‎امــرأة الرجـــل الشــــرقي (باللـــهجـة الجـــزائريـــة)

02

            امرأة الرجل الشرقي ❤️2

نهار جديد واحداث جديدة صونا راڤاي 6 تع صبح ناض السلطان اليوم شوي مميز لأن راح يزور جمعية خيرية تع سرطان بالسبيطار اللي تحت رعايتوا طل من تاقة يوم شرقت كي العادة دوش باردة بدل لبس كوسيم نوار شوميز بيضا بلا كرافاط ماشي من نوع اللي يحبهم
خرج رايح للشركة قابلاتو امندا تتمايل ماتشعفش بنت هادي
(بالايطالية)
-  امندا :صباح الخير سيدي

- ادم : هممم واش عندي يوم

- امندا : برك اجتماع على 15 دقيقة

- ادم :صحا جيبيلي قهوة

خرجت خمس دقايق ولات علابالها بلي سيدها مايحبش واحد يتعطلوا على قهوتو لحق وقت الاجتماع كالعادة صفقة كانت بيدو 
(بالايطالية)
- فابريغاس: شكرا على قبول الصفقة يشرفني اني نخدم معاك فهاد العمل

- ادم: احنا الإثنين مستفدين فيها والذراري صغار ثاني
الصفقة هي يبنو مدرسة للذراري صغار فالريف لأن الاولاد تم صعيب عليهم يروحو يقرو ويمشو كيلومترات باش يوصلو  الصفقة مربوحة ، وقت باش يروح للسبيطار

- ادم : كملي الملفات اللي كاينين فوق بيرو غدوة نسحقهم ونراجعهم

- امندا : حاضر

خرج بلا مايزيد هدرة معاها ركب طوموبيل كي وصل لقى الياس يستناه قدام دخلة

- الياس: واش حبي صاڤا

- ادم : بيان وانت

- الياس : كي راك مليح راني ترِي بيان حبي

- ادم : ايا بركانا متمسخير تاعك

- الياس: هههه ماقلت والوا شبيك كاش جديد

- ادم : نن كي العادة وانت

- الياس: كيف كيف خالتك عيطتلي قاتلي جيبلي عروسة

- ادم : ايه جيبلها عروسة

- الياس : جيبها نتا 

- ادم : نورمالمون خالتي قالت الياس ماشي ادم

- الياس : واش حسباتلها ارواح ولقى عروسة

- ادم : خليها هيا تلقالك بنت بلاد بنت فاميليا بالاك يهديك ربي

- الياس: حكيتلك باش تزيد عليا ياك راك معايا ولا معاها

- ادم : ههههه معاك معاك

- الياس : على حساب واش راني نشوف معاها

- ادم : خلاص اسكت لحقنا

اللي كاين هنا هم ذراري عمرهم مايخطاش 15 سنة
كامل يحبو ادم مع ان هو مايبينش مشاعرو مي يكفي انوا يقدرهم ومايخليهومش بين هادوك ذراري كاينة وحدة اللي ادم مقربة منو بزاف جوري في عمرها 5 سنين ، ادم كي كمل مع ذراري حوس عليها قالولو باي راهي تلبس بسك ماشي بزاف ملي كملت دوا تاعها

جوري: ادم ادم ادم

ادم: عنقها كي راهي شابة

جوري : مليحة مي راني زعفانة عليك

ادم : قعد وحطها في حجرو وعلاه شابة راهي زعفانة

جوري: علاش ماجيتش كامل شفتني وماجبتليش حلوى

ادم : راني جيت يوم وجبتلك حلوى اللي تحبي مزالك زعفانة

جوري هزت راسها بلالا وعنقتو  ادم تبسم ولف يديه عليها

ادم : وجعك دواء يوم

جوري : هممم بزاف

ادم : يوم اخر يوم دواء هاداك مايزيدش يوجعك

جوري : صح

ادم : ههه صح

ادم بوڤ
واش ذنبها هاد صغيرة باش تعاني هاكدا. وقت باش ترقد بسك عيات يوم وقت ليا باش نروح

الياس: ادم داين روحو

ادم : وي نتا تجي ولا تقعد

الياس: مازال عندي شوي شغل

ادم : ايا صحا تهلى

الياس: سوق بلعقل مام سي علابالي كلامي راح مع الريح

ادم : كي علابالك علاه تضل تعاود فالهدرة

الياس: الله يهديك ابري يديك

ادم : ماتخافش نكركرك معايا ههه عزراين قالي مانقبلكش اذا ماكانش معاك خوك

الياس: اسمع لعشيا نجي نتعشا عندك دارلو اوك بيدو

ادم خرج من سبيطار راح باركينج وين كاين طونوبيل تاعوا فتح باب جا يدخل حتى يبس في بلاصتوا شافها من بعيد كانت تمشي وساكتة يديها مور ظهرها كي شغل ماراهيش كامل معاهم ادم موالف بالبنات دايمن يتلاحوا عليه (من الجمال يا عزيزي 😂)
شافها غابت على عينواعاود غلق باب و تبعها فضول تاعوا اتجاهها ماكانش عادي بالنسبة ليه بسك اول من جنس حواء تلفت نظر قلبو
ادم بوف

- ادم:شكون هادي وانا علاه راني نتبع فيهم جا رايح يولي ابري فال طفلة هادي ماهيش كيما باقي بنات محال لوكان كيما هوما منشوفش فيها شكون قال ادم يتبع طفلة تمسخير
كمل يتبع فيهم ويشوف الاختلاف اللي كاين بينها وبين بنات اللي معاها هيا مبعدة عليهم
•
•
•
•
نهرب خير اوواه باي😀 ان شاء الله برك يعجبكم بسك مترددة فالبارت