‎امــرأة الرجـــل الشــــرقي (باللـــهجـة الجـــزائريـــة)

07

            امرأة الرجل الشرقي ❤️7

ادم بوڤ

كي خرجت من الخدمة عيطلتها شكراتني على كي خرجتها وكنت سير ولا وجها حمر من الحشمة هههههه الطفلة هادي اللي جيب موتي قاتلي وين راهي رحت ليها دين ر* راهي 18سنة وراهي هاكدا لوكان تكبر اواه ماتخرجتش عليا المهم هدرت معا يماها قلتلها ندي بنتك لعشيا نردهالك ونسيبتي كي تفهمني قاتلي اديها نرتاح شوي هههه ايا ديتها معايا ركبنا سقساتني وين رانا رايحين شفت فيها ومارديتش وهي تاني فهمت روحها مازادتش فالكلام حتى ماقدرت حبست طونوبيل بلاصة فارغة ريحتها رهجتني كان تواصل بالعين حتى حشمت دورت راسها راني شاد روحي برك هبطت من طوموبيل
حتى تبعتني

- لينا:ادم ساڤا

- ادم:(يتمتم)علاه اللي يشوفك يبقا مليح

- لينا شافت فيه قلت حاجا

- ادم:لالا جيست حكمتني سخانة داخل هايا نروحوا

- لينا:هههه بصح وين ماقلتليش

- ادم:وين حبيتي

- لينا:والله ماعالابالي ماشي موالفا نخرج

صونا تيليفون تع ادم ورفد

- ادم:وي

- الياس:حبيبي وينك ؟

- ادم:بديننا ب**** تاعك

- الياس :لالا خلاص نزعق برك كيفاه كي راك

- ادم:احمم الحمد الله

- الياس :شكون راهو معاك راك تخون فيا... ماتقوليش مدام

- ادم:همممم

- الياس :المهم راني فدار عشيا مالا

- ادم:صحا

كوبا او دار ليها يشوف فيها عينيها الكبار ولونهم اللي بين الازرق والاخضر حتى قالها

- ادم:نروحوا نقضوا شويا وتطلعوا لدار وانا نعرفك على خويا

- لينا:خوك ؟

- ادم:همممم بالاك صح ماشي خويا بالدم بصح راهو كثر من اخ عندي

- لينا :الله يطول العشرة بيناتكم

- ادم:نشاء الله

راحوا قضاو ويقصروا وادم اول مرة يفتح روحو لشخص وخاصة مع طفلة حتى الياس اللي راح صديق عمره نصدم بسك جامي كان مع طفلة  كيما راه معا لينا
وصلوا للدار صراحة كلمة دار متناسبش نقولوا فيلا على شكل قلعة صغيرة لينا قعدت تحت الصدمة لأنوا الدار هادي كانت دايماً تفوت حداها وحتى انها عندها فوتو تاعها داخل تيليفون

- لينا:ادم هادي دارك

- ادم:وي علاه

- لينا:نن جيست كل خطوة عاد نفوت من هنا ونشوف فيها

- ادم:ههه تقول حسيتي بلي يجي نهار تدخليها عليا ندخلو درك

دخلوا كانت باردة ضو طافي ادم عيط الياس ماريبونداش
عيطلوا فالتيليفون

- ادم :وين راك

- الياس:راني غير هنا منعطلش نولي

- ادم:ايا صاحا بسك لينا راهي هنا

- الياس:اووووو منعطلش نتعرف على زوجة اخي المستقبلية

- ادم:ايه ايه ارواح ابري ساهل و اسمع تبهليل تاعك قولو
مايجيش كي تروح بغا يولي ماكاش مشكل

الياس: ماتقلقش

ادم دار لعندها قالها ميعطلش يجي

لينا :نحط هادوا فالكوزينا وين جايا

ادم:ارواحي

دخلوا الكوزينة رتبت الصوالح بغات تدير حاجا قاتلوا

- لينا:ادم

- ادم:هممم

- لينا:نسينا طوماطيش 

- ادم:نروح نشريها او نولي صحا ياك نورمال تقعدي وحدك

- لينا:ههه نورمال مارانيش صغيرة

- ادم:صحا مانعطلش
-
هو خرج من هيا ناضت من راح شعلت كامل الضوء وزادت شوفاج 

لينا:وتمتم دار راهي كي قطب شكالي ماعلاباليش كيفاه يعيشو هاكدا و ولات الكوزينة دير عشا ،ادم رجع الدار والبرد برا هو دخل حتى شم ريحة ثوم وصوص تعمر دار ودافية وضو شاعل حس بالشي اللي فقدوا من يوم موت يماه دخل الكوزينة لقاها تطيب قعد يشوف فيها دارت على غفلة وعيطت

لينا:اااععع خلعتني  اوف قريب حبس قلبي

ادم:هههههه

لينا:راك تضحك لوكان عالاقل درت حس ماشي كيما سراقين
ادم شاف فيها وطلع حاجبوا

لينا:اااه قصدي اا لا والوا

ادم ضحك عليها كي شافتوا ضحك تبعاتوا ......
•
•
•
•
استناو نبكي شوية 😭...... مهم هاد كرو ولا فكرة هادي يوم عندها عام كامل ملي بديت نكتب فيها قصة من بداية. تاعها صح ،حكاية سبيطار ، بصح باقي من عندي من بعد ماخرجت من سبيطار حبستها منبعد قررت نعاود نولي ليها بعد تفكير كبير خاطر اول اعمالي
انا جزائرية بصح عايشة فبلاد اوربية ماشي ايطاليا اخترتها بسك نحبها 💕 مهم بيزو 😘