#احببت ابنه عمي الجزء الأول

20

روايه أحببت ابنه عمي بقلم الكاتبه منه سمير
البارت العشرون
في بيت هنا
كانت سهام قاعده مع ماما هناا براا وسلمي وهنا قاعدين جواا في اوضه
هنا بطريقه دراميه وهي تمثل الحب وتضع يدها ع قلبها  /اقولك ايه ولا ايه بس يااا اوختي ..... ثم اكملت بضحكه بصوت عالي دا حتى مبعتليش رساله يطمن عليا
ضحكت سلمي بصوت ع طريقتها وانها بتسخر من نفسها /هههههههههههه بس حرام عليكي بقا قلبي هيقف انتي مسخره والله... كملي وبعدين مامتك عملت ايه لما شافتك كدا
هنا:يلاهووووي دي صوتت وكانت هتلم علينا العماره والله بس الحمدلله محدش كان صاحي وقتها
..... سلمي بحب /الحمدلله مشوفتكيش فرحانه كدا بقالك فتره
هنا بفرحه تغمرها :مبسوطه اوي ان إياد كلمني وانه طلع بخير قلبي كان هيقف والله كنت حاسه ان فيه حاجه بس الحمدلله كدا انا ارتحت وكمان انه راجع قريب.
سلمي /ربنا يفرح قلبك دايما يارب يا قلبي
هنااا :يارب يا حبييتي... بس هاا قوليلي بقااا وشك ماله كدا انتي جالك الصفره ولا ايه
سلمي بعدم فهم :الصفره؟
هنااا :يبت قصدي وشك اصفر كدا مالك كتك نيله خدودك خست كمان
سلمي :باااس يا ام راس متزينه برباط شااش
هناا :لا انتي بتعلي عليا كمان دا انتي تجي تمسكي إداره التنمر مني بقا 😂😂😂
سلمي بتنهيده:ولا حاحه يستي مافيش حاجه اصلا جاسر من يوم ما رجعنا من المستشفي وانا ما اعرفش عنه حاجه ولا هو يعرف عني حاجه
هنا :طب ليه انتي متكلمهوش
سلمي :انا مش عارفه هو شايفني ازاي دلوقتي يا هنا.. هو ابن عمي اه لكن ميعرفنيش ولا يعرف شخصيتي حلو ولا أخلاقي ولا عمره هيصدق اني مكنتش اعرف ان محمد بالأخلاق دي وممكن يعمل كدا دا ممكن يكون مفكر كمان ان انا كنت بكلمه واحنا مخطوبين انا بقيت تعبانه ومش عارفه هو بيفكر فيا ازاي.... بس هو لازم يكون عارف ان الفتره دي صعبه عليا اوي ونفسيا كمان انا حاسه ان جرحته وجرح كبير والثقه ما بينا اتهزت ودي اول مشكله بينا كمان ومش هعرف ادخل حد ومش عارفه اعمل ايه.
هنا بتفهم :انا فهماكي والله.. َ...بس مش هينفع انكوا تفضلوا ساكتين انتوا الاتنين لازم واحد فيكوا يتكلم وهو موقف حساس برضه ولازم تعذرين يا سلمى هو الوقتي في حاله صدمه ما يمكن هو مش مكدبك بس مصدوم من ال حصل وانك ليه تخبي عليه.....
سلمي :يعني اعمل ايه دلوقتي يا هنا.
هنا :ابدأي انتي معاه الأول وكلميه

#روايه أحببت ابنه عمي بقلم منه سمير
في شركات الحديدي
السكرتيره بلخبطه في الكلام :جااسر بيه... الحكومه برا وجايه تقبض ع البشمهندس كريم
جااسر وكريم :نعم؟؟
جاسر بحده :ازاي يعني الكلام دا تقبض عليه بتهمه ايه
الضابط :انا اسف جدا يا بشمهندس دي أوامر ولا ننفذها
جاسر بحده اكبر وبصوت جهوري :أوامر اي يا بتاع انت دا انا تليفون واحد واوديكوا كلكوا ورااا الشمس  انتوا متعرفوش دا مين دا كريم المنياوي
الضابط :مافيش داعي للكلام دا يا جاسر بيه انا هنا بعمل شغلي وبس
كريم بشك :شغلك! تمام.... معاك اذن النيابه
الضابط برسميه :ايواا معايا اتفضل
كريم /لا دا تخليه معاك تبله وتشرب ميته
كان لسه جاسر هيتكلم ولكن قاطعه كريم :خلاص يا جاسر  انا هروح بنفسي هناك
جاسر بغضب :تروح فين انت كمان انت اتجننت يا كريم
قرب كريم من الضابط :هروح اشرف ع الشغل ال بتاعه والاوامر ال واخده بالقبض عليا.... مش كدا يا حضره الضابط ولا ايه.... مش اوامر برضه
الضابط بتوتر :تقصد ايه
راقب جاسر تصرفات كريم كويس اوي وتكلم بصوته الجهوري :يعني حضرتك تأخد شله المرعبين الثلاثه دي وتتفضلوا برا وكريم بيه هيجي بنفسه الرائد حسام ال ماسك القضيه عارف الكلام دا
الضابط بغيط :تمام
في الخارج كان يقف كالثعبان يبخ سم ع من حوله ولكن عفوا فهووو يقصد شخص َواحد فقط ولكن لا مااانع من أن يبخ هذا السم ع من حوله ويساعد هذا الشخص فهو يقف ويعيق طريقه ال شق الكثير والكثير لأجله....... فكان يتلوي ويكز ع أسنانه وفكه بغضب ويقبض ع يده بعنف وتحدث من بين أسنانه بكره وغل /طول عمرك بتسبقني بخطوه يا ابن المنياوي لكن المره الجايه هتكون القااضيه!!(مين دا واي هدفه وشايل الكره والغل دا كله لمين واي علاقته بابطالنا شكله هيكون كارثه من ضمن الكوارث ال هتحصل 😁توقعاتكوا👇😀♥️)
#روايه أحببت ابنه عمي بقلم الكاتبه منه سمير
انتتت ليه حبتني ع مال وشي كدا في ايه
فيه ان معدتش وقت خااااص ولازم ننفذ عليه ال اتفقنا عليه في أقرب وقت.
في حاجه جديده حصلت ولا ايه
في حاجات كتيره.... مش حاجه واحده في جرابات تهديد بتجيبي علطول وال حصل زمان هيحصل تاني ودلوقتي ومش بأيدينا حاجه نعملها والخساير هتبقى الضعف
قصدك ايه
لازم سلمي وجاسر يتجوزا في أقرب وقت
في المستشفى
اللواء سليم الأنصاري/هاا ردك علينا ايه يا بطل
إياد بصدمه /حضرتك بتتكلم بجد يا فندم
اومأ له براسه مؤكدا انه لا يوجد أحد مناسب لتلك المهمه الصعبه غيره
إياد بفرحه /موافق طبعا.... حضرتك عارف ان دا كان حلمي من زمان واكيد فرحان اني هحقفه
اللواء /وانا وااثق انك قد المنصب ال احنا حطيناك فيه......
دلوقتي انت هتخرج من هنا بكرا وترتاح فتره في البيت كل التفاصيل هعرفها انهارده لان صعب اني اظهرلك  تاني بعد كدا انت ال هتجيلي وانا هتواصل معاك وهعرفك ازاي
طبعا انت عارف قبل ما تتولى المنصب دا في مهمات لازم تجتازها الأول المهمات كلها بنفس درجه الصعوبه ومحتاجه دقه عاليه جدآ.... مؤخرا اكتشفنا خيانه من بينا خيانه عسكريه حد من جواا المؤسسه التابعه لينا بيسرب اخبارنا كان السبب في موت المايو من ضحايا المهمات منهم المهمه ال انت جاي منها
إياد بصدمه :ايه
اللواء :التفاصيل بالظبط هتكون موجوده معاك بكرا ال اقدر اعرفهولك حاليا ان المكان دا مش امان عشان كدا انت محطوط تحت المراقبه لحد ما تخرج
نرجع تاني لشركات الحديدي
فون جاسر كل شويه عمال يرن وهو يفصل عليه يفصل عليه
كريم بغضب :ماترد يا عم ع ام الزفت دا صدعتني
نظر اليه جاسر بغضب ايضااا
كريم :خلاص اعمله سايلنت.... انت الخسران والله
جاسر :خلينا نتزفت ال في ايدينا دا نخلصه الأول عشان بعدها رايحين قسم الشرطه
قضوا مع بعض وقت طويل ومرهق جدا في الشركه والشغل وراحوا القسم وكريم رفع دعوى ضد اهل محمد واخد براءه من الدعوه ال اتوجههت ضده وطلب بتعويض مادي َومعنوي
وروحوا كل َواحد ع بيتهم كانوا منهكين من التعب
في صباح اليوم التالي
استيقظت سلمي وهي مقرره في نفسها انها هتروح لجاسر انهارده الشركه
ركبت تاكسي وصلها لحد الشركه
طلعت الدور ال فيه مكتب جاسر اول ما وصلت السكرتيره عرفتها ورحبت بيها وقالتها انه عنده اجتماع اول ما يخلص هتدخله علطول
قعدت برا تستناه لما يخلص الاجتماع
في الوقت دا كان مازن جه لان جاله خبر ان جاسر وافق ع توظيغيه شرط يفضل تخت التدريب شهرين
كان واقف بيشرح لاحد الموظفات شيء مااا ولم ينتبه فصدم في سلمي
مازن باسف :اناا اسف جدا يا انسه
سلمي :ولا يهمك محصلش حاجه
مازن بتشبه :هو انا شوفتك قبل كدا
سلمي باستغراب :معتقدتش عن اذنك.
كان خلص جاسر الاجتماع وراح ع مكتبه بلغت السكرتيره سلمي  بكدا وقلتله انها هتدخله هي مبتغلهوش
في مكتب جاسر دخلت سلمي لاقيته واقف بيتكلم في الفون مع بنت وعطيالها ضهره وبيضحك معاها
فاشتاظت غضبا من داخلها ولكنها اخدت نفس انا جايه اصالحه مش جايه اتخانق
جاسر
التفتت جاسر ع مصدر صوتها ثم أغلق الخط مع من كان يهاتفها : باي يا دارين الوقتي 
استغرب جاسر جيتها لعنده ع الشركه فهو عارف انها بتتكسف جدا ومش جريئه ابدا في الكلام وانها مش بتعرف تبرر كمان...... لللحظهههه معنى كدا انه مصدقها مش مكذبهاااا ولا ايييه.؟؟
جاسر :ايه ال جابك هنا
سلمي :مش بترد عليا ليه
جاسر :مش فاضي
سلمي :والله مهو باين من ضحكك الوقتي ع الفون مع دارين
جاسر :انا اعمل ال انا عاوزه براحتي وتفضلي ع البيت دلوقتي لان مش فاضي قولت
سلمي :وحضرتك هتفضي  امتا
جاسر :لما أفضى هبقي اكلمك
سلمي :لما تفضي ابقي تكلمني؟!،.... جاسر انا مش هعرف اكمل كدا ومش من اول مشكله يحصل كدا
جاسر :ومين قالك انك تكملي... متكمليش يا سلمي!
🙂😂يا ابن اللظينه
#"انتهى البارت
#روايه أحببت ابنه عمي بقلم منه سمير