‎امــرأة الرجـــل الشــــرقي (باللـــهجـة الجـــزائريـــة)

22

امراة الرجل الشرقي ❤️22

يوم مور يوم فاتت سمانة و رانيا علا حساب شوفات مش ناوية تطلق ادم من جيهة لينا اللي ولات مهووسة بأدم وهو نفس شي لينا من نوع البنات اللي اذا حبو كاش واحد مايطلقوهش بصح اذا شافو شوي عيب منو في حقهم مايترددوش دقيقة باش يخرجوه من حياتهم

ناضت لينا كان البرد مطر رعد فاقت تخمم فهدرة رشا على رانيا اللي سمانة وهيا تسيي تقرب لأدم ايا قالت نروح عندو للخدمة اليوم اذا لقيتها ربي يدير تاويل
ناضت غسلت بدلت وراحت لعندو شركة ساعة تع طريق مع بيس ميترو لحقت قدام الشركة ايا جات تقدم تقطع طريق شافت طونوبيل تاعو حبست وخرج هو وراح فتح باب لرانيا
لينا : ما هذا يا هذا ؟ مالذي تراه عيناي ...لا مانظلموش خير نسمع من عندو بالاخير بنت عمو عادي ايه ههه ... تصبر في روحها ديجا هيا كانت شاكة سمانة كاملة زاد كمل عليها دخلت للشركة شافت جرنان محطوط عالدخلة اللي يدخل يرفد باش يشوف اخبار واخبار الشركة وكذا هيا ما شافتش واش كاين داخل
(بالايطالية )

لينا : مرحبا

امندا: مرحبا نساعدك بحاجة

لينا : حبيت نشوف مدير

امندا : عندك موعد

لينا : هههه نن انا ...

امندا : سمحيلي منقدرش نقاطعو وهو قال حد مايديرونجيني مع خطيبتي

لينا : باردون واقيل ماسمعتش مليح خطيبتو ؟

امندا : وي هادي اربع ايام ملي اننشر خبار خطبة رجل
الاعمال ادم الحمداني ببنت عمو راهم كامل فالجرنان
لينا من الشوك جاها تبهليل : قووولي والله ماتمسخريس رفدت اشوف جرنان اللي كان في يدها ...صافي خطب و انا وين راه محلي من الاعراب

امندا : علاه نتي شكون ؟

لينا : اللي كنت راح نكون خطيبتو هههههههه تعمرو عينيها دموع شادتهم برك ... المهم كي يمكل قوليلو لينا كانت هنا وكلشي مبروك .... خرجت تزرب في مشيتها ادم ادم ادم العبد الوحيد اللي ماستناتش جي من عندو ضربة بعدت على شركة وماقدرتش تشد قعدت تبكي عيطت لإلياس

الياس: الو لينوش

لينا تشهق : كنت علابالك

الياس ناض من كرسي : واش كاين واش بيك

لينا تعيط: كنت علابالك

الياس: واش علابالي

لينا : هههههههه خطبة صاحبك العزيز مع بنت عمو ڤرلو محروق