره...حاضر رجعت زهره اعدت
وحس..ليل ان في مشكله بس التزم السكوت..
دخلت عشق... عند نور لقتها اعده عالسرير.. لابسه بنطلون چينس اسود وتيشرت اسود بكم ومش لابسه طرحه اعده عالسرير ضامه رجلها لصدرها ومنهاره من العياط.. وبتهز جسمها بتوتر جامد...
عشق...نور... انتي لسه ملبستيش الطرحه يلا حبيبتي الناس بره المأذون عايز بطاقتك وعايزك عشان يتمم الاجراءات.
نور... مش هخرج مش هتجوزه ياعشق.
عشق...نور. عشان خاطري قومي استعيذي من الشيطان حبيبتي ويلا مش ناقصين حاجه تحصل تاني...خلينا نعديها علي خير...
نور...لو هموت مش هتجوزه ياعشق... اخرجي قوللهم اني مش هتجوز اخرجي وسيبوني في حالي بقي كفايه اللي حصل..
عشق... عشان خاطري يانور.
نور...عشان خاطري انا سيبيني...
خرجت عشق.. بره اوضت نور... وقفت بقله حيله مش عارفه تعمل ايه... بتحاول تمسح دموعها اللي بتنزل بحزن علي نور...مسكت موبايلها واتصلت بليل اللي ملاقتش غيره ادامها فالموقف ده...
رن... موبايل ليل... طلعه من جيبه وشاف رقم عشق.  وعرف ساعتها.  ان احساسه صح...
ليل... بعد اذنكم. ثواني وقام بعيد عنهم شويه.
ليل... ايوه ياعشق.
عشق.... ليل نور مش راضيه تخرج ابدا مش عارفه اتصرف وهي منهاره.
ليل.. طيب اقفلي انا جايلها بس اقفيلي بره عشان معرفش اوضتها.
عشق... انا بكلمك من بره اوضتها طيب تمام اقفلي...
قفل ليل مع عشق... وبكل ثقه مشي. بخطواطه الثابته عالمكان اللي بيودي للاوض.  وكان بديهي ان الكل يعرف اللي حصل....
ليل...وصل لعشق... هي لابسه
عشق... مش لابسه الطرحه.
ليل...طيب ادخلي لبسيهالها بسرعه وعرفيني.
عشق... حاضر ثواني...
دخلت عشق... علي نور مسكت طرحتها ادتهالها...نور.  البسي طرحتك ليل واقف بره الاوضه عايز يدخلك...
نور اعده مش بتدي اي ريإكشن غير انها بتعيط وبس ماسكه رجلها واعده تهز نفسها.. قربت منها عشق.  وحط علي راسها الطرحه... ومعرفتش تربطهالها اكتفت بس انها تحطها علي شعرها....
راحت. عشق فتحت الباب. اتفضل..
دخل... ليل مع عشق  اللي فضلت واقفه بعيد...مشي ليل ناحيه نور... اللي حالها يوجع القلب...قرب منها ليل واعد جمبها علي كرسي..
ليل... نور... انا عارف ان مفيش اي حاجه اقدر اقولهالك وعارف ان الموقف اللي انتي فيه واجعك اوي. بس عشان تطلعي من الموقف ده لازم الخطوه دي تتم وانا قولتلك الصبح لو بعد كده عايزه تسبيه انا اول واحد هكون جمبك...
نور...اخيرا اتكلمت...بانهيار وعياط... عشان خاطري ياليل. بلاش تخليني اتجوزه انا خلاص مش عايزه منه اي حاجه ولو عاللي حصلي انا راضيه باللي ربنا كاتبهولي ولو عالفضيحه اللي اتفضحتها.  انا رضيت بيها هي كمان وخلاص انا اتفصلت من الجامعه يعني مش محتاجه اخرج..وهفضل طول الوقت محبوسه لا هخرج ولا اشوف حد ولا حد يشوفني..
ليل... وليه ده كله يا نور... ليه منصلحش اللي حصل ليه متروحيش جامعتك وترفعي راسك انا طول عمري اعرف عنك من عم محمد انك مش ضعيفه ومش بتستسلمي بسهوله...ايه الاستسلام اللي انتي فيه ده..
نور....انا انتهيت ياليل خلاص الاول مان عندي اللي يخليني مش ضعيفه بس الوقت خلاص كل حاجه راحت واتهديت...
ليل... لا يانور.  مفيش حاجه راحت يلا قومي اغسلي وشك وقومي معايا.  وصدقيني هعمل كل حاجه ترجع عالاقل جزء من حقك. ومن بكره هتلاقي الجامعه كلها بتقدملك اعتذار..ودي تبقي اول حاجه عملتهالك...
نور.....والنبي ياليل بلاش والنبي مش عايزه اتجوز نوح.  ورحمه بابا لو مان غالي عندك..
ليل... بشفقه علي حالها...صدقيني هو لو كان عايش مكنش هيعمل غير كده.  وقام وقف ليل. ومسك ايدها يشدها من عالسرير... قامت نور باستسلام وهي منهاره...عشق واقفه من بعيد تمسخ دموعها في صمت..
نور... عشق.. قوليلو حاجه والنبي مش عايزه اتجوز نوح...
والنبي ياليل... قربها ليل. من حضنه... وانهارت نور... فاللحظه دي وخرجت كل شحنتها من الوجع...
طبطب. ليل علي ضهرها... نور انتي يمكن تكوني مبقتيش تثقي في حد بس طالب منك انك تثقي فيا حتي لو مره واحده.   انا اخوكي الكبير زي ما اتفقنا يعني لازم تسمعي كلامي... وعايز اقولك اني معاكي انتي مش مع نوح.. بس كمان عايز اقولك اني عارف ان نوح ميعملهاش. ابدا. مش بدافع عنه بس عندي دليل خلينا بس في الوقت وهفهمك كل حاجه...
عشق... قربت منها... وهي بتعيط طبطت علي ضهرها.. يلا يانور اسمعي كلام ليل..
مسحت نور.. دموعها. وظبطت عشق من شكلها.. ولفتلها الطرحه تداري شعرها..
ليل... يلا يانور..ومدلها ايده.
هزت..نور.. راسها بقله حيله...ومسكت ايده..وجابت عشق. بطاقه نور من شنطتها وخرجو من الاوضه...
نور...ماشيه في ايد ليل ايدها متلجه ضربات قلبها سريعه جدا..ماشيه معاه كأنه واخدها لقبرها.....اليوم اللي حلمت بيه بالنسبالها كان اصعب يوم في حياتها....
خرج بيها ليل.   ادام الجميع... اول ما نوح شافها.  اتصدم من شكلها اللي يشبه الاموات واقفه في ايد ليل كأنها ميته موطيه راسها....منظرها قتله. بعد ما شافها موطيه..
وقف الكل اول ما شافوها...
ليل... قرب بيها مكان ما هما اعدين...قربت منها سهام...ومن غير كلام خدتها في حضنها.ازيك يانور.
نور...بألم الحمد لله
مني... ازيك يانور..  انا مامت جاسر..
نور...اهلا بحضرتك...
مني..اهلا بيكي ياحبيتي.
سراج...ازيك يانور..مبروك يا احلي عروسه.
نور...شكرا..
سلم عليها الكل...وكل ده نور موطيه راسها...
ليل.. مسكها من ايدها.. تعالي يانور. اعدي.. واعدها جمب المأذون ادام نوح...
اعد الجميع....واخر واحد اعد نوح..وعينه مفارقتهاش لحظه...فضلت نور.. تلعب في صوابعها بتوتر بتهز رجليها عنيها فالارض..
عشق..ادت المأذون بطاقه نور...
قرب. المأذون من نوح الدفتر عشان يمضي مكان ما بيقوله المأذون.  وثواني وخلص...قرب المأذون من نور الدفتر.. وسألها... موافقه يا انسه نور عالزواج...سكتت بوجع.. الكل اتوتر وفضلو يبصو لبعض... اخيرا ردت... ايوه  ومسكت نور القلم من ايد ليل. بأيد بتترعش. الكل عينه عليها...غمضت نور عينها بوجع واخيرا ابتدت تمضي. خد منها ليل الدفتر اداه للمأذون
المأذون... مين وكيل العروسه...
بص الكل لبعض....بحزن... نزلت دمعه. الم. من نور.. وهي بتغمض عنيها بوجع. اشفق عليها الجميع.. واتعصر قلب نوح عليها...
ليل....انا وكيلها وبص لنور.. موافقه يانور..
هزت نور دماغها بالم..
المأذون... علي خيره الله...وابتدا المأذون يقول كلام...وحط نوح ايده في ايد ليل...وابتدت اجراءات الزواج...
المأذون بارك الله لكما وجمع بينكم في خير مبروك
الكل مبروك..
ليل... متنساش ياشيخنا.  تحط التاريخ اللي قولتلم عليه.
المأذون ... متقلقش. زي ما طلبت هعمل.
ليل... اقدر اخد القسيمه امته
المأذون.. ممكن بكره تاخد قسيمه مؤقته لحد ما القسيمه تطلع.
ليل... لا معلش هتعبك معايا يا شيخنا وطبعا اللي هتقول عليه وتطلبه هديهولك وزياده حاول بالكتير بعد بكره تكون معايا القسيمه...
المأذون... حاضر هحاول.
ليل... تراضي اي حد يقف فيها المهم تكون معايا وانا معاك في كل اللي هتدفعه..
المأذون. بأمر الله.   استأذن انا.
ليل.. اتفضل وصله للاسنسير يا ادم...
خرج المأذون....ورجع ادم بعد ما وصله...
الكل ساكت. مفيش كلام...
قطع السكوت ده.  سراج
سراج...اسمحولي بس اقول كلمه...انا عارف يانور النوقف اللي انتي فيه ده صعب ومقدر شعورك... بس كمان عايزك اقولك ان نوح ميعملش كده...الفتره دي الكل بيحاول يضرب فينا عشان نقع وكيان السيوفي يتهد وللاسف اللي بيضرب ده طايح في اي حد يخصنا.. يمكن انتي تقولي بينك وبين نفسك انا مالي ومالكم وماللي باعدائكم عندك حق بس ده تفكيري وتفكيرك وتفكيرنا كلنا لاكن اللي عايز يوقعنا ميقصدش يوقعنا بس كا ممجموعه وكيان السيوفي ده عايز يضربنا كا عيله في بعض عايز يضربنا في اي حد قريب باختصار عايز يدمرنا فش شغلنا وفحياتنا وانتي من ضمن الناس اللي موجوديين في حياتنا ...انا عارف ان كلامي لا هيقدم ولا بأخر بس الخطوه دي كانت لازم تحصل بأي شكل من الاشكال مش عشان شكل عيله السيوفي لا عشانك وعشان سمعتك.وعشان انتي بنت راجل غالي علينا...فهماني يانور..
هزت..نور دماغها من غير ما تبص كانت باصه بعنيها لبعيد بشرود...
سهام...بحنان نور... من انهرده انتي بنتي وعلي فكره بقي انا مبسوطه اوي ان القمر ده كله هتبقي مرات ابني
نور....شكرا...
ليل....ياريت الكل يسمعني كويس خلينا بقي فالكلام الجد...
بص الكل لليل...
ليل... الكلام اللي هقوله الوقت... مهم لعيلتنا..ومهم ليكم انتو كمان. ومن انهرده عيلتي زادت اربع بنات. وبص للبنات.. عشق تمارا نور زهره... دي عيلتي اللي معنديش غيرها الشباب انتو طبعا عارفنهم وامي وعمي سبق واتعرفتو عليهم قبل كده...مرات عمي ومامت جاسر..دي اول مره تشوفوها وبكده انتو اتعرفتو علي عيلتي كامله...
الكلام اللي هقوله. الوقت هيتنفذ... مفهوم يانور..
هزت نور دماغها..
ليل...مفهوم يانوح...
نوح...مفهوم...
ليل... بكره او بعد بكره بالكتير هتكون قسيمه الجواز معايا
بعد بكره الصبح...هطلع انا ونوح وجاسر وادم..علي جامعه القاهره... وهتكون نور معانا...
هندخل علي عميد الجامعه... واللي حصل فالجامعه هيتصلح وقتي وانا واقف...ودي هتبقي اول خطوه حقك يرجع بيها يانور...ومفيش حد من بعدها هيرفع عينه فيكي ...ولو حصل. ساعتها انا اللي هقتله بايدي ادامك...
انا طلبت من المأذون يكتب القسيمه بتاريخ قديم..التاريخ ده من بعد وفاه عم محمد بعشر ايام...
ركزو بقي في الملام اللي هقوله ده عشان الكل يكون عارفه عشان بعد الاعده دي مش هيتعاد تاني...
نوح...متقدم لنور. قبل وفاه عم محمد... وكان هيتقدملها رسمي بس اللي حصل لعم محمد خلانا اجلنا... وبعد وفاته مكنش ينفع نور تكون لوحدها ومكنش في اي طريقه نور تيجي بيها الڤيلا غير لو حصل جواز فا عملنا كتب كتاب.. لحد ما تعدي فتره ونعمل اشهار وفرح...  واللي حصل معاكم امبارح.. هيتقال.  نوح جاي يجيب نور... من جامعتها.. نور.  هتحكي اللي حصلها ونوح هيحكي اللي حصله... واللي عمل كده لسه بالنسبالنا شخص مجهول حب يوقعهم في بعض... لسببين ملهمش تالت... اما حد معجب بنور وعرف حقيقه ارتباط نور بنوح فاحب يوقعهم في بعض عشان نور تسيب نوح. وهو يقربلها او حد بيحاول يدمر سمعت عيلتنا...الكلام ده بالحرف مش عايز حد فيكم ينسي منه اي كلمه مفهوووم.
الكل ..تمام..
ليل... وعشان نتمم الخطوه دي في خطوه قبلها لازم تتم..
بص الكل بترقب لليل...
ليل.... نور.....
بصتله نور. بترقب من اللي هيقوله..
ليل...تقومي تحضري هدومك عشان هتيجي معانا عالڤيلا الوقت..
نور....وقفت بصدمه..وهي باصه لليل... وثواني من الصمت وكأنه الهدوء الذي يسبق العاصفه🙈🙈🙈🙈🙈🙈🙈🙈