‎امــرأة الرجـــل الشــــرقي (باللـــهجـة الجـــزائريـــة)

25

امراة الرجل الشرقي ❤️25

ثلاث شهور فاتو دخل ربيع لينا حبطت لدزاير باش تحضر خطبة رشا والمرة هادي قالت لأدم ماتريسكيش بعد خطبة رشا دالتها بصح تفاهمو بيناتهم واحد ماقالها موكتا هيا كي بهلولة فالوسط

لينا : رشااااا و رشااااا تع زمر

رشا: واشبي مك وشن

لينا : وين راه كاوكاو

رشا: واش راح ديري بيه

لينا : للبقلاوة

رشا: قوليلي راح طيبي

لينا : لا لا

رشا : مالا علاه راكي تحوسي على كاوكاو

لينا : ماني قاتلي

رشا: لسقيها في ماني

لينا : والله

رشا : ماتحلفيش

لينا : زمر

رشا: نوضي تشري

لينا : وشن

رشا: ماكاش كاوكاو

لينا : دك

رشا : ايه دك نوضي

لينا : عجزت والله بعثي كاش واحد

رشا : نوضي نوضي جايبتها غير ماكلة رقاد

لينا : تخرجيني غير على كاوكاو

رشا : واقيل نعيط لأدم

لينا : نوض نلبس

رشا: مليح ... راحت

لينا : ااوف سلكت سينون يقابلني ملك الموت انا مازالني
صغيرة مازال ماعشت الشباب

رشات كوزينة : اهاااااي

لينا : ايه ايه رانيا نايضة تابعوك الارهاب ملور ولا وشن
جات خارجة فتحت باب لقات خالتها نورة وبناتها توام قمرة
وشمس قدامها

لينا: قمووورة وشموس جيتو ... عنقاتهم ودخلت

نورة : بت معاك ياك

لينا : خالتو ساڤا سلمت عليها دارت للبنات قعدت معاهم للصالون حتى جات لعندها رشا

رشا: مازال مارحتي

لينا : اا .. هممم جيت رايحة شفت قمرة وشمس نسيت روحي دك روح ناضت جات خارجة ثاني قابلوها ولاد خالتها اوس امير سيف اللي سلمت عليهم ثاني دخلت معاهم