دار الايتام

دار الايتام البارت الثلاثون

ليل.....شاهي هاتيلي القهوه بتاعتي..
شاهي...حالا يامستر ليل...
.....
ليل...عشق...شوفتي ورق الصفقه الجديده ..
عشق.........
ليل...عشق..
عشق......
ليل...عششششق.
عشق...هاااا بتكلمني.
ليل..بكلمك ايه انتي مش معايا خالص...
عشق...اسفه سرحت. شويه..كنت بتقول ايه..
ليل...مالك ياعشق..
عشق...مفيش.
ليل..مفيش ايه بس انتي مش شايفه انتي عامله ازاي..
بعدت..عشق...عنيها عنه..
ليل...لا واضح فعلا ان مفيش حاجه...قام ليل من علي الكرسي بتاعه وراح اعد قدامها عالكرسي قوليلي مالك ومتقوليش مفيش عشان مش هصدقك..
عشق.....صدقني مش هعرف اتكلم الوقت ياليل.  يمكن في حاجه فعلا. بس مش هينفع الوقت لما اتأكد الاول..
ليل...يااااه هي حاجه كبيره اوي كده..وبعدين ليه يعني مش عايزه تقوليلي الوقت وتتأكدي من ايه...عشق بلاش تقلقيني انتي شايفه اللي انا فيه
عشق....هو مش انت عندك حجات كل شويه تقول مش هينفع اقولها الوقت..عادي يعني.
ليل....تقصدي واحده بواحده يعني
عشق....لا خالص والله بس يمكن الاول كنت بضايق منك..انك مش عابز تقول بس لما اتحطيت فالموقف عرفت ان كان عندك حق
ليل...طيب حاجه خاصه بيكي.
عشق...لا حاجه خاصه بالوضع اللي بنمر بيه كلنا اليومين دول..
ليل...رفع حواجبه باستغراب...لا انا كده لازم اعرف...ومش هتقومي غير لما تقوليلي..
عشق...ليل
ليل....مفيش ليل.  لازم اعرف...
طيب..ممكن اخر اليوم...
ليل...مفيش اخر اليوم انا شويه وخارج انا ونوح رايحين نصور الحلقه...
عشق...طيب اديني وقت وقبل ما تمشي هقولك كل حاجه..
ليل....مكدبتش لما قولت عليكي عنيده.ياعشق.
عشق...مش عند والله بس عشان خاطري خليها لحد قبل ما تمشي هتأكد من حاجه الاول...
وخبط...الباب...ودخلت شاهي...
قربت شاهي..وحطت القهوه..اتفضل يامستر ليل...
ليل... امبارح كنتي فين ياشاهي.
شاهي...بارتباك...كنت فين يعني ايه يامستر ليل..
ليل..مكنتيش علي مكتبك ليه.
شاهي...انا كنت موجوده يامستر ليل
ليل... كلمتك مرتين مردتيش وقولت لنوح يناديكي قاللي انك مش بره...وبعد كده اتلخمت في كذا حاجه ومركزتش معاكي..
شاهي...ابدا يا مستر ليل... بس يمكن كنت فالتويلت
ليل... تمام حاولي متسبيش مكتبك كتير من فضلك.
حست.. شاهي بارتياح...حاضر حاضر يامستر ليل...
اما عشق... فا كانت مركزه معاها جداااا
ليل....اوك روحي انتي ياشاهي..وحضري ورق الصفقه الجديده بتاعت كمبوند التجمع.  وهاتيه لانسه عشق..
شاهي...وهي بتبص لعشق...بغل...تمام...
خرجت...شاهي... وعشق عينها عليها بغموض...وليل مركز معاها ..
عشق...وهي لسه باصه علي طيف شاهي اللي اختفي...ليل..ممكن سؤال.
ليل...طبعا...
عشق....هي شاهي بتشتغل معاك من اد ايه...
ليل....اشمعني.
عشق...يعني مجرد سؤال.
ليل...لو انه مش مجرد سؤال..بس حاضر ياستي...من تقرببا. 3 سنين.
عشق....وهي بترفع حواجبها باستغراب...3 سنين...علي كده بقي هي. شاطره في شغلها..
ليل...هي من ناحيه شاطره فاهي شاطره..يعني...نشيطه سريعه...ذكيه...اينعم في حجات فيها مش بحبها بس فالشغل هي كويسه..
عشق....حجات ايه اللي بتضايقك..
ليل...ده بردو سؤال عادي..
عشق...لو مش حابب تقول براحتك🙄
ليل...ابتسم...علي فكره.. انتي مش بس عنيده انتي كمان فضوليه...
عشق...انا😳.  طب انا مش بحب اعرف حاجه مليش فيها بس يعني عادي مجرد كلام بس خلاص مش عايزه اعرف...ولسه هتقوم من عالكرسي.  بغضب زي الاطفال..
ليل...مسكها من ايدها...وابتسم..استني بس خلاص اعدي
عشق...لا مش هاعد😔
ليل....وهو ماسك ايدها...عشان خاطري..خلاص بقي متبقيش عيله..
عشق....كمان عيله😧😧
ليل....ضحك...وابتسم ابتسامه هاديه وجذابه...بس احلي عيله..
عشق...بصت فالارض باحراج... ووشها احمر من الخجل...
ليل....طب خلاص ارفعي وشك ..
وكمل عشان ميحرجهاش...بصي ياستي... شاهي من الناس اللي بتشتغل بضمير بجد شغلها كويس جدا ذكيه سريعه طموحه...بس زيها زي بنات كتير بتبقي داخله وكل هدفها انها توقع المدير بتاعها...حاولت كتير بس طبعا انا مليش فالجو الرخيص بتاعها ده... فا ادتها علي دماغها وكل فتره لما بحس انها هتخيب برجع افوقها تاني فهمتي.  ادي كل الحكايه..
عشق...فهمت😏
ليل....🤨
عشق...يعني... معني انك سايبها شغاله معاك 3سنين يعني اكيد بتثق فيها..
ليل...بصي ياعشق انا اتعودت مثقش في اي حد بسهوله ومش معني انها بقلها 3 سنين معايا يبقي انا كده بثق فيها بالعكس دي لو حتي بقالها 10سنين ولسه مدتلهاش الثقه الكامله هتفضل طول الوقت تحت الاختبار...بس لو بتتكلمي فالعموم فا هي في منطقه الامان لحد الوقت  بالنسبالي...
عشق.....تمام....
ليل...ايه لسه عندك سؤال تاني شاغل بالك حابه تسأليه عن شاهي ..
عشق..هي مش شاغله بالي اصلا😒
ليل...بابتسامه واضح واضح..
عشق...انت بتتريق علي فكره بسأل عادي...
ليل...طيب ياستي خلاص براحتك...يلا نشوف شغلنا بقي قبل ما امشي..
عشق...طيب ممكن اخر سؤال😊
ليل...اسألي.ياستي.
عشق....انا هفضل تحت الاختبار اد ايه..
ليل...فضل باصصلها بابتسامه وساكت...وفجأه رفع ضهره من الكرسي وقرب لادام بقي مفيش فاصل كبير بينهم..
رجعت عشق.. بضهرها لورا بتلقائيه.. من حركته...
ليل....هو مين قال ان انتي في اختبار ياعشق...
عشق...بارتباك من قربه ونظراته.  ونفسه القريب منها..يعني مممش انت بتقول انك مش بتثق في حد بسهوله حتي لو بقاله كتير معاك..
ليل...ايوه انا قولت بش بثق في حد بس مقولتش مش بثق في عشق...
عشق...اتصدمت من رده... وحست انها اتوترت جامد ومبقتش عارفه ترد...ففضلت انها تهرب...
انا. انا هروح اشوف الشغل...وقبل ما تقوم كان ليل ماسكها من ايديها الاتنين...حست عشق انه حركتها اتشلت واعدت تاني ومنطقتش.  قلبها كان هيخرج من كتر ما بيدق. صدرها بيعلي وينزل من نفسها...
ليل.... عارفه ياعشق...من يوم ما شوفتك اول مره يوم ماجيتي هنا لتمارا وحاج محمد وانا كنت عندي احساس انك هتشتغلي معايا بالرغم من اني كنت عارف انك بتشتغلي... هتصدقيني لو قولتلك اني كنت عامل حسابي من الاول علي طبيعه الشغل اللي هتمسكيه معايا.  وهتصدقيني لو قولتلك اني كنت عامل حسابي ان مكتبك يكون. في نفس مكتبي...هتصدقيني لو قولتلك بعيدا عن اللي حصل لحاج محمد وبعيدا عن اللي حصلكم فالشقه لوحدكم اني كنت عامل حسابي انك هتأعدي في حاجه ملكي انا...طيب هتصدقيني ياعشق.  او قولتلك ان بعيدا عن اني حابب افضل مع نور واساعدها عشان دي وصيه حاج محمد اني. عملت ده عشانك قبل ما اعمله عشان اي حد تاني... يعني وجودكم في الشقه ده كان عشانك انتي...يمكن تموني فاكره اني عملت كده عشان نور.  لما قولت لنور اول مره بعد وفاه حاج محمد انها تيجي تأعد فالشقه ورفضت وقالت عشان ذكرايتها في البيت ده وطلبت منك تقنعيها... انا كنت عايز موافقتك مش موافقت نور.. طيب هتصدقيني ياعشق يوم ما روحنا عشان تشوفي مهره وتساعديها..كنت فالطريق مقرر اني هسمي الفرسه اللي هتتولد ايآ كان نوعها ايه (عشق)
عشق..بصاله.  بزهول عنيها فيها لمعه مخليه لونها يجنن اكتر ماهو يجنن...
ليل...مينفعش بعد ده كله تسأليني اذا كنت واثق فيكي او لا..انتي عارفه يعني ايه ليل السيوفي يخلي حد يشتغل معاه في مكتبه ويديله نفس الصلاحيات اللي ليه فالشركه...انا معملتهاش مع اقرب الناس ليا وعملتها معاكي انتي ياعشق...حتي وجودك فالشقه. مسألتيش نفسك يوم ما دخلتك اول يوم الاوضه وانا متعصب منك اشمعني الاوضه دي بالذات...
حجات كتير اوي ياعشق وتفاصيل اكتر معرفش اذا كنتي خدتي بالك منها او لا..
عشق.....بصوت ضعيف...طب ليه ليه كل ده..
ليل...ليه.  وسرح....يمكن لو كنتي سألتيني السؤال ده قبل كده كنت رديت وقولتلك مش عارف..بس الوقت عشان. حجات كتير اوي ياعشق..
عشق....ايه هي.
ليل...سكت ليل... دقيقه...ممكن مجاوبش الوقت...اكيد هيجي يوم واعرفك كل حاجه...عشق... في حجات كتير اوي محتاج اتكلم معاكي فيها...في حجات عايز اعرفهالك..
عشق...وانا هستناك تيجي تقولي عليها ومش هسألك علبها لحد ما تحس انك عايز تتكلم..
ليل...قريب قريب اوي ياعشق...بس من هنا لحد ما اقولك عايزك تفضلي موجوده معايا.
عشق...بابتسامه وانا موجوده معاك اهو.
ليل...مش عايزك تزعلي مني الفتره دي ابدا تستحمليني لو اتعصبت صدقيني مببقاش قاصد بس الفتره دي صعبه والفتره اللي جايه اصعب.  عايزك تخلي بالك من نفسك ومن تمارا وزهره انا واثق فيكي ياعشق...
عشق...متقلقش.اكيد هكون اد الثقه دي...
ليل... ماشي ياستي... بصي بقي عايز اقولك علي حاجه مهمه... كمان اسبوع المفروض اني هسافر المانيا..
عشق...بخوف.تسافر🥺
ليل...اه...انتي عارفه ان اي شغل بره مصر انا المسؤول عنه...وفي صفقه مهمه جدا في شركه كبيره جدا في المانيا ليها فروع كتير في بلاد كتير والمفروض ان الشركه دي هتعمل فروع هنا..حوالي 3فروع.  والمفروض ان الشركه دي كان ادامها كذا شركه تختار منهم الاحسن...ووقع اختيارها علي شركتنا...والمفروض ان انا هروحلهم..
عشق....طيب هتأعد اد ايه وبعدين فجأه كده.
ليل...هأعد حوالي اسبوع ومش فجأه ولا حاجه بس هما كانو لسه بيختارو ولو موقع علينا الاختيار المفروض انهم اتواصلو معايا عالايميل واتحدد معاد عشان اروح ونتفق فهمتي.
وبعدين هو انتي ليه مضايقه..
عشق...انا مش مضايقه...بس يعني خايفه
ليل...خايفه من ايه ياعشق..
عشق...ليل وجودك بيفرق معانا كتير انا عمري ماخفت في حياتي اد الفتره دي حاسه علي طول بقلق..ومتوتره
ليل...عشق... انا قولتلك قبل كده وهقولهالك تاني طول ما انا لسه بتنفس مش عايز حاجه تخليكي خايفه...مفهوم
عشق....بزعل... مفهوم
ليل....بس في حاجه مقولتلكيش عليها
عشق....ايه تاني...
ليل...في خلال الاسبوع ده تكوني جهزتي الباسبور بتاعك عشان هتسافري معايا..
عشق...بابتسامه... بجد...انا هاجي معاك.
ليل...بابتسامه...ورفعه حاجب...الخوف راح فين🤨
عشق....اختفت ابتسامتها بسرعه باحراج...انا لا بس يعني ازاي هسافر والشغل..
ليل... الشغل هنروح نخلصه مع بعض والاسبوع اللي هنكون في مسافريين مفيش اي صفقات مختاجين نمضيها معندناش غير بتاعت المانيا...والاسبوع ده معندناش غير بتاعت الكمبوند بتاع التجمع..
عشق... وهي بتاخد نفسها بفرحه... تمام. طيب وهينفع نسافر ونسبهم هنا فالظروف دي.
ليل... متقلقيش كل حاجه هتتحل...البلاغ وعملته نور.  ورجعت ليها جزء من حقها...وانهرده هروح الحلقه والايام الجايه هنشوف هيحصل ايه..وان شاء الله مش هنسافر غير واحنا مظبطين جزء كبير من المشكله دي.
ممكن يلا نشوف شغلنا انا ساعه وهتحرك من هنا🤨🤨🤨
عشق...ماشي ممكن...
........
اما عند جاسر وتمارا....
جاسر. وهو ماسك ايد تمارا..ان شاء الله ياحبيبي كل حاجه هتخلص. مش عايز اشوفك قلقانه انا جمبك. وبعدين انتي هتعملي فيها زعلانه عشان تنسيني ولا ايه
تمارا...  انسيك..ايه..
جاسر....حسابك معايا ياقلبي...انتي نسيتي انك نمتي وسبتيني ولا ايه..
تمارا...بضحك...قلبك اسود اوي..ولله نمت غصب عني
جاسر...مش مشكلتي...وهتتحاسبي يعني هتتحاسبي..
تمارا....بخوف مصطنع... ليه بس كده ده انا بقول عليك طيب...
جاسر....طب خلاص تصدقي صعبتي عليا...وقرب.  ايدها من شفايفه... وباسها....وفاللحظه دي.وصلت هايدي..واتفتح...الباب...مره واحده...
سحبت...تمارا. ايدها بسرعه ورجع جاسر عنها خطوه.  وبصو عالباب. بصدمه....
حست..تمارا...بخوف وتوتر
هايدي.....الللللله...دي كده احلوت اوي... ومشيت بخطوات بطيئه.ناحيتهم وهي بتتكلم وانا اعده اقول جاسر مش بيسأل عليا ليه...مش بيطلب يشوفني ونخرج ليه..مش بيتكلم او حتي يبعت مسدچ ليه. طب مش بيرد عليا ليه وديما يكنسل ليه...حتي المسدچات اللي ببعتها بتشوفها وبتتجاهلها ليه...مكنتش اعرف ان البيه في دنيا تانيه خالص وهايص هنا مع سكرتيرته المحترمه..
جاسر....هايدييي.خلي بالك من اللي بتقوليه..
هايدي...ببرود...لا لا لا بلاش العصبيه دي مش حلوه عشان المود الحلو اللي انت فيه ده ميروحش...فالاول انا كنت
شاكه...بس كدبت نفسي قولت استحاله...يمكن عارفه عنك كل حاجه كنت بتعملها من ورايا كنت بقول عادي جاسر.. شاب. وحلو وعارفه انك ليك في سكه البنات كنت بقول عادي بكره لما نتجوز هتتغير مكنتش بحب اخنقك...وكملت وهي بتبص لتمارا من لتمارا من فوق لتحت بس صراحه عمري ما تخيلت ان ذوقك يبقي بيئه وواطي اوي كده...
جاسر....هايدي قولتلك خلي بالك علي كلامك.
تمارا....انا مش هرد عليكي عشان هحترم المكان اللي احنا فيه. بمكن لو كنا بره المكان ده كنت عرفت ارد عليكي بطريقتي اللي بيتهيألي مش هتحبيها خالص..
هايدي...وهي بتضحك ضحكه عاليه...عشان ايه...سمعيني كده تاني...محترمه المكان..طب ده بأماره ايه بأماره المنظر اللي شوفته..ولا بأماره ايه فهميني...
ايه سكتي ليه ماتتكلمي...عشان انا عندي وحق.  ولا عشان انتي رخيصه...
تمارا.....بغضب كلمه كمان وقسما بآيات الله لا هخلي الدكتور اللي هيكشف عليكي يحتار في سبب موتك...
هايدي...انتي بتهدديني انا انا ياماما مش عارفه انتي بتتكلمي مع مين ولا ايه...
................
فاللحظه...دي ادم كان معدي من ادام مكتب جاسر.  وسمع صوت عالي دخل مكنتش تمارا في مكتبها والصوت باين عالي. اوي وفهم من الكلام ان دي عايدي وان في مصيبه هتحصل...خرج بسرعه...  راح لليل. عشان يلحق يوقف المهزله دي قبل ما تحصل...
خبط...ادام..عالباب. وفتح.
ليل...خير يا ادم.
ادم....ليل...في حاجه بتحصل في مكتب جاسر.
ليل..بقلق...حاجه ايه..
عشق...تمارا فيها حاجه..
ادم...هايدي جت وتقريبا في مشكله وصوتهم عالي.
ليل...يادي هايدي وزفت مش هخلص من الصداع ده بقي يارب...
وقام ليل...وخرج مع ادم.  ووراهم عشق...
............
زهره.....نوح...هو في صوت عالي ولا انا بيتهيألي..
نوح...وهو سرحان...صوت ايه مخدتش بالي..
زهره...معرفش بس حاسه ان في صوت حد بيتخانق..
نوح....مش عارف.  استني اشوف..
خرج..نوح. ووراه زهره...وقفو عالبا كان الصوت بيعلي اكتر...ولمحو ليل وادم..وعشق.  بيمشو بسرعه ناحيه مكتب جاسر...
نوح...هو في ايه..
زهره...معرفش مش بقولك في مشكله...لا تكون تمارا وجاسر في مشكله بينهم..
نوح....تعالي بسرعه...
جاسر....هايدي...انتي زودتيها اوي...وانا سكت علي طريقتك دي كتير بس خلاص جبت اخري..
هايدي....بصوت مرتفع...اخرك ؟؟؟انت اللي جبت اخرك..انت مش شايف انك غلطان ولا ايه يامحترم
جاسر.....بعصبيه... بقولك ايه.. متعليش صوتك انتي نسيتي نفسك ولا ايه.....
هايدي....انا مبعليش صوتي بس كمان مفيش واحد بيسيب خطيبته بالايام ميعرفش عنها حاجه. ويفضل رايح جاي ورا حتت بت متسواش...انا قلقت عليك وقولت لازم اسأل عنك خصوصا بعد الاخبار اللي اتنشرو عن نوح قولت اقف معاك وقولت يمكن ده السبب اللي مخليك مشغول عني مكنتش اعرف ان البيه مقضيها طب بزمتك متكسفتش من نفسك.  تسيب هايدي الحديدي اللي الكل بيجري وراها وتجري... ورا حتت عيله زباله..تربيت ملاجئ...
هايديييييييييييييييي
حست. هايدي بنهايتها لما سمعت الصوت.  بس تظاهرت بالقوه...
ليل....ايه اللي بيحصل هنا...وايه العك اللي انا سامعه ده
قرب...جاسر. بغضب... منها. ومسك دراعها بقسوه..صرخت هايدي بألم....انا طول الوقت بحاول اتغاضي عن طريقتك الزباله واسلوبك الزفت وعجرفتك اللي ملهاش اي معني بس لحد هنا.  وخلاص انا طول الفتره دي مستحملك بس لحد تمارا... وخط احمر ياهايدي مفهووم...
ليل...جاااسر...
هايدي...انت بتعمل معايا انا كده عشان دي...
ليل....انا قولت ايه اللي بيحصل هنا..
هايدي...انا اقولك يا ليل باشا... البيه المحترم ابن عمك...اللي سايب خطيبته لا يعرف عنها حاجه ولا بيكلمها.  ولا حتي بيرد عليها... داير يتسرمح مع تمارا هانم بنت الحسب والنسب...تربيت الملاجئ.  ودخلت عليه لقيته بيبوسها عرفت فيه ايه...
الكل...بصدمه😳
قربت منها تمارا بغضب...انتي زباله وكدابه وانا لحد من ثانيه واحده بس كنت محترمه المكان اللي انا فيه ومحترمه وظيفتي ومحافظه عليها لاكن لحد هنا وطز بالوظيفه والشغل وكل حاجه...وزي ما جاسر قالها من شويه...تمارا..خط احمر...ويمكن انا اه تربيت ملاجئ مش هتكسف ولا عمرها هتكون نقطه سوده في حياتي عارفه ليه عشان انا واثقه في نفسي. وتربيت النلاجئ دي. متستنضفش واحده زيك تربيت مامي وبابي وتربيت ڤلل.  وضربتها قلم وسط زهول الكل...والقلم اللي علم علي وشك ده هيفكرك ديما ان تمارا خط احمر...ومش تمارا اللي بوستها بتعلم عالوش ياهايدي هانم يامحترمه....
انا ماشيه وسايبه الشركه كلها عشان صراحه بعد اللي عملته ده ليل ليه حق. يطردني حقه. بس اسفه ياليل انا كمان كان حقي ارد عالواطيه دي..بعد اذنكم...
ليل...استني ياتمارا...هنا
جاسر....تمارا...انتي مش هتمشي من هنا...
هايدي.... نعم...انت ازاي تسمحلها تعنل اللي عملته ده...وكمان بتقولعا استني وانت ياليل باشا... انا نفسي اعرف عملولكم ايه شويه الزباله تربيت الشوارع والملاجئ دول..
قرب... جاسر... بكل غضب.. ومسكها من رقبتها..انتي واضح. انك بتحربي علي نهايتك...
مسك ليل وادم بسرعه جاسر...
ولف ليل.  لهايدي...مسكها من ايديها...
ليل....وكمل بصوت واطي يرعب  ونظرات تخوف حظك يا هايدي اني مش فاضيلك..وحسابك لسه مجاش معاده معايا.. اوعدك انه قرب... ومن هنا لحد ما حسابك ده يجي. لو شوفت وشك او لمحته في اي مكان صدقيني هتموتي في مكانك قبل ما تعرفي رد فعلي...ونطر ايدها من ايده...
هايدي....بتحاول تبان قويه بعد رعبها من ليل...
من يوم ما دخلو حياتكم وانتو مش شايفين كأنكم اتعميتو ومش شايفين اللي وصلتوله لحد الوقت.انتو مش شايفين انتو كنتو فين وبقيتو فين... ولا ايه... ماشاء الله عيله السيوفي اللي كان الكل بيعملها الف حساب الوقت سيرتها بقت  علي كل لسان. عيله السيوفي اللي مكنش بيدخل اي حد فيها الوقت بقي بيدخل فيها تربيت الملاجئ وبنت الموظف الغلبان اللي اخوك خلي معاها سيره العيله اللي انت فرحان بيها دي فالارض...
وفاللحظه...دي وقع علي وشها قلم من قوته كانت هتقع فالارض... لولا مسكت فالمكتب... ومناهيرها نزلت دم.
نوح...ورحمه ابويا اللي اول مره احلف بيه...سيره نور مراتي. لو جت علي لسان كلبه زيك لهولع فيكي انتي واهلك كلهم...نور...اللي هجيب حقها قريب فهماني ياهايدي.  لحد نور... وتقفي عشان انتي متعرفيش قلبتي...ولو خايفه علي عمرك واللي باقي من كرامتك تخفي حااااالا من ادامي..
ليل...اظن كده كفايه...ملمحش وش اهلك ده تاني..لحد مانا اللي هجيلك عشان اشوف وشك قريب ..
هايدي...بصدمه عاللي حصل فيها...
جاسر...هايدي...
وقفت هايدي...وهي بصاله بغضب وحقد...قلع دبلته.  وحطها في ايدها...
جاسر...دي كانت اخر حاجه بتربطني بيكي...هي جت متأخره... للاسف ويمكن ميكنش ده بردو كان وقتها.  بس هي قفلت معايا لحد هنا....وقبل ما تمشي... من اللحظه دي... لو فكرتي بس تحتكي بيا او بأي حد يخصني مش هسمي عليكي ولا هعمل حساب لاي حاجه كانت ما بينا...يلا  من هنا...
هايدي....وديني ما هسكت عاللي حصل ده..انا هندمكم وهحسركم كلكم وهدفعكم تمن اللي حصل فيا ده بس محدش يبقي يزعل...
راح..ليل ادامها اعد عالكرسي وحط رجل علي رجل....وابتسم...
ليل...هايدي....اعلي ما فخيلك اركبيه.. انا هاعد واتفرج عاللي ناويه تعمليه وهديكي فرصتك كمان...بس متبقيش تزعلي لما اخد فرصتي...
خرجت...هايدي...بغضب...من المكتب ومن الشركه كلها
اعد جاسر عالكنبه وهو بيقلع الكراڤت بخنقه...وبيفتح القميص...
ليل......خلاص في ايه اهدي كده محصلش حاجه...مش عملت اللي يريحك..اهدي بقي
جاسر..بغضب...لا ياليل معملتش اللي يريحني اللي حصل ده المفروض كان حصل من فتره بس انت اللي كنت مأعدني معاها. وانت عارف اني مش عايز..انت اللي كنت بتضغط عليا استني ..
ليل...خلاص ياجاسر خلصت...ماانت فالاخر بوظت الدنيا قبل المعاد بردو يعني عملت اللي يريحك..نهدي بقي...
ادم....انا مش مطمن للي حصل ده خالص..
ليل...ولا انا...بس الجدع فيهم اللي يظهر بقي خلاص من بعد حلقه انهرده اللي هتتعمل اللعب هيبقي عالمكشوف...
جاسر....اسف يانوح عاللي حصل..
نوح....وانت ذنبك ايه ياجاسر.
جاسر...ذنبي اني مقتلتهاش قبل ما تقول اللي قالته ده
ليل...اطمن ياجاسر... اللي هيحصل معاهم الفتره الجايه اوسخ من القتل...
جاسر...اسف يابنات.. بجد. لو في كلام اتقال وضايقكم...
زهره...زي ما نوح قالك يا جاسر... انت ملكش ذنب مفيش حاجه...
تمارا...انا اسفه ياليل..عاللي حصل... انا مكنتش احب يحصل كده ومقصدش خالص اني اقلل من المكان اللي انا فيه ولا اقصد اني محترمهوش بس انا مش هكمل بعد اللي حصل ده عشان
ليل...مقاطع كلامها متتأسفيش ياتمارا...وعلي فكره انا مش زعلان. وكنت هزعل منك لو مكنتيش عملتي كده ....
تمارا...يعني مش مضايق مني..
ليل...والله انا مش مضايق...ولا هسمحلك انك تمشي اصلا  وبعدين لو مديرك المباشر عايز كده انتوحريين وابتسم ولا ايه ياجاسر..
جاسر...سيبك منها دي مجنونه...مشي ايه اللي عايزه تمشيه
تمارا...انا مجنونه...
جاسر....اه مجنونه...بس.  بحبك .
تمارا😳😳😳😳😳😳😳😳
جاسر....والله العظيم بحبك..
انهارات تمارا حرفيا... فالاحظه دي .وكانت نفسها الارض تتشق وتبلعها.  من احراجها من اعتراف جاسر ادام الكل انه بيحبها...ومن جنانه وجرأته...
ليل...اهو قالك. ياستي اهو انا شايف
ابتسم..ادم ونوح وليل لجاسر... عشان عارفين انه كان نفسه يخلص من هايدي... وعشان عارفين انه بيحب تمارا
وابتسمت عشق وزهره بفرحه عشان تمارا....
اما تمارا فاكان حالها لا تحسد عليه ...
ليل...انا بقول نخرج بقي احسن. قبل ما تمارا.  يغم عليها..
ضحك...الكل...علي ليل..ومشاكسته لتمارا...
ليل...نوح...حضر نفسك احنا لازم نتحرك الوقت...
جاسر...واحنا كمان المفروض عندنا ميتنج
عشق...جاسر...معلش قبل ما تمشي ممكن سؤال..
جاسر....طبعا ياعشق...
عشق....انت حكيت مع هايدي.  علينا
جاسر...عليكو ازاي مش فاهم.
عشق...يعني عن ظروفنا..
جاسر....تقصدي
عشق...ايوه ياجاسر.....
جاسر...لا طبعا انا اصلا بقالي فتره كبيره لا بخرج معاها ولا في حاجه بتجمعني بيها غير قلبل جدا..
عشق...امال هي ازاي عرفت اننا متربيين في ملجأ..
ليل...ايوه صح... انا محطتش في بالي..بس.كنت هسألك
جاسر...والله ما حصل..
ادم...مش بقولكم انا قلبي مش مطمن..
ده معناه ان جزء كبير من اللفز اللي احنا منعرفهوش اتحل وان هايدي ليها علاقه باللي بيحصل الفتره دي... ومعني انها عرفت يعني دورت ورانا ومعني انها تدور يبقي اكيد ناويه علي حاجه مش حلوه.
ليل....لو بنت ابوها تقرب من واحده فيكم..  وسعاتها محدش هيرحمها من ايدي...
ادم...طيب بقول ايه اخلصو بقي انت. كده عشان تلحقو الحلقه...
ليل...عشق... انتي وزهره فاضلكم كتير
زهره...اه انا لسه ادامي شويه مع ادم.
عشق...وانا لسه ورايا شغل بردو.
ليل... تمام انا هخلص واكلمكم... لو لسه هنا هعدي عليكم واروحكم انا خلصتو قبل كده تروحو مع السواق. 
عشق...تمام..
ليل...يلا يانوح...
خرج... ليل مع نوح... من الشركه كلها... راحو عشان يصورو...وبعدهم مشي جاسر... عالميتنج...وتمارا اللي مبتنطقش من ساعتها....جاسر.  كاتم ضحكه علي منظرها...
زهره...وادم راحو علي شغلهم ودخلت عشق المكتب🙄
.......
وصل ليل... ونوح القناه... وابتدو يجهزو للحلقه..
واخيرا....دخلو الاستدويو..
المذيع...جاهزين
ليل...تمام...
المخرج...
3..2..1...هواااا
المذيع...اهلا بيكم في حلقه جديده من برنامج الحقيقه..
والحقيقه..طول الاسبوع..الي فات ده. حصلت احداث كتير اوي وصورنا كذا حلقه وكنا مقررين نطلع بحلقه منهم انهرده...
لاكن...اليومين اللي فاتو دول انتشر خبر تقريبا في خلال بومين بقي تريند في مصر... وطبعا كان لازم نعرف ايه صحه الخبر ده. خصوصا ان الخبر يخص... فرد من عائله السيوفي...
معانا ومعاكم...عائله السيوفي...
برحب..بحضرتك استاذ ليل..
ليل....اهلا بحضرتك..
بحرب..بحضرتك. استاذ نوح
نوح...اهلا بيك.
المذيع...استاذ ليل... حضرتك يمكن تكون مرات قليله اوي اللي ظهرت فيها عالميديا .بس المرادي كان لازم تظهر ولما الاعداد طلب من حضرتك مترددتش لحظه انك ترفض.
ليل....اولا.. فالبدايه... يمكن ناس كتير تعرفني بس بردو ممكن يكون في حد ميعرفنيش....احب اعرفكم  بنفسي...ليل السيوفي... صاحب مجموعه السيوفي للحديد والصلب في مصر والشرق الاوسط...
وده...نوح..اخويا الصغير...اللي اسمه بقي تريند اليومين دول..
ردآ بقي علي سؤالك...انت حقيقي مبحبش اظهر في اي برامج ولا ليا علاقه بالمديا انا ممكن اكون مصنف من المشاهير.  بس انا مليش علاقه بحياه المشاهير اوي يمكن ظروف شغلي واني رجل اعمال معروف وشركاتي ليها اسمها. ده خلي ليا شهره بس. حياه المشاهير مش واخده حيز في حياتي...طبعا لما الاعداد كلمني حقيقي انا مترددتش لحظه اني اطلع...ويمكن لو مكنتوش كلمتوني كنت انا اللي خدت الخطوه دي لان انا ليا حق رد..وكان لازم اطلع...
المذيع...طيب الخبر اللي طلع ده في ناس كتير كدبته وناس اكتر صدقته وانتشر الخبر بسرعه البرق...السؤال بقي الحقيقه فين...
نوح....الحقيقه عندي...وفالبدايه احب اعرف المشاهدين بيا...
انا نوح السيوفي اللي زي ماقال ليل اسمه بقي تريند في مصر...هو ومراته..
المذيع..باستغراب...مراته...
نوح...ايوه.. مراتي...فالبدايه ..انا اللي هقوله ده ميخصش اي حد يخصني انا وبس لاكن لما سمعتي وسمعت مراتي يتشهر بيها.  واسامينا تكون تريند لفضيحه يبقي مينفعش نسكت...اولا كده... طلع ورق... دي صوره من بلاغ للنائب العام فالجريده اللي نشرت الخبر ......ورفعت عليهم قضيه تشهير...وهكسبها وهقفلهم الجريده. ومش هقبل باقل من كده...
ثانيا... ده عقد جواز من نور.  مراتي.. اللي اتشهر بيها واتعملها صور..وهي معايا. واكيد المل شاف الصور دي...
المذيع....التاريخ... من فتره ازاي يحصل كده من كام بوم..
نوح...اولا انا بحب نور من واحنا اطفال يعني حب طفوله زي ما بيقولو...  والمفروض اننا كنا هنتجوز بس من فتره اتوفي والد نور حاج محمد من احسن وانضف موظفين الشركه...اتخلط بعربيه ادام الشركه...طبعا نور.. اهلها من زمان بعيد عنهم. ووالدتها متوفيه وبعد وفاه والدها كان صعب انها تاعد لوحدها خصوصا انها في مكان يعني شعبي فا انا مكنتش حابب تفضل لوحدها فكان الخل اننا نكتب الكتاب...عشان تقدر تيجي تعيش معانا فالڤيلا. ونستني يعدي وقت ونعلن جوازنا ونعمل فرح زي اي اتنين بيتجوزو.....وفعلا حصل كده...
بس طبعا الفتره اللي فاتت احنا كا افراد شركه وكا شركه معروفه بنواجه مشاكل وحجات بتحصل غريبه واتفاقات وناس بتحاول تدمر كيان السيوفي... طبعا نور مكانتش مقصوده واللي عمل كده لعب في عداد عمره كله لانه باختصار مكنش يعرف ان نور تبقي مراتي..
المذيع...يعني حضرتك تقصد ان انتو اللي مقصودين..
نوح..ايوه. احنا المقصودين..
المذيع...طيب استاذ ليل... اكيد كل حد ليه اعداء بس مش ديما نعرف اعدائنا...
ليل...بس احنا نعرفهم... وحسابهم قرب...  انا بس.. عايز اقول... كلمتين للناس اللي بتحاول توقعنا في بعض. وبتحاول تهد كيان السيوفي اللي هيفضل ديما فوق... ان ممكن من فتره بسيطه مكنتش عارف انا بتعامل مع مين... لاكن انا الوقت عرفت.  وصدقوني التمن هتدفعوع غالي اوي.. وحقي وحق اخويا ومراته هيرجع.  وقريب اوي ..
المذيع... طيب بخصوص الانسه نور... ان حصل انها اتفصلت من الجامعه...
ليل...فعلا نور..اتفجأت بنفس الصور فالجامعه واتفجأت بخبر فصلها من الجامعه...
بس نور.. رجعت وهي الوقت في جامعتها عادي جدا.. والعميد بنفسه اعتذرلها. ونزل اعتذار فالجامعه كلها ليها ..هو يمكن اتسرع لانه فصلها من غير ما يحقق فالموضوع.. لاكن هنرجع ونقول معذور ولما عرف موضوع الجواز اتفهم الامر وخلص الموضوع...
المذيع... طيب في ناس بتقول ان الصور دي اتلقطت من استاذ نوح...وانه لعب بعقلها وصورها...ردك ايه ..
ليل...لا سبني بقي انا رد عليك..
اولا... انا هقولك علي مفجأه بسيطه...دي صوره نوح فعلا وصوره نور..
المذيع...بصدمه...نعم   امال حضرتك ازاي بتقول ان دي لعبه...
ليل...خليني اكمل اليوم اللي حصل فيه كده..
نوح...كان رايح. ياخد نور...من جامعتها... كانت بتجيب ورق.. نوح كان ادامه حوالي ربع ساعه ويوصل...
عدي الوقت... ووصل ملقاش نور...اتصل بيها كتير مردتش وفالاخر جاله الرد من بنت بتقوله ان نور تعبت وهي ساعدتها وخادتها بيتها ترتاح ومعاها مامتها... نوح مكدبش خبر وجري عالعنوان اللي البنت قالت عليه...
فضل يخبط مكنش في حد.  واتفاجئ ان الباب مفتوح اتصل عالموبايل سمع صوت موبايل نور من بعيد طبعا دخل بسرعه من غير ما يدي خوانه ولا يشوف مين فالبيت ولا مفيش..وقبل ما يفتح باب الاوضه اللي جاي منه صوت الموبايل كام حد حط منديل علي وشه وخدره...اللي حصل مع نور... انها شافت بنت تعبانه... ودايخه قالتلها انها مريضه سكر وان معاها حقنه فالعربيه.  ولازم تاخدها وطلبت من نور تساعدها لحد العربيه... وحصل ودورت نور علي الحقنه وفجأه البنت قالتلها نوح مستنيكي فالشقه سألتها تعرفي نوح منين.  وقبل ما تكمل كلامها كانت خدرتها...
ومان المقصود انها توقع نور في نوح....
وطبعا لما فاقو اتصدمو هما الاتنين...مش دي القضيه...
القضيه بقي انا الذكي اللي صورهم غلط غلطتت عمره ..
والفوتوشوب اللي عمله ميسواش جنيه...
اولا ظاهر انهم مفتحين وبيضحكو والنيا تمام معاهم...مش جايبهم انهم متخدرين طبعا... بس بردو مش دي القضيه...
الغبي اللي عمل الفوتوشوب..  لو نركز في لون العين.. بس نوح.  عينه... خضرا طالع بقدره قادر عينه بني ... ونور عنيها بني .. بقت بقدره قادر واخده نفس عيون نوح...ونوح ادامكم تقدرو تعرفو انه حتي مخدش باله من لون العين....
المذيع...بزهول...فعلا..
ليل...بضحكه...نهايتكم قربت.. وهقدم الصور دي كمان واظن في ناس متخصصه تقدر تعرف ان ده فوتوشوب ولا حقيقي... ابتسم ليل... اغبيه ...
المذيع... كان لازم حضراتكم تكونو موجودين وحقيقي مينفعش نظلم من غير ما نعرف... انا مبسوط جدا انكم كنتو مشرفني وان شاء الله الحق هيرجع وهتاخدو حقكم.
ليل... انا جزء كبير من حق اخويا ومراته خدتو الوقت بظهورنا وبدليل قوي. ...
واحب...اقول فالنهايه... لا عزاء للاغبياء...
المذيع... بابتسامه....اشوفكم علي خير في حلقه جديده مع إظهار حقيقه جديده❣️