فجأه ايه ده عشق
لفو الشباب كلهم علي الصوت اللي نادت علي عشق
عشق بثبات مها ازيك
رجعوالبنات وقفو جمب عشق
مها..الحمد لله ايه ده تمارا وزهره كمان عاملين ايه
تمارا برخامه اهلا
ملحوظه..مها دي كانت موظفه في دار الايتام اللي البنات كانو فيه وكانت الدراع اليمين لحنان المديره وشافو البنات علي ايدها هي وحنان الويل والحزن كله
مها..بتبص بنظرات خبيثه ووقحه عالشباب اللي معاهم
مها..وهي متعمده تسمع الشباب الكلام عشان تعرفهم حقيقتهم بس مكانتش تعرف انهم عارفين وخطتها باظت ايه يابنات عاش من شافكم من يوم ما طلعتوا من الدار ومحدش سمع صوتكم ولا شافكم طب حتي كنتو سألتو ولو مره واحده علي الناس اللي كانت معاكم طول عمركم
مها..عامله ايه ياتمارا انتي وزهره..كده متسألوش ده مكنش عيش وملح
تمارا..معلش بقي تقولي ايه قله اصل
مها..بضحكه صفرا وخايفه من لسان تمارا اللي عرفاه لا ابدا مقصدش بس يعني كنتو سألتو
تمارا..هو اللي يخرج من عندكم يعرفكم تاني اصلا
الشباب..كانو مصدومين من رد تمارا وجرأتها
مها..ايه ده ليه كده بس مش دار الايتام دي اللي لمتكم من الشارع
تمارا..واخر صبر عندها نفذ وشها اتغير واتبسطت مها انها احرجتها وبردو متعرفش ان الشباب يعرفو
تمارا..بضحكه وهي بتقرب منها تعملي ايه بقي في بنات لا ليهم اهل ولا اصل ولا فصل من الاخر الاصل عندنا معدوم واطيين يعني كملت بابتسامه وعلي فكره لو ممشتيش من وشي الوقت شايفه المول ده كله مش هيعرف يخلصك من ايدي وساعتها هتندمي انك وقفتي عشان تسلمي علينا
عشق..وهي بترجع تمارا خلاص
مها..بخوف ايه ده انتي زعلتي ولا ايه انا مقصدش انا بضحك معاكي
تمارا..واديكي جربتي الضحك مع واحده ملهاش اصل فكري بقي تضحكي مره تانيه كده وانا هخليكي تكرههي الضحك وتلغيه من حياتك
عشق..خلاص ياتمارا قولتلك
مها..علي فكره ياعشق انا مقصدش هي بس اللي زعلت شكلي كده عكيت الدنيا ادام الشباب وشكلهم ميعرفوش انكم كنتو عايشين في دار ايتام
فاللحظه دي ولاول مره عشق تكون عنيفه ومتتحكمش في غضبها علي عكس طبيعتها تمارا ديما هي اللي بتغضب بسرعه عكس عشق لاكن المرادي عشق فاقت كل توقعاتهم.
غضب..الشباب جدا من السمجه اللي بتتكلم دي ولسه ليل هيدخل
قربت عشق من مها...ومسكتها من رقبتها بأيد واحده وضغطت عليها بكل قوتها مها كانت هتطلع فالروح في اديها
عشق...كلمه كمان وقسماباللي خلقني وخلقك ما هندم اني اقتلك وهتبقي اول مره اوسخ ايدي في واحده زباله زيك
ليل..عشق عشق
قربو صحابها كلهم منها يشيلو مها من تحت ايدها والناس ابتدت تقف تتفرج
ليل..سحب ايدها من رقبت مها بالعافيه
مها فضلت تحاول تاخد نفسها وتتكلم بعصبيه وهي نفسها متقطع وديني ما هسيبكم ياعشق وهخليكو تندمو عاليوم اللي جيتو فيه الدنيا ياولاد الحرام
فاللحظه دي الشباب كانو وصلو لاعلي درجات الغضب وعلي رأسهم ليل اللي عينه احمرت واتحول لوحش في نظراته مسك ايد مها بين ايده اقسمت مها بداخلها ان كل عظام ايدها اتفتفتت لحتت صغيره
ليل..من بين سنانه كلمه تانيه وهرميكي من فوق السور ده
مها بصاله برعب
ليل..فكري كده يازباله تقربي لحد فيهم وصدقيني هتندمي عاليوم اللي لمحتيني فيه
عشق..ليل خلاص
مها..بألم سيب ايدي
ليل..كلامي اتفهم ملمحكيش فأي مكان تاني ولو بنت فيهم قالت بس انها شافت خيالك تعرفي بعدها ان ليل السيوفي هيقبض بأيده روحك
رماها بأيده رجعت مها كذا خطوه لورا
جاسر..خلاص ياليل يلا بينا من هنا الناس ابتدت تتلم
فضل..ليل واقف باصص علي مها اللي لفت وطارت برعب من ادامه وثواني وكانت اختفت
ليل..بص لعشق انتي كويسه
عشق..هزت دماغها بثبات تمام
ليل..يلا
نزلو تحت واعدو في مطعم مشهور وهادي بعيد عن زحمه المول
كان الجميع صامت تمامآ
البنات من جواهم غضب وقهره من اللي حصل
ليل..أعد يهز رجله بغضب ويشرب سيجارته في صمت
ادم..ايه ياجماعه في ايه مالكم ما تصلو عالنبي كده مفيش حاجه حصلت دي واحده مريضه
الجميع..عليه الصلاه والسلام
تمارا..احنا غلطانين من الاول عشان يوم ماخرجنا مروحناش عملنا فيهم محضر
زهره..محضر في مين اذا كان كل اللي ورا حنان مضوا وادوها التمام وكانو موافقين
تمارا..اهو اللي وراها دول ازبل منها فاكريين ان بفلوسهم يقدرو يعملو اي حاجه
عشق..بعصبيه ممكن خلاااص اقفلو السيره دي بقي
ليل..خلاص يابنات حصل خير هي مش هتقدر تقربلكم تاني ولو شافتكم مره تانيه صدفه هتخبي وشها اصلا
جاسر..بابتسامه عشان يغير الجو ما طبعا كفايه بصتك ليها رعبتها
نوح..بضحك نظره ايه ده كفايه اللي عشق عملته فيها تصدق بالله انا معملتش حاجه وخوفت
ابتسمت عشق غصب عنها علي نوح
نوح بتضحكي وربنا انا خوفت منك
عشق..انت بتهزر مش كده
نوح..باصطناع الخوف وبطريقه كوميديه لا وربنا ما اقدر
ادم.. بضحك اهو شوفتي جبان وسلم نمر
نوح..جبان جبان يا عم انت مشوفتش قفشتها ازاي من رقبتها انا لسه مدخلتش دنيا
انا كنت ديما اقلق من ليل لاكن الوقت بقي ليل وعشق
عشق..بابتسامه علي فكره انا مش كده والله بس هي مستفزه وطلعتني عن شعوري
نوح..اقولك حاجه انا توقعت ده من تمارا
تمارا..واشمعني تمارا يعني
نوح..اشمعني ما انتي كنت هتكليها قبل عشق
قولت الطلعه دي هتيجي منك بس اتفجأت بعشق
جاسر..وانا كمان
تمارا..لا والله هو انا باين عليا اني شريره اوي كده
جاسر..وهو بيبصلها بنظره طويله وابتسامه اوي
تمارا حست بالاحراج ووشها احمر بعدت وشها عنه بسرعه وهي بتبتسم
تمارا..علي فكره انا والله مش شريره بس هي زي ما عشق بتقول حقيقي مستفزه جدا
ادم..هو ممكن سؤال بسيط يعني لو مش هيضايقكم
عشق..طبعا اسأل
ادم..هي ليه عملت معاكم كده وليه مش بتحبك هي والمديره دي
عشق..صدقني انا معرفش حاولت اعرف كتير بس مقدرتش وبعدين الكلام ابسط كتير من اللي كانوا بيعملوه فالحقيقه الحقيقه اصعب من انها تتحكي بص هي طبيعتها كانت شديده جدا لاكن احنا التلاته بالاخص كانت بتكرهنا من غير سبب معروف بس انا ديما كنت بقول للبنات ان اكيد في سبب اصل اشمعني احنا بالذات اللي ديما بتتعامل معانا كده وبعدين في وراها ناس كبار كانو بيوافقوها علي اي حاجه من غير حتي ما يعرفوا
ادم..طب ومها دي
عشق..مها دي دراعها اليمين ومتقدرتش تعمل حاجه من غير معرفه جنان ومتقدرش ترفضلها طلب من ناحيه خوف منها ومن ناحيه تانيه عشان ترضيها وترضي عنها عشان كده حنان كانت بتحبها اوي خصوصا انها كانت ديما تفرحها بأذيتنا
ليل..اخيرا اتكلم اذيتكم ازاي
اتكلمت عشق في وسط زهول ليل والشباب
عشق..يعني كانت سعات تقطع ورق المحاضرات بتاعنا اوقات كتير في عز الشتا كانت تاخد هدومنا كلها وتسيبنا بالغيار اللي علينا بالاسبوع عشان تفضل ادام الدار كله تحرجنا وتضايقنا اننا اعدين بهدومنا اسبوع بحاله
اوقات تانيه كانو يستغلو خروجنا من الاوضه لاي سبب وندخل نلاقيهم مغرقين المراتب وواخدين البطاطين كلها وطبعا الارض مش مفروشه لا كنا بنعرف ننام عالسراير ولا حتي بترحمنا وتسبنا ننام عالارض
وكملت بضحكه مليانه وجع كنا بنقطع ورق الكشاكيل بتاعتنا ونفرشها عالارض ونأعد احنا التلاته جمب بعض عشان نحاول نسيطر عالبرد اللي وجع جسمنا
كانت ديما قبل الامتحانات عشان منذاكرش كانت طول اليوم تفضل تخلينا نساعد مع الموظفين باقي الاولاد الصغيرين فالدار واول ما ندخل بليل نفكر اننا نذاكر شويه. نتفاجأ انها شايله اللمبه خالص والدنيا ضلمه
كنا بنحاول علي اد ما نقدر نذاكر مكناش بنعرف مكنش عندنا حل غير اننا نقف علي الشباك كان في كشاف كبير بعيد عننا بس كان يادوب بينور شويه كنا بنفضل نذاكر لحد الفجر وبعدها نقوم نعمل كل ده تاني
كانت ديما تحاول تستفز تمارا عشان عارفه ان تمارا بتغضب بسرعه وبعدها نتعاقب تدخلنا الاوضه وتقفل علينا باليومين من غير اكل ولا ميه ولا حتي حمام كانت
في رمضان تخلينا نفضل طول اليوم نشتغل فالدار من تنضيف لحد عمايل الاكل انا وزهره وتمارا نعمل في الاكل وبعد ما نخلص نبتدي نجهز زي وجبات ونفضل نوزع فالاكل ونرجع نلم كل حاجه وننضف تاني مكان الاطفال وبعدها نبتدي نحضر السحور وكانت فالاخر بتحن علينا وتسبنا نفطر ونتسحر مع بعض كان اخر دور فالمبني السطح السور بتاعه قصير جدا كانت عارفه ان تمارا عندها فوبيا من الاماكن العاليه لما كانت بتقول حاجه وتمارا تعترض عليها كانت تعاقبها انها تطلعها فوق وتسيبها وتقفل عليها الباب
بصلها جاسر بشفقه وافتكر اللي حصلها فالطياره
عشق..حجات كتير اوي وتفاصيل يمكن لو حكيتها مش هتصدقوها
جاسر..هو في حد كده بجد
نوح..دي اكيد مريضه بجد مش فكره انها متجوزتش او عندها عقده دي فعلا مش طبيعيه
ادم..انا اسف بجد ياعشق واسف ليكم بجد يابنات مكنتش اقصد والله افكركم بحاجه بس كنت حابب اعرف سبب الكره ده بجد انا اسف والله
عشق..مفيش حاجه يا ادم احنا اصلا عمرنا ما نسينا يمكن اخنا فعلا محسناش اننا بني ادمين غير يوم ما خرجنا..يمكن اول يوم خرجنا فيه كنت متحمسه وبحاول اطمن البنات اللي جاي احسن بس اخر اليوم كنت ابتديت افقد الامل وكنت مرعوبه من فكره اننا ننام فالشارع بس الحمد لله ربنا سمع دعائي ليه وجبلنا بابا محمد وكأنه ملاك نازل من السما..ومن يومها واحنا مرتاحين وبقينا نعرف ننام بجد
ليل..عشق اللي فات انسوه خلاص راح احنا فالوقت واللي حصل في حياتكم قبل كده احنا هنقدر ننسيهلكم اهم حاجه مش عايز حد يضايقكم بكلمه مش عايزكم تتهزو ولا اي كلام يأثر فيكم بصو لحياتكم اللي جايه ولو اللي فات فيها كان متعب فاللي جاي بأديكم تخلوه احلي بكتير وينسيكم اللي فات
جاسر ممكن بقي نغير المود ده ونطلب بقي الغدا
ليل..يلا تحبو تاكلو ايه
طلبو الاكل وحاولو الشباب يغيرو مودهم ويضحكوهم وينسوهم اللي حصل
بعد الاكل
ليل..ايه لسه ناقصكم حاجه
تمارا..يعني
ليل..تمام انا هقوم بس اعمل تليفون شغل مهم وانتو يلا شوفو ناقصكم ايه وجاسر وادم ونوح هيبقو معاكم هخلص وارجعلكم
الجميع..تمام
قامو البنات يجيبو اللي محتاجينه وفضل معاهم الشباب وبعد شويه رجعلهم ليل كملو لف واخيرا خلصوا وخرجوا ركبو العربيات واتحركو مع بعض
ليل..عشق
عشق..بصتله نعم
ليل..انتي كويسه
عشق..الحمد لله
ليل..مش عايز اشوفك مضايقه ابدا
عشق..صدقني انا احسن مفيش حاجه
ليل..لسه زعلانه مني عالكلام اللي قولته قبل كده
عشق..لاانا نسيت الكلام ده اصلا
ليل..اكيد
عشق..ببراءه اه والله العظيم
ابتسم ليل بطريقه جميله
عشق..بتضحك ليه
ليل..اصلك طيبه اوي ياعشق
عشق..بابتسامه جميله شكرا وفضلت بصاله شويه بعد ما لف وشه للطريق كانت معجبه بشكله اوي اول مره تشوفه لابس كده
ليل..وهو باصص عالطريق حاسس انها باصه عليه
ابتسم..ايه بتشبههي عليا ولا ايه
عشق..باحراج هاااا لا انا بس سرحت
ليل..بصلها وشاف وشها اللي قلب لونه احمر ايه مستغربه شكلي بره الشغل
عشق..اتخضت انه عرف هي كانت بتفكر في ايه
ليل..ضحك ايه مش هو ده اللي كنتي بتفكري فيه
عشق..اه لا اقصد يعني اصل اول مره اشوفك بتلبس عادي يعني
ليل..ضحك اكيد يعني ياعشق مش هفضل طول حياتي بلبس الشغل بس ايه رأيك ايه فيهم احلي
عشق..وهي مبتسمه وسرحانه الاتنين شكلك حلو في اي حاجه بتلبسها وفجأه حست باللي قالته
اقصد كله حلو
ليل..ابتسم وحب يلغبطها اكتر علي فكره
عشق..نعم
ليل..انتي كمان جميله اوي ياعشق
عشق بصتله وسكتت
ليل..يعني بلبس الشغل بلبس البيت بطرحهوبشعرك وغمزلها
عشق بصت ادامها بسرعه وبعدت عينها عنه وبصت من الشباك من غير ماتنطق ولا حرف ووشها اتحول للون الاحمر
اما ليل فا بعد ما وصل للي هو عايزه كمل سواقه في طريقه وطول الطريق مبتسم وكل شويه يبص عليها وهي زي ماهي ساكته ونفسها الطريق يخلص عشان تجري من ادامه
اما عند جاسر وتمارا
كانو ساكتين خالص تمارا محرجه منه من ساعت ما اعترفلها بحبه وكل ما تيجي فرصه انه يتكلم متديلوش فرصه بعد طول فتره الصمت قرر جاسر يقطع الصمت ده
جاسر..وحشتيني علي فكره
تمارا..باصه ادامهاووقلبها بيدق بجنون من بعد كلمته
ابتسم جاسر ايه هتفضلي ساكته بردو
تمارا..ساكته ومصدومه
جاسر..قرب ايده ببطئ مسك ايدها اللي كانت متلجه
بين ايديه تمارا معترضتش لاكن مقدرتش تبصله
قرب جاسر ايدها من شفايفه وطبع عليهم بوسه بحنيه
فاللحظه دي انهارت تمارا ورعشه اصابت جسدها بالكامل غمض عينها
جاسر..ايدك متلجه كده ليه انتي بردانه
تمارا هزت راسها بلا
جاسر..وقف العربيه
ووقف قلب تمارا معاه
قرب جاسر..ايده من دقنها ولف وشها ليه ساكته ليه
تمارا..خرج صوتها اقول ايه
جاسر..اي حاجه انا راضي مالك ياتمارا
تمارا..مش عارفه
جاسر..مش عارفه ايه بالظبط
تمارا..حاسه اني متلغبطه وخايفه
جاسر..طيب متلغبطه وممكن افهمها لاكن خايفه!! من ايه
تمارا..صدقني معرفش بس حاسه اني بحلم وهصحي علي حاجه توجعني
جاسر..ليه بتقولي كده ياتمارا
تمارا..يمكن عشان مفيش فرحه كملتلي او يمكن عشان اول مره احس احساس حلو وخايفه افوق من الحلم والاحساس الحلو اللي انا حساه يضيع
جاسر..بمشاكسه وهو لسه ماسك ايديها وايه بقي الاحساس الحلو ده
تمارا..نزلت راسها باحراج
رفع جاسر وشها بايده شاف دمعه نزلت من عنيها
جاسر..بقلق تمارا في ايه انتي في حد اتعرضلك او عملك حاجه وانا معرفش
تمارا..لاخالص
جاسر..امال في ايه وليه الدموع دي
تمارا..صدقني مفيش غير اللي قولتهولك ياجاسر خايفه مش اكتر
جاسر..تمارا انا مش عايزك تخافي ابدا طول ما انا جمبك
ومش عايز اشوف دموعك دي ابدا انا بحبك بجد
زادت دموع تمارا بعد اعترافه ليها للمره التانيه
جاسر..صدقيني مش هبعد عنك ولو بتفكري في موضوع هايدي ياتمارا وده اللي مخوفك فاعايزك تطمني هايدي وجودها في حياتي مسأله وقت مش اكتر صدقيني والله ياتمارا مسأله وقت وعلي فكره انا في ايدي اني ابعد عنها الوقت قبل بكره بس مش هينفع اعمل كده الوقت لاني وقتها مش هحس انك في امان انا مستني وقت معين وكل حاجه هتخلص وساعتها هبقي ملكك انتي وبس ياتمارا قرب ايده من خدها مسح دموعها وباسها من راسها براحه وباس ايدها وبص في عينها بحبك ياتمارا
ابتسمت..تمارا بحب
جاسر..كمل بمرح مش ناويه تقوليها بقي
اتحرجت تمارا وبعدت عينها عنه
جاسر..علي فكره مش عايزك تقوليها غير لما تحسي انك عايزه تقوليها وانا يكفيني الحب اللي شايفه في عينك ودقات قلبك اللي بتقولها وفضحاكي دي
وكمل بضحك ابقي قولي لقلبك يخبي شويه بقي مش اسلوب ده
ابتسمت تمارا غصب عنها
دور جاسر العربيه وطلع وهو ماسك ايدها بين ايده
....
نور..نوح
نوح..نعم
نور..هو انا ممكن بكره معلش اتأخر شويه واجي بعد البنات
نوح..اشمعني
نور..لا مفيش بس لازم بكره اجيب ورق ضروري
نوح..لا
نور..هو ايه اللي لا
نوح..مفيش مرواح
نور..ليه
نوح..من غير ليه يانور شوفي عايزه ايه وبكره هيكون عندك
نور..ايوه بس المشكله مش فالورق بس انا بكره عندي سكشن مهم وهيتحط في اعمال السنه الامتحانات خلاص قربت فاضل 3اسابيع يعني اقل من شهر
نوح..نور
قاطعته نور..هو ممكن اعرف انت معترض ليه والله مش هتأخر عالشغل ولو اتأخرت ممكن اعد انشالله امشي اخر واحده فالشركه
نوح..شغل ايه يانور هو انا بقول كده عشان الشغل ما يتحرق الزفت
نور..ممكن تهدي انت ليه متعصب كده طيب قولي في ايه
نوح..نور انا مش عايزك تروحي عشان البني ادم السمج اللي اسمه سامر ده
نور..طيب وانا مالي وماله
نوح..انا مقولتش انك ليكي دعوه بيه يانور
نور..والله يانوح انا هخلص واجي عالشركه بسرعه ولو شوفته همشي واسيبه ومش هقف ثواني
نوح..ساكت
نور..ايه قولت ايه
نوح..ماشي يانور روحي بس هتخرجي تلاقيني واقفلك بره وهنرجع عالشركه سوا
نور..طب ليه انا هعرف اجي
نوح..اظن انتي سمعتي اللي قولته يانور صح
نور..حاضر يانوح زي ما تحب ولفت وشها وهي مضايقه من طريقته
ثواني وحس نوح بتأنيب الضمير
نوح..انا اسف يانور
نور..وهي باصه ادامها لا ابدا مفيش حاجه
نوح..لا والله ده شكل حد مش زعلان
نور..وهي بتلف وشها ليه وكملت كلامها بغضب طفولي انا مش فاهمه انت ليه بتعمل كده ومن يوم ما شوفت اللي اسمه سامر ده وانت طريقتك متغيره معايا وكل ما تيجي سيرته تتعصب عليا وكل ما تشوفه تتحول ولو طول اليوم كويسين بسببه تقلب عليا في ثانيه
نوح..عشان خايف عليكي يانور سامر ده مش كويس وممكن يعمل اي حاجه في سبيل انه يضايقني ويعمل اي حاجه تأذي غيره ولا بيفرق معاه عشان كده انا خايف عليكي انا اعرف سامر اكتر منك
نور..وانا معرفهوش ولا عايزه اعرفه وقولتلك اطمن والله العظيم لو شوفته ما هكلمه وهعمل نفسي معرفهوش وهمشي
نوح..ماشي ياستي وانا مصدقك خلاص بقي متزعليش
نور..مش زعلانه
نوح..بجد
نور..ايوه
نوح..مسك ايدها وبدون سابق انذار باسها
نور..اتصدمت وسحبت ايدها منه بسرعه وبصت ادامها
نوح..انتبه عاللي عمله وكمل سواقه من غير ولا كلمه
............
ادم..زهره مش عايزك تضايقي من اللي حصل وبجد اسف اني خليت عشق تحكي وكنت سبب في دموعك
زهره..اسف علي ايه بس يا ادم مفيش حاجه
ادم..علي فكره يا زهره تعرفي ان انا وانتي فينا من بعض
زهره..بابتسامه استغراب ازاي
ادم..يعني انا تقريبا نفس ظروفك اصل انا كمان امي وابويا من زمان ميتين يمكن ظروفك كانت اقسي بس صدقيني احساس انك لوحدك نفس احساسي
زهره..بس انا عارفه ان طنط مامت ليل ونوح بتعتبرها زي مامتك
ادم..طبعا انا مش بعتبرها هي فعلا امي وعمرها ما فرقت بيني وبين ليل ونوح بالعكس يمكن ديما كانت تيجي عليهم واحنا صغيرين عشاني عشان متحسسنيش بأي حاجه وليل ونوح مش بس ولاد خالتي دول اخواتي واصحابي بس صدقيني بردو بيبقي جواكي كده حاجه وجعاكي رغم ان ممكن تكون الظروف اللي عشت فيها وقربهم مني محسسنيش بده بس بردو بيبقي جواكي حزن مش قادره تفسريه يمكن انا معشتش مع امي وابويا حتي نص اللي عشته معاهم بس بردو احساس اليتم ديما مأثر عليا فهماني
زهره..فهماك يا أدم هو حقيقي احساس صعب بس بجد احمد ربنا عالاقل انت لقيت ام بديله عن امك اخوات واهل بجد مكان كويس تعيش فيه لاكن انا مكنش عندي كل ده صدقني يا ادم رغم اللي مريت بيه بس صدقني بحمد ربنا يمكن كان اهلي دول طلعو وحشين او يمكن كانو طلعو كويسين وحد فيهم يموت واتوجع عليهم ربنا مش بيعمل حاجه وحشه
ادم..عندك حق عارفه احلي حاجه فيكي ايه يازهره
زهره..ايه
ادم..انك راضيه وبتحاولي تتأقلمي عالحياه
زهره..الحمد لله الرضا ده نعمه جميله اوي و فعلا انا راضيه ومش زعلانه
ادم..زهره انا عايز اعملك حاجه تخليكي مبسوطه ممكن تقوليلي نفسك في ايه
ابتسمت زهره يعني ايه
ادم..يعني قوليل علي حاجه نفسك فيها وتكون هتفرحك وانا هعملها
زهره..وهي بتفكر ومبتسمه اي حاجه؟
ادم..اي حاجه
زهره..مش هترجع في كلامك
ادم..جربي مش هتخسري حاجه
زهره..نفسي اروح الملاهي
ادم..ضحك ضحكه عاليه
زهره..بتضحك عليا
ادم..بجد نفسك تروحي الملاهي
زهره..اه والله العظيم ايه مينفعش
ادم..لا مين قال مينفعش ينفع طبعا بس متأكده
زهره..ايه شكلي عيله صح
ادم..لا خالص العفو بس عيني حاضر هوديكي ياستي انتي تؤمري وكمل ضحك
زهره..بردو بتضحك طب تصدق بقي انك هتوديني وكمان هتلعب معايا
ادم..لا اوديكي اه انما العب متفقناش علي كده
زهره..وهي بتربع اديها مليش دعوه انت قولت نفسك في ايه وتعملهولي انا بقي بقولك اهو نفسي اروح الملاهي وانت كمان تيجي وتلعب موافق اوك مش موافق يبقي هعتبرك مش اد وعدك
ادم..خلاص ياستي نروح بس الملاهي وبعدين نشوف حوار اللعب ده حضري نفسك بقي الجمعه الجايه تمام
زهره..ماشي تمام
بعد وقت بسيط وصلو اخيرا تحت البرج
نزلو البنات ومعاهم الحاجه اللي اشتروها كلها
وقف الشباب يستنوهم لحد ما يطلعو بعد ما سلمو عليهم
عشق..كانت لسه باين علي وشها صدمه كلام ليل الجريئه
نور..حالها مكانش يقل عن عشق بعد بوسه نوح لايدها
اما..تمارا فكانت طايره بعد اعتراف جاسر بحبه ليها لتاني مره وحاسه انها مطمنه معاه
زهره..كانت مبسوطه بالكلام مع ادم وانه هيوديها الملاهي
مشيو الشباب اخيرا وطلعو البنات كل واحده فيهم رتبت حاجتها اللي اشترتها وبعد الشاور والصلاه دخلو عشان ينامو ويجهزو ليوم جديد
عشق..حطت دماغها عالمخده وفضلت مركزه بعينها علي صوره ليل عشان تعرف تنام وبقت عاده عندها تفضل باصه علي صورته لحد ما تروح فالنوم وفوسط ما هي سرحانه في صورته وفأحداث اليوم اللي علي اد ما مها جات وبوظت جزء منها لاكن فالنهايه كان وجودها مع ليل كفايه انه يخرجها من اللي هي فيه
خرجها من شرودها صوت موبايلها اللي اول ما لمحت اسم ليل فضلت متنحه وباصه علي شاشه الموبايل ثواني واخيرا فتحت
عشق..الو
ليل..نمتي اسف لو صحيتك
عشق..لا لسه منمتش
ليل..اكيد
عشق..اكيد في حاجه
ليل..بارتباك لا بس كنت عايز اقولك ماتنسيش الورق بتاع الصفقه اللي ادتهولك وقولتلك تشوفيه وتقولي في رأيك
عشق..متقلقش محضراه وبكره هيكون معاك وهقولك رأيي فيه
ليل..شكلك متحمسه
عشق..يعني
ليل..عموما هشوف وهعرف
عشق..متقلقش وبعدين انا هقول رأيي والقرار فالاخر ليك
ليل..لا يبقي مفهمتيش الشغل اللي انتي دخلتي عليه
عشق..يعني ايه
ليل..يعني انا قولتلك ان رأيك هيكون زي رأيي ومش هيحصل توقيع غير لو اناوانتي مقتنعين انها صفقه تفيد الشركه
عشق..بس فالاخر انت المدير
ليل..وانتي بتنوبي عني في غيابي والكل فالشركه هيوافق علي اي قرار تاخديه
عشق..اتمني اكون اد ثقتك فيا دي اللي مش عارفه انت جبتها منين
ليل..منك ياعشق
عشق..مني
ليل..اه منك من يوم ما شوفتك وانتي واثقه في نفسك ودي حاجه بتعجبني فالشخص اللي بتعامل معاه وكان اولهم لما جيتي معايا عشان تساعدي مهره
عشق..اممم وساعتها كان باين في عنيك انك مش واثق اني هعرف
ليل..صراحه ومن غير زعل
عشق..مش هزعل لاني متأكده انه اه
ليل..ضحك كان باين عليا اوي كده
عشق..جداا
ليل..بس رغم كده انتي فضلتي واثقه وقدرتي ومواقف كتير حصلت بينا تعرفي ياعشق ان مفيش اي حد قدر يقف ادامي زيك
عشق..انا وقفت ادامك ليه
ليل..يعني مش بتخافي واثقه من نفسك بتقولي رأيك ومبتقلقيش من رد الفعل
عشق..يمكن عشان ببقي صح ماهو اكيد مش هكون غلط واكابر
ليل..يمكن
عشق..صحيح انا طلبت منك حاجه ومعملتهاش
ليل..بانتباه طلبتي ايه
عشق..صوره عشق
ليل..مش ناويه تيجي تشوفيها بردو
عشق..ايه رجعت في كلامك
ليل..لا مرجعتش ياستي وعلي فكره صورتها معايا صورتها بعد ما قولتيلي
عشق..طيب ومش ورتهالي ليه
ليل..كنت مستني اشوفك هتسألي عليها ولا لا
عشق..واديني سألت فين بقي
ليل..هبعتهالك حالا شوفيها كده عندك. ثواني ووصلت الصوره فتحتها عشق
عشق..ايه ده الله بقت جميله خالص وكبرت ماشاء الله
ليل..ايه رأيك في بنتي
عشق..علي فكره بقي دي بنتي انا مش اتولدت علي ايدي تبقي بنتي
ليل..ده بأماره ايه في ام تبقي قاسيه كده ومتسألش علي بنتها وبعدين انا اللي بهتم بيها تبقي بنتي انا
عشق..هجيلها اكيد بجد هي وحشتني هي ومهره اوي وبعدين بقت حلوه اوي لازم اشوفها بجد
ليل..هنشوف
فضلو يتكلمو الوقت سرقهم لحد ما صوت اذان الفجر أذن
ليل..ايه ده ده الفجر
عشق..انتبهت اه انا مخدتش بالي من الوقت خالص
ليل..معلش سهرتك بس بجد محستش بالوقت
عشق..لا خالص انا كمان محستش
ليل..طب يلا روحي نامي شويه عشان تقدري تصحي
عشق..حاضر هصلي وانام
ليل..باعجاب ماشي ياستي تقبل الله مقدما
عشق..منا ومنكم
ليل..تصبحي علي خير
عشق..وانت من اهل الخير
قفلو مع بعض وكل واحد فيهم نايم وجواه حاجه مفرحاه
عدت الساعات واعلن الصباح عن قدوم يوم جديد
نزلو البنات للسواق عالشركه معادا نور اللي راحت علي جامعتها
نوح..الو
نور..صباح الخير
نوح..صباح النور فينك وصلتي
نور..اه وصلت ودخلت السكشن كمان بس لسه الدكتور مدخلش
نوح..تمام خلصي علي طول هتلاقيني مستنيكي
نور..مال صوتك
نوح..مفيش بس عندي صداع جامد اوي
نور..طب يانوح بجد خليك انا هخرج اركب تاكسي واجي
نوح..نور خلصي وهتلاقيني مستنيكي تمام
نور..بتنهيده مفيش فايده تمام
نوح..خلي بالك من نفسك
نور..حاضر وانت كمان باي
نوح..باي
......
مر الوقت بسرعه وخرجت نور من محاضرتها راحت اشترت ورق بسرعه ورجعت تستني نوح
وفجأه
أنت تقرأ
دار الايتام
Romanceلكل منا حياه ولكل منا قصه وجع ووجعي هو الحياه التي فرضت عليا. كل طفل منا يولد لا يحتاج سوا امه وابوه ولاكن امي وابي كان لهم رأي أخر لا يرغبو بوجودي ويتمنون موتي ولاكن إراده الله في مجيئي خالفت كل توقعاتهم وجئت الي الدنيا غصب عني وعنهم كل طفل يولد ي...
