‎امــرأة الرجـــل الشــــرقي (باللـــهجـة الجـــزائريـــة)

04

          امرأة الرجل الشرقي ❤️4

ادم سيا يرقد ماقدرش حتى وصلت ربعة تاع صبح داتو عينو فطن 6 تع صبح وقت خدمة ماعلابالوش كيفاه راح يخدم اذا يقعد يخمم غير فيها
كي العادة ناض دوش بالماء بارد لبس كوستيم كحل (عدو البنات 🖤😂) مونتوا طويل كحل بسك البرد وقت الشتاء رفد مفتاحو وخرج ركب طونوبيل وديمارا ديركت شركة تاعوا
وصل شركة مورال مقلب مع صباح ربي دخل بيرو تاعوا ودخلت موراه سكرتيرة تاعوا
(بالايطالية)

- امندا : صباح الخير سيدي

- ادم:جدول اليوم وشنوا

- امندا: عندك موعد مع سيد برڤنزا على 12 فالمطعم واجتماع على 15:00 مع السفارة الايطالية

- ادم: الغي موعد مع سفارة الايطالية

- امندا: بصح ...

- ادم:الغي و برا ولبسة هادي ماقالوليش بلي شركتي ولات كاباري

هي خرجت وراسها فالارض من الحشمة والياس دخل بلا طبطيب (العادة متوارثة بيناتهم)

- الياس:وش الزين سافا وش بيها هادي اللي خرجت

- ادم : سافا بيان او انا وش دخلني في ربها

- الياس: خير وش كاين علابالك بلي ماتقدرش تخبي عليا غير قول ،فتح باب عيطلها لأمندا

الياس: امندا ،باربي بلاستيك جيبيلي قهوة فيها ثلاثة سكر
- ادم : والوا برك طفلة مولات 18 سنة داتلي عقلي غير هيا في راسي

- الياس: مافهمتش،بغيت تقول بلي طفلة تع 18سنة ذوبت هاداك كونجيلاتور اللي عندك لا ماكانش منها راح تتمسخر حنا سنين نسيو نحيو لابريز باش يديكونجلا ماقدرناش جات برهوشة ذوباتو بابابا خخخخخ

- ادم:كونجيلاتور ؟؟ ديجا من موكتاه انا نتمسخر قالها بغياكسيون تع سيريو

- الياس: ايا تع صح ،بغيت نشوفها مام انا

- ادم:15:30 عندي رونديفو معاها هي ماعلابالهاش

- الياس:وش نقولك نشاء الله تفريها وبالاك تراتيها بسك ادا قدرت تذوب هاداك كونجيلاتور اللي عندك تقدر دير كلش وعلاش قتلي فوت

- ادم:والو جيست بغيت نشوفك

- الياس : اويي بغيت تغرم ثار صحا معليش ا سي الحمداني ،قهوة ولات بنينة عندكم

ادم: انا اللي راني نخلصها بيان سيور بنينة

الياس: شوف اسيدي زعما مفتخر