دار الايتام

دار الايتام البارت الخامس والعشرين

وصل نوح الشركه اخيرا وكان الاجتماع خلاص في اخره
خبط نوح ودخل كان باين علي وشه حزن العالم كله
نوح..مساء الخير
الجميع..مساء النور
ليل..ايه يانوح فينك كل ده وفين نور
نوح..معلش ياليل كان عندي مشوار لازم اعمله ونور وصلتها البيت عشان كانت خارجه من الجامعه مرهقه ومصدعه
عشق..بقلق من شكل نوح نور كويسه؟
نوح..كويسه متقلقيش انا وصلتها بنفسي
ليل..نوح انت فيك حاجه
نوح..مافيش انا تمام
ليل..بشك تمام اعد
وابتدا ليل يرجع للي كان بيقوله
جاسر..بهمس مالك يانوح شكلك في مصيبه
نوح..كارثه ياجاسر مش مصيبه
جاسر..بقلق في ايه
نوح..لما نخلص الاجتماع ده هجيلك واحكيلك علي كل حاجه
جاسر..ماشي
كل ده تحت عيون ليل اللي اتأكد من ملامح جاسر اللي اتوترت وتحت عيون عشق
بعد حوالي عشر دقايق
ليل..تمام يا جماعه انا خلصت تقدرو يلا تتفضلو خرج الجميع
جاسر..لنوح انا فالمكتب تعالي هناك
نوح..خمسه وجايلك وجه يخرج
ليل..نوح تعالي ورايا عالمكتب
خرجو الجميع من اوضه الاجتماعات راح كل واحد فيهم علي مكتبه
عشق..ليل
ليل..ايوه ياعشق
عشق..انا هسيبكم لوحدكم شويه
ليل..لا تعالي ياعشق ورايا
بصت عشق لنوح سبقهم ليل
عشق..نوح نور كويسه بجد
خد نوح نفس طويل ووقف
عشق..نوح انا عارفه من شكلك ان في حاجه ارجوك قولي في ايه متقلقنيش
نوح..عشق انا محتاج اتكلم معاكي بس مش هينفع هنا فالشركه ولا هينفع ادام ليل ولا اي حد ممكن
عشق..طبعا يانوح بس هشوفك ازاي
نوح..ازاي دي بعد منخلص هكلمك واقولك
عشق..طيب تمام تعالي بس ندخل عشان ليل ميحسش
نوح..تمام
دخلو المكتب كان ليل اعد عالمكتب
نوح..ايوه ياليل
ليل..في ايه مالك
نوح..مفيش ياليل ما انا قولتلك مفيش
ليل..انت شكلك كده طبيعي
نوح..ما انا زي الفل اهو مفيش اي حاجه
ليل..انت شايف كده ولما انت زي الفل واقف بره بتقول ايه لعشق وكنت بتقول ايه لجاسر وفين نور يا نوح
نوح..في ايه ليل مالك مكبر الموضوع كده ليه
عشق..كانت بتسألني تاني علي نور
عشق..مسرعه ايوه ايوه ياليل كنت بسأله عن نور
نوح..وجاسر كان بيسألني في ايه
ونور فالبيت ياليل تقدر تكلمها بنفسك انا وصلتها البيت هي حاسه بصداع جامد وكان باين علي وشها انها تعبانه مكنتش راضيه تروح بس انا صممت هي دي كل الحكايه
ليل..ماشي يانوح ادام انت شايف كده يبقي تمام بس انا بقولك ان في حاجه وصدقني يانوح لو عرفت انك مخبي حاجه هتزعل مني
نوح..بعصبيه يووه في ايه ياليل هو انت شايفني عيل صغير ماقولتلك مفيش حاجه انا ياسيدي في حاجه مضيقاني فيها حاجه دي ولا مينفعش اضايق غير لما اخد الاذن منك
خبط..ليل عالمكتب بعصبيه كسر ازاز المكتب وايده اتعورت نوووح اتعدل وانت بتتكلم معايا انت نسيت نفسك ولا ايه انت بتعلي صوتك عليا
نوح..انت بتستفزني وبتقولي بتعلي صوتك انت مصمم انه في حاجه وانا بقولك مضايق مخنوق اقولك ايه تاني
عشق..بخوف ليل بلاش عصبيه من فضلك خلاص قالك مفيش حاجه يمكن مضايق اهدا شويه وانت يانوح خلاص امشي بقي الوقت من فضلك
نوح..خرج وهو عفاريت الدنيا بتتنطت ادامه ومضايق انه اتعصب علي ليل ودي اول مره تحصل منه خرج راح علي جاسر
ليل..واقف باصص علي الباب بعصبيه وايده بتنقط دم وهو مش حاسس انتبهت عشق علي ايده والمكتب اللي غرقو دم
عشق..بفزع ايه ده ليل انت اتعورت
بص ليل علي ايده وسحب كام منديل
عشق..استني اغسل ايدك الاول تعالي
دخل ليل معاها غسل ايده الدم مش راضي يقف
عشق..ليل ايدك اتفتحت جامد لازم دكتور يشوفها
ليل..متقلقيش بسيطه
عشق..بسيطه ايه ايدك مفتوحه
ليل..يووه خلاص ياعشق قولتلك متقلقيش
سكتت عشق بخوف
ليل..خد نفس كبير وخرجه مره واحده وهو بينفخ اسف ياعشق مقصدش اتعصب
عشق..مفيش حاجه حصل خير بس ايدك لازم تطهر لا يكون دخل فيها ازاز
ليل..متقلقيش في هنا شنطه اسعافات هاتي منها المطهر.ط
راحت عشق مكان ما شاورلها فتحت الشنطه طلعت منها مطهر حطت علي ايده واول ما المطهر لمس الجرح سحب ليل ايده بسرعه بالم
عشق..معلش هتوجعك شويه استحمل هات ايدك
مدلها ليل ايده ورجعت تاني حطتله مطهر ونشفت ايده بقطنه حطتله عليه كريم مضاد حيوي ولفتهاله بشاش
ليل..شكرا ياعشق
عشق..علي ايه تعالي يلا اخرج ارتاح
خرج ليل معاها واعد عالكنبه وحط ايده علي راسه
عشق..ليل متزعلش من نوح بس انت اتعصبت عليه وهو شكله في حاجه مضيقاه
ليل..انا مش زعلان منه ياعشق بس انا واثق انه فيه حاجه لو في حاجه كان قال وبعدين عادي لو مضايق ومش عايز يقول
نوح عمره ما خبي عني حاجه والوقت اللي احنا فيه ده ياعشق حجات كتير بتحصل وقلق يعني لازم اعرف اخويا ماله
عشق..انت غلطت ياليل
بصلها ليل
عشق..ايوه متزعلش مني بس انت غلطت المفروض كنت سبته لما هدي واتكلمت معاه لاكن انت مدتلوش فرصه وطلعت فيه مره واحده وطبيعي مكنش هيقول يعني
ليل..عموما انا هعرف بطريقتي بس لو طلع في حاجه هطين عيشته
عشق..حاول تكون اهدا من كده ياليل ما يمكن يكون عنده حاجه مش حابب يقولها اهدا بس كده وانا متأكده ان لو في حاجه هيهدا ويجي يقولك
ليل..ربنا يستر انا اسف ياعشق حقك عليا لو اتعصبت غصب عني
عشق..متتأسفش ياليل انا مش بزعل منك وعارفه انك اتعصبت غصب عنك
ليل..بدون انذار مسك ايدها وباسها انتي جميله اوي ياعشق
ابتسمت عشق بخجل وسحبت ايدها بسرعه وضربات قلبها كانت سريعه جداا
حس..ليل باللي عمله و بتوترها قام من عالكنبه ومن غير ما يبصلها انا هكمل شغل
عشق..احممم اناكمان علي مكتبي مشيت بسرعه وعلي اد ماكانت هتموت من الخجل لاكن من جواها كانت طايره وقلبها من سعادته حاسه انه من كتر الدق هيخرج من مكانه
في مكتب جاسر
دخل نوح وهو شايط
وقفت تمارا اول ما شافته دخل علي مكتب جاسر من غير ما يكلمها ولا يبص ناحيتهاواما تمارا فا كان شكل نوح كفيل يخليها متنطقش معاه بحرف
دخل نوح علي مكتب جاسر وهو زي المارد
جاسر..ايه ياعم سرعتني مالك في ايه تاني انت شديت مع ليل
نوح..اه اتزفت
جاسر..اهدي كده متفرجش الشركه علينا وقولي ايه اللي مخليك عامل كده
نوح..كارثه يا جاسر
جاسر..ماتنطق يانوح انا مش ناقص توتر
نوح..هحكيلك وابتدا نوح يحكيله اللي حصل
نوح..هو ده كل اللي حصل
جاسر..كان بيسمعه والصدمه باينه علي ملامحه
انت اللي بتحكيه ده بجد يا نوح
نوح..انت شايف ان ده وقت هزار ولا ينفع اهزر في كارثه زي دي
جاسر..اوعي يانوح تكون
نوح وقف بعصبيه انا غلطان اني مفكرتش اني احكي لاي حد غيرك واول ما حسيت اني محتاجك جتلك من غير ما اتردد
ولسه هيمشي من ادامه لف جاسر بسرعه ومسكه من دراعه استني يا نوح انا والله ما اقصد بس انا دماغي لفت اعد بس الله يرضي عنك
اعد نوح ورمي جسمه عالكرسي بأهمال
جاسر..طيب كده في حاجه غلط يانوح والمشكله ان هي مش متصله بيك برقم يخصها وكنا عرفنا نجيبها لاكن دي صايعه اتصلت من موبايل نور
نوح..ما هو ده اللي هيجنني عرفت نور ازاي وخدتها معاها ازاي وقالتلها ايه
جاسر..لازم نعرف نور راحت الشقه دي ليه اصلا وبعدين انت ازاي متنزلش تشوف فين البواب تخبط عالجيران تعرف مين اللي ساكن ازاي مكلمتناش وقتها اصلا
نوح..معرفش يا جاسر انا دماغي وقفت منظري ومنظرها صدموني كلامها ياجاسر نور كرهتني
جاسر..اولا انا اول مره اسمع منك انك بتحب نور
نوح..كنت هحكيلك يا جاسر فاكر لما كنت عندنا وقولتلك هبقي احكيلك وان محدش يعرف خالص كان علي نور يا جاسر
جاسر..يعني انت بتحب نور ونور متعرفش انك بتحبها وهي طلعت بتحبك وانت مكنتش تعرف ويوم ما انتو الاتنين تقولو لبعض تقولو في موقف زي ده
نوح..عرفت الوجع اللي جوايا عامل ازاي انا جوايا وجع يكفي العالم كله نور ياجاسر مش مجرد بنت بحبها نور بالنسبالي حجات كتير بنتي وصحبتي واختي وحبيبتي نور كبرت ادامي ياجاسر بس انهرده انا ضيعت كل حاجه
جاسر..وانت مالك انت مش بتقول ملمستهاش
نوح..ايوه ومتأكد ياريت كنا مع بعض مثلا وشربت وقومت لاقيت المنظر ده كنت هشك ان ممكن اكون انا لاكن بقولك حد مكلمني ياجاسر علي ان نور تعبانه ولما روحت حد خدرني
جاسر..في حد عايز يورطك في حاجه لازم ناعد مع نور ونفهم منها اللي خدها الشقه قالها ايه عشان تروح معاه بسهوله خصوصا ان احنا منبهين عليهم كلهم
نوح.انا دماغي واقفه ياجاسر
جاسر..اسمعني يا نوح اصلب طولك وفوق كده في كام خطوه لازم نعملها عشان نعرف مين اللي ورا الحوار ده
اول حاجه نحاول نعرف من نور
تاني حاجه نروح البيت ده نعرف مين اللي ساكن فالشقه دي
وفي نقطه مهمه يا نوح لازم نعرفها
نوح..ايه هي
جاسر..اللي عمل كده ميعرفش ان انت ونور في بينكم علاقه اذا كان انا اول مره اعرف وانت وهي مكنتوش قايلين لبعض
نوح..يعني ايه
جاسر..يعني اللي عمل كده يانوح..ميعرفش ان في بينكم حاجه يعني مكنش هدفه انه يوقع بينكم فا معني كده ان في هدف تاني من اللي حصل
نوح..زي ايه
جاسر..مش عارف مش قادر افكر بس نوح احنا لازم نعرف ليل
نوح..ليل لا ومحدش هيعرف اصلا عشان نور ده موضوع حساس وهي مش ناقصه انا اصلا قلقان عليها جدا وفكرت اني اعرف عشق
جاسر..طب وليه عشق
نوح..عشان عشق بتعرف تتعامل معاها ونور بتحبها جدا اولا تحاول تقوللها اللي انا مش عارف اقوله وثانيا تبقي عينها عليها انا قلقان تعمل حاجه في نفسها
جاسر..ربنا يستر المهم اديني العنوان بتاع الشقه عشان هروح بعد الشغل اعرف اي معلومه وبعد كده اطلع علي هايدي
نوح..انا هاجي معاك
جاسر..تمام
نوح..انا هقوم الوقت
جاسر..ماشي اهدي شويه عشان خاطري هنعرف مين االي عمل كده ولما نعرفه قاطعه نوح
همحيه من علي وش الدنيا
وخرج من المكتب وهو باين عليه الحزن والغضب
دخل المكتب فضل اعد ادام اللاب توب وهو حاطت ايده علي وشه
ادم..نوح مالك
رفع وشه نوح مفيش يا ادم
ادم..انت مش شايف شكلك ولا ايه
نوح..مفيش والله شديت بس انا وليل
ادم..ليه كده طيب
نوح..مفيش استفزني وطريقته ضايقتني ومصمم ان في حاجه وشغال تحقيق مش فاهم مينفعش اضايق مع نفسي من غير ما اديله التمام
ادم..طب ما انت طول ما انت متعصب بالشكل ده ليه حق يشك ان في حاجه وكبيره كمان
وبعدين اهدي كده حتي لو في اي مضايقاك الامور مبتتحلش كده يا نوح خليك هادي
نوح..تمام يا ادم
ادم..انا هسيبك تهدا خالص ماشي بس هعرف انت مالك
سابه ومشي علي مكتبه
خد نوح نفس طوييل ورف وشه وهو بيدعي...يارب..
ثواني ومسك موبايله واتصل علي عشق..
عشق...كانت عامله الموبايل سايلنت بس اول ما شافت رقم نوح.  والشاشه بتنور...ردت براحه...وكانت مطمنه ان المكتب بتاعه بعيد وهو بيتكلم فالتليفون يعني مش هيركز معاها.
عشق....ايوه يانوح..
نوح...عشق....عايز اشوفك حالا.  انزلي الكافيتريا.
عشق...طيب هنزل ازاي.ليل هيحس كده ان في حاجه..
نوح...اتصرفي ارجوكي ياعشق...
عشق....طيب طيب...هحاول
نوح...تمام...سلام..
راحت عشق...علي ليل كان لسه قافل تليفون ومرجع دماغه لورا بتعب ومغمض عينه...
عشق....احمممم
ليل... مغمض
عشق....ليل...
فتح..ليل عينه...في حاجه يا عشق...
عشق...انت كنت نايم.
ليل...لا ابدا مريح بس شويه. 
عشق...انت تعبان.
ليل...لا ابدا انا كويس...ايه انتي كنتي عايزه حاجه
عشق...انا عايزه...اشرب قهوه..محتاجه حاجه تفوقني شويه.
ليل...حاضر.. هطلبلك..حالا.
عشق...بارتباك...ااااه لالا.بلاش
ليل..وهو رافع حاجبه..هو ايه اللي بلاش مش قولتي عايزه قهوه...
عشق...ايوه بس انا عايزه اروح اعملها بنفسي
ليل...وده اشمعني بقي
عشق...يعني...انا بحب اعمل القهوه المسكافيه اي حاجه بحب..اعملها بنفسي.. اولا تحت بيعملو النسكافيه والقهوه وحش.  وثانيا مش عايزه حاجه مش شاهي دي🙄
ابتسم... ليل... بقي مش عاجبك القهوه بتاعتهم ماشي يا ستي هعديها.. بس اللي تحت دول محترفين قهوه علي فكره...عموما ياستي انزلي..
عشق...علي فكره انا محترفه اكتر منهم😏
ضحك ليل بتعب علي عقلها الصغير.
طبعا انتي محترفه اكتر.
عشق...بتتريق.
ليل...انا اقدر.
عشق..بابتسامه جميله...طب قولي تحب تشرب حاجه.
ليل...قهوه.
عشق...ما بلاش قهوه.
ليل...لا قهوه.
عشق...ماشي مش هتأخر...
ليل...ماشي...
خرجت عشق...بسرعه من المكتب...وسط نظرات شاهي...الحاقده...لاكن عشق مدتهاش اي اهتمام.. ركبت الاسنسير ونزلت...
عشق....الووو
نوح...ايوه ياعشق.
نوح...انا نزلت.  بس.. مش..
قاطعها...نوح..اقفلي انا شوفتك..شاورلها نوح..
راحت...عليه...عشق..
عشق...ايه يانوح.. طمني.
نوح...تعالي بس نخرج.. من هنا عالجنبنه اللي بره.. عشان محدش يركز معانا..
عشق...طيب..بس بسرعه انا نزلت بصعوبه من ليل....
نوح...تمام..
خرج .... بيها نوح...بره...وقف ادامها.
عشق...ايه يانوح قولي بقي انت موقع قلبي...
نوح...عشق... قبل ما اتكلم.مش محتاج منك اي حاجه غير انك تصدقيني. حتي لو مش هتقدري تساعديني بس متكدبنيش لاني مش ناقص...
عشق...مش هكدبك يانوح...بس قول بقي والنبي في ايه...
نوح.... بصي ياعشق....وابتدا نوح..يحكي كل حاجه لعشق... زي ما حصلت وزي ماحكي لجاسر.
تحت.. صدمه عشق... ودموعها اللي نزلت من وجعها علي اللي حصل لنور..
واخيرا... خلص نوح.
نوح...والله ياعشق... ده كل اللي حصل... انا مش طالب منك غير حاجتين اول حاجه...تفضلي الفتره دي مع نور انا خايف عليها اوي... وخايف.. تعمل حاجه في نفسها...
وتاني حاجه...عايزك تحاولي تقنعيها... اني اتكلمم معاها...
انا لو اعدت مع نور ياعشق.. هقدر اوصل اللي عمل كده... هحاول اعرف مين اللي خلاها تروح المكان ده ومين البنت دي وايه شكلها... وايه اللي حصل من اخر مره كلمتها وقالتلب بتجيب الورق... وهترجع تقفلي تاني... فات حوالي ربع ساعه كنت وصلت الفتره دي ايه اللي حصل... لازم تخليها تتكلم معايا ياعشق.. كلامها معايا هيفرق كتير.. وهقدر افرم بايدي اللي عمل كده...
نوح .. بحزن باين علي ملامحه الصداقه. مصدقاني يا عشق
عشق...وهي بتمسح دموعها... مصدقاك يانوح... بس انا خايفه علي نور.. تعمل حاجه في نفسها فعلا...
ومسكت الموبايل واتصلت عليها وشاورلته يسكت...
رن الموبايل... كتير وقبل ما يفصل ردت...وكان باين علي صوتها النوم..
عشق...الووو
نور...ايوه ياعشق..
عشق...ايه ده انتي نايمه.
نور...اه مريحه شويه بس
عشق...طيب انتي كويسه.
نور...اه ليه في حاجه ولا ايه.
عشق...لا لا مفيش انا بس بطمن عليكي.. عشان نوح قال انه وصلك وانك تعبانه شويه.
نور... متقلقيش انا كويسه صداع بس.
عشق... ماشي ياحبيبتي... شويه وهنجيلك.
نور...ماشي ياعشق..
عشق...سلام ياحبيبتي
وقفلت معاها عشق..
نوح...الحمد لله...طمنيني عليها.
عشق...صوتها مش طبيعي بتقول نايمه.. بس شملها معيطه...مش عارفه.
عشق...يعني انت يانوح.. بتحب نور بجد.
نوح...والله العظيم عنري ما حبيت حد ادها ياعشق...ومستعد اعمل اي حاجه عشانها...
عشق... حتي بعد ما😔
نوح...عشق...انا مش هسيب نور مهما حصل... بس لازم الاول اشيل قلب اللي عملها من مكانه..واجيب حقها.. بس هي مش مدياني فرصه..
عشق...اعذرها يا نوح...اللي حصل صعب..صعب اوي.
نوح...عشق.. انا مستعد....اتجوزها الوقت حالا ..والله ياعشق ما هسيبها...
عشق.... اهدي يانوح... كل حاجه هتتحل..  بس انا يعني كان في حاجه.
نوح... بتركيز... في ايه ياعشق.. قولي...
عشق... من اسبوع تقريبا حصل حاجه ونور.. مرضيتش تقولك...
نوح...ايه... حصل حاجه ومرضيتش تقولي ...حصل ايه ياعشق...
عشق...هحكيلك.. بس ياريت بردو متعملش اي حاجه غير لما تتأكد...يمكن الموضوعين ملهمش علاقه.
عشق...اخر مره نور راحت فيها الجامعه... تجيب ورق...وهي خارجه.. قابلت سامر..
نوح.😳😳😳😳😳
عشق...اخو هايدي...فالاول اتكلم عادي...طلب منها انه يوصلها رفضت... اتكلم بطريقه معجبتهاش اتعصبت هو علي صوته ادام كل اللي كان موجود وقالها... اعتبريني زي نوح...يمكن اعجبك...نور.. مقدرتش تسكت اكتر من كده.. ضربته بالقلم ادام الكل... والناس اتدخلت بسرعه قبل ما يقرب منها..ومشيت نور بسرعه...
نوح.....ابن الكلب...كده.. سامر كتب نهايته بايده...
عشق..وهي بتمسكه.. استني بس يانوح..نوح.. احنا متفقين اننا نرجع لنور حقها.. بس كده احنا بالعصبيه دي هتضيع حقها ارجوك...استني بس..
نوح... الملام ده حصل امته بالظبط.
عشق... قبل ما نمشي من بيتهم..
نوح.. يعني لما جه هو وهايدي... يوم ما جاسر تعب.  كان الحوار ده حصل.
عشق...ايوه وساعتها لما.  اتقال اسمه عرفت علي طول ان هو ده اللي عمل كده..
نوح...هو مظراته مكنتش طبيعيه... بس وديني ما هرحمه.
عشق...ارجوك ياعشق... لازم نستني لما نعرف من نور... ممكن ميكنش هو .. يبقي انت روحت وقولتله وفضحتها ادامه...
نوح...ارجوكي ياعشق... في اقرب وقت تخليني اعد معاها.
عشق...اطمن هيحصل .
نوح...معلش ياعشق... تعبتك معايا بس صدقني هتجنن.
عشق.. متقولوش كده انت اخويا يا نوح..بس هو في حد يعرف.
نوح... انا بصراحه.   قولت لجاسر... مقدرتش متكلمش خصوصا اني محتاج جاسر معايا ضروري.. احنا بعد الشغل هنطلع عالبيت اللي نور كانت فيه.. واحاول اعرف من البواب او سكان البيت الشقه بتاعت مين..
عشق... ماشي يانوح... انا هطلع الوقت... عشان ليل ميحسش.. بحاجه...ماشي..
نوح...ماشي ياعشق...
عشق...نوح...ابقي صالح ليل انت اتعصبت عليه وهو كان قلقان عليك...وحقيقي انت شكلك كان باين جدا يعني محدش يصدق انك طبيعي... وعلي فكره لما اتعصب عليك..وخبط الازاز بايده...اتعور...وايده اتفتحت.
نوح... بقلق.. اتعور جامد.
عشق...يعني...
نوح...وهو بينفخ وبيبص للسما. بقله حيله...
حاضر ياعشق...هراضيه متقلقيش.
عشق..بابتسامه... كل حاجه هتبقي احسن.صدقني.
نوح.. بابتسامه حزن...يارب.
...........      
طلعت.. عشق.. بسرعه...خبطت.. عالباب.. وفتحت.. لمحت.. ليل.. ساند ومغمض عينه زي ما سابته...
دخلت ..عشق...ليل...ليل..
عشق... شيفاه...وشه في لمعه لما قربت...لقت وشه... عرقان جدا...
عشق...بقلق...ليل...
قلبها...وقع...لما لاقيته مش بيرد...راحت جمب المرسي بتاعه...وقربت ايدها...تهز كتفه...ليل..
ليل...اممممم
عشق...ليل انت نايم..ولا تعبانه..وقريت ايدها من دماغه...لقيته.  سخن...والعرق رغم بروده الجو...لاكن...كان كان وشه بيجري عليه نقط العرق..
عشق...ليل...ليل...