دار الايتام

دار الايتام البارت التاسع والشعرون

وصل ليل وادم ونوح وجاسر الشركه...
جاسر...صباح الفل
ليل...صباح الخير
ادم..ونوح...صباح الخير.
جاسر...لنوح نور عامله ايه.الوقت.
نوح...بخير الحمد لله..
ادم...ايه ده البنات اهم...
جاسر...احنا لو متفقين مش هنتقابل كده..
البنات...قربو. صباح الخير..
الشباب.. صباح الخير...
دخلو ورا بعض.
جاسر...لتمارا... اتصلت بيكي مردتيش
تمارا...استنيتك تتكلم بس نمت..والله
جاسر...عارف عشان كده مرضتش اتصل تاني
تمارا....متزعلش.
جاسر...في حد يزعل من القمر بردو..
ابتسمت..تمارا.
جاسر..ولو اني زعلان عشان كنت عايز اسمع صوتك.
تمارا...لا والله.
جاسر...ايه مش مصدقاني🤨🤨
تمارا...لا🙄😁
جاسر...بقي كده طب لما نطلع المكتب نشوف الموضوع ده
ضحكت تمارا..ودخلت مع جاسر. ورا الشباب.
واول ما دخلو كانو حاسين بحاجه غريبه...نظرات الموظفيين..وشوشتهم لبعض لمتهم كل مجموعه...كان في حاجه مريبه...
جاسر...هو في ايه..مالهم كده
ادم...مش عارف. اصلا حاسس في حركه غريبه...
عشق...بقلق وصوت مسموع... ربنا يستر..
بصلها ليل..وحس بنفس الاحساس اللي وصلها....
ادم.....اليومين اللي جايين دول مش هيمرو مرور الكرام
وقف ليل.. في وسط البهو بتاع الشركه...
وبصوت جهوري مرعب...خيرررر واقفين كده ليه..ولبه مش علي مكاتبكم...
قرب... منه المدير التنفيذي للشركه بخطوات سريعه...
مستر ليل... وكمل بارتباك..في يعني حاجه حصلت لازم حضرتك تعرفها
ليل...حاجه ايه..
اداله المدير...الجرنال وظرف وهو نفس الظرف اللي فيه صور نور ونوح...
الظرف ده جه انهرده واتوزع تقريبا علي كل موظفين الشركه.  والخبر ده اتنشر انهرده فالجرنال....
مسك...ليل من ايده الجرنال واتأكد ان شكه في محله هو وعشق ..
اتبدلت ملامح. ليل.وجاسر وادم ونوح والبنات لما شافو الخبر واتحول وش ليل لملامح تخوف...
الخبر....
فضيحه نوح السيوفي رجل الاعمال💥💥
حصري...رجل الاعمال الاشهر نوح السيوفي يمارس الجنس مع سكرتيرته الخاصه التي تدعي نور محمد في إحدي الشقق المفروشه وهي نفس الشركه التي كان يعمل بها والدها..منذ اكثر من عشرون عام  مجرد موظف بسيط .وقتل منذ فتره زمنيه قليله امام الشركه بحادث غامض...وبعد فتره بسيطه استلمت نور وظيفتها ولم يمضي وقت حتي لتحزن علي فراق والدها...بل
قامت بأفعال منافيه للآداب. ومنافيه للدين..ومارست الجنس مع عشيقها...ومديرها...ومن المعروف عن نوح السيوفي بأنه زير نساء فلم يرحم من تقع تحت يديه...ولكن. هذه المره كشف الله ستره عن نوح السيوفي لتكون هنا نقطه البدايه لانهيار كيان السيوفي بهذا الشكل. المخزي....
..........
ليل... بصوت جهوري... وسط الموظفين اللي اصابهم الرعب من تحوله وصوته اللي يرعب...
ليل....الصور دي دخلت الشركه هنا ازاي...
المدير التنفيذي.  برعب...حضرتك ياليل باشا منعرفش...احنا جينا لقيناها علي مكاتبنا كلنا..
ليل...بعني ايه جيتو لقيتوها علي مكاتبكم..ايييييه دخلت لوحدها... هاتوليييي الامن حالا
ثواني وكل الامن كانو ادامهم..
الامن...تحت امرك با افندم
ليل....انتو اول ناس بتكونو موجودين هنا...مين اللي دخل الاظرف دي هنا...ومين اللي دخل هنا. من غير اذني ومين اللي دخل حطها علي مكاتب الموظفين..
الامن....مفيش حد دخل والله يا افندم. واحنا مش عارفين ازاي اصلا اتحطت
ليل.....يعني ايه نايمين علي ودانكم مشغل معايا عيال...
الامن...يا افندم صدقني والله مافي حد دخل الشركه انهرده خالص ومحدش بيدخل اصلا غير الموظفين او حد عنده معاد سابق غير كده محدش يقدر يدخل او يخرج
ليل...طيب امبارح... بعد ما مشينا من الشركه مين اخر حد فضل موجود..ماهو الاظرف دي عشان تتحط لازم ميكنش في موظفين فالشركه
الامن....حضرتك... امبارح
كان في حوالي. عشر موظفين من اقسام مختلفه مشيو متأخر عشان كان عندهم شغل..
ليل....ثواني ويكون علي مكتبي اساميهم وانا بقي هعرف بطريقتي مين اللي حط الاظرف دي ومين اللي وراها...
والتجمع اللي انتو عاملينه ده...والرغي والوشوشه اللي ملهاش لازمه اول واخر مره يحصل وهكتفي بس بخصم اسبوع لكل الموظفين
.ومره تانيه ادخل الاقي المنظر ده رفد. حتي لو لكل الشركه....واللي عمل بقي كده بس يقع في ايدي وديني ماهرحمه...وثواني وعايز كل الصور دي حالا تتلم وتكون علي مكتبي...واللي هيفكر بس لمجرد تفكير يتكلم في اي حاجه تخص الصور دي..ميلومش غير نفسه....والخبر اللي منشور ادامكم ده مبقاش ليل السيوفي ان ماقلبت الدنيا علي دماغ صاحبها....اما بقي بخصوص الصور اللي شوفتوها دي....قاطعه نوح فاللحظه دي بغضب اعمي...
نوح...لحظه ياليل. بعد اذنك...وكمل بصوت جهوري يرعب   يحمل في كل حرف غضب ليس له حدود من اللحظه دي.  لو بس حد فكر يجيب سيره نور علي لسانه او حتي في عقله...يعتبر نفسه ميت....نور...مراتي علي سنه الله ورسوله. ...نور بنت انضف راجل جه اشتغل فالشركه دي... عم محمد اللي كلكم عارفينه اللي ليه..جمايل علي كل واحد فيكم  الراجل المحترم اللي مكنش بيسيب فرض  اللي كان بيساعد الكل وعمره ما اتأخر عن اي حد احتاجه في خدمه عم محمد اللي عارفينه وعارفين اخلاقه اللي يوم ما هيربي اكيد تربيته هتبقي نضيفه زيه...مش زي الصور اللي في ايدكم دي..فا أقل واجب كان لازم تردوله الجميل ويوم ماتقع في ايدكم صور زي دي   بدل ما كنتو تقفو تتكلمو وتتوشوشو بالمنظر ده كنتو   قولتو لا وكدبتو عينكم....انا بحب نور وهي بتحبني   والمفروض اننا كنا هنتجوز   بس اللي حصل لعم محمد غير كل حاجه وبعد وفاته كان لازم نكتب كتابنا عشان مينفعش تفضل لوحدها   وحصصصصل واستنينا لحد ما عم محمد تعدي فتره علي وفاته عشان نعلن جوازنا ادام الكل بس للاسف في كلب بيحاول يبوظ العلاقه دي وعمل الصور اللي في ايدكم دي عشان يشوه سمعت السيوفي اللي عمرها ما هتتشوه ابدا...اناومش مجبر اقولكم كل الكلام ده بس ادام الصور وقعت في ايدكم يبقي لازم تعرفو عشان من بعد ما عرفتو لو حد فكر يجيب سيره مراتي هيحكم علي نفسه بالموت فاهميييين .والكلب اللي عمل كده من اللحظه دي اعتبروه ميت...يلاااااا كل واحد علي مكتبه...
مشيو الموظفين بسرعه وكل واحد فيهم راح علي مكتبه بتوتر وخوف..طلع ليل وطلعو كلهم وراه...
ليل.... تعالو ورايا...
دخل ليل اوضه الاجتماعات والكل وراه...
اعد ليل... عالكرسي...وكلهم اعدو في صمت. الموقف مكنش محتاج كلام...كان التوتر سيد الموقف..
ليل...مسك موبايله واتصل عالمأذون...
ليل...الووووو
المأذون....ايوه يااستاذ ليل.
ليل....القسيمه جهزت..
المأذون...مش هينفع تبقي جاهزه انهرده. 
ليل...يعني ايه مش هينفع.  انا مش قولتلك ادفع اي فلوس وخلصلي كل حاجه.
المأذون...ياليل باشا مش حكايه فلوس...بس في إجراءات لازم تخلص.
ليل...اي حاجه بتخلص بالفلوس...
المأذون...بس حضرتك طلبت مني ان القسيمه تتسجل بتاريخ قديم وعشان الاجراءات دي تخلص بتاخد وقت للاسف عشان القسيمه تتسجل بتاريخ قديم.
ليل...اتصرف مفيش وقت
المأذون...طيب اديني وقتي وانا هعمل كل جهدي عشان اخلص كل حاجه انهرده...ولو منفعش انهرده ان شاء الله بكره بالكتير هتكون القسيمه مع حضرتك.
ليل...بكره الصبح...قبل 9 تكون معايا لو حتي هتخلص بأي مبلغ خلص كل حاجه انهرده ولو محتاج اي مبلغ يكون معاك هبعتهولك حالا.
المأذون...متقلقش ياليل باشا انا الوقت بحاول اخلص اهو وان شاء الله مله هيخلص بس اديني وقتي ولو خلصت هجبها لغابه عندك انهرده...
ليل...تمام مستنب منك تليفون.
المأذون... ربنا كريم...
ليل..سلام.
المأذون...مع السلامه...
..........
ليل......اللي حصل ده مفيش حرف منه يوصل لنور...الموضوع مبقاش فضيحه في جامعه وشويه صور وصلولنا احنا بس...الموضوع كبر...بقت فضيحه فالشركه كلها...وفضيحه فالجرايد...وهتوصل للإعلام...
جاسر....اظن كده يا ليل خلصت ولازم اللعب يبقي عالمكشوف...
ليل....هخلص الاول. حوار.  الجامعه بكره....
ادم...بس احنا مينفعش منردش ياليل في اسرع وقت لازم ناخد خطوه عالاقل نبلغ
ليل....تبقي بس القسيمه في ايدي وهطلع بيها عالنائب العام اعمل مخضر فالجريده دي... لاكن هروح الوقت اعمل محضر بأيه...المفروض انهم كاتبين الكتاب من فتره يعني القسيمه المفروض تكون جاهزه...مش مجرد قسيمه مؤقته ماشيين بيها...
عشق...صح.القسيمه المؤقته دي بتبقي لمده بسيطه عشر ايام اسبوعين بالكتير لاكن المفروض انهم بقالهم فتره متجوزين وطبيعي القسيمه تكون بقت معاهم.  مفيش حل غير اننا نستني المأذون...
ليل...جاسر...عايزك انت وادم...تراجعو الكاميرات من بعد ما مشينا بليل لحد الصبح... مفيش ثانيه عايزها تعدي من تحت ايدكم غير لما تشوفوها...
جاسر...تمام..
ادم...تمام..
ابتدا تليفون ليل يرن...
ليل...الوووو.
.........
ليل....ياريت امته..
.......
ليل...طيب انهرده مش هينفع خالص
......
ليل....تمام...بكره قبل المعاد هكون موجود
......
ليل...شكرا لتفهمكم الموضوع..
.......
ليل...لا خالص...بالعكس... دي جت في وقتها..
...........
ليل.....لا في كتير اوي في كءا مفجأه كمان
.........
ليل...شكرا.   جدااا هنكون موجودين ان شاء الله.
.......
ليل . مع السلامه.
.......
جاسر.. في ايه
ليل....ده الاعداد بتاع برنامج الحقيقه...طالب يعمل معانا حلقه بخصوص الخبر اللي اتنشر.
جاسر...طيب وهتعمل ايه
ليل...هنروح طبعا انا ونوح...
جاسر...طب ورفضت لبه انهرده.
ليل...لنفس السبب اللي مخليني مش عارف اروح اعمل بلاغ...القسيمه!!!
ادم....للاسف.  كل حاجه.  متوقفه بسبب القسيمه.
زهره...هي ممكن متطلعش بكره.
ليل....لازم تطلع بكره بأي شكل..
نوح..حاطط ابده علي راسه من التعب حاسس ان دماغه هتنفجر...
عشق....طيب انا رأيي... نحاول نهدا وخصوصا ليل ونوح... العصبيه دي مش كويسه فالموقف ده.  لازم تكونو اهدا من كده عشان تقدرو تفكرو  وإلا كل حاجه هتبوظ والعصبيه هتوتركم اكتر ومش هتقدرو تفكرو خالص. وساعاتها هتدو فرصه كبيره للي عمل كده انه يبوظ الدنيا اكتر خصوصا اننا مش عارفين هو بيفكر في ايه...
جاسر....صح...عشق بتتكلم صح...احنا عارفين بنتعامل مع مين...لاكن منعرفش هو بيفكر ازاي...فا لازم نحاول نكون اهدا عشان نعرف نرتب افكارنا..
ليل...وهو حاطط ايده علي وشه...نهدا ازاي ونفكر زاي انا حاسس ان دماغي واقفه مش قادر افكر حاسس اني بتهد خلاص..
ادم...مينفعش يا ليل...خالص..مينفعش تتهز انت بالذات..اللي احنا فيه ده بدايه.  لسه مش عارفين نهايتها امته...ولا هتخلص علي ايه...يعني مينفعش تسلم من اولها...
جاسر...اهدا كده ياليل...ادم معاه حق.  احنا كلنا معاك بس لازم تكون صالب طولك احنا بنستمد قوتنا منك..
فاللحظه دي... بص ليل لعشق...وهي بصتله.  واول ما عينها جت في عينه بعدتها بسرعه....
زهره....انا عندي حاجه عايزه اقولها ينفع...
ليل... طبعا يازهره قولي..
زهره...يعني المفروض البلاغ والحلقه اللي هتتعرض   والجامعه متوقفين كلهم علي القسيمه وان شاء الله هتكون معاك انهرده قبل بكره ولو بقت معاك هتروح الصبح عانائب العام تعمل بلاغ الاول ده تقريبا افضل عالاقل عشان بعدها تطلع عالجامعه بالقسيمه وبصوره من المحضر اللي هتعمله ده هيقوي موقفكم  فالجامعه جداا.
ليل...صح   يا زهره براڤو عليكي انا كنت هعمل العكس...
زهره... بعد الجامعه هيبقي فاضل معاد الحلقه  ان شاء الله من بعدها الكل هيخرس خالص وبكده مشكله نور ونوح هتهدا مش هيبقي فاضل غير انكم تعرفو مين او تقولو مين...بسانا رأيي اننا منبوظش كل حاجه يعني المفروض انهرده ميضعش واحنا اعدين نفكر وموقفين شغلنا لازم نقوم نكمل عادي وكأن مفيش حاجه حصلت خصوصا ان الفتره دي في شغل كتير وفي كذا مناقصه لشغل جديد واتفاقات ومواعيد وشغل هيبتدي بعد بكره يعني اللي عمل كده فالتوقيت ده بالذات غير الفضيحه هو قاصد يوقع الشركه ويشتت تفكيركم عشان الشغل ده كله يتلغي ويبوظ وبكده الشركه هتخسر كتير فا انا رأيي منديهمش الفرصه ونقوم ونكمل ونخلص الشغل الواقف.  ونركز وكأن مفيش حاجه حاصله...وبعدين يعني المشكله حصلت والدنيا عرفت يعني مفيش حاجه تقدر توقف اللي حصل يبقي احنا بقي نتعامل مع المصيبه دي ببرود اه هي حاجه كبيره بس حصلت خلاص مش هنفضل بقي مضايقين ومتعصبين وموقفين حياتنا...
ادم...باعجاب... براڤو يازهره انا معاكي جدا..
نوح...وانا كمان مع زهره.  اللي عمل كده قاصد يهد الدنيا علي دماغنا فالوقت ده بالذات..
ليل....بابتسامه بسيطه...كنت فاكرك طيب يازهره... بس دماغك عجبتني.  ويمكن كلامك ده فوقني... وانا كمان معاكي...هنقوم الوقت كلنا علي مكاتبنا.  هنشوف شغلنا. وكأن مفيش حاجه حصلت...لحد بليل لما نعرف المأذون عمل ايه.  بس ادم وجاسر زي ما قولتلكم... تشوفو الوقت الكاميرات وتعرفو من بعد ما مشينا ايه اللي حصل مين كان بيتحرك بصوره مش طبيعيه مين اللي عدي علي المكاتب وحط الصور.
جاسر...متقلقش كله تمام.
قام الكل علي شغله...وكأن مفيش حاجه حصلت...
ابتدت زهره...شغلها هي ونوح...ادم وجاسر بيراجعو الكاميرات....
عشق... ابتدت شغلها هي وليل..
تمارا... بتحضر للميتنج اللي هتروحو هي وجاسر....
...........
عدي.  حوالي ساعه...
خبط...نوح..علي ليل...ودخل..
ليل... خير يانوح..
نوح...ليل انا هستأذن.  ساعه وهرجع..
ليل... ليه رايح فين
نوح...مفيش هروح اشوف نور واركبلها المحلول...وهرجع...
ليل...طيب ما كنا بعتنا ممرضه افضل.
نوح...مش هتأخر ياليل...انا ساعه بالكتير هكون هنا هركبه وارجع بسرعه..
ليل... طيب تمام...ادم خلص. هو وجاسر ولا لا.
نوح...لسه
ليل.. طيب زهره هتعرف تشوف الشغل لوحدها...
نوح... انا خلصت شغل واديتهولها مسافه ما اروح وارجع هتكون هلصت واكبد ادم هيكون خلص وطلعاها..
ليل... طيب تمام يانوح..وانت خارج ابعتلي شاهي..
نوح...بس شاهي مش موجوده عالمكتب وانا داخل ملمحتهاش...فكرتها عندك
ليل...خلاص روح اكيد فالحمام
نوح... طيب تمام يلا سلام.
..............
خرج. نوح راح لنور...وكمل ليل شغله عادي.  وعشق كمان كانت مندمجه فالشغل...
............
اما في الڤيلا...
خبطت... سهام عالباب...
نور... بضعف... ادخل..
فتحت.  سهام الباب... صباح الفل... عالقمر اللي منور الڤيلا..ممكن ادخل.
نور..بابتسامه... صباح النور.. طبعا ممكن.
دخلت سهام واعدت جمبها.  بعد ما باستها من خدها..القمر عامل ايه انهرده
نور...بخير ياطنط..احسن..
سهام...انا جيبالك اللبن الدافي ده عشان تبتدي تاكلي بقي زي ما الدكتور قال.
نور...معلش ياطنط مش قادره.
سهام...لا ازاي بقي هتفضلي كده عالمحلول انتي مش شايفه انتي عامله ازاي
نور... بس انا مش بحب اللبن واصلا مش جعانه...
سهام...حتي لو مش جعانه لازم تغصبي علي نفسك عشان متقعييش مننا يانور... وبعدين ده اللبن جميل وهيقويكي شويه...وعشان معدتك تبتدي تشتغل تاني وتاكلي بقي...
نور... معلش ياطنط سبيني علي راحتي بجد مش بحبه...
سهام...نور... انا عايزه اتكلم معاكي كلمتين...
نور...اتفضلي..
سهام...انا مش عايزه اقولك حاجه تضايقك ياحبيبتي.
بس عارفه ومقدره جدا الظرف القاسي اللي بتمري بيه..
ومش هدافع عن ابني.. والله. انا هقف معاكي انتي... بس بردو ابني ميعملش كده نوح ميعملش كده ابدا يانور. 
نزلت...دمعه من عيون نور...بحزن.
سهام...نوح ممكن يهزر يضحك ممكن يكون لعبي بيخرج مع بنات بيتنطط كتير بس هو راجل انا والوه ربيناه صح.  ممكن نقول الشيطان وحش بس نوح ميعملهاش كل ام فالدنيا بتبقي عارفه حدود ولادها فالصح والغلط..والغلط قبل الصحوكمان...يعني انا عارفه ايه اخر ولادي فالغلط...وصدقيني يانور مش نوح...ومش بقولك كده عشان تسامحيه او عشان تشيلي من دماغك فكرت ان هو اللي عمل كده لا خالص وصدقيني لو ثبت عكس كلامي ليكي ونوح اللي تملها انا اول واحده هتقف ادامه.  وهقف معاكي انتي. وهبقي بريئه منه ادام ربنا وادامك ليوم الدين
وهعرف. الكل ان وصيتي هتكون انه لا يحضر عزا ليا ولا غسل وهضب عليه ليوم اليدين..
نور...بعد الشر تن حضرتك..
سهام...ومش بس كده... نوح هيخرج من حياتنا تماما بعد ما يردلك كرامتك ادام العالم كله...
بس صدقيني انا ام وقلب الام عمره ما يكدب ابدا واحساسي ان مش هو نوح متغير ومتبدل.  ده مش نوح اللي ماللي الدنيا حركه وضحك نور جواه كسره. وحاسس بالظلم.  نوح لما بيعمل حاجه وبيكون غلطان بعرف لاكن المرادي لا هو مش غلطان صدقيني...وواثقه انه هيجبلك حقك...
نور...بدموع...بس انا تعبانه اوي مش قادره اتحمل كل ده
خدتها سهام في حضنها...عارفه يانور.  وحاسه بيكي ياحبيبتي .. بس عيزاكي تجمدي عشان تقدري تاخدي حقك بايدك ختي لو كان نوح... مينفعش تكوني ضعيفه كده. مينفعش الضربه تعلم فيكي وحتي لو علمت مينفعش توطي ابدا. لازم تقفي قويه وصامده. ورافعه راسك.. الدنيا اللي احنا عايشيين فيها دي مش عايزه الضعيف.  عشان محدش بدوس عليكي ومينفعش تحسسي غيرك بضعفك ووجعك عشان هتقابلي ناس في حياتك مبيلاقوش سعادتهم غير فاللي موجوع وبيجو عليه امتر اجمدي كده بقي.وامسحي دموعك دي ..
خرجت.. نور. من حضنها وهي بتمسح دموعها...معاكي حق...
وفاللحظه دي خبط الباب...
سهام...ايه ده مين...ادخل
فتح...نوح الباب..
دارت نور وشها بسرعه وحطت طرحتها علي شعرها وحاولت تمسح دموعها بسرعه عشان ميبنش عليها...
سهام...نوح...جيت امته
نوح...لسه جاي يا امي.
سهام...في حاجه ولا ايه
نوح...لا خالص رجعت عشان معاد المحلول
سهام...اه انا نسيت خالص...طيب تعالي وانا هنزل اشوف الشغاليين عملو ايه فالغدا..
نوح...طيب يا امي..
سهام... مش هتشربي اللبن بردو يانور.
نور...لا ياطنط مش هقدر صدقيني..
سهام... زي ما تحبي ومسك الصنيه..
نوح... خدها من ايدها. سبيها يا امي..
سهام...بصتله وسابتها وخرجت...
رجع نوح الصنيه جمبها تاني... وابتدا يطلع العلاج من غير ولا كلمه...ومش بيجيب عينه عليها عشان متضايقش..
نور... رتحاول تسرق نظراتها ليه بسرعه وتبعد عينها...
علق..نوح المحلول... وقرب ايده من ايدها.  عشان يركب المخلول فالكانولا. سحبت نور ايدها منه بخوف. بسرعه.
نوح.. بصلها.... انا هركبلك المحلول.
فضلت بصاله نور من غير ما تتكلم رجع تاني مسك ايدها...   سكتت نور...
لاكن... كانت لمسته ليها كفيله تخرج قلبها من مكانه..
ركب... نوح..المحلول وفضل متابع.  بس مكنش في حاجه بتنزل..عرف ان الكانولا اتسدت فاطلع سرنجه وسحب من المحلول زي ما عشق قالتله...وقرب من ايد نور...وابتدا يفضي السرنجه فالكانولا عشان تتسلك... لاكن فاللحظه دي. اتألمت نور جامد...ودموعها نزلت زي الاطفال..
نوح... بفزع... نور.  اسف بجد بس الكانولا اتسدت وعشق قالتلي دي الطريقه الوحيده اللي تتسلك بيها...
نوح...انا هكمل معلش استحملي بس شويه..ماشي..
هزت.. نور.دماغها وهي بتمسح دموعها...كان قلبه واجعه عليها وهي بتعيط
ابتدا يضغط الحقنه تاني...
واتألمت من ناني نور... حاول نوح يخلص بسرعه عشان بخف عنها الالم...
ورجع تاني المحلول...واخيرا ابتدا ينزل بانتظام. واشتغل..
نوح... خلاص تمام اشتغل..هيخلص بعد نص ساعه لما يخلص هتقفلي المحلول وتشيليه من الكانولا وتقفليها لو مش هتعرفي ماما هتساعدك.. تمام..
سكتت... نور ومردتش وعينها كانت بعيد عنه..
اتنفس نوح بألم...مسك اللبن وقربه منها
نور...مش عايزه
نوح...لازم تشربيه.
نور...مش عايزه قولتلك
نوح...نور. بلاش عند من فضلك واسمعي الكلام
نور..انا مبشربش لبن
نوح...معلش هتشربيه.
نور...قولت لا
نوح... ماهو هتشربيه بالذوق او انا هشربهولك بطريقتي فاهمه..
نور... بصتله بغضب.. وخدته منه..
نوح... انا همشي الوقت راجع الشركه...ياريت لما امشي.  متسيبهوش عشان لو عرفت انك مشربتهوش والله يانور اول ما هرجع هشربهولك بالعافيه. وبدل الكوبايه هتشربي اتنين...
نور....بصاله بغضب...
نوح...عايزه حاجه.
نور...لا مش عايزه منك حاجه...
نوح...وهو بيتنهد ماشي شكرا...ومشي ناحيه الباب...ونور متبعاه بعينها...وقف مره واحده وبصلها بعدت عينها بسرعه.
نوح...صحيح.  نسيت اقولك... متبقيش تلبسي الطرحه شكلك نسيتي اني بقيت جوزك..
نور...بصاله بغضب ومش عارفه ترد...
فتح نوح الباب.  ونزل... ووصي والدته علبها وراح عالشركه...
.........
ليل... يعني الكاميرا مش جايبه شكل اللي عمل كده. ولا ملامحه..
جاسر... بقولك ياليل اللي ادامنا بيحط الاظرف... لابس كاب... ولابس لبس مش لبس موظفيين...لابس كاچوال مش فورمال .
ليل...انا لازم اشوف الكاميرات دي بنفسي اخر اليوم..اكيد في حاجه ممكن تعرفنا مين ده...اللي عمل كده من الشركه استحاله يكون بره الشركه هيخرج ويدخل ازاي من غير الامن ما يمنعه...
ادم... مش عارف.. بس ده اللي ظاهر عموما حابب تراجع الكاميرات راجعها يمكن توصل لحاجه...
ليل... طيب تمام روحو انتو علي شغلكم...
رجع نوح... وكمل شغل...ومشي اليوم عادي الكل بيشتغل..
جاسر..وتمارا.. راحو الميتنج...
ومر حوالي ساعتين رجعو...
وكنلو شغل تاني...
وابتدو يخلصو شغلهم..
وخد ليل معاه الميموري بتاع التسجيلات عشان يراجعه براحته فالبيت...
وابتدو يجهزو... عشان يروحو مع بعض الڤيلا يطمنو غلي نور..
عشق... ليل.. انا هخرج اشوف زهره خلصت ولا لا
ليل.. تمام... ياعشق.. وانا جاي وراكي عشان نمشي.
عشق... تمام...
خرجت .. عشق...راحت لزهره... ولاكن وهي في طريقها لمكتب... زهره... وقفت بصدمه.   😳😳😳وطلعت موبايلها بسرعه
عدي خمس دقايق علي وقفتها..
واخيرا راحت علي زهره ..
الكل خلص...وخرجو مع بعض من الشركه... في طريقهم للڤيلا...
ليل... جاله تليفون.
ليل...الووو
المأذون...ايوه ياليل...باشا..
ليل.... ايه في اخبار.
المأذون... اه كله تمام...الحمد لله القسيمه معايا...
ليل.. طيب كويس جدا...هتكون فاضي الصبح علي 7 او 8
المأذون... اه ان شاء الله
ليل.. خلاص بكره هخدها منك. 
عشق...بانتباه... ليل
بصلها وهو بيتكلم
عشق... هو ده المأذون هي القسيمه جهزت
ليل... هزلها دماغه
عشق... انت عايز تاخد القسيمه منه بكره
ليل.. للمأذون لحظه هليك معايا
المأذون معاك
ليل.... اه يا عشق... ناخدها الصبح علي طول
عشق....لا اطلع عليه الوقت ياليل ناخدها منه حالا
ليل...في ايه ياعشق..
عشق...مفيش بس اسمع كلامي ممكن.
بصلها ليل.. باستغراب ورفع الموبايل علي ودنه...
ليل... طيب بقولك ايه... جهزلي القسيمه انا جاي حالا اخدها منك
المأذون... خلاص في انتظارك...
وقفل ليل معاه..
ليل... لعشق.. في ايه يا عشق..
عشق...مفيش..بس كده احسن
ليل... لا في حاجه.
عشق...صدقني مفيش بس ايه اللي يخلينا نستني ادام جاهزه ناخدها احسن محدش عارف ممكن يحصل ايه وانا مش مطمنه..
ليل...  ماشي ياستي بس عموما انا مش مصدقك.
عشق...ليه بس. انا بس حاسه بقلق.  واتعودت امشي ورا احساسي ومش هتخسر حاجه.
ليل... ماشي.  ادينا طالعين عليه اهو. 
عدي ليل. بعد فتره عالمأذون فالمكتب بتاعه خد منه القسيمه واداله فلوسه...
ورجع عالڤيلا...   اعدو البنات مع نور... حاولو يغيرو مودها لاكن كانت زي ما هي...
واخيرا... مشيو...
بعد ما ليل بلغهم ان القسيمه معاه وهيبتدو مشوارهم الصبح.....
طلع نوح الاوضه عشان ينام شويه..
كانت نور.. صاحيه...
نوح...دخل من غير كلام... دخل خد شاور وغير هدومه.  وخرج اعد عالكنبه...
نوح... نور... عشق.  بلغتك اننا هننزل الصبح للجامعه..
نور...ايوه.
نوح... انا هصحي اعمل مشوار انا وليل بسرعه وبعد كده هاجي اخدك ونروح الجامعه مع بعض..
مرضيش طبعا يعرفها انهم هيروحو للنائب العام يعملو محضر في الجريده...
نور... ماشي...
نوح.. قام طلع من چاكت البدله بتاعته علبه صغيره قطيفه...
وراح.. ناخيه نور...اتفضلي.
نور...ايه ده..
نوح...زي ما انتي شايفه.. دبله البسيها في ايدك..
نور...انا مش هلبس حاجه
نوح... من فضلك يانور بلاش مناهده كتير واسمعي الكلام.
نور...قولتلك مش هلبس حاجه مش عايزه حاجه منك ولا عايزه تربطني بيك اكتر من كده انت مبتفهمش..
نوح... بغضب.. مسكها من دراعها....صرخت نور بوجع...
تلمي لسانك ده وتتكلمي معايا كويس ومن هنا لحد ما اجبلك حقك... تسمعي كل حرف بقوله انتي عمرك ماجربتي قلبتي يانور.  وانا محبش ابدا انك تشوفيها